Kyukyoku Do (Circle Tower)

早排出咗銅鑼灣食廚師發板，今日又再過嚟銅鑼灣食日本嘢，不過，簡簡單單同朋友上居酒屋「究極堂」食個丼飯午餐而已。朋友話炮台山都有分店，至於呢家銅鑼灣分店小弟都喺第一次到訪。整個地方唔算大，但環境裝修都好居酒屋格局，環境昏昏暗暗，天花掛上好多和式燈籠，好有深夜食堂嘅感覺，近門口嘅另一邊更可以間為廂房，適合一班人搞飯局，同店員傾開，原來炮台山分店亦有廂房。基本上是日所見都坐滿人，剛好最入嘅吧枱仍有位，唔使等！午市主要喺賣套餐，慳慳哋嘅有蛋包飯、牛肉丼、烏冬……之類，豪啲嘅有刺身丼、刺身定食、壽司定食……之類，正所謂豐儉由人。此外，散點餐牌嘅食物亦會全數供應。帶子他他 $38先試試店家嘅炸物，餐牌圖文並茂，見呢一款帶子他他賣相靚仔，就揀咗佢。外層脆漿唔算厚，最緊要喺做到脆而不膩，啲帶子好鮮甜，襯埋啲他他醬，加上三文魚籽，真喺相得益彰。韓式泡菜章魚玉子燒 $78玉子燒似乎喺店家受歡迎嘅菜式，見有唔少客都有點，玉子燒可揀明太子芝士或泡菜章魚，選後者因為未試過咁嘅組合。首先蛋卷嫩滑而富濃郁蛋香，裡面捲住好多泡菜，頗為惹味，加上極具咬口嘅章魚，增加點點海鮮味道。究極丼 $208朋友話辛苦搵嚟志在食，所以，奢華少少嗌咗個「究極丼」，可惜喺海膽剛無貨，但會用番時令刺身補上。睇見份丼真喺好吸引，有帶子、三文魚籽、炙燒左口魚、油甘魚、三文魚、赤身、拖羅蓉、大赤蝦，仲搭上一隻蛋香十足嘅蘭王蛋，外觀非常吸晴。佢話啲刺身好新鮮，味道鮮甜，每款刺身都超好食，真喺無咩挑剔位，夠晒足料，物超所值。究極炎之丼 $128而小弟嘅炎之丼跟朋友嘅差唔多，當然，用料無佢嗰個咁高檔，但一啲都唔失禮，有左口魚、黑鯥、甜蝦、吞拿魚蓉、油甘同帶子，全部都炙燒過，入口帶點點焦香感，同樣食得出食材新鮮，又能一次過試到多款刺身。此外，所有定食都包埋田園沙律同麵豉湯，以一頓午餐而言，已喺豐富至極。成日都講，只要做出水準，不愁無客，兩個丼都食得出用料不賴，所以，午市基本上都可以講全場滿座！…Read More

