Dào Chéng Taiwanese Restaurant (K11 Art Mall) (Closed)

招牌菜：鵝不是鴨肉，鵝油伴麵套餐配有前菜酸薑、半隻蛋、飲品及餐湯。特別的菜式名字，其實是招牌菜滷水鵝，有鵝肉及鵝片。賣相唔錯，肉質鮮嫩，肥瘦適中。麵質煙韌，有口感，鵝油拌麵極香，將鵝嘅精華滲入伴麵。稻埕牛肉麵湯底嘅味道鮮甜濃郁，牛𦟌肉質軟腍，麵質亦非常煙韌彈牙，值得一試豆花芋圓仙草芋圓軟糯，豆花清甜，加上仙草同其他配料，層次多樣化。芒果西柚丸子香甜芒果，配上清爽西柚，丸子彈牙，底有碎豆花，感覺清新香甜。…Read More

疫情近两年不能外遊，唯有光顧特色餐廳止癮。因提早辦完公事，所以早到了15分鐘，餐廳只有少量食客。QR code落單已是常態。菜上得很快，又係食唔切。叫咗4樣嘢，好壞参半。不得不提“滿滿骨膠原豬手”，果然喺鎮店之寶，我們從來未試過在餐廳食完，意猶未盡，還要reorder一份外賣回家吃。入味，腍得嚟又有咬口，正！稻埕牛肉麵個人認為麵身硬，牛肉太厚兼有啲乾，但味道不錯。A菜唔知用咗乜嘢醬炒，好香，微甜，好味。蟹鉗肉酥蛋卷係被menu上的description 吸引到，話用约15隻蟹鉗拆肉整的。蟹肉夠份量，外皮香脆，可惜淡而無味，完全食唔到蟹肉的鮮味，我地有懷疑過廚師係咪唔記得落調味不過總括來說還是美味的。…Read More

草莓優格米水 ， 士多啤梨味唔係假嘅藥水味👍🏻，一上枱就聞到好香！ 而且好大杯！好飲好味！推介👍🏻👍🏻👍🏻稻埕牛肉麵牛肉都好易入口，我本身唔太鐘意筋，所以喜歡食筋嘅朋友要點另外一隻；湯底都算濃郁；麵身係屬粗、寛麵，我幾鐘意，煙煙韌韌，有𡁻口👍🏻花枝月亮蝦餅大家都話好食，香脆可口 ! 同台灣夜市嘅感覺好似！餐廳環境舒服，座位與座位之間都有距離，傾計食飯好地方👍🏻👍🏻 採取手機睇 menu 自動落單，仲有機械人送餐，好得意 😂 員工都好有善. …Read More

因為百樂小館的滷水鵝, 令我地對滷水鵝既好感度大增, 而之後我地時不時都會去其他有賣滷水鵝既餐廳幫襯比較下, 所以今日黎到稻埕飯店都係因為呢個原因, 但......今日竟然無滷水鵝賣滷水鵝唔係佢地既招牌菜嗎? 我相信超過一半既客人去到佢地既餐廳都會叫滷水鵝, 竟然無得賣!透過OPENRICE訂位, 被安排坐卡位, 舒適寬敞。聽到其他客人都想坐卡位, 但店員話要有訂位先安排到。 我地叫左稻埕牛肉麵, 不夠。臭豆腐, 滷肉台梗米飯, 草莓優格米水。滷肉台梗米飯 - 滷肉肥瘦適中,  滷肉汁味道有層次, 濃稠黏口, 而最欣賞既係佢地既飯, 口感好似珍珠米, 個人覺得比珍珠米更具黏性和光澤。(如果可以比多D滷肉汁撈飯更好)不夠。臭豆腐 - 好神奇的一道菜, 一般黎講, 去到一間餐廳, 如果有賣一D味道濃烈既食物, 成間餐廳都會充滿嗰陣味例如榴槤同韭菜。而呢個臭豆腐就無呢個問題, 間餐廳一D臭豆腐既味道都無, 所以我只係當佢係一碟炸豆腐咁嗌, 但點知...佢食落係好臭架, 香脆好味。稻埕牛肉麵 - 我無食, 老公話湯底鮮甜順滑唔油膩, 麵質煙韌有咬口, 牛𦟌軟腍厚度適中, 可惜既係紅白蘿蔔煮得唔夠耐, 唔入味同偏硬。草莓優格米水 - 麻麻地, 感覺係分開咁食緊草莓同優格, 唔夾。佢地有機械人送餐, 都幾得意, 不過只係送左個牛肉麵比我地, 其他都係由侍應親手送。…Read More

