食好D雞煲小廚 (Closed)

之前同媽咪黎過「食好D雞煲小廚」下稱「食好d」嘅前身—「原味棧」食過雞煲，覺得唔錯， 所以今次就黎食個小菜啦！😏 我地叫左幾個小菜都係是日精選小菜 。☺️ 燒汁腰果和牛粒（$98） 值得一讚是鑊氣十足，和牛粒炒至剛熟， 入口嫩滑多汁又不失嚼勁，肉味濃郁， 最後還灑上勁多腰果， 口感更添層次， 不愧為師傅推介！😎 五指毛桃焗滑雞（半隻）（$98） 五指毛桃味道如椰子的清香， 色香味俱全，沒有藥材的味道，卻有植物的清香 雞肉滑嫩，瘦而不柴，肥而不膩，清香潤胃，滋補身體。 美味醬爆茄子🍆船（$88） 原隻茄子加上自家製醬汁， 醬汁有不少配料如三色椒、肉碎和菇粒， 微辣惹味，值得一試！👍🏾 砵酒美國🇺🇸桶蠔煲（$178） 美煮熟後仲有半隻手掌✋🏾咁大，😯 鮮味多汁， 加上香甜嘅砵酒汁，好滋味呀！ 真係必食推介！😎 …Read More

在紅磡找地方吃晚飯，想起之前光顧過的原味棧，原來已改名為食好D雞煲小廚。當晚窩夫與蝦子餅不吃雞煲，試試小菜，餐牌上有很多推介呢。打頭陣的是「必食」的砵酒美國桶蠔煲($178)，美國桶蠔大大隻很肥美，酒味不算很濃，配上乾蔥和洋蔥，十分惹味。冰鎮咕嚕肉($128)絕對是驚喜之作，甜酸度控制得非常好，咕嚕肉的外層很脆，放久了依然是脆的，很想知道廚師的秘訣呢。啫啫蝦乾芥蘭煲($88)份量十足，很有鑊氣。金蒜開邊蝦蒸烏冬($168)很有新鮮感，窩夫與蝦子餅第一次吃用烏冬墊底的蒜蓉蒸蝦，蝦都算大隻，最重要是夠新鮮，味道特別鮮甜，烏冬吸收了蝦和蒜的精華，加上滑滑的口感，叫人吃得津津有味。…Read More

自從港鐵延伸至黃埔後，過黎黃埔行街睇戲就更方便。但又係因為方便左，所以一到食飯時間，成個黃埔都係人。最後我地決定行遠少少，去崇潔街(日本街)呢條食街搵食。行左幾間，最後揀左呢間食好D雞煲小廚。雖然佢地主打雞煲，但我地今日打算試其他小菜先，雞煲留番下次啦。牆上呢幅畫吸引左我嘅眼球，望住幅咁靚嘅畫，心情同胃口即時都提升唔少。呢度有好多唔同嘅套餐同配搭，價錢公度，梗有幾款合心水嘅。另外，亦有多款師傅推介、招牌菜或必食之選，睇完又好似樣樣都啱食喎。最後，我地精挑細選左下面幾款小菜。呢個砵酒美國桶蠔煲，份量認真驚人，隻隻都差唔多拳頭咁大隻架，咬落蠔味十足，而且仲有陣酒香，個個食完都讚好味。之後就係三寶餐，第一寶香蔥霸王雞(半隻)雖然半隻唔多，但勝在隻雞幾有肉地，啖啖肉，啱晒我。第二寶就係薑蔥炆沙巴龍躉頭腩煲，呢個煲未到就已經聞到好大陣香蔥味，一落檯忍唔住即刻夾番舊龍躉先，真係炒得夠香夠惹喎。但美中不足係龍躉頭腩份量唔算多，三兩下就食晒了。第三寶就係馬拉盞黑毛豬炒BB蘆筍，總係覺得馬拉盞似蝦醬，食落味道似但口感又唔同，大家味道都係濃郁，但馬拉盞較有口感，而黑毛豬切得夠薄，再加上鮮嫩嘅BB蘆筍，配搭夠晒新鮮。3寶餐加埋只需$308，我覺得相當抵食。雖然九肚魚賣相看似炸得過左龍，但食落又唔覺OVER左喎，而且椒鹽味夠濃，整體算唔錯了。闊佬炒飯係用石窩上嘅，夠晒熱辣辣。加上粒粒魚籽、帶子等等嘅海鮮，豐富美味。呢個自家制竹蔗茅根水，入面都好足料架，有馬蹄、粟米、甘筍等等，清甜又解渴，飯後一杯啱啱好。…Read More

呢排成日食西餐，實在太耐無食中菜喇，今晚一定要叫番幾碟小菜過下口引先得。小店新開張，牆身滿佈藝術氣色既畫，亦有圓枱長枱卡位，望落乾淨企理，感覺唔錯。🐂燒汁腰果和牛粒 $98和牛粒比想像多，牛味重，肉質唔會un，肉汁超 juicy，配埋腰果食香口惹味。🥗魚湯什菌杞子浸菠菜 $65魚湯一D都唔腥，仲好鮮甜，我都飲左好多啖，既好味又有益既一道菜。🐔五指毛桃焗滑雞 $98店員即場剪開錫紙包，熱騰騰，秀色可餐。肉質十分嫩滑，味道唔會鹹食落健康。雞算中等肥，但食落唔會膩。🥃砵酒美國桶蠔煲 $178蠔肉外帶焦香，咬落每隻軟身。砵酒增加左香氣，令煮出來既蠔自成一格，味道鮮美。🐖蜜汁話梅豬手 $72豬手皮厚含豐富膠質，最岩用來炆煮，呢道菜配以酸酸甜甜既話梅，味道非常開胃，可以令食慾增加。炆得超級淋，仲軟淋過平時食既豬腳薑，如果帶媽媽來，佢一定好鐘意。因為叫既全部係小菜，師傅係即叫即整，所以上菜會有點慢。但愈肯花心機時間，愈能夠煮出滋味好菜，所以值得等待。食左甘多野都唔口渴，又好味，抵讚。…Read More

