Kwan Kee Store (Closed)

大家睇招牌就知道，尼間又係好多年歷史嘅老店啦！尼度有唔同種類嘅中式糕點，我哋今次就試咗三款～砵仔糕 $9到手嘅時候砵仔糕已經唔再熱，應該已經係整好一段時間，紅豆份量正常，唔算特別多，咬落去就比較淋身一啲，略嫌唔夠彈牙～感覺上 $9一個值錢太過進取，我自己就唔係好食得出，佢同其他舖頭有咩分別😂😂🍬白糖糕 $9我相信白糖糕應該係好多人嘅童年回憶，小學放學嘅時候學校門口有個姨姨推車仔喺度買，印象中細個食嘅白糖糕，味道係偏甜，有少少彈牙嘅口感，可惜呢個白糖糕雖然口感可以，睇落白糖糕有柱狀紋理，但食落去偏酸😖😖我自己下次就唔會再叫啦～🥞鬆糕 $9鬆糕就偏甜，口感正常，我自己就覺得問題一樣係定價過高，唔值得特登過嚟食～總括嚟講覺得呢間糕品店有少少名過其實，有點小失望…Read More

聽說過這間糕品店很多人吃，現場亦不少人購買。個人認為這店設價太貴，平均$9一舊。.白糖糕($9)分數: (7/10)不會太甜，但帶點微酸。整得好的白糖糕，應該不帶酸味。吃得出少少層次但偏黏。.紅豆茶果($9)分數: (7.5/10)包著葉，中間要塗一層油，令葉不會黏著糕點皮。個人比較喜歡糯米弄的食物，皮算厚，紅豆餡甜度適中，不錯。.砵仔糕($9)分數: (7/10)平平無奇，紅豆量適中，甜度適中，口感可以。…Read More

得閒經過深水佬買電腦嘢再食吓坤記砵仔糕。好耐之前食過，價錢都係咁上下，算係咁喇，不過$9 係貴既。砵仔糕幾年前好食啲，今次食無咁彈牙咁，紅豆都 keep 到，唔太硬唔太腍同起沙。overall 都幾好，入米芝連得黎，水準又唔係 drop 好多。…Read More

去到深水埗，咁就一定要試下哩間中式甜品啦紅豆糕係我覺得做得最出色既。咬落去食到糯米既香甜同小小煙韌，有口感，最重要既係紅豆份量超級多！！每一啖都食到紅豆，紅豆煮得啱啱好，唔會軟爛或者太硬，粉粉的又不失咬口。整體甜度不算太高，很不錯芝麻糕一層層的，質感唔會過硬，有彈性。但略嫌芝麻味唔夠重，普普通通啦。砵仔糕紅豆份量較紅豆糕少。黃糖味道唔會過甜，可以食到糯米香，但係同紅豆糕相比，當然紅豆糕更勝一籌啦。唯一既咸食，菜甫茶粿出面本身包住塊蕉葉？無論係塊葉定係白色既表皮都好油！食落軟糯，菜甫蝦米份量好足，夾得幾好，但係略嫌表皮做得過軟。係做得唔錯既中式糕點，但如果下次再去，我可能淨係會買紅豆糕。…Read More

已多次想試試這兒的白糖糕，但就是每次經過都已關門或快要關門~ 今日難得下午兩三點來到深水埗，當然乘機要來多試兩款糕點~先說白糖糕~ 果然與外間吃到的不同~ 清甜得來帶少許發酵米的酸味，爽口彈牙而不會有粉粉的感覺，吃後也不會覺膩 豆沙糯米糍~ 與平日吃到的不同~ 這個用葉包著的，有點像茶粿版本，但店員卻說這是糯米糍  撕開葉子，糯米糍非常之黏，已弄得滿手油了，但仍然黏著葉子，還是直接用口的  需要用手摸時皮黏得很，但吃在口中卻軟滑不糊口，豆沙餡亦夠香滑，配這個黏黏的糯米皮同吃，甜度剛好~對比上述兩者，砵仔糕則有點失色了~ 豆不夠多，糕身偏實不夠彈牙，顏色是啡黃那一程，但卻欠缺了點黃糖的香甜味~ 老實說的，覺得自己在家弄過的，比它好吃 雖說它是糕點專家，但都要看看是什麼糕點呢~ 不要以為隨便一款也會是好吃的~…Read More