銅鑼灣究極堂 — 刺身飯大滿足（兩人晚餐心得）今次同老婆臨時想食啲好嘢，就上到銅鑼灣永光大廈11樓嘅究極堂。店鋪環境係偏居酒屋風，入面有吧枱亦有正常坐位，燈光唔會太暗，氣氛舒服唔迫。職員態度有禮貌，落單同上菜都幾快，座位間距合適，坐大枱或者吧枱都幾自在。我哋今次叫咗兩款刺身飯同一個熱食小食，仲配咗支札幌啤酒，整體好滿足，講下細節：究極丼（海鮮滿滿） — 必試第一碗就係究極丼，刀工同配料都令人驚喜。刺身切得夠厚，肥美嘅三文魚油花靚、帶子爽甜，油甘魚同其他生魚片都新鮮無腥。最吸睛係隻生蝦，上面仲有一坨超鮮味嘅蝦膏，一咬開即時爆鮮味，口感彈牙。海膽質感細滑唔苦，配埋一堆晶瑩嘅三文魚子同滑蛋（好似係日式蛋）拌飯簡直一流。飯量同配搭比例好，唔會淨係食到飯又唔夠料。整體我會畀個十分——出色嘅海味同視覺。究極炎之丼（火炙風味） — 香口有層次第二碗係火炙系列，師傅用火槍輕輕燒過刺身表面，帶出香氣同油脂味，配上店家特製醬汁，味道層次豐富。海鮮口感仍然保持鮮嫩，特別係蝦同三文魚，火香令整碗更有「食落去好有層次感」嘅感覺。細細缺點係如果鐘意食冷刺身嘅人可能會覺得火炙味重啲，但我哋就超鍾意。廣島蠔薯蓉（熱辣即上） — 驚喜小食另外嗌咗個廣島蠔薯蓉，上檯係熱辣辣嘅鐵板／小鑊，薯蓉香滑帶芝士，蠔夠鮮味同份量足，啱晒兩個人share。熱食同刺身成為好好嘅冷熱對比，配埋啤酒真係幾過癮。飲品同服務我哋叫咗支Sapporo啤酒，冰凍杯配生食／火炙飯真係match到爆。服務方面幾貼心，落單後菜上得快，店內環境企理。價錢究極丼 HK$218、究極炎之丼 HK$138、廣島蠔薯蓉 HK$108、Sapporo 334ml HK$48，連加一後兩個人食完大概 HK$563。以質素來講我覺得係值得。總結（值得再去）- 優點：刺身新鮮、切片夠厚、海膽／蝦膏／三文魚子表現好；火炙款有誠意；熱小食即場上味道好；環境舒服服務體貼。 - 建議：如果想食更平靜嘅氣氛可以避開繁忙時間、部分人可能會覺得火炙味偏重。 我同老婆都好滿意，決定下次再返嚟encore其他熟食同炸物。總體推薦比鍾意高質刺身飯、想試多款海鮮配搭嘅朋友。…Read More

難得平日可以同屋企人午餐，想搵間有lunch set 嘅日本餐廳試下。見到究極堂係OpenRice 有好多好評，就去試吓啦。我哋4大2小，叫左4份午市定食，都包埋麵豉湯、沙律，亦都可以用優惠價加購魚生、小食。………………………………………………火炙壽司拼盤配烏冬 ⭐️⭐️⭐️⭐️有鰻魚、三文魚、帶子、蝦、左口魚邊等等嘅火炙壽司，味道正常。烏冬軟硬程度適中，味道正常。芝心吉列豬排蛋包飯 （咖哩汁） ⭐️⭐️⭐️蛋包飯個蛋好嫩滑，日式咖哩嚟講依個咖哩汁算偏辣，吉列豬排就麻麻地，整體味道一般。漢堡扒蛋包飯 （番茄汁） ⭐️⭐️⭐️蛋包飯個蛋好嫩滑，但係漢堡扒就好乾，整體味道一般。究極炎之丼⭐️⭐️⭐️配料有火炙過嘅帶子、蝦、左口魚邊、油甘魚、吞拿魚蓉等，飯底加咗醋同埋少許嘅飯素。面頭仲有一層奶白色嘅醬，食落似蒜蓉醬，另外亦都有一啲炸蒜粒。其實頭幾啖幾好味，不過食多幾啖就開始覺得，好似成個丼飯都係同一隻醬嘅味道，而且仲蓋過魚生本身嘅鮮味。越食越覺得麻麻哋。三文魚（2片） ⭐️⭐️⭐️⭐️優惠價$16 加購左2片三文魚刺生，幾肥美新鮮，性價比唔錯。………………………………………………究極堂嘅午市定食其實價錢唔貴，而且魚生質素都唔錯，各樣食物賣相亦都唔錯，但係整體味道，我覺得究極堂真係只係達到”ok 啦” 嘅水平。…Read More

突然樓下見到想試。冇訂位。好彩有bar枱位。都坐得舒服。Meun好多選擇。炸雞沙律， 雞肉十分嫩滑 。炸粉香脆，配上七味粉沙律醬的洋蔥很好吃。究極炎之丼。好吸晴刺身爆滿。爆丼好吸引。一碗有8款刺身餸。仲要村料好新鮮。 蝦頭爆蝦膏。串燒牛脷配上鹽同黑椒 ，燒得好香。餐廳推介的海膽左口魚邊蝦卷。試左果然層次豐富。 幾樣材料配搭很合拍。的確好食。焦糖芝士蛋糕 。芝士香滑好creamy。 焦糖如果多d就更好。唔夠焦糖燒燶左個邊。…Read More

