Fuunmaru (Closed)

去了吃風雲丸沾麵，點了石燒濃厚豚骨魚介味玉沾麵，這裡的沾麵能因應自己的食量需要來點選200g，300g，400g，都是免費的，而大胃王加$45更可選富士山盛（800g)，早上沒吃早餐，所以這次我選了300g，份量剛剛好！麵條用上自家製的極太麵, 麵可以選擇冷/溫，麵質極有彈性又適合沾湯🤤豚骨魚介的湯，以石鍋盛著，味道濃郁，因為用了石鍋，所以湯不易冷掉。味玉吃下去，它的黃是會流出來，本身是沒有什麼味道，但我加了湯一起吃，味道還不錯👍🏼由於餐廳有優惠，同行朋友的名字有跟「風」字同音，出示證明文件後能免費獲贈一份炸雞，優惠到11月底。…Read More

之前路過尖沙咀的風雲丸，門外總是有條人龍。星期日晚了起床吃早餐，午餐也因而推遲，兩點半到灣仔的風雲丸可以直接入面。拉麵店的裝潢帶中本風味得來又繽紛活潑，令人豁然開朗。石燒濃厚豚骨魚介味玉沾麵沾麵的湯用石鍋盛載，上桌時還是滾熱沸騰，熱度十足。一試湯頭，味道濃郁，加了魚介挺特別的；加入檸檬汁提升鮮味，味道更豐富。拉麵條有分冷或暖，暖麵相對麥味更重。豚肉十分肥味，帶著適量的脂肪，燒得非常香口。肉盛豚骨魚介沾麵男朋友點了肉盛！豚肉足有四大塊，是四倍的份量！食肉獸一定不能錯過，價錢只是貴三十多元。說真的，其實是有點太多 XD 這碗點了冷拉麵，相對之下麵質較硬。我喜歡暖麵，他喜歡冷麵，各有喜好。…Read More

再次來到風雲丸用餐，第一次食的時候真係好有驚喜！意想不到的超濃介魚湯沾面，簡直一流👍🏻好想念它的味道，決定再來一次！餐廳環境不算很大，六點幾去到的時候還有很多位。不知道是不是他的知名度還沒有很高，所以沒有太多人來幫襯，就算我吃完差不多七點都還沒有坐滿。他是以畫單的自助形式點餐的。石燒沾麵可選擇麵的份量，400g或以下的麵都不用加錢。若是正常食量的300g就夠了。它的餃子也很不錯，有3款味道。炸雞還沒有試過，有機會一定會試下。它上菜的速度不是很快，應該是即叫即煮的。先來的是原味石燒豚骨魚介湯玉沾麵，朋友因為不太餓，叫了200g的麵，份量真的沒有很多。玉沾麵就是有隻雞蛋，雞蛋都超~~~~~好食！👍🏻👍🏻👍🏻麵跟有一塊豚肉，豚肉算是不失不過。最驚為天人還是那碗石燒魚介湯，真係濃到不得了！！你還可以見到湯裡的碎魚粉，真係絕對用料十足👍🏻超好味呀😍😋再來是我的石燒辛辣豚骨魚介湯沾麵，我的是400g麵。辛辣味係好味既，裡面的辣肉碎味道好特別好味既，像是麻辣味，但若果有原味比較，它便遜色了。因為多了辣肉醬味，便蓋過了它原有的特色魚介湯味，所以還是原味的好！辣味試過便好。下次再來，一定會叫番原味！風雲丸暫時是我吃過香港最濃，最好味的沾麵店！👍🏻大推！…Read More

近年掀起一陣沾麵風，每次坐車經過這間沾麵都想試試，但一直沒機會，今次終於在朋友的邀約下試一試。• 石燒濃厚豚骨魚介味玉沾麵 沾麵最重要是湯底，這個湯底的確很濃郁，但對我來說有點過鹹，而且胡椒味過濃，嚐不出有魚的味道，叉燒也略嫌有點失色，少了一股叉燒應有的香口感，而且有點過肥。• 石燒辛辣豚骨魚介沾麵🌶 相比之下辛辣湯底反而比濃湯好，雖然也有點鹹，但辣味湯底比較好吃。另外點了炸雞和餃子，味道還好，不過不失。…Read More

