父親節，家中長輩不想如往日一般食自助餐，便挑選了哩間位於尖沙咀既金牛苑。門口有代客泊車，入去有樓梯往上下層，上層有吧檯，而下層較近toilet。入去員工比較忙，未能好即時咁招呼我地。環境大致寬倘，幾整潔。我地八個人，叫既菜式就比較多。嗌左一個蟹肉牛油果沙律，佢口感幾豐富，有薯仔同青瓜，整體感覺清爽。分量以呢個價錢略嫌有啲少。我地又嗌左半隻南乳燒雞。燒雞皮脆肉嫩，唔會話街邊燒雞咁乾柴，非常嫩滑。個南乳醬就增添不少風味，幾好食！令人意外既就係佢摞金針菜墊底，啲金針菜唔會好似一般咁煮得酸，個汁好入味。法式牛柳粒幾有驚喜，調味恰到好處，口感嫩滑。入味幾足，very good！黃金軟殼蟹不錯，蟹肉鮮嫩，油炸鹹蛋黃外殼足味而不膩，鹹蛋黃味相當之好食。XO醬蝦球就意料之外地辣，但整體不錯。焗南瓜海鮮飯就南瓜味濃郁，口感creamy，非常好食!海鮮分量算不錯，相當之推薦！鰻魚金粟炒飯，炒飯粒粒分明，粟米令整體炒飯較為清新，都係相當之推薦。鰻魚調味不錯，整體幾好食。紅酒燴牛尾，整體調味不錯。牛尾軟嫩入味，ok既。雪花炸香蕉，啲香蕉比較軟爛，有啲略嫌甜過頭，有進步空間。總括而言，哩間金牛苑整體食物不錯，服務有進步空間而價錢略為昂貴；平時唔會食但有事慶祝食下都無妨。…Read More
朋友仔請食飯😘佢話俾我揸主意💕我就揀咗歷史悠久嘅金牛苑越南菜。1.南乳燒雞
皮脆肉嫩（其實本人係對南乳不太喜好的）不過真心覺得呢個秘制南乳醬，好味道😋😋大師級水準2.紅酒燴牛尾牛尾都幾重牛味，不俗，美中不足之處，牛尾應該煮久一點，因為都有好幾件，黐住啲骨比較難食入口3.招牌焗蟹蓋蟹蓋裏面釀咗好多蟹肉配上洋蔥粒同埋菇,好豐富呢，食落有少少辣辣地幾開胃4.黑松露野菌鮮帶子大大隻嘅野菌配上鮮帶子，一上枱就飄著黑松露嘅味道
我本身好鍾意食菇所以好快就食晒啦，帶子八成熟，又夠厚肉口鮮嫩正5.拉椰糕口感軟糯，椰味香濃
