三餐冰室

難得幾個朋友放下假，可以lunch + Tea 慢慢嘆！#鐵板夏威夷雞扒餐 嫩滑雞扒皮香肉嫩，仲有新鮮菠蘿送口，減低油膩感。#經典焗豬扒飯 炒飯底夠乾身！配上面既鮮蕃茄，茄醬同半溶芝士，加上醃得入味又鬆化既豬扒，呢種美味你係要親身體驗先至會知！#咖哩薯仔牛腩飯 馬來西亞咖哩口味 椰香味重又夠辣 超好送飯❤️ 牛腩牛筋入味夠稔，我唔好食飯都忍唔住食曬👍🏻跟餐配 #羅宋湯 唔係又濃郁飲到個咀紅曬果種，真係自己煲加上新鮮牛腩，清清地微酸👍🏻#奶茶紅豆冰 超級驚喜！因為我本身係咖啡狂，但原來綿綿紅豆加茶香奶滑既奶茶係咁好飲既😻救命呀！我諗我會上癮囉🙈#檸檬可樂煲薑 有點感冒飲真心一流！薑切成條狀夠辣夠多，仲有兩大片檸檬🍋酸甜辣剛剛好👍🏻坐到有 #下午茶時段 又想試下經典小食！#椰香紅豆冰 試，就試埋港式冰室一定有既野！紅豆係一樣綿一樣既甜度，但加上濃厚既椰汁🥥即刻成件事唔同左！比起奶茶底，椰汁底椰香味升級甜度升級！好甜或者小朋友一定係至愛！#法蘭西多士 除左沾上厚蛋漿炸脆左既麵包同內裏既粗粒花生醬之外，最令我驚喜反而係佢地用既糖漿，只有微微既甜味唔會 「妹仔大個主人婆」，落多少少都唔怕！#沙爹牛肉三明治烘底 沙爹牛肉麵我食得多，原來做三明治🥪係咁惹味！當你以為整到上黎件厚多士都應該濕曬淋曬，點知食到最尾仍然脆口，就知因為個沙爹牛肉係一d都唔馬虎！我2點後先到，避左人地午飯時間，然後睇住6點開始就慢慢多人，個舖位唔係係人流極旺既地段，但呢個質素絕對可以一去再去！！…Read More

打算到香港歴史博物館看展覽，午餐就在附近解決吧。這店的名字簡單卻貼地，入口處的懷舊鐵皮信箱、西瓜波波燈及霓虹燈箱招牌，一派的時下懷舊風。老闆的家人在沙田瀝源邨經營茶餐廳已幾十年，將那陣舊時味延續下去，便是他開設這餐室之目的。店子的入座率高，好在進出量也高，不多久便有位了。這裡前身是一間日式烘焙咖啡店，在2018年尾結業後，搖身一變成為一間「屋邨茶餐廳」。一二三、三二一、一二三四五六七、二三四、四三二、四五六七八九十！午餐有多種選擇，聽說每隔兩星期便會轉換一次，啱晒貪新鮮嘅香港人啦。另有多款推介，相信不難找到合心水的吧？胡椒豬肚鷄湯飯($55)～淡淡的胡椒香，暖身又暖胃，胃寒者吃尤佳。豬肚腍中帶爽，加埋雞湯便成了美味的組合，是這裡人氣項目之一。經典焗豬扒飯($72)～這是我的兒時回憶，猶記小時候去吃西餐，總喜歡點這一味；這裡保留了當年的味道，大大件豬扒，焗得入味，炒飯底乾身香囗，加上濃濃的熱溶芝士，所有回憶也好像一下子回來了。西多士～太太喜歡原始味道(沒有餡醬)，特地一問，侍應說無問題，這才是待客之道嘛。厚切麵包外層煎得香脆，塗上牛油及蜜糖，邪惡之極，得立刻將它收進五臟廟才是正理。凍檸檬西洋菜蜜(跟餐加$6，正價$23)～西洋菜蜜與檸檬的結合原來好鬼正，既清甜又解喝。奶茶紅豆冰(跟餐加$12，正價$28)～坊間較少見，當然要試試；茶味不太高，奶味較重，紅豆大而軟糯，可以一喝。價值相宜，水準不錯，下次可試其它推介。三餐冰室地址: 尖沙咀漆咸道南115號達成商業大廈地下電話: 21309302…Read More

