Khap & Ka (Telford Plaza 1)

九龍灣想泰國野，泰廚房子係個唔錯嘅選擇。呢間餐廳之前都有光顧過，但都係放假下午茶時間，都覺得幾抵食。今晚平日黎晚飯，估唔到都咁多人。餐廳位於德福廣場出面平台位置，餐廳環境舒適，燈光柔和。🔸️泰風味手撕脆皮雞 (半隻)  好推介大家試下呢個手撕脆皮雞，真係做到皮脆肉嫩。撕開脆皮雞，入面好多肉汁。菜色提供兩款醬汁，香辣帶微酸，令人回味無窮。  手撕咗雞髀出嚟，食落真係啖啖肉。🔸️經典肉碎生菜包  $72食泰國菜必點生菜包，肉碎帶點香辣而且鹹香入味，配上爽脆生菜，口感清新又滿足。 🔸️KK手打蝦餅  $78蝦餅食到鮮甜蝦味，但略嫌唔夠彈牙。🔸️泰式炒鮮蝦金邊粉  $98金邊粉份量幾多，蝦肉大大隻，鮮甜彈牙。視乎個人口味，可混入旁邊辣粉和青檸，增加層次，刺激味蕾。 🔸️芒果糯米飯  $45呢度嘅芒果糯米飯做得同樣出色，都推介試試。糯米細膩黏口，芒果超甜多汁，搭配椰奶濃郁滋味。 🔸️凍泰式奶茶  $22  🔸️凍金桔青檸  $14泰式奶茶奶味濃厚醇香，甜度適中。金桔青檸酸甜清新，帶微微果香，超解膩。…Read More

今日約了朋友去德福廣場的泰廚房子吃晚飯，我們七點來到餐廳時已經快坐滿人。餐廳環境舒適，設有卡位，侍應有禮貌。「水晶晶」蒜香豬手豬手份量非常多，起骨切片，再淋上自家製的蒜蓉，令豬手味道昇華。入口感覺不油膩，想不斷再吃。除了豬手，還有配上泰式酸辣汁、腰果、青木瓜沙律、中華沙律，每一款和豬手作配搭一起吃都是別有風味。泰式鮮蝦炒金邊粉炒金邊粉賣相非常吸引，用金黃色嘅蛋網包住金邊粉，打卡一流。金邊粉上面的大蝦爽滑彈牙，蛋網包住金邊粉一起吃，味道層次豐富。如果喜歡吃辣可以加上辣椒碎，香辣美味。金邊粉本身味道不會太濃，加上蝦乾一起炒，鹹香的蝦乾成了最好的調味料。沙嗲串燒 半打（雞/牛 雙拼）剛燒好的串燒上菜時非常香，表面燒至微焦，肉質嫩滑，不會柴。淋上沙嗲汁是另一種風味，沙嗲有少少辣，令串燒更香更惹味。經典肉碎生菜包肉碎用香料炒香，味道微辣，肉汁多。用生菜包住一起吃兩者配合得很好，又惹味又清爽的感覺。泰式甜品拼盤拼盤有椰汁千層糕，椰汁西米糕，玫瑰花千層糕各兩件。糕點甜度剛好，煙煙韌韌。泰式奶茶泰式奶茶奶滑茶香，口感絲滑，茶底香醇，不會太甜。青檸梳打青檸梳打糖漿另外上，可按口味自由添加，解渴之選。…Read More

今晚去德福食飯，呢間泰國餐廳都幾多人，差唔多全場坐滿晒，因為價錢幾抵食，份量又多，味道唔錯👍 手打蝦餅 $78熱辣辣炸起，蝦肉彈牙結實👍經典肉碎生菜包 $72 份量都幾大，生菜夠爽甜，調味帶少少甜辣，食落有少少鹹香味，肉汁鎖住喺餡料入邊！水晶晶蒜香豬手 $138 估唔到份量係咁大！而且仲有好多秘製蒜蓉喺面，識落同豬手味道幾夾，另外旁邊仲有兩個醬汁可以點上，其中有一個醬汁幾開胃，酸酸地，仲有木瓜沙律、腰果等等前菜！ 泰式炒鮮蝦金邊粉 $98 用蛋皮包上，份量一如既往大大碟，鮮蝦彈牙！芒果糯米飯 $45 最後梗係要食埋個甜品，芒果又係大大嚿，鮮甜，好滿足🤣 跟餐包埋飲品，叫咗泰式奶茶同埋熱金桔青檸，味道正常～ 野食份量都幾多，可以一大班人share，性價比高👍…Read More

今次來到德福廣場搵食，喺平台嘅位置經過見到呢間隱藏於角落嘅泰菜！餐廳環境充滿泰式風情，店員服務熱情！未夠7pm已經全場滿座，睇來呢間隱世小店深受附近嘅街坊歡迎～✨清邁鐵板蠔仔蛋蛋入邊有勁多粒蠔仔肉，仲加入咗爽脆嘅洋蔥，係一個口感豐富嘅蠔餅～✨香辣肉碎煎蛋飯不嬲都好中意泰式香辣肉碎，加入咗羅勒葉同豆角粒粒令到豬肉嘅鮮甜味更加突出，味道香香辣辣，令人忍唔住食晒成個飯～✨沙嗲串燒叫咗雞肉同埋牛肉兩溝！雞肉串微焦勁juicy！牛肉串亦同樣鮮嫩！將串燒點埋沙嗲醬一齊食，味道一流～✨經典肉碎生菜包將酸酸辣辣嘅肉碎夾喺清脆嘅生菜裡面一齊食，唔單止口感充滿層次感，仲令人好開胃～✨芒果糯米飯鮮甜嘅芒果加埋淋滿椰漿嘅糯米飯，味道非常經典～✨凍 泰式奶茶紅茶嘅茶香同埋煉奶嘅香甜互相平衡，甜度剛剛好～✨椰乳雪糕紅豆冰係一杯每一啖都散發着濃郁椰香嘅紅豆冰，最頂層仲有椰子雪糕～…Read More

最近去完泰國都仲心掛掛想食泰國菜，於是放工同男朋友周圍去無意中發現德褔有間泰國菜裝修得幾特別，所以就決定入去試下！泰國菜都係離不開個幾樣，我地依舊係簡左1)冬蔭公湯(小)好多泰國餐廳既冬蔭公湯都一係偏酸(蕃茄味重d)一係就偏椰奶味重d但呢間既冬蔭公湯就味道岩岩好，酸得黎又帶點椰奶味 唔會偏向左單方面配料方面好足料，蝦亦好新鮮大隻！最緊要係無蝦腸，值得加分2)泰式炒椰菜苗曾經聽過一個泰國人話椰菜苗多數都只會係泰國餐廳先有所以每次食泰國菜都一定會叫！泰式炒菜不嬲都好香！有時真係可以炒碟菜就送一碗飯haha3)泰式青咖喱+白飯今次試左佢個咖喱都幾好食，送飯好好食！而且雞肉都好滑身！4)酸辣鳳爪沙律呢樣簡直係開胃菜，基本上每餐都會點酸酸辣辣，食完真係會好開胃！5)經典肉碎生菜包去過泰國先發現原來泰國唔會用生菜包住肉碎咁食，淨係會炒肉碎所以翻到黎香港心掛掛好想食生菜包，哈哈！生菜配肉碎一向都係絕配既～～肉碎炒得夠乾身，又夠香！6)飲品方面就叫左凍泰式奶茶同芒果沙冰泰式奶茶又係泰國菜既特色，中意飲奶茶既可以一試！芒果沙冰就好甜，同其他既分別不大…Read More