餓到頭暈眼花，見到呢間台灣菜，個裝修好鬼靚，好似高級西餐廳咁，試吓先😗坐低scan QR code就可以點菜，午餐set包野飲，可以自己加小食或者甜品！紅燒鮑魚拌麵上到嚟都幾驚喜，估唔到有埋紫菜豆腐湯～啲面應該都係手作麵黎，幾彈牙，有少少麻辣味蒜味！兩隻鮑魚仔，加埋糖心蛋，賣相好好！滷水雞翼，酒釀丸子🍡滷水味好濃郁，雞翼又唔會太耐，肉質仲幾好！酒釀丸子不過不失，同平時嗰啲冇乜分別稻埕牛肉手作麵🍜牛肉較軟淋，真係有台灣古早味口感！手作麵夠彈牙呀！👍🏼…Read More

小妹已有好一段長時間無寫食評喇！但今次可以成功吸引到令到小妹再次食寫評去推薦嘅係喺尖沙咀K11嘅「稻埕飯店」！一開始我們去K11仲諗緊搵去邊間餐廳食晚飯，小妹我就喺openrice搵吓，搵到呢間叫「稻埕飯店」嘅好評都幾多，而且睇到食物嘅照片都幾吸引，所以我們就決定入去食晚飯！喺門口等待店員安排我們入座嘅時候，我們睇到個放喺門口嘅大餐牌有呢個中秋節期間供應嘅「$788四人套餐」：金銀蒜泥五花白肉、福州佛跳牆、宜蘭三星蔥油鷄「例牌」、台灣白肉苦瓜炒美國頂級安格斯牛小排、蔭樹米豆乳鵝仔菜、滿滿骨膠原豬手、滷肉台梗米飯、黑糖薑母鮮奶湯圓！當中我們比較喜歡嘅分別係：金銀蒜泥五花白肉嘅賣相相當吸引，最初以為味道會係普通充滿蒜香味嘅五花肉，點知食落原來入面係有薄薄嘅青瓜片同五花肉一齊捲成，感覺非常爽脆清新，最好係唔好有好油膩嘅感覺！福州佛跳牆係最令我們驚喜嘅，因一開始打開嚟影相嗰陣祇係隨手搵到一隻鮑魚，當時已經覺得都幾大隻，但到分湯嗰陣就越分越驚喜，因無諗到小小嘅燉盅入面會有咁多湯料，除咗有鮑魚之外仲有花膠、海參、金華火腿等等等等⋯⋯真係超足料呀，湯底嘅味道非常芳香濃郁！滿滿骨膠原豬手燜得好腍好入味，肉質相當鬆軟，豬皮嘅質感非常煙韌軟滑，因燜咗有一定嘅時間，所以完全無硬實實嘅感覺！黑糖薑母鮮奶湯圓最初我們以為味道會好甜，但甜度竟然啱啱好，而且仲有桂花嘅清香味，同埋原本以為祇有湯圓，點知發現有埋芋圓，真係覺得好開心！至於宜蘭三星蔥油鷄「例牌」同另外可以用$68優惠價追加「鵝不是鴨肉」例牌嘅味道都相當唔錯，但令到我們有啲啲微言嘅就係擺放得太過側埋一邊，略嫌賣相唔太好睇！至於稻埕牛肉麵就係我們特意另外點，因每次去每一間台灣飯店牛肉麵都係我們必定會叫嚟食，一開始飯咗啖湯，湯底嘅味道超級鮮甜濃郁，牛𦟌肉質係超鬆化軟腍，而且有入口即溶嘅感覺，而且份量十足，麵質亦非常煙韌彈牙，真係值得推介再推介呀！另外喺用餐嘅時候，見到有個電子傳菜員負責送餐出嚟，感覺真係特色同可愛！…Read More