位於銅鑼灣中心地帶，永光中心上面有間日本餐廳，絕對是尋找美味與精緻的食客的天堂。環境佈置成日本居酒屋一樣，燈光昏暗，坐得舒服又有氣氛👍🏻塩燒白鱔🍢 $48這道菜以其鮮美的白鱔為主角，輕柔的鹽燒工藝完美保留了魚肉的鮮甜。每一口都能感受到魚肉的滑嫩與淡淡的海洋氣息，搭配旁邊的檸檬片，酸甜的滋味使整體風味更加立體。淡雪塩黑醋鵝肝多士🥪 $88這款多士可謂令人驚艷，鵝肝的絲滑與淡雪般的口感交融，加上黑醋的微酸，營造出層次分明的味覺享受。搭配金黃色的多士，絕對是酒會的絕佳開胃小品。究極炎之丼🍱 $138這道丼飯如其名，無論是在視覺上還是味覺上都令人驚艷。新鮮的海鮮與炭燒的香氣交織而成的絕妙組合，搭配特製醬汁，令人回味無窮。每一口都能感受到廚師的用心與熱情。明太子玉子燒🍳 $78玉子燒是日式料理的經典，這款明太子玉子燒更是將經典發揮到了極致，蛋液的柔嫩與明太子的鹹香相得益彰，口感豐富，既可作為主菜，也可以是極好的小食。黑松露牛油果軟殼蟹卷🍣 $118這道手卷將軟殼蟹的酥脆、牛油果的順滑以及黑松露的芳香完美融合，每一口都是奢華的享受。無論是口感還是味道，都是現代日式料理的代表。燒三文魚鮫連鰭 $78鮭魚的香氣與燒烤的焦香交織，再加上精緻的擺盤，讓這道菜充滿了視覺與味覺的享受。魚肉外脆內嫩，配上特製醬汁，讓人欲罷不能。日本雞柳配牛油果蓉🍗 $38這道菜簡單卻不失精緻，雞柳經過精心炸製，外脆內嫩，搭配香滑的牛油果蓉，相得益彰，是一個輕鬆卻不失風味的選擇。抹茶牛奶咖啡🍹 $48這杯飲品是抹茶愛好者的最佳選擇，濃郁的抹茶香氣與拿鐵的奶香交織在一起，帶來獨特的風味。無論是午后小憩還是餐後消遣，都是極佳的飲品選擇。抹茶牛奶紅豆🍹 $48這款甜品的甜度剛好，抹茶的苦與紅豆的甜相互平衡，帶給味蕾一種清新的享受。綿密的口感十分誘人，適合用作餐後的完美結尾。總結來說，這家日本餐廳不僅呈現出精緻的料理，每道菜品不僅展現了傳統的日式料理風格，同時也融入了創新的元素，讓人每一口都充滿驚喜與滿足。🌟推薦指數：7.5/10💰人均消費：$300📍地點位置：銅鑼灣登龍街28號永光中心11樓…Read More

呢間餐廳以灰色作主調並融入武士元素，主打海鮮丼、壽司刺身、和風薄餅、炸串、鐵板料理、佐酒小食等🏮💗究極炎之丼($138)丼飯選用赤醋飯，飯面舖滿火炙右口魚裙邊、油甘魚、赤蝦、帆立貝、吞拿魚蓉同蟹膏豆腐，非常豐富🍚💗黑蒜濃湯豬軟骨烏冬($78)煙韌滑溜嘅烏冬加上軟腍入味嘅豬軟骨🍜以濃厚嘅黑蒜豬骨湯底襯托，美味又飽肚🧄💗明太子芝士玉子燒($78)玉子燒鬆軟嫩滑🍳入面包住拉絲芝士，表面再加上明太子沙律醬同蟹籽🧀💗海膽右口魚邊蝦卷($78)炸蝦壽司飯卷放上油香十足嘅火炙右口魚邊🍤再加上鮮甜嘅海膽，一啖有齊多種口感🍣💗燒油甘魚鮫($98)鹽燒油甘魚鮫燒至外皮焦香，內裡魚肉嫩滑鮮味，蘸上醋汁一齊食更提鮮🐠…Read More