去年年尾剛剛去完日本之後，已經有一段時間沒有吃拉麵，於是今天去灣仔的風雲丸吃沾麵。平時經過都看見大排長龍，所以今天十一時，餐廳一開門就到，無需等位。沾麵有多種選擇，亦有其他小食，例如餃子及炸雞。石燒濃厚豚骨魚介味玉沾麵沾麵湯底以石鍋盛載，所以吃到最後仍能保持溫度。吃沾麵習慣先品嘗麵條本身的味道及口感，口感筋道醇厚，頗有嚼勁，富小麥香味，而後味甘甜。接下來把麵條放入湯底中，入口醇厚香濃，實屬上品！半熟味玉蛋黃部分相當濃郁、炭火炙燒的豚肉，肥瘦比例適中，帶有濃郁的炭烤焦香。野菜豚角豚骨魚介沾麵沾麵湯底以肉內有大量野菜，與石燒濃厚豚骨魚介味玉沾麵截然不同，的野菜充滿了清爽的口感，沾麵濃郁香醇的滋味，再加上豚角油而不膩的口感，各種材料之間平衡恰當，不會彼此掩蓋味道，反而能調和到一起。辛口沙拉羽根餃子辛口香辣的風味，刺激著舌頭，乍看之下，這些煎餃好像沒有什麼特別，其實裡頭下了不少讓人吃起來回味無窮的功夫，沒想到煎餃也能達到如此美味的地步，要注意辣度頗高！…Read More

香港拉麵店比沾麵店多，但我偏偏愛吃沾麵，一直尋找沾麵店，灣仔這家風雲丸門店充滿日本風，內裡環境更是跟日本的麵店不相伯仲，幸好當日不需要排隊店員推薦石燒濃厚豚骨魚介味玉沾麵 ，自家製麵可選冷麵或溫麵，前者麵質會彈牙，後者會帶出麵的小麥香，再選出200-800g的麵底，不過800g需要另加$45。如果唔夠飽仲可以加$20食一個香鬆飯，加入湯底內進食飲品點了一枝信州桃子梳打$28，淡粉紅色的桃味梳打，哪個女生誰不愛，夠氣又不會太甜這店的沾麵湯底用上新鮮空運到港的豬骨及魚介粉，上檯時湯底用上攝氏300度的石鍋盛著，所以湯底又頭到尾段食都熱，湯底濃郁帶點杰身，至於麵質比較粗沾麵上的材料豐富，一大塊慢煮叉燒，燒得好香，有厚度及口感，好香，原隻雞蛋超流心，蛋汁多有蛋香辛口沙拉燒餃子一共五件由於餃子是反轉上檯，底層薄脆向面，加上沙拉醬及辣醬，只要一夾，可倒流返多餘的油出來辣醬係幾辣，但愛吃辣的絕對大推，好過癮餃子內有豬肉及韮菜，把它們一口咬下，味道複雜每檯檯面有紙巾，水及各種醬料，非常貼心…Read More

係灣仔番工，放工既時候諗住行去銅鑼灣搵野食，行到半路發現風雲丸好似幾正咁，就誤打誤撞搵到依間好野我就叫左一份石鍋濃厚豚肉魚介味玉沾麵($93) 本身並唔係太中意沾麵，但見隔離位既人個個好正咁，所以就試下麵有得比你揀份量，由200g到400g麵都係免費！而麵麵有得比你揀冷定溫，冷就有咬口啲，溫就淋身啲，個人比較中意冷既一上菜既時候石鍋入面既湯不停沸騰，menu上面寫住有300度，睇見都覺得好食 湯既味道好足夠，麵既掛湯能力都好勁，完全唔會覺得好dry而豚肉都好好食，雖然係凍上，但仍然有炭燒既味道美中不足既係味玉（糖心蛋）有啲太生，如果熟啲同入味啲會更好！…Read More

幾次路過都見點解咁多人架呢？( 無知婦孺的我) 今日晚飯時間路過見冇人排喎，店入面係滿。既然等一陣就有得食所以就去試。睇完menu 決定同友人叫一個沾同一個拉麵。唔想食唔晒啲麵，所以只叫左大盛。沾麵先黎。石燒可以保持湯hot hot ,個人感覺好良好。湯重魚味同有胡椒，香濃。麵呢，佢話係麥麵。我食落就發現自己原來鐘意蛋麵多啲架。個叉燒係毫無期望下食，發現豚肉味清新，肥瘦適中，幾唔錯。落個檸檬就冇太大既分別。拉麵隨後送到。簡單黎講，個湯就豚骨味多啲。唔咸。冇乜話好特別。食完個沾麵加左清湯飲多幾口。魚味會再出啲。食完飯埋單時餐廳俾左啲$20 cash coupon 下次食可以用。( 外面經已大排長龍) 基於平左$20既緣固，我覺得係可以encore!!!!!如果冇coupon 既，我個人覺得佢個麵輸俾周月，但個叉燒有贏番小小分。( 有藉口去食多次周月去補番個食評😎) …Read More