最近的台灣之旅不能去了，留在香港，到處搵番地道的台灣食物，買台灣產品，再等待下次出發。今日去到K11的台灣店，總算食出了台灣原味道。讓人食指大動。 鵝不是鴨肉鴨的質地與鵝實在大不同，鵝肉又滑又香又好食。配上醬汁好有台灣街頭味道。但餐廳又大又闊落，可以話係坐得舒服，食得享受。 不夠。臭豆腐臭豆腐，未食就已經傳來陣陣味道，未食，已經知是臭豆腐。臭豆腐本為街頭美食，係餐廳一樣可以坐得慢慢享受，一咬，外表一層脆卜卜，再深一層，內軟。再沾上一層醬汁。有一番風味 稻埕牛肉麵牛肉肥瘦分明，不會過硬，十分不錯，而且都相當有厚度，食既時侯就可以大大一片有咬口。麵質彈牙，加上充滿牛味的湯底。湯底加上芫西，加上幾分香味。裡面的蘿蔔將精華都吸收了。 黑糖珍珠舒芙蕾班戟配抹茶冰淇淋甜品是第二個胃。這個相當大份，兩人分享就岩岩好。舒芙蕾班戟相當軟滑，加上奶油，雪糕，仲有珍珠一齊絆著食。珍珠平日是與奶茶一齊飲。絆班戟原來都好特別，班戟軟，食到珍珠的時侯帶甜味，而且有咬口，帶來不同層次。 更可以自由決定加上蜜糖，令班戟味道更豐富 飲品方面，1) 草莓優格米水米水健脾開胃。但原來米水做底，都可以加入優格及草莓。似是奶昔的質感，但是是優格味道，配草莓，酸酸地好開胃。而且米水做底，健康感上升。 2) 紅棗杞子桂圓米水紅棗杞子桂圓，女仔飲一流。特別最近天氣熱，經常吹冷氣，飲這個就更健康舒服。…Read More

K11 B1最近新開了一家台式料理，稻埕名字靈感來源台灣「大稻埕」，裝潢用上了稻穗風格及裝飾，甚有寶島風味。我第一次親身看到利用機械人送餐，很可愛！鵝不是鴨肉 $98特別的菜式名字，其實是招牌菜白滷水鵝，有鵝肉及鵝片。台式白滷水用了丁香、老薑等調料製成，吃下去有香料的香，不會太油膩！鵝肉比較腍身，也算入味，香料味比較重，跟潮州的滷味很不一樣呢！稻埕牛肉麵 $94每天自家製的牛肉麵，牛肉腍身，麵條彈牙，湯底濃郁。不夠。臭豆腐 $68豆腐比較軟身，外脆內軟，有種入口即溶的感覺。如果可以再多幾塊就更好啦！蜂蜜茉莉綠茶奶蓋 $38飲品方面我們我們選了兩杯奶蓋，第一杯蜂蜜茉莉綠茶我忘了要先攪拌，喝了一口蜂蜜，哈哈！攪拌後也不會因為我喝了一大口蜂蜜而太淡，茉莉綠茶也很香，配上奶蓋好好喝！黑糖珍珠奶蓋 $38黑糖珍珠奶蓋也是要記得先攪拌好再喝。飲品不會過甜，奶蓋鹹鹹的，好喝！黑糖珍珠舒芙蕾班戟配抹茶冰淇淋 $98最有驚喜的是這個舒芙蕾！份量十足，班戟厚身，原本我們以為忌廉有太多但原來剛剛好，入面不會太多！上面的奶蓋鹹鹹的，很搭配，不會太甜，配上珍珠口感特別豐富。旁邊的抹茶冰淇淋、抹茶蕨餅及爆谷也加強了整碟甜品的特色。…Read More