因友人住在附近而再次來到祟潔街，這條街除了屹立不倒的加太賀之外，也開了不同的中餐西餐，可為「隱世食街」。這次學聰明了，沒有在紅磡站走天橋過來，寧願轉線到黃埔站A出口走過來，節省了走長天橋以及舊紅磡到黃埔的路程，即使轉了線時間也是短一點。雖然是港式小廚，外面還有個魚缸養著海鮮，餐廳裡頭也是乾淨企理。兩邊牆身有西式的油畫，燈泡也是走精緻的洋風，也不忘裝個大電視給客人「加餸」(電視送飯嘛)，是骨緻得來帶點地道的親切。餐牌以小店來說都算多選擇，是大排檔的風味，以海鮮和煲仔為主，也有些鑊氣小炒和炸物。點了些海鮮和雞煲，這個時候忍不住要「啤一啤」！大支裝青島可供分享夠實惠，啤酒雪得冰凍，喝下去再回吐一口酒氣，很爽蟶子有例牌或每隻叫，例牌份量會較多適合分享，但是每隻都是中size；而逐隻點的就是最大的蟶子王，店員建議我們二人的話單點兩隻會更好。上來的size果真驚人，單單是殼就有前臂的長度，炒熟的蟶子縮水後仍有整隻手掌般長，$58一隻也不為過。青椒紅椒切碎，炒進香濃的豉椒汁，帶點微辣非常惹味，但又不會濃得蓋過海鮮原有的味道，微辣反而能夠提鮮。蟶子大得來肉質仍爽口柔軟，沒有韌口或痴牙的狀況，味道很是鮮甜。金莎骨賣相精緻，上面的冰糖glazing做得很漂亮，灑上白芝麻及底部用脆餅盛著，端上來還冒著熱煙，有餐廳的擺盤、大排檔的鑊氣。冰糖加鎮江黑醋的比例剛剛好，酸酸甜甜得來黑醋的色水也很足夠。更欣賞它的是醬汁不會多得浸林了炸皮，是將炸好的骨加入鑊內調好煮熱的醬汁快速兜勻才成，時間和火候都要好好把握。金莎骨外層的炸粉不會過厚，也不會剩下一泡油在碟底，隔油工夫和resting時間都做得足。雖是金莎骨，但其實只有小骨，大部分都是肉，很是足料，連骨的肉排肉質也會更爽口。接著是餐廳主打的雞煲，除了這個麻甩雞煲外，也有花雕雞煲、黃酒木耳雞煲等味道可選，款式頗多。點雞煲還會附送一碟生菜，頗為貼心。這個麻甩雞煲分開麻和辣，可選走麻、微麻、小麻、多麻，以及微辣、小辣、中辣、大辣，四種程度，客人可隨自己喜好調較，每煲均有自己口味的特色。因自己不能吃辣，唯有要重口味的友人遷就一下，點了微麻和微辣。微辣其實真的吃不到辣味，但帶少許麻的香濃和惹味，對於不嗜辣的我來說非常恰意，而重口味的朋友在這裡點麻辣的程度可以更大膽。半隻雞份量也很多，雞件較小，所以更入味和容易炆林。雞件在廚房煮得八成熟後，再端出來上爐繼續煮多四至五分鐘便可食用，所以肉質完全不會因煮過頭而太老，仍然彈牙嫩滑。欣賞它的醬汁份量剛好，不會完全浸過雞件，可以當成是惹味小菜送飯，也可以加紅薯粉撈汁當重慶辣粉吃，更可以像平時吃雞煲般加上湯當火鍋，一式三吃。是晚沒有吃火鍋的意欲，我們選擇較乾身地吃雞煲當作小菜，再加一點上湯烚生菜。加了湯後的雞煲底雖然味道變淡，但不會有很多油浮面，因而用來烚菜也不會吸收了之前雞件的油份，非常不錯。最後來到桶蠔煲，相對上較昂貴卻也是物有所值。大量的紫洋蔥切幼絲，煮得剛好熟，不會過軟但已經caramelized，甜甜的非常好吃。 加上帶甜的砵酒，整個醬汁惹味得來也很配合桶蠔的鮮味。每隻桶蠔煮熟後仍有大於整個大湯匙的大小，很是足秤。咬下去桶蠔非常多汁，蠔身飽滿滑溜，鮮甜而不腥。敗筆之處在於稍稍嫌炸粉有點過厚，走油後剩下在煲底的油也有點多。幸好煲仔夠熱，能夠保持食物的溫度。是晚的食物質素真的為之驚豔，能夠在室內有空調的舒適環境享受大排檔的鑊氣和高級中菜的味道，而價錢也相對上相宜，性價比高。…Read More