一哥點心 (Closed)

呢間點心其實都算好食點心都係，即叫即整價錢就中等啦叫咗8樣嘢，兩個人埋單二百零蚊佢都有啲特色點心例如係春風得意卷炸蘿蔔糕 上面有啲木魚 同埋沙律醬 紅油抄手都唔係間間有呢幾樣好，可惜都係執咗

平時叫開一哥外賣。貪佢味道都算ok,同埋有哂我鍾意食嘅款。我一直幫親左好一段時間，整體都叫正常。其實上次食鵪鶉燒賣個皮隻隻有黑點。我都算，無食皮。諗住係一次半次。再叫多次食下啦！點知….今次真係好失望。唔會再食佢。佢個外賣盒夾到個包甘都算流沙包唔流沙同埋食落個蛋黃味食落去好怪…同平時唔同…唔知係變左定係….而我最鍾意春風得意仲衰….個春風得意裡面炸燶左….食落陣陣燶味。呢個係我最鍾意食佢嘅點心之一。唉愈來愈差。好難食。真係無下次喇….88一哥

一直都有食開一哥點心堂食今日年初一見有親戚黎屋企，諗住外賣一哥點心俾佢哋試吓，順便推介下我於11:49am 經openrice落單，12:20pm餐廳聲稱可取餐，到餐廳後一位店員客氣表示差幾款點心尚未做好，要我再等等我理解年初一多人落order，所以表示無問題，便在店外等候一直等到12:50pm，已經落單一個小時，仍未有外賣於是再詢問收銀機另一位金髮職員該職員開頭表示我的訂單尚差幾款點心，要我再等等由於親戚在家等候，我表示希望取消未做好的幾款點心，只要做好的點心，務求盡快回家招呼親戚該職員開頭支吾以對，不回答未做好的點心的確實數量支吾幾句後甚至不耐煩，以極差態度回答「你前面仲有幾張單未蒸起，你慢慢等啦！」我問該職員既然未蒸，可否取消訂單該職員再以極差態度點答「唔可以喎，你經openrice訂，我哋唔會退錢，你自己搵openrice處理」但事實根本係餐廳在未做起點心時就為方便按了「可取餐」，我根本無法選擇「取消訂單」而在我等候期間，堂食的排隊隊伍已清空了兩輪以上我後來走入餐廳負責外賣的位置查看，發現我的單號T0003未做起，但後面的T0005、T0006甚至其他更後的單（包括網上外賣平台

一哥點心去過好多次，每次都會帶唔同朋友去食，無論同老人家定係後生仔，佢哋都覺得質素比好多酒樓好，點心特別又好味。價錢雖然比一般酒樓貴少少，但絕對值得，以點心黎講係中上水平。點心湯蒸飯全日供應，想飲夜茶都冇問題呀👍🏼暫時食過都冇咩唔太好食😋

店員黑面， 落錯單， 又冇禮貌！ 送來的食物 竟然有頭髮在上面， 可惜太快给店員馬上拿走，未有影相， 冇下次再幫襯！ 又不容許兩個小朋友玩弄兩張點心紙！小朋友 只是在點心紙上 扮落單， 寫下數字， 也要責罵

實在太失望啦。係咪師傅跳槽過檔啦。排骨蒸陳村粉根本就係排骨蒸腸粉 貨不對版。黑金流沙包一啲都唔流沙 啲皮厚到呢 唔知道點樣講 睇圖炸春捲同以前根本🈚️🉐️比灌湯小籠包一啲湯都🈚️ 而且有啲怪味唉 叫左8樣嘢 🈚️一樣好味之前成日去幫親 真係好失望呀

元朗好多間食點心嘅餐廳，當中亦不乏新派點心，甚至係有燉湯提供嘅餐廳。今日就試下呢間係朗屏嘅一哥點心，睇下味道係咪真係一哥級數！🔹XO醬菜苗餃：個餃皮好煙韌，又唔會太厚，咬落有少少彈牙有𡁻頭，非常唔錯。加埋菜苗解嫩，帶點小清新。加上蝦肉有啲蒜香同XO醬味，香濃味衝擊住味蕾，十分開胃惹味👍🏾 🔹叉燒包：個叉燒包醬同叉燒都夠肉香味，醬汁唔會太甜，岩岩好。但蒸包過程中，蒸氣可能太多，包皮有啲濕淋淋，呢樣爭少少。🔹鳳爪排骨飯：製作需時，大概由落單到上枱，差唔多成三十分鐘。排骨唔會太肥，而有啲油香，鳳爪夠淋身，都係細個嘅味道。但飯就比較淋同濕，亦都無乜荷葉味，比較普通。㊙️ XO醬菜苗餃值得一試（我爭啲要當場encore)

末試過叫外賣一次過有三款點心出問題,打去同佢講還同我講昨日先入貨唔會有問題,講多陣就話叫我下次再叫時換番三款同價錢食物,講真我真係唔會有下次啦!我問可否退返錢,佢話因為openrice收錢所以無得退!