上次送老婆返興趣班前，一齊去食咗餐簡單嘅泰國菜，今晚，同樣送佢返學，但就再簡簡單單食茶記，因為佢晌漆咸圍工聯會上堂，街口就有家茶記「三餐冰室」。雖然話喺茶記咋，但依家啲茶記出品都好有水準架，而且，勝在選擇多，又平靚正，喺唔少人一日三餐嘅選擇，當然，今次喺小弟第一次到訪「三餐」。呢一家茶記，就明顯大玩懷舊，由入門口刻，到室內各處，都放咗好多港人集體回憶嘅擺設，如西瓜波做嘅吊燈啦、舊式鋅鐵信箱、天花板畫有跳飛機圖案啦，統統都喺打卡位。整體室內環境光猛，兩側都喺落地大玻璃，座位又無一般茶記安排得咁逼，所以，空間感可算充足。見個主餐牌背頁同有一幅牆畫都喺一樣，問個究竟，原來堅喺沙田瀝源邨嘅一個場景。主餐牌比較簡精，一張A4紙就印晒出嚟，睇得出店主喺想貴精不貴多，其實，尤其新開嘅餐廳，做好啲出品，慢慢先再加新嘢都未遲。而食物嘅類別包括三餐常餐、三餐焗飯、馬來咖喱、鐵板扒餐4大類別。此外，牆上仲掛有三餐推介，相信呢幾款都喺店家嘅特別招牌菜式，大致上大部份嘢定價都唔算貴。基本上，所有嘢都以套餐形式供應，故已包餐飲，可選擇加$6-$12轉要其他飲品。而點鐵板扒餐，就多奉送餐湯，點海南雞飯嘅話，就多包一客中湯。至於飲品，就印晌枱上，已列明散點及餐飲轉配價。基本餐具、調味料都早已放晌枱上，自由取用。午餐肉粒羅宋湯通粉 $46老婆就較喜歡濕濕哋嘅菜式，又比較鍾意飲湯，呢個羅宋湯通粉就最啱佢，雖然佢偏素唔太食肉，啲午餐肉粒就由小弟處決。嘩！個通粉成鍋咁上，都幾大份量吓，個湯夠晒濃郁，既有蕃茄酸香，又帶點醒神嘅辣勁，有種越食越開胃嘅感覺，啲通粉又無話煮過籠，整體確喺唔錯。經典焗豬扒飯 $72焗豬呢款焗飯，相信喺唔少人嘅至愛，小弟都喜歡食。碟焗豬熱辣熨手，先試試啲飯，炒飯底，飯粒爽身分明；面頭嘅蕃茄醬，酸香鮮活，搭埋半溶嘅芝士，味道調校得啱啱好；豬扒就唔喺一大塊過，缺點就喺無咁有睇頭，但好處就唔使切咁麻煩，醃得入味，肉質都頗鬆化，整體確喺有水準嘅焗豬。熱檸水、奶茶紅豆冰 +$12（單點價$28）老婆清清哋要熱檸水就唔多講，小弟就一次過滿足兩個願望，就喺奶茶及紅豆冰，上次晌深水埗嘅「雪山冰廳」親友已經讚呢款新特飲，今次就輪到我試試。茶記沖嘅奶茶一向都唔差得去邊，而「三餐」嘅茶底唔錯，夠晒香，又唔會過甜，兼且勁多紅豆，煲得夠綿，又飽滿清甜。每個月第一個星期日都會出開嚟呢頭，下次有機會就試吓佢哋啲午餐先，因為，佢個三餐三蛋飯同招牌牛魔王焗飯似乎幾有賣點。…Read More

今晚和愛人路過上址，原先那日式麵包咖啡店結業了，發現轉了一間冰室，貼著紅紙，還未正式啓業，可是見到內裡也有客人，原來已經試業，反正與愛人晚餐揾食，一於入內試試。進入食店，三餐冰室，還有一排信箱，相當可愛。由於是星期一晚，而且試業，店內未算太多食客。看店內的裝修，在細節位，看到冰室是模仿當年屋邨的風格。看見員工的 T Shirt 就明白三餐冰室的理念是⋯⋯三餐有你，盡顯心思。天花還印著兒時跳飛機的玩意⋯⋯打看餐牌，簡單清楚，分別有四大項目:常餐、焗飯、咖哩和扒餐。紅豆冰(餐加$9)~用餐加$9 便可改為紅豆冰，筆者要求少甜，味道恰到好處。餐包~少少燶邊，暖暖的，正合心意。忌廉粟米湯~湯面上帶點點牛油，碎碎的磨菇粟米，冰室餐湯上等級數。經典焗豬扒飯$72~芝士面吸引，粒粒炒飯，炒得乾爽，配上辣椒汁，味道一讚。唯豬扒雖腍但不帶一點肉味。鐵板招牌牛柳餐$128~點餐時，店員竟問要幾成熟？冰室竟有如此服務，筆者於是答五成⋯⋯差點想說 Medium Rare 冰室吃扒餐，就是喜歡用餐巾遮擋着，看著店員為自己落那醬汁，咋咋聲，十分過癮，點點的童年回憶在腦海浮現出來。…Read More