River Sichuan Restaurant (Po Fung Building) (Closed)

想食辣野就第一時間諗起川菜 諗起前排聽過朋友介紹川之源嘅酸菜魚大件夾抵食 我哋就book左算係私房菜嘅川之源 環境的確吾錯 雖然我哋兩個人係坐係大廳嘅枱 但我哋見到有好幾間private房 好岩一班朋友聚會好嘈咁傾偈👯‍♀️👯👯‍♂️🥘酸菜魚 $218有兩條大辣椒系入面 酸酸辣辣好醒胃🌶️份量都好足 好多魚 大大舊 啖啖肉 肉質滑溜入面仲有切左片既萵苣同粉絲 索曬啲酸菜魚湯 好食🐥砵砵雞 $128成道菜好似口水雞 而且有好多雞髀肉 肉質嫩滑 配上底層爽口嘅青瓜 夾👍🏼上枱嘅時候已經聞到香噴噴嘅辣椒味 食落無論係辣味同埋麻度啱啱好 (相對起嚟比酸菜魚辣少少) 送飯食真係食幾碗都得🍚💭想食正宗嘅川菜嘅時候係一個好選擇 無論酸辣定麻辣都做得好到位 有聞到菜式入面嘅辣椒就流晒口水嘅感覺🤤 …Read More

好耐冇食過辣，諗起之前食過西營盤呢間川菜，今晚想黎翻桌😋上次去左近西營盤C出口斜坡上既店，今次去另一間分店，近電車路正街口。呢間分店座位不多，環境闊落，亦有房可以包廂。 🧊涼菜🐔砵砵雞（$128）-  深紅色既麻辣醬料浸滿了雞件，麻辣醬料有🌶紅辣椒、花椒、芝麻、醬油，令雞件好惹味，而且仲有好多青瓜粒做伴菜，係爽脆既口感。 🍴招牌菜🐟酸菜桂花魚（$298）-  份量十足，一大個熱鍋上， 成條切開哂既桂花魚係入面，好多魚肉，而且仲有好多酸菜、萵筍同粉絲。呢個餸好入味，對於唔算食得辣既我來說辣度十足🌶，配搭住酸菜一齊食，酸酸辣辣的，讚！😋 ✨️私心推介小食✨️🥠黃金饅頭 （$58/6個）- 呢個炸饅頭上次黎已經食過，一試難忘！炸饅頭食得出係廚房即叫即炸，饅頭炸到金黃色，而且炸得剛剛好，做到外脆內鬆化既口感，熱辣辣點煉奶食🍼，真係好滿足，而且正好中和返涼菜主菜既辣味，真係食到停唔到口，唔係因為兩個人食飽飽地，真係想叫多一碟😝 🥤Coke zero ($18) 餐廳仲有好多招牌菜，好似麻辣小龍蝦🦞、麻辣香鍋、水煮魚/牛、毛血旺、 夫妻肺片等等，真係多啲人黎食先試得哂！🤗 …Read More

鍾意食辣既朋友注意⚠️西環正街新開左一間極具四川風味既私房菜，雖然鋪面唔算大但坐得好舒服，多幾個朋友黎食仲可以book房，靜靜地享受川菜🌶️蒜泥白肉 $88每片肉都切得厚薄均勻，肥瘦剛好，非常入味，白肉跟醬汁配合得不肥不瞓膩，真係食唔停口🤤四川涼麵$68四川涼麵係四川傳統小吃，麵質爽滑彈牙，而且超級索汁，醬汁無論麻、香、辣都好出色，加上落左少少醋，香辣之餘又帶酸味，惹味又開胃🌶️砵砵雞 $128砵砵雞既【砵】指陶製既食器，傳統會用竹籤串起雞肉，不過為左令菜式精緻啲，擺盤將雞肉整整齊齊上碟🐥紅噹噹既湯底充滿辣椒、花椒、芝麻、醬油而成既麻辣香味，雞肉半浸在麻辣湯汁中，更顯雞肉鮮味🐤再加上碟中有好多青瓜粒，入口清爽，中和辣感😆黃金饅頭 $58/6隻粒粒炸得超金黄😍外脆內軟，點埋甜甜既煉奶仲可以解一解前幾道菜既辣😆最後店員送左碗冰粉，淡淡桂花香味再加上清爽滑溜既口感為呢餐四川菜畫上完美既句號🧊…Read More