香港地愈黎愈多日本拉麵店，但沾麵店並唔多。但風雲丸開張時有大量報導介紹，香港人習慣一定係一窩蜂甘去排長龍。過左2個月，每次經過都重係排到入轉角位。餐廳設計透明大玻璃，座位有卡位，有吧枱，就算一個人黎食都唔怕尷尬。今日大約8點黎到都轉到入報紙檔，但係入座速度算好快。等左大約25分鐘就到了，但因為同行朋友未到，店員好貼心安排左我入店既等候位坐低等。而且門口有茶可以飲，大家等得耐可以飲下茶解渴。一早諗好左食招牌沾麵，睇到隔離枱既炸雞好吸引。而且有個定律，拉麵店必點炸雞。餐牌都好清晰，主打石鍋沾麵。溫度高達300度。無論係主食定係小食都有好多款可以選擇，唔同口味，一定會有款岩。落單依舊係要自己填寫，揀返岩自己既口味。注意一下，為左大胃王朋友著想，怕一個麵唔夠飽，店家有個好貼心既服務。就係你點任何麵，可以揀埋麵既份量。並盛(200g)，大盛(300g)，特盛(400g)都唔洗額外再加錢架！如果叫特盛，真係會夠2個女仔食。今次就被安排坐左係吧枱位，但其實呢個位好岩我。因為可以欣賞到煮麵既過程，會更加期待。正宗拉麵店一定會附有凍水，而呢度更係檸檬水，食濃厚沾麵食到膩時可以飲返啖。係等餐期間，發現左枱面有食沾麵教學。如果之前未食過沾麵既朋友仔都可以睇下，簡單易明。石燒濃厚豚骨魚介味玉沾麵($93)＋香鬆飯($20)睇落配麵係唔係好大，份量好多呢？因為我叫左個特盛，2個女仔分麵我就揀左冷，因為冷麵一定會比較彈牙，有咬口多啲。事實證明，麵就甘食都好香麵味，可能你覺得我好似講緊廢話。但係超彈牙既麵係咬下咬下就會Feel到架啦。大大塊叉燒，燒到金黃，甚至有少少焦焦地但係其實好軟，好lum，唔會乾好易咬開。雞蛋好入味，但又唔咸，而且流心程度岩岩好。重點！！！！啲麵真係好掛湯，如果100分滿分，我要比300分一上枱時就聽到卜卜卜卜卜，熱辣辣既湯。講到明話濃厚，一定要先飲一啖。超厚身，但會有少少咸，所以配埋麵真係岩岩好，中和哂。可以加少少檸檬汁，解下膩。但我覺得要食就唔好一開始就加，要食左佢本身既味道。用左大量材料去煮既湯底真係精華所在。香鬆飯($20)聽講呢度好出名香鬆飯，睇落好似平平無奇。只不過係有少少紫菜同日本調味料係上面。甘就收我$20真係覺得唔抵，唔多想比。但甘出名就一定要試下架啦，睇下點解賣到甘貴。將飯加入剩下既湯。攪拌到每粒飯都包滿湯。食一啖，有驚喜啊！！！！原來係珍珠米，每一粒都好飽滿，好彈牙。好香甜飯味(又講廢話)而且岩岩提到其實湯有少少咸，但拌左飯之後只會覺得好夠味，唔會咸。而且石鍋幫助保溫，食得落既話真係必點。雖然有點兒貴，但都值既！辛口唐揚炸雞($38)唔好講笑，又一滿分炸雞唔好講咩呀，5大塊炸雞都係$38，抵到爛啦。重有邊度搵到。講返正題啦，新鮮炸起，夠哂熱！一咬落去好多汁，好嫩滑。炸醬好薄，唔會有食粉既感覺。想特別一提，如果唔係點食到辣既朋友就真係要諗下先啦。因為我都算食得辣，平時最少都點中辣，但辣粉加辣油令我都覺得差不多係中辣，而且咬左一大啖粉真係要係甘飲水架！食哂成碗麵再食雞，擺左甘耐重好熱，真係好好好抵讚！總括黎講，風雲丸真係好值得再去！…Read More