時代廣場對面的登龍街永光中心11樓全層日式簡潔裝潢 座位不大但枱面空間充足只得2張大枱如果多人一定要提前預留店員十分親切介紹當日最新鮮食材及特別菜單每款食物上枱亦會初步介紹 看似簡單但絕對加分價錢算係中上但材料亦相對優質新鮮特別係刺身既靈魂 唔咸豐涥既日本醬油及新鮮不嗆秋葵即使係五星級酒店既日餐都未必做到呢種精緻究極丼 $218價錢嚟講係絕對唔算平既 但各款食材的確上等主角係鮮甜既上等海膽及唔會死咸既三文魚籽加上厚切既油甘魚腩及三文魚腩 油感十足!仲有2隻處理十分得當既爆膏牡丹蝦刺身另外更有伴碟既蛋黃漬 撈埋軟熟既珍珠米真係絕配究極炎之丼 $138各款不同既火灸刺身火喉十分到位面層燒至焦香而中下層保持刺身既生感帶子、油甘魚及左口魚邊既油香逼晒出嚟燒芝士大蝦及吞拿魚蓉亦十分適合配米飯鐡板牛油帆立貝 配薯條 $884粒大大粒既帶裙邊帆立貝連埋大量芝士一齊烤焗味道偏淡及有大量既三色椒及粟米是食完主菜後十分滿足既COMFORT FOOD醬燒三文魚炸蝦卷 $58四重芝士炸蝦卷 $48兩款卷物都係以鬆脆炸蝦為基底無論係配上肥美既三文魚腩刺身或超濃厚既四重芝士都十分配合特別推薦三文魚卷同時享受外軟內脆既兩種沖擊…Read More

⌇究 極 丼“ 🎏 “ 究極丼 ( $ 2 0 8 )首先要介紹究極堂嘅招牌菜究極丼!一睇落去超級足料賣相爆燈🤩刺身有成十款咁多全部都新鮮鮮甜 包括赤蝦(重量級2大隻🦐!)油甘魚 三文魚 海膽 帆立貝 三文魚籽 蔥呑拿魚蓉 海膽 帆立貝 炙燒右口魚邊 再加上醬油漬蛋 滿足感滿滿 成為招牌菜實至名歸! 個人最喜歡三文魚籽 炙燒右口魚邊同埋葱呑拿魚蓉撈埋蛋漿口感好滿足 但又唔會覺得膩😋“ 🔥 “ 究極炎之丼 ( $ 1 2 8 )叫左另一款丼飯究極炎之丼 材料亦非常豐富 包括三文魚 帶子 赤蝦 右口魚裙邊 蟹膏醬 全部都經過火炙外面帶少少脆但入面保持鮮嫩入口即溶嘅感覺 🍣 蟹膏醬撈埋醋飯一流 刺身燒到入口即融嘅狀態 好食 但呢個飯最特別嘅地方係蟹膏醬 真係成個飯嘅亮點 撈落啲飯度一齊食 真係完全吾洗再落豉油 而且飯本身有飯素調味 味道夠曬豐富！“ 🦀 “ 溫泉蛋蟹肉沙律 ( $ 7 8 )“ 🦑 “ 炸日本魷魚鬚 ( $ 7 8 )究極丼🍥銅鑼灣登龍街28號永光中心11樓🍞#foodraah_cwb …Read More

喺銅鑼灣返工嘅你無論lunch定係dinner都有新選擇啦😆🙌🏻1. 自選刺身刺身新鮮同埋好抵食，每片三文魚都有厚度㗎😍🤍帆立貝（四件）$58💛三文魚（四切）$58🧡三文魚腩（四切）$68🤎生蠔 $582. 煙燻蒜香火灸呑拿魚 $68有冇諗過噴煙又打卡able嘅火灸呑拿魚只係$68🥹仲要有四件！配上酸酸甜甜嘅醬汁，非常開胃😋3. 究極炎之丼 $138材料非常豐富，包括三文魚、帶子、赤蝦、左口魚裙邊，刺身燒到入口即融嘅狀態，真係好滿足🥰但呢個飯最特別嘅地方係蟹膏醬！！真係成個飯嘅亮點✨撈落啲飯度一齊食，可以唔洗再落豉油🤣同埋飯本身有飯素調味～4. 韓式泡菜章魚玉子燒 $78玉子燒食落好嫩滑又濕潤，而酸酸地嘅泡菜同有咬口嘅章魚為玉子燒帶來不一樣的口感🤪…Read More

