Mini Friday (The Wave)

Open Now

Now Closed

老豆生日，佢話想食西餐，搵吓九龍東有咩好食先。咸蛋黃醬雞翼（$78），香濃咸蛋黃醬撈炸雞翼，沒有不好吃的理由。皇牌威靈頓牛柳（$358），焗到剛剛好5成熟，牛柳好淋，有些少牛味，老豆好滿意。火焰脆燒德國咸豬手（$288），即場淋酒精點火，夠gimmick（啱哂打卡呃like），然後拎番入廚房切。豬手外皮夠哂脆但唔死硬，中間啲肉亦都軟身。不錯。龍蝦西班牙海鮮飯（$278），海鮮配料夠哂足，有半隻龍蝦、一塊魚柳、吊筒、蝦、蜆各三隻，飯嘅味道可以但不突出。DIY Pasta（$188+$48+$1），生日要食麵，冇麵搵意粉代替。套餐有沙律、餐湯、餐飲，加$1仲有是日甜品。揀咗「蒜片欖油」+「煙肉」+「意大利粉」，另加$48要多半隻龍蝦。香辣蒜味濃，意粉炒得唔錯。PS : 經 openrice 訂枱，主餐牌有88折。

⭐️皇牌威靈頓牛柳🥩$298又香又脆嘅金黃色酥皮下面有層黑松露磨菇，包著牛柳肉嫩多汁的菲力牛柳，肉質富彈性，牛味香濃。一試難忘~⭐️時代抗翼～黃到金雞翼 🐥$58淨係名都夠晒吸引啦，仲要名副其實黃到金，每啖都有鹹蛋汁同牛油香，仲食到一粒粒嘅咸蛋黃, 雞肉嫩滑，唔會好油膩，外脆內軟。人氣小食推介～⭐️DIY Pasta ~ 蒜片欖油大啡茹扁意粉🍝$158加半隻龍蝦+$48 🦞一句講曬‘’ 「Al dente」，大家可以試下我哩個配搭，不過偏辣（蒜片欖油），並附送的餐湯（紅菜頭忌廉湯，非常健康出色）、沙津（新鮮開胃）及飲品。必食～皇牌威靈頓牛柳:⭐️⭐️⭐️黃到金雞翼 :⭐️⭐️⭐️DIY意粉:⭐️⭐️⭐️⭐️⭐️

預祝一下爸爸節👨Mini Friday 扒房西餐廳🍽主打多國西餐，自家首創多款菜式😻有創意同時衝擊視覺與味蕾😋餐廳以歌德式設計，地方寬敞裝潢精緻像置身於外國一樣咁享受😚係一間性價比極高的高質西餐廳💕 未點菜已先來一碟《墨西哥脆片》😋脆片厚身脆口，沾上酸甜千島醬，開胃醒神。 Set dinner 有田園沙律🥗 餐湯🥣 餐飲🍹 加一蚊仲有甜品🍰 抵呀😍 🥣《 菠菜 忌廉湯》飲落好重 菠菜 味，忌廉湯幼滑。 🥗《爆珠沙律》可愛爆珠，配上嫩綠蔬菜，爽甜青瓜仔，新鮮車厘茄，切開一小口， 方便進食做法貼心。 🐂《皇牌威靈頓牛柳 》威靈頓牛柳係首本之作，酥皮烤得堅挺金黃，外層乾爽，牛油香氣濃盛🤤🤤切開酥皮牛柳中間呈粉紅色，非常嫩滑有彈性。牛味香濃，一試難忘😋 下中層有黑松露磨菇🍄吃得到濃郁菇菌。配上紅酒醬汁🍷紅葱及牛仔肉汁，非常惹味。 加上清香嘅蘑菇蓉🍄及香滑鴨肝，最後淋上加入左馬德拉酒及松露嘅肉汁，濃香惹味，吃多幾塊也不覺膩😋 🐷《香烤美式BBQ豬肋骨 》烤焗 均勻， 燒烤醬香甜 ， 肉質嫩滑好juice , 配埋雜菜露筍🥒同薯蓉🥔太滿足啦 🍫🍰《朱古力慕絲蛋糕》精緻小蛋糕，口感凍冰冰，喜歡它

我對觀塘The Wave大廈並唔陌生，因為呢度有唔少餐廳，之前嚟食雞煲多，但天氣開始熱，所以都想轉轉口味。呢晚我哋就轉場過咗隔離嘅🍽西餐廳「Mini Friday」，好彩有訂枱，有88折之外，仲確保唔使等位，估唔到平日晚都咁爆場。餐廳有做晚市套餐，由$168至$258不等，有齊前菜、湯、主菜以及加$1有甜品，其實幾豐富，不過我想食嘅不在此列，唯有散嗌🙈。主菜單選擇幾多，有薄餅同小食等，價錢就中矩中舉啦。餐前小食係墨西哥脆片配芝士醬🌮，脆片好鬆脆，芝士醬好濃，夾埋食好正，仲要係免費㗎。芝士溫泉蛋焗牛脷薯粒($108)，呢個小食一啲都唔小，熱鍋上放滿牛脷粒同薯仔，上面再鋪芝士拎去焗，熱辣辣送上不得了，🧀芝士拉絲效果好澎湃！薯粒其實好大粒，應該係新薯嘅一半，🥔夾夾埋埋可能有成十嚿，食完呢碟已經飽咗七成。牛脷細細粒，口感好淋👅，食落有啲似午餐肉味🤣。明太子忌廉帶子手捲粉($148)，明明有DIY Pasta餐嗌，我都唔要，係因為明太子醬同手捲粉實在太吸引😍。醬汁超濃超Creamy，不過無乜明太子嘅辣味，手捲粉造型有啲似長通粉，但係冇封邊的，口感則非常有嚼勁，兼且好掛汁。餸料有三文魚子同三大粒帶