小時候放學，貪吃的我總釀著外婆買零吃小吃給我。疼我的外婆便會大手拖小手的帶我到賣糕品的小檔口前，任我選擇自已想吃的糕品。黃糖砵仔糕總是小妹的最愛，砵仔糕伯伯手法利落的把偏滿紅豆的砵仔糕從小砵挑出，再以竹籤穿起來。一口接一口，甚感温暖。 這就是................我的童年。近排schedule排得密密麻麻，堆積如山的工作快要令我喘不過氣來。愈是忙碌奔波，愈是懷念昔日那簡單快樂的時光。為了慰寂寥，小妹星期六的中午放下了手頭工作，走到位於福華街街角的坤記，尋找那兒時的味道。坤記並沒有堂皇的裝飾，有的是印證時代變遷的竹籮及蒸糕竹的器皿。密鋪著懷舊瓷磚的牆身貼滿傳媒的報道及糕品的相片。星期六下午，到坤記買糕品的客人很多，店員忙過不停的招呼人客。店舖售賣各式各樣的糕品，客人點的時候，姨姨便會因應客人點的份量，在一大盆的糕點中切出適當份量。小妹總共買了4款糕品，分別是紅豆糕$8，砵仔糕$8，芝麻糕$8及家鄉米漿鬆糕$8。砵仔糕$8：砵仔糕有白糖與黃糖之分，而小妹最喜愛的是黃糖紅豆砵仔糕。之所以稱作砵仔糕，是因為糕品用砵來盛載，可恨現今很多店舖改用 瓷碗代替 而坤記的砵仔糕依然使用瓦砵製作，小妹認為瓦砵砵仔糕始終比瓷碗好吃。可能這便是懷念的味道吧。紅豆糕$8： 坤記的紅豆糕用料非常老實，由內到外均佈滿紅豆。紅豆大粒飽滿。對小妹來說糕身不夠甜味，單靠紅豆的豆香，食味有點兒單薄。家鄉米漿鬆糕$8：淡黃糕色，質感較前三者扎實及乾身。切開內裏氣孔均勻密佈。 咬一口，鬆糕鬆軟Q彈，像吃著海綿蛋糕一樣。食味方面，鬆糕米香橫溢，吃下咀裏留下黄糖的獨有香甜。 雖然鬆餅初嘗有點帶酸，但酸味隨即消散，整體酸氣不重，並不會影響整體味道。酷愛吃麵包蛋糕類的小妹愛死了米漿鬆糕那獨有的質感了。芝麻糕$8：拿上手已飄來陣陣芝麻香，一口吃下，芝麻味香濃非常。糕身比一般的軟身，是令人回憶的味道。咬一口，芝麻糕質感軟腍黏口令人懷念非常。其實芝麻糕製作是非常需時亦很考工夫的的一款糕點，全因製作時需要逐層逐層蒸，而且每層的份量和時間亦需拿捏恰當，否則便會破壞成品的質感及結構。很難想像背後要經過多少次的"trial and error" 才能達到此水準。坤記的芝麻糕，層次鮮明而平均，小妹無聊的數過 其層數足足達九層之多，換句話，單蒸一低芝麻糕已經要重覆9次之多，絕對是心機菜。更令小妹欣賞的是坤記的芝麻糕雖然層次多，但不會分離，每層均緊緊的彼此黏貼著。香港人生活節奏急速，事事講求效率。然而傳統的食物往往製作需時 ，與現今生活方式背道而馳。堅持源用傅統方式的店舖已經買少見少了.......傳統就似烏絲燈泡，隨時代變遷，逐漸被取代...攝於2014年11月22日…Read More

係深水士步非常出名既坤記，地點一啲都唔難搵，一出地鐵站就見到，第一次買回家吃，買左兩件砵仔糕同一件一芝麻糕。要砵仔糕嗰陣想要多豆，個呀姐唔知係撞聾定係心情唔好，應都無應就求期執左兩個俾我:(，可能係因為我都企左係佢舖頭面前一陣諗緊要買咩。拎到返屋企，先試9層芝麻糕，唔知係咪天氣太熱既關係溶溶地，放返入雪櫃就即刻無左溶溶地一 pat野既感覺，如果唔係賣相真係一d都唔討好:(。咬落去好香芝麻味，唔太甜，岩岩好，但口感有d粒粒芝麻係度，好似有啲沙咁，個人就真係唔係幾鐘意:(。至於砵仔糕，太甜，紅豆係底，同一般既不太一樣。幾香幾油滑:)，但個人喜歡葵芳個間多好多，真係睇下夾唔夾架姐。…Read More