炮台山人氣日本料理餐廳「究極堂」開業不足三年已經進駐銅鑼灣，雖然銅鑼灣一帶的日式餐廳俯拾皆是，但面對云云競爭對手仍能突圍而出實在難能可貴。除了食材新鮮之外更有麻婆豆腐炸雞蛋包飯、明太子什菌地雞薄餅、韓式辣醬生赤蝦丼等多款揉合創意的料理，而定價方面都相當合理。海膽右口魚邊蝦卷 ($78)右口魚邊比常見的左口魚邊更為嫩滑，入口油潤豐腴，放上海膽相輔相成突顯鮮甜，而中間炸蝦更保持香脆。醬燒三文魚炸蝦卷 ($58)面層三文魚燒得點到為止逼出魚油，加上七味粉及醬油鹹甜惹味，炸蝦亦同樣外脆內軟。究極炎之丼 ($138)飯面舖滿三文魚、油甘魚、右口魚、赤蝦、帆立貝及蟹膏豆腐，刺身全部均新鮮厚切，尤其是右口魚經炙燒後油香四溢，魚油滲入飯底更添香氣，值得一提的是飯底用上赤醋飯味道上相對柔和豐潤。蟹皇丼 ($138)蟹皇醬澎湃滿瀉口感猶如蒸水蛋般綿密嫩滑，飯底保持粒粒煙韌分明並沒有因而變得過分濕軟，絲絲蟹肉真材實料並帶蟹膏鹹鮮香味，綴以蟹子及鱈魚乾增添脆感層次豐富。明太子芝士玉子燒 ($78)玉子燒熟度拿捏得恰到好處，有如奄列般濕潤鬆軟並帶淡淡蛋香，夾層芝士呈軟心狀再配以明太子沙律醬及蟹子實在無懈可擊。九州槍魷魚(魷魚肝醬) ($88)魷魚肉質軟腍，配以蒜蓉法包烘得焦脆更可蘸上魷魚肝醬。柑橘柚子酒 ($68)柑橘柚子酒味道如韓式柚子蜜般香甜，附上一樽富士山柚子梳打加入酒中更加清爽而容易入口。巨峰提子酒 ($65)巨峰提子酒相對而言果味較輕而酒味較烈。…Read More

之前去炮台山經過見到，一直心思思想食，點知佢最近開咗分店喺銅鑼灣，方便好多，即刻約frd去食！餐廳環境行簡潔風，西式X日式裝修，啲位都好闊落感覺好舒服～見到有間房仔，原來係VIP房，另外炮台山分店都有～店員話可以打電話嚟預先book定，比一大班frd聚會就啱晒。店員好nice好熱情，見到我哋望住menu選擇困難、一面迷惘嘅時候，主動過嚟介紹😹原來除咗menu上邊嘅，仲有兩塊黑板仔係是日精選～🌟海膽右口魚邊蝦卷 $78當蝦肉遇上左口魚，再加上新鮮的海膽，賣相絕對一百分！右口魚燒完油香味更重，配上脆卜卜炸蝦及鮮甜海膽，口感豐富滑嫩，完全明點解係餐廳嘅signature 嘢食喇🥹🥹🌟海苔墨魚他他 /紫蘇梅醬軟骨雞肉 $28🍢 日本就一定要食炸串！香港真係好少見，呢度有就試試佢！店員推介海苔墨魚他他/紫蘇梅醬軟骨雞肉炸串，鮮嫩的雞肉和香脆的軟骨完美結合，仲有墨魚都超新鮮～炸得香脆唔油膩，超啱送酒🥃🌟明太子芝士玉子燒 $78必嗌必嗌！燒得啱啱好嘅玉子燒外層鬆軟，內裡濕潤滑嫩，搭配濃郁的明太子及香濃的芝士🧀超邪惡😈😈🌟粟米天婦羅 $68粟米天婦羅係一款簡單但好味嘅送酒小食～金黃酥脆嘅天婦羅炸衣包裹粟米🌽咬落時爆出粟米嘅甜及天婦羅嘅脆，口感絕對令人驚喜。🌟究極炎之丼 $138佢絕對係刺身愛好者嘅天堂！新鮮刺身配上精心炙燒外層，散發濃郁海鮮風味及獨特炭火香氣🔥🍣🌟雪糕班戟 $128用呢個甜品嚟完結一餐簡直大滿足！班戟搽上Nutella以及花生醬，鬆軟綿密，外層仲有一塊Mochi，為整體添上一層煙韌口感；配上濃郁的雪糕和新鮮紅豆，每一啖都係絕對享受。🍹威士忌梳打 $65Highball永遠係最愛，用梳打水溝淡嘅Whiskey好正！🍹巨峰提子酒 $65入口係甜甜嘅巨峰提子乳酸，後勁有微微酒味，幾易入口～…Read More