椅背好直，坐落唔舒服，好彩另一邊係有梳化位，不過就難為坐硬櫈嘅朋友茶用茶包，味道偏淡。$3位唔貴，當飲水啦😆鳳爪排骨飯$38個蒸飯望落雖然好大份但飯多餸少，豉油無味，排骨同埋鳳爪味道都偏淡。姫松茸燉雞湯個湯夠熱，加$27換，比其他點心舖嘅份量少。鹹水角$21煎炸野等得比較耐，超過半個鐘先起好。鹹水角熱嘅，始終都炸咗半個鐘，啲皮非常之厚，食落似係翻炸嘅，好痴牙。$21唔抵食。總結：性價比偏低，唔會再幫襯

🥢一哥點心 （Yat Gor Dim Sum)-元朗店小店點心🥟蒸籠仔荷葉飯 （鳳爪排骨）$38價錢係合理 佢唔係純蒸飯佢用左荷葉底蒸飯唔重荷葉味但係有荷葉香 值得讚嘅係 佢啲排骨真係啖啖肉 唔係肥膏大骨🍤春風得意腸 好鐘意食呢種入面包住脆春卷嘅腸粉呢間點心都係即叫即整嚟到係好熱 好脆 入面啲下都好爽個腸粉皮唔會好厚層次好豐富不過係油左少少🫔 鮮蝦腐皮卷同樣嚟到你睇得出佢係新鮮炸唔係擺咗喺度一陣好脆 蝦好彈牙 料好足🥟 其他點心 蒸點心蒸得過左火不過都不過不失唔會係中伏餐廳 🛎價錢唔算貴 $3一位茶錢 無加一叫做夜晚都可以嘆吓茶喉嚨C伏指數/yummy:👅👅👅👅👅👅/10🛺 小店形式經營 ，坐係會比較近適合四人飲茶。有兩間分店，地址如下📫: Yuen long 元朗教育路89號鴻發大廈地舖☎️: 27801388📫: 大壩街 荃灣荃灣大壩街5-7號仁蕙苑地下1號舖☎️:65853111

一直都知元朗多野食, 小店多, 而間一哥點心就正正開係”東哥點心”對面, 2間都各有粉絲, 雖然唔係開起大馬路兩側, 但都多街坊幫襯, 入到去, 位置係好十分之窄, 台與台之間好近, 就利要貼著咁制, 咁岩我地好不幸, 隔離個台客聲音十分之大, 嘈到就算我地面對面都要用wts溝通。千島醬脆皮蘿蔔糕 ($28)好有創意, 反傳統蘿蔔糕造法, 冇認到千島醬同蘿蔔糕都幾夾, 加上面頭有木魚片, 好有日式感, 幾好食。麻辣抄手 ($24)有麻香味, 辣味唔會十分之搶, 屬於有後勁個種, 有個皮太厚了, 肉既質感都好奇怪, 好似魚蛋咁, 而個下次應該都唔會再嗌。春風得意腸 ($33)好味, 油炸鬼包住啲蝦膠, 上面仲有啲蟹籽, 但可能我地2個人叫多左, 食到第二舊已經食唔落。一哥流沙包 ($23)普通, 冇咩流沙效果, 已經冇咩咸蛋黃味。鮮蝦餃 ($29)正正常常, 同普通酒樓差不多

唔怕得罪都要講句 未食過咁難食既點心 地方已經細 食足全程都無冷氣 無比點心紙 要問先比都算 筆又無 又要叫先比 落order等左一陣 先黎炸雲吞同春風得意腸 雲吞ok可接受 腸粉無味就算加左豉油都一樣 之後再黎蝦餃 個皮蒸到爛晒 一夾就散 小籠包皮厚 無特別 食完這些都未黎蘿蔔糕 同春卷 叫取消先黎 另外服務真係好差 未食完就收野 已經地方細 點心籠疊住個阿姐仲好意思話我地唔提佢 籠下面仲有點心 自己做得唔好仲賴客 另外茶無味同飲滾水無分別 雖然茶價$3唔好咁高要求 但真係完全無茶味春卷好難食 用雜果整 個唔知咩味道 好怪 最後仲聽到個阿姐比錯點心隔離枱都可以話個客自己唔出聲 真係無言 無下次

靚靚點心，好多點心做得好出聲的。我哋來了好多次了，保持到水準每次必叫：最愛紫薯流沙煎堆仔，無得輸！春風得意腸粉內的油條是脆脆的，好快俾我哋食清光。茶錢$3位：超低啦，又唔收加一，去好多大型酒樓，起碼收你$10-15/一位，又計加一。所以我會在這茶館叫多個點心，以示支持，（其實為食為實😅）服務態度：整體是滿意的，殷勤

可能太耐冇去行街街，今日過左元朗行下！經過教育路，見到一哥點心，好耐沒有來這間點心了！今日一度發現好多嘢唔同咗。。。。多咗好多新嘅菜式，而且d點心亦比以前更精緻同特別！！今日叫咗一碟牛肉腸，鮮蝦腐皮卷和小籠包！仲有其他少少🤏點心。。。。先講個小籠包一口咬落去既時候，勁多汁，d肉汁係口入面包住我條舌！然後，那個牛肉腸比起之前，更加滑，更加薄！最特別的，那個心形🧡的鮮蝦腐皮卷！好特別，我覺得打卡，真係一流！而且，我仲覺得d點心冇以前咁重味精，食得健康好多。。。。。。

今日去左元朗一哥點心食晏，真心覺得幾好，我都係朋友介紹我先去試下。去到員工就好熱情咁歡迎我哋☺️香港而家有幾多間餐廳可以做到呢☺️☺️我哋叫咗嗰度嘅招牌菜:春風得意腸,龍蝦湯鮮竹卷,3.6牛乳奶凍太陽蛋，千島汁脆皮蘿蔔糕。今次重點推介個春風得意腸真係好得意佢係一塊晶瑩剔透既腸粉皮包住類似春卷既野上面重有蟹子添，口感好特別得離又幾好食。其次係千島汁脆皮蘿蔔糕，蘿蔔糕拎嚟炸又係一件好特別嘅事再加埋啲酸酸嘅千島醬真係好開胃。佢哋將普通嘅點心加入左其他唔同嘅元素變成新類型嘅點心創意大膽而且得出嚟個結果仲好好添，大家真係不妨一試價錢都好親民，快啲去懲罰