醉藥雞 (福榮街)

昨天和朋友去位於深水埗福榮街103號的醉藥雞吃午飯。點了三個菜，包括砂鍋胡椒豬肚雞(半隻)、口水雞(半隻)和人蔘湯浸娃娃菜。另外加一碗飯。先上口水雞，藍色花紋的白色瓷碟盛着的口水雞，油亮亮的，上面是一些黑紅色的醬料，還撒上白芝麻，見着它，我的口水快要流出來，趕忙吞回去。同時間，提起筷子，夾一塊來解饞。先是一陣冰涼，咬一口，滿口的的雞味，喚醒了我味蕾，繼續咀嚼，感覺嘴裏麻麻的。透過我的味蕾感應，我知道那些醬料有辣椒干、花椒、蒜泥、干葱等用料，醬料很野味。加上香滑的雞皮，鮮嫩的雞肉，口感先是冰涼後是麻辣，很過癮。這道菜得配上白飯，說真的，我一個人也能吃一大碗呢。接着上桌的是砂鍋胡椒豬肚雞和人蔘湯浸娃娃菜，兩個菜都是熱氣騰騰的。黑色的砂鍋下面還有一個白色盤子墊着，怕是太熱了，方便侍應端上桌子。满满的一大鍋雞湯，湯裏是雞塊和豬肚，中間還放上一些花椒，起畫龍點睛的作用。我先夾了一塊豬肚吃，剛好能咬爛，不錯。豬肚太硬没法咬得動，吃起來費力；煮太久了，又會沒口感，這個火候剛剛好。然後喝一口湯，熱騰騰的，味道剛剛好，不鹹不淡，雞湯濃郁鮮味，是我喜歡的味道，我連喝了兩大碗。這道菜的雞是熱食，和口水雞不同，但同樣都雞味濃郁，我同樣愛吃。最後吃人蔘湯浸娃娃菜，娃娃菜是一貫的清甜，也許是用湯浸着，沒有煮太久，所以清甜之餘又爽口。喝一口湯，有人蔘的獨有的甘苦味，用人蔘煮菜，感覺就是滿滿的健康味道。兩個人很快就將這三道菜吃光了，我倆還真能吃。這一頓飯，吃得真滿足。美食當前，盡情享用，完全將減肥一事抛諸腦後。這是我第一次吃口水雞，一吃就愛上。下次再來吃，帶上我的侄子，他特愛吃豬肚雞，相信他必定喜歡。…Read More

冬天就係想食啲暖笠笠既野🤤今次黎到呢間主打雞湯米線既醉藥雞 ，鋪頭有幾款招牌砂鍋雞湯米線，熱辣辣上枱食完食個人都暖曬～仲有幾款唔同既藥浸小食，好啱天氣凍既時候食。 1️⃣砂鍋雞鮑翅（$98） 成個砂鍋咁上好正！上黎既時候仲滾滾地♨️雞湯味好濃，入面真係食到啲翅，仲有啲金華火腿，成個湯感覺好滋補好養生。入面有兩隻鮑魚。麵嗌左刀削麵，份量都幾多食完好飽。  2⃣️溏心醉蛋（+$10） 呢個我覺得一定要嗌！酒味好香，隻蛋完全滲滿酒味～  3⃣️砂鍋胡椒豬肚雞（$68） 又係暖身之選，感覺真係好足料咁煲出黎既湯～雞肉唔算特別嫩滑，不過都多肉既，一樣選配左刀削麵。  4⃣️口水鵪鶉蛋（$36） 鵪鶉蛋多到😳口水汁夠曬香辣惹味🔥不過唔食得辣既記得要叫小辣，因為佢都真係有啲辣。  5⃣️醉三寶（$52） 有牛舌、豬肚同埋薰蹄。冷盤黎既，浸滿酒味。好好味👍  …Read More

深水埗福榮街除咗係車仔麵嘅天下，其實仲有好多臥虎藏龍，最近就新開咗一間醉藥雞，聽個名就吸引咗我呢隻餓鬼慕名而來。呢度主打係食砂鍋雞湯米線，另外仲有酒煮嘅小食，好多都好吸引！我就叫咗個砂鍋雲吞雞配刀削麵，因為用砂鍋裝住，所以食嘅期間完全可以保留到溫度，我相信冬天嚟食就更加正！佢嘅雞湯味道濃郁而鮮甜，雞肉好嫩滑，雲吞就有2隻，刀削麵都煮得軟硬適中，好味！朋友就叫咗胡椒豬肚雞配米線，好香胡椒味，辣度啱啱好，豬肚洗得乾淨又爽口，食完暖笠笠我哋仲叫咗個醉豬手補補骨膠原，豬手入味啖啖都充滿酒香，仲起咗條主骨，所以真係好足份量呢個價錢仲要唔駛加一真係性價比好高，我一定會約其他fd再嚟過！…Read More