我係一個個體，就係靠生活中遇到既經歷、一朝一夕累積經驗得而成長，而我作為一個專業既食家，橫掃全港咁多間餐廳，係龍係鳳基本上一試就真，今晚我就試唔試呢間「究極堂」有幾究極。👇🏻📌究 極 推 介 - ▪️ 究 極 炎 之 丼 - $138▫️ 第一個必食「究極炎之丼」，用赤醋飯代替平時醋飯，味道更加濃香醇厚，而且酸度適中，更加適中做丼飯。而所謂究極炎之丼顧名思義就係火炙主題啦，當中包括右口魚邊、赤蝦、三文魚蓉、油甘魚、帆立貝、蟹膏豆腐，經火槍燒過味道多左一份焦香，份外惹味，好食！📌刺 身 -▪️ 究 極 海 鮮 杯 - $98▫️ 呢個「究極海鮮杯」相當有驚喜，就咁睇賣相，唔同顏色擺埋一齊，相當吸晴，分別面頭係黑魚子，海膽，插住幾枝鱈魚乾，加埋金箔，再落就係蟹肉、吞拿魚蓉、三文魚籽、蛋白，落到底層有D橙、jelly係底，成個口感相當豐富，鍾意打卡一定要嗌！📌卷 物 - ▪️ 4重芝士炸蝦卷 - $48▫️ 卷物又係必嗌，先黎呢個「4重芝士炸蝦卷」，一入口芝士味相當突出，炸蝦夠脆口，夾雜住一塊半融芝士，混合左d蛋醬，加上面頭既明太子醬、蟹籽，成個口感都好一致，完全無違和感，▪️ 黑松露牛油果軟殼蟹卷 - $118▫️ 另一款「黑松露牛油果軟殼蟹卷」size巨型，賣相吸引，而且一碟六件，非常抵食；牛油果非常足料，而且裡面軟殼蟹好鬆脆，加埋黑松露醬，香氣四溢。📌日 式 雞 尾 酒 - ▪️ 有 氣 梅 酒 - $75▫️ 睇到menu「有氣梅酒」張圖，忍唔住嗌黎打下卡，事關隻杯夠哂靚仔之餘，粒梅大大粒，飲落酸酸甜甜，仲要有氣，極易入口，我超鍾意！…Read More

好開心究極堂又開多間分店 👏🏻炮台山 ➡️ 銅鑼灣除咗Doraya，係銅鑼灣會推嘅丼又多一間啦 💗有間性價比高嘅日本餐係銅鑼灣刺身新鮮，切得岩岩好最欣賞佢地啲丼係可以一啖肉一啖飯刺身同飯嘅比例啱啱好Weekend lunch menu 108-208 有麵豉湯同沙律𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 5點刺身拼盤 298池魚、三文魚、拖羅、虎蝦、赤貝✨ 究極丼 208✨ 山芋泥拖羅丼 138✨ 究極炎之丼 128✨ 波子汽水 跟餐加16ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 究極堂📍 11/F, Circle Tower, 28 Tang Lung St, Causeway Bay…Read More