早前去灣仔做嘢, 做完後, 便係附近揾野食, 見到一間叫風雲丸食日式拉麵的食店, 便入去試下. 原來這裡主要食沾麵, 正心我心意. 我點了石燒濃厚豚骨魚介味玉沾麵. 客人可以因應自己的喜好去選冷或熱, 要唔要蒽和筍, 最好是連麵要標準, 大盛或特盛也可以, 也不用額外加錢. 最後我選了熱湯底, 而麵就要標準, 保留蒽和筍. 天氣炎熱, 點了信州白桃蘇打. 呻一口冰涼的凍飲, 特別令人舒服. 石燒濃厚豚骨魚介味玉沾麵上枱. 賣相已經好吸引. 湯以石鍋承載住, 一直保持熱度. 而碗裡除了麵外, 仲有义燒, 温泉蛋. 湯底相當杰和濃郁, 而麵條偏向粗身一點, 這樣更能掛多一點醬汁，特別好味. 义燒是厚切, 較有口感, 入口完全不覺得乾和硬. 還有我最愛的温泉蛋. 一整開, 蛋黃流出, 師傅控制時間不錯, 食的時候, 口中滿滿流心蛋黃. 另外, 點多了一個小食, 就是炸雞. 我選了沙律醬. 上枱時香味撲鼻. 雞外層炸得夠香脆, 但粉漿又不會過厚. 而雞肉則嫩滑, 外脆內嫩. 下次來要選下其他款式的沾麵.…Read More

今日終於的起心肝來到灣仔試試這間拉麵店，上次晚上路經止店已見人龍，今日專登下午來就唔洗等位一入到去就被店員細心安排座位，餐廳環境都好日本feel，牆身全係日系漫畫風格下單點了石燒濃厚豚骨魚介味玉沾麵$93 麵方面係配冷麵另外叫咗一枝波子汽水$20 嗜酒嘅我仲要多一枝純米吟釀一滴入魂$98麵跟湯係分開上，冷麵好適合夏天食，而濃湯係用石鍋裝住，一冷配一熱入口剛好，麵質都幾爽口彈牙，而濃湯唔算好結身，但味道好夠，叉燒好嫩淋又夠香味隻糖心蛋就唔夠流心了另外仲食咗佢哋都有賣嘅日本紅茶雪糕$28 好奶滑又夠哂香濃…Read More

大約六點左右來到，剛好未有人龍，等一會就可以入座。食完就見到外面排隊了，不過門口提供免費的茶，很是貼心的安排。一場來到當然是選沾麵，我點了豚骨魚介味玉沾麵。沾湯熱騰騰的，未食已感覺好味！麵有分冷麵和温麵，店員介紹前者較有口感，後者麥香濃點。我主要是想食熱食就選了温麵，哈哈。把麵沾一沾就可以食，魚介香濃不過鹹，非常美味！亦可以加點檸檬汁到沾麵，口感更清爽。叉燒肥瘦適中，厚身的一塊，令人吃得滿足。温泉蛋有一整個，流心得很。女朋友的綠茶可樂，喝了才記得拍照，好特別的日本飲品。味道比一般可樂的甜度低點，但多了少少茶味，頗清甜。小食選了沙拉唐揚炸雞，雞肉非常嫩滑！外皮香脆，再加上沙律醬，相當滋味！我發現每枱都有一幢醬油碟，全部第一隻都是包住。女朋友説由第二隻開始用會比較乾淨，包住第一隻就不怕客人用錯。果然是用心的店。…Read More

今天中午和朋友來到灣仔新開的拉麵店我平時很少吃沾麵的 今日一試原來很好味！石燒濃厚豚骨魚介味玉沾麵 $93麵既粗幼只有一種 咁岩就係我鍾意既粗麵！有冷溫拉麵選擇 冷煙韌彈牙 溫既充滿麥香我揀左冷既 配上熱騰騰既石鍋豚骨湯底 超掛湯 真係估吾到咁好食嫁魚介湯香味濃郁 吾會過咸 上面有層薄薄的油脂 這個湯沾上麵吃下去味道真的很棒 感覺很幸福有啲似福建既滷麵！但口感更好！溏心蛋八成熟左右啦 都流到少少 好味道呀！叉燒好厚肉 肥瘦適中又吾會鞋 微微烤過帶點焦香 浸落湯度再食 肉脂味道更出 食完有想再食既意欲 值得一試！店內仲有拉麵選擇 但我覺得沾麵會比較出色喇…Read More