Yat Gor Dim Sum

><比較鍾意去點心鋪食 茶樓雖然多選擇d環境嘈吵 未能靜心細嘗春風得意腸($33)原隻蝦燒賣($28)薑汁千層糕($17)黑松露鮮蝦餃($30)龍蝦湯鮮竹卷($28)一哥流沙包($24)XO醬菜苗餃($28)日式翡翠豆腐($27)白灼靚菜心($17)香煎菜肉包($24)原籠鹹魚肉餅飯($35)紫薯流沙煎堆仔($28)><><><><><><><><><><><><><><一哥點心 Yat Gor Dim Sum元朗教育路89號鴻發大廈地舖…Read More

今日去左元朗教育路戈邊搵野食，呢幾日多左吾少價錢經濟又新式既點心店，黎左呢間系因為某個好出名既艾豬用戶推介，相信質素有保證。環境吾大，不過枱同枱之間既距離算遠，確保有充足既私人空間對一間食店黎講絕對系一個優勢。金錢肚大大舊咁，再加上超多既沙嗲汁，味道十分濃郁，汁吾會好稀系潔潔地，拿捏得幾好，金錢肚有咬口，吾會系硬掘掘。芝士蝦春卷系今餐既主角，6大件勁多芝士既春卷，好邪惡呀，不得不提既一定系個芝士拉絲既長度可以去到最少一把間尺既長度😱入面既蝦亦幾新鮮。紫薯流沙煎堆仔，講真，真系冇乜紫薯味，不過煎堆既脆同埋入面流心既奶皇系好吸引不禁影一影個特寫。帶點期待既小籠包就似乎爭啲喇，個皮好似微波爐岩岩叮完出黎咁入面既湯亦吾多⋯⋯味道就還可以吧。…Read More

元朗，就是一個美食集中地。而教育路附件就是其中一個美食總匯。幫襯果日其實都係開左幾天，未出名所以輕易有位入去。叫左幾樣點心，真係寫完後我都驚比人睇到多左人去攪到自己想再食要等位呀南乳蒸豬手軟淋淋，南乳汁唔會太咸。黑豚肉脆脆豬造型可愛的咸水角。所謂色香味。外表吸引都好重要，咬下肉不老。有新鮮感。一帆風順煎窩貼造型出色，我極愛食窩貼，小心咬下入邊熱呼呼的肉汁傷口，最好等一等。汁和肉在口中呼嘯地迴盪。紫薯流沙煎堆仔這個真的是這間店必必必食之選。皮脆紫薯味濃，入邊的確是流沙黎。千其咪浪費小心吃。味道一流，最好等佢冇咁熱時一次過放晒入口咬爆佢。流沙和皮混和實大呼爽YY千島醬脆皮蘿蔔糕不會一夾就散，上邊除左千島醬仲有柴魚片，講真只係少少變化和配搭，就已經能創新。…Read More

下午2點幾, 未食晏, 一家4口,途經元朗, 見新開張一哥點心, 入去試試, 前面約有4-5 人, 等了約10分鐘,算快.入面裝修光猛, 環境清潔, 冷氣適中.點了春風得意腸, 腸粉皮夠薄且滑.大蝦燒賣即叫即蒸, 因出面的通常大而無味, 所以以為一樣, 竟然蝦大而有蝦味!小朋友想食馬友肉餅飯, 本來只想試一"盅", 驚食唔晒, 點知自己劃錯"籠", 錯有錯著下, 又俾我哋食晒!(平時兩個小朋友唔係食好多)隔離枱夫婦有叫呢樣, 都話米飯最呃唔到小朋友, 如果唔好食, 佢唔會食得多.最出色的, 本人認為, 莫過於日式翡翠豆腐, 淡綠色的豆腐, 嫩滑又清新!老公最喜歡甜品, 當然點了紫薯流沙煎堆仔, 熱騰騰的, 一流!唯一美中不足的是,可能因為新閧張, 嗰個招牌黑豚肉脆脆猪, 竟然賣晒!仲有, 見隔離枱想影張相介紹俾朋友, 但係張點心紙無地址同電話, 要再問老闆攞咭片先有. 如果印喺點心紙會方便D.以上都係小問題, 希望佢慢慢改善就Perfect!!!最重要係價錢相宜, 2 大人2小童, 埋單2百幾!以後去到元朗又一打蠆處!…Read More