Bun Kee restaurant

天氣突然急降，凍左好多，係時候食返啲暖胃食物。餐廳招牌好大好sharp，諗唔到食乜就入左去試。原來730前埋單有88折，仲可以提早wtsapp book位。叫左個羊腩煲再加少少配料，羊腩煲都幾大盤，有好多肉同腐竹，味道濃香，食完個人即刻暖左。另外叫左份響鈴，係即炸所以特別脆。就算已經食飽都係會食埋甜品，最尾叫左個紅糖糍粑，好鍾意食啲煙韌食物。份量比想像中多，炸到香脆，加埋適量糖係面，味道清甜但唔會過甜。…查看更多

朋友新居入伙 帶我地食好野! 開左地鐵站之後都未黎過白灼八爪魚粒白灼好講求原汁原味同食材既新鮮度! 話就話白灼 但其實佢有撈秘製醬汁 口感嫩脆爽口涼拌木耳食個開胃小食先😋 酸酸甜甜咁 仲有少少辣油 清脆又爽口!泡椒鳳爪又係一道新津開胃嘅小菜 皮韌肉香 酸辣爽口!!重慶雞煲甜辣兼備 香味夠曬突出 醬汁一絕😆 包裹住每一塊雞肉～ 愈食愈惹味 趁住雞肉嫩滑時要快啲食曬佢😄紅糖糍粑層次感豐富既糍粑應該係唔少人必點小食之一 入口時有啲酥脆 然後食到糍粑本身嘅軟糯Q彈 最後會感受到濃郁既紅糖同米香味融合 !…查看更多

今日朋友帶咗我嚟呢間喺土瓜灣嘅品記鮮粉人家私房菜館，WhatsApp訂座好方便。朋友推介古法羊腩煲，其實我平時唔係太食羊肉，怕佢陣羶味，但係呢個汁煮得好出色，所以我都食咗好幾件，最鍾意就係佢啲支竹，索晒啲汁好好味。之後打邊爐就點咗手切本地牛肉，分量超多，鋪滿隻碟之餘仲會疊咗幾層，靚雪花又有肉味，正！手打蝦滑都好彈牙，入面仲混有一粒粒嘅蝦肉。白灼八爪魚粒又係值得推介嘅菜式，撈咗秘製醬汁，再加啲芫荽，送酒一流。夫妻肺片同樣惹味。生菜都好新鮮，配羊腩煲嘅汁真係正到不得了。最後就點個紅糖糍粑做甜品，雖然呢度唔係做川菜，不過味道同樣出色。原來呢度7:30前埋單有八八折，唔怪得朋友咁早拉我過嚟啦。…查看更多

幾條友到土瓜灣賀朋友新居入伙，無理由搞亂個新廚房，叫主人家帶我們出去食飯。只見他拎起電話㩒兩㩒就說搞掂，原來可以Whatsapp訂座，咁都幾方便。5點去到餐廳已見到有不少客人，有大牌檔的風格，但光猛乾淨，氣氛相當熱鬧。我哋個個都飲啤酒，於是叫咗兩款涼拌小食送酒，涼拌海蜇頭爽脆，絕味雞腳夠惹味。之後叫了烤魚、香脆炸墨魚春卷和檸檬豬手，全都是適合送飯和送酒的小菜。這餐廳的師傅調味幾夠料，全都香口夠味，屋企真係煮唔到。到差不多食完時，主人家望下隻錶，話可以叫多個甜品。原來7:30前埋單88折，唔怪得要望錶。紅糖糍粑，我第一次食，外脆內軟，煙韌甜蜜，幾得意。幾個朋友食下飲下，今餐食得好開心。…查看更多

我承認我好懶惰😂 打邊爐湯底真係好緊要，一個靚嘅湯底，食咩都會好食啲😳 所以我打邊爐都要叫外賣，同埋最緊要唔洗洗嘢🫣 胡椒豬肚煲，自己真係冇咩可能煲到呢個水準，配埋炸魚皮、肥牛、珊瑚蚌呢啲吸湯嘅嘢真係100分😳 嗰肥牛係你街市好難買到嘅質素😚 必吃啊‼️打邊爐要嗌啲香口嘢，椒鹽豆腐及紅糖糍粑，傾住計食都真係一流💓 重點推介係紅糖糍粑‼️ 做出外脆內軟的糍粑非常不容易，仲要送到嚟都仲脆真係好就技巧💓疫情緩和返啲去試下堂食😳 7:30前埋單有88折，仲要可以WhatsApp訂枱😍 …查看更多

📍品記鮮粉人家私房菜館📮土瓜灣浙江街18號利·港灣18 1樓.自從開左土瓜站之後, 過黎搵食都方便啲, 由港鐵站行去品記大約5分鐘左右, 尚算方便.品記有雞煲, 酸菜魚, 豬骨煲, 水煮牛, 火鍋, 亦有小炒系列任君選擇, 實有一樣岩你口味.炸雞皮餃子 HKD88即叫即炸, 脆卜卜勁香口老壇酸菜魚 HKD168主菜揀左店員推介既老壇酸菜魚🐟湯底濃濃魚湯味, 加埋酸菜, 辣椒, 芫茜, 令湯底層次更豐富, 魚片鮮甜嫩滑, 而且無骨, 岩晒啲唔識食魚又怕骨既寶寶手切本地肥牛 HKD288肥瘦均勻, 厚薄適中, 肉味香濃, 而且份量都好足料紅糖糍粑 HKD68糍粑係中國的民間傳統食品之一, 因為甜甜地既關係多數人會用黎做甜品😋糍粑有香濃嘅糯米味, 質地軟糯Q彈, 配埋紅糖同熟黃豆粉, 食完辣野食就最好不過@bun_kee_restaurant…查看更多