除了去一些舊式冰室或者茶樓，吃一個菠蘿油雞批，嘆番一盅兩件之外，香港亦有具備本土特色的小食，不單單是蛋撻豬仔包雞尾包，還有的就是砵仔榚白糖糕和芝麻糕。還記得七十年代，在下還在舊式公屋居住，不時有位叔叔（當時在下還很小），帶著大型膠盒叫賣白煻糕，老爹就趁機幫叔叔買了幾件白糖糕來吃，在下從此就吃過白糖糕。後來在下長大了以後，便沒有機會再吃過。後來直到在下於葵芳工作，在葵涌廣場見到有砵仔糕和白糕等傳統糕點，才有機會再嚐到兒時吃過的糕點。在下早聞坤記糕點，也見好評如潮，早已想到來試試。在下與女友於上星期日到訪深水埗，也再次與女友嚐試合益泰腸粉及豬蘿蔔，唯在下沒有為上次造訪合益泰寫下食評。今次到深水埗，亦為在下的饞嘴而逛逛深水埗。而在下剛剛在三點心吃過點心後，行返轉頭又到了坤記糕點，原本想點選了砵仔糕白糕和九層芝麻糕，可惜在下忘記了點選芝麻糕，最後只有白糖糕和砵仔糕。坤記的砵仔確實用了很多紅豆做，味道與兒時吃過的差不多，確實好味，這也令在下重回昔日的味道。從使砵仔糕有白色和土黃色，但是在下依然喜愛土黃色的砵仔糕。在下兒時吃過的白糖糕，雖然是有甜味，但是卻有甜中帶酸的味道。現在的白糖糕卻沒有了甜中帶酸的甜道，反而是甜味為主。不過坤記的白糖糕，可能是最好吃的了。壹個砵仔糕和白糖糕，使在下記憶起從前的舊片段，也讓在下記起了昔日的味道…Read More

創立四十載的深水坤記，由順德傅氏一家經營，堪稱為全香港歷史悠久的中式糕點專門店，由街邊小販檔起家。而且是碩果僅存堅持用傳統方法製作的糕品老舖，售賣自家製白糖糕、芝麻糕、紅豆糕、鬆糕、糯米糍、砵仔糕......亦有鹹點發售柱上張貼店內各款招牌甜點及糕點的照片家鄉米漿鬆糕招牌砵仔糕家鄉白糖糕，聽聞白糖糕如果做到無酸味才算合格，這家白糖糕全無酸味…Read More

尋日拜託我媽媽買佢地D糕點俾我做下午茶今日下午就有白糖糕同砵仔糕做我下午茶白糖糕好香 好滑 食落去有少少甜味 砵仔糕夠彈性 好似食啫喱咁味道：VERY GOOD 環境：不適用 服務：不適用 衛生：獨立包裝(一糕一膠袋) 幾Clean 抵食：略貴 我覺得佢地D包裝會唔會有少少唔環保呢…Read More

一直沒發覺，深水埗是一處美食集中地，吃甚麼有甚麼 … 坤記糕點專家是同事介紹的，她憶述：「嘩 ~ 果度啲糕正到呀 ~ 果次呀 ~ 我買咗白糖糕啦、砵仔糕啦、紅豆糕啦、芝麻糕啦 ~ 本來想拎返屋企同家人一齊食架，點知忍唔住，自己响巴士上面食哂 …」聽著聽著，咀角已濕了一片 … 今天要一探虛實 … 店子不難找，離開深水埗地鐵站B1出口，就會看見它的牌子，高高懸掛著 … 走近時，門口已有人群聚集，糕品香氣撲鼻，正考慮要甚麼之際，店員即以不耐煩的聲音(加表情)問我要甚麼，明白的，因為太忙了 … 「紅豆！芝麻！砵仔！」“糕”字也省略 … 考慮片刻 … 「白糖！」買了四件 … 看她切一件、包一件、切一件、包一件，件件份量差不多，比那些常多切一、二、三、四、五、六元的豬肉佬還要眼明手快 … 白糖糕，名不虛傳，清甜爽口，不愧為招牌貨；芝麻糕，很有芝麻香，看真一點，黑媽媽的糕面藏著點點麻蓉；紅豆糕，紅豆雖不算多，但很香滑，據說是用豬油製才有如此效果，美食當前，已懶理健康飲食了，況且我一向都不大重視；砵仔糕，是好吃的，但相對較為一般 … 本想待回家途中才吃，結果還是忍不了，一次吃掉四個 … …Read More

星期五，耶穌受難日。筆者因工作關係，紅假都要辦公，太座則已與好友出短埠鬆一鬆了。响太座不在港嘅一天，筆者唯有獨個兒搵食。深水埗嘅「坤記」，係唔少食友嘅心頭好。著名糕點有紅豆糕、芝麻糕、砵仔糕、白糖糕等。筆者第一次嚟時剛與太座相識不久，當時食了一口砵仔糕，印象難忘。今天筆者胃容納有限，所以只買了心頭好 – 砵仔糕。一咬入口，發覺有點兒不對勁，味道偏淡，輕輕的有少少甜，選用嘅紅豆亦大粒，不過一點兒都冇豆香。與一般買到嘅砵休糕完全冇分別。砵仔糕四個半一件，價錢倒還其次，失去嘅美好回憶是無價的。不給喊面，是還有一絲情意結而已。…Read More