Green Entrance

今日嚟到葵興KCC揾食！之前有朋友食過推介我去,所以一直係我嘅收藏名單中,咁啱今晚要去葵涌就順路試下。📌手工海南雞飯呢個係餐廳嘅皇牌,上枱個樣真係整得超級似,我即刻就捉住職員問其 實係咩嚟？原來雞皮係用蝦餃皮加黃薑汁造成，外貌同口感都極似真雞皮！雞肉係腐皮層層疊，質地好實淨，不過無咩味，要靠三種醬汁調下味。配黃薑飯好香濃，唔係用一般油飯，好有誠意😍📌素乳豬拼桂花叉燒配白飯桂花叉燒外貌又係勁似,本身係用麵筋做,叉燒醬汁甜甜地,素乳豬更加有驚喜,乳豬個皮脆卜卜,內層軟嫩,配埋乳豬醬，超讚！📌素三文魚刺身三片係用蒟蒻造所以口感都幾彈牙,似模似樣嘅外表仲跟埋豉油同芥末,幾特別嘅感覺📌沙嗲牛肉串外貌似牛舌,醬汁微辣📌日式燒鰻魚外貌就冇咁似,用腐皮造成,口感香脆有層次📌炸素蠔仲有得金黃酥脆,香口惹味📌香菇素湯晚餐附送,有幾片香菇味道都幾濃郁,如果大碗啲會再開心啲😅我地6:00前食可以免加一,叫咗咁多嘢都唔過300蚊,真係又抵又驚喜,打破咗素食係清淡嘅刻版印象。…查看更多

🍱 入素拼盤（$72）拼盤有2條炸春卷、2件素樂雞，牛肉同雞肉串燒各2串，份量唔少；素樂雞食落味道同真嘅好似，最驚喜係牛肉串同雞肉串，兩者都係用大豆蛋白整成，口感同肉好似，沙嗲醬食落仲有好香果仁味🐖 素乳豬拼桂花叉燒配白飯套餐（$96）素乳豬係用素腐皮卷好再煎炸，面頭酥脆完美還原乳豬脆皮質感；素叉燒係用麵筋整成，帶點燶邊，厚身，用嚟送飯一流，佢地嘅白飯仲加左燕麥系面；仲送咗碗好香菇菌味嘅素湯🍔 沙嗲牛肉漢堡（$68）沙嗲牛肉配漢堡包呢個配搭好新鮮而且佢係全素；漢堡包好鬆軟，中間夾有滿滿嘅素沙嗲牛肉，蕃茄同生菜；仲有炸薯條同地瓜條，如果佢哋再炸得香脆啲就prefect 💚 話梅涼瓜（+$22）涼瓜粉量都唔少，有成6條，第一啖食落去會先食到話梅嘅酸甜味，涼瓜嘅苦味慢慢滲出，最後食到回甘，味道層次豐富🍋‍🟩 青檸百香果（凍）（$15）☕️ 凍烏龍茶✨ 餐廳主要用左小清新嘅裝潢，店員會主動同客人推介有乜嘢好嘢，呢個價錢有咁樣嘅食物份量仲要以素食嚟講好抵食，以後同素食朋友食飯又可以多個選擇…查看更多