上星期五同同事經過福榮街都只係見到得車仔麵要排隊，有望過下依間新開嘅醉藥雞，但無幫襯到，因為已經食完晏。過兩日見到網上有片介紹喎，好似幾正咁，所以呢日即刻衝去食。誰不知唔夠一個星期再去到，個場旺咗勁多🙈，我哋下午一點去到，要等咗兩張枱先入得；但原來高峰期係一點半，門口好多人排隊，又好多人等外賣。餐廳新開張，所以裝修都好新淨，採用咗湖水藍做牆身嘅色，並放置咗唔少中式碗碟做裝飾🍽。環境好乾淨，座位亦都闊落，坐得舒適。可能天氣仲係涼涼地嘅關係，我哋眼見每一個食客都係食緊一鍋熱辣辣嘅嘢🍲。再者，係呢到招牌嘛！餐廳無做午餐，全日都係同一個餐牌，選擇非常多，除咗砂鍋雞同生滾麵外，仲有冷盤同各式小食。老實講，全部都幾吸引，款式老少咸宜，價錢合理。雖然等上菜嘅時間稍長，但呢個等侍係絕對值得㗎😊。因為兩個以砂鍋上嘅雞湯麵，都係新鮮滾熱辣送上，啲蒸氣升到吧吧聲，睇得出個湯真係啱啱滾完。不過要小心唔好掂到個鍋邊⛔️。砂鍋雞鮑翅($98)，呢個價錢食到真嘅魚翅加鮑魚真係邊到搵😋，真材實料，好正！雞湯味道超濃郁，個人認為係偏鹹少少，但完全無問題，掛米線一流。配料方面，足料唔使講，魚翅唔係得條蝦毛咁細，係大大片👍；鮑魚有兩隻，亦都唔太細隻，應該係同酒釀嗰隻一樣味的，但放湯後酒味弱啲。雞件份量唔少，即使唔係髀，都有好多肉食，並且無乜碎骨。砂鍋胡椒豬肚雞($68)，我本身以為同雞鮑翅個湯差唔多味，點知佢係胡椒味重，似好正宗嗰種，又唔會太嗆喉；不過食到底就要隔開啲胡椒同八角。粉麵方面，我就搭配咗銀針粉，其實味道係夾嘅，但食落好唔方便，因為太瀡😂，有時間慢慢食就好，下次我會試刀削麵或者粉絲。另外，豬肚絲好爽口，而我嗰碗嘅雞仲要係雞髀嚟🍗！雞肉就算放喺熱湯到都無變老，肉質保持鮮嫩。醉三鮮(鮑魚、蝦、花螺)($85)，一場嚟到就試埋佢嘅「醉」系列啦。同樣地，呢個系列亦都係好出色，酒香濃郁，不過唔會有好難入口嘅感覺，而且仲有少少甜添🤤。我好怕食物嘅酒味太重，呢度剛好。蝦有三隻，啜蝦皮時食到啲汁好正🦐；鮑魚只得一隻，但勁好食，花雕酒味滲透哂全隻，加上口感好彈牙、唔韌，唔係平日好硬食完覺得好難消化嗰種。花螺就有七、八粒，但懶懶嘅我覺得要拆肉比較麻煩😅。溏心醉蛋($12)，🥚睇相就知隻蛋係做到溏心嘅效果。上碟時已經切開咗兩半，旁邊加咗幾粒杞子，醉蛋嘅味同醉三鮮嘅酒味一樣，不過同事覺得好似無咁濃，我就覺得分別不大。所以如果一個人想食砂鍋雞，又想食「醉」系列，嗌呢隻醉蛋絕對係一個好選擇！最後，我哋各自加咗$5要豆漿，原來係支裝的。$5都抵叫，食熱野解解佢都唔錯。總括嚟講，我估唔到深水埗開咗間咁高質嘅滋補砂鍋雞．養生藥膳店🥢，食物有賣點，唔係周圍有得食，無論追求健康嘅後生一代或長輩都好啱食，加上性價比高，真係無得輸。雖然餐廳忙到七彩，但幾位女店員仍然保持好好禮貌。我相信如果餐廳能夠保持呢個高水準，長做長有，直頭可以開分店😉。…Read More