觀塘區好多高級商廈餐廳，Mini Friday係其中一間我幾鍾意食嘅。喺觀塘做咗咁多年野，都食過好幾次，食物水準保持到。餐廳環境舒適寬敞、格調優雅得來有氣氛，好適合放工去聚會🥳每次埋位會送一碟薄脆，香脆可口，仲有芝士醬，可以一邊睇menu一邊嘆小食，唔洗餓住等。🍹雜果賓治：唔想飲太凍，叫咗少冰都好多冰，一Jar大約3杯左右。🐥水牛城雞翼：有6隻超多，醬汁大概用辣椒醬、白醋、牛油、鹽及蒜頭炮製，香辣開胃。🍄溫泉蛋菠菜大啡菇：以芝士香烤大啡姑，夾層放了溫泉蛋，切細後蛋汁與姑汁交替，juicy美味。仲有沙律菜伴碟，食得健康。🥩皇牌威靈頓牛柳：主菜必食之選，一層香脆嘅酥皮包裹著牛柳，切開時仲有好多菇。牛聊大約7成熟，口感軟稔，連埋菇一齊食帶出好豐富嘅味道。🍗香草燒法國春雞：賣相比較適合聖誕節😜 雞皮燒到金黃色，外脆內嫩，雞胸位置較乾可以點汁食，雞髀無我份。🍝龍蝦海鮮意粉：龍蝦比內碟還要大！肉質爽口彈牙，畢起意粉份量亦都十分多，以車厘茄、菇、番茄醬🥫等煮成，酸酸甜甜好開胃。仲有幾隻大蜆，色香味俱全。

身為前觀塘友，初開張時試過Dinner，覺得唔錯，之後介紹埋朋友丶同事嚟，間中都會嚟食吓，次次都係叫set，今次專程為咗個威靈頓牛柳而嚟 😋皇牌威靈頓牛柳Beef Wellington $298脆脆鬆化酥皮外層，中層有黑椒磨菇，內層係熟度啱啱好嘅牛柳，肉色粉嫩，肉質富彈性，果然無失望！餐前小食芝士醬脆片自選意粉餐 DIY Pasta Set $158跟餐有沙律丶餐湯丶飲品黑松露忌廉汁煙鴨胸意式燴飯Smoked Duck Breast Risotto with Black Truffle and Cream Sauce 黑松露忌廉汁好香丶好濃，米飯硬度適中，最特別係每啖risotto有煙鴨胸味，唔係平時嗰啲分開處理，煙鴨胸只係放飯面甜品 Dessert (跟餐+$1)望落去好似Tiramisu，但食落係朱古力味嘅，層次分明，面層係朱古力粉配蛋白定奶凍？中間2層都係Mousse質感丶最底係蛋糕。

和朋友慶祝生日，揀左依間環境寬敞情調唔錯的餐廳，美食多選擇會有驚喜的，食客唔多私人空間十足，可以慢慢傾，撐枱腳一流。薄脆 free埋位點完餐後即來薄脆小食，口感脆卜卜唔油膩亦唔重口味，醮左美味的千島醬，好食到唔停口。水牛城雞翼 $78六隻沾滿醬汁的雞翼列陣出場，雞翼size大隻，味道酸酸辣辣惹味非常，連續食三件係有點膩的，食下沙律菜又唔錯，中和下口味又可再戰。皇牌威靈頓牛柳 $298外層金黃鬆脆的酥皮看起相當大份，包住充滿肉汁的牛柳和口感彈牙的蘑菇，牛柳軟身醮左醬汁相當美味，係貴左點一餐半餐還可以。龍蝦大啡菇鮮蕃茄汁扁意粉(套餐) $207酸酸甜甜的鮮蕃茄汁底配扁意粉最夾，扁意粉軟硬度適中，撈埋彈牙的大啡菇碎口感全面，龍蝦大隻蝦肉略少，整體味道唔錯。田園沙律 (跟餐)聰明地加了荔枝味爆珠，令平凡的沙律菜加添新意，帶來清香口味。南瓜忌廉湯 (跟餐)南瓜湯底色澤亮麗，口感幼滑，味道濃郁，啖啖滋味。紅莓芝士蛋糕 (跟餐)細細件芝士蛋糕食到兩啖，味道甜甜地，為這頓大餐畫下完美的句號。

光顧過Mini Friday好幾次，不過次次都是Semi Lunch Buffet今次是第一次來吃晚飯啊！因為知道有威靈頓牛，所以我就選擇book這家餐廳晚飯丫～～晚飯時段前來會有live music，同時亦比午市多了一陣雞煲味！因另外半邊場地是食雞煲的啊～～必點的是威靈頓牛另外點了兩份DIY Pasta set ($158/set)套餐有沙律﹑是日餐湯﹑主菜及餐飲加$1換是日甜品入座就先送上墨西哥脆片脆片新鮮炸起，好香脆，醮千島醬吃，微酸的食到停不到口～～田園沙律，沙律菜新鮮爽脆醋酸味令人增加食慾加入了一些爆珠幾有趣，但兩位朋友都不太喜歡爆珠的味道丫～食物上桌的速度好快！兩份DIY set跟威靈頓牛好快送上～～第一份是黑松露忌廉汁大啡菇天使麵醬汁夠多夠creamy，松露味超香，再灑上一些芝士片於面層，出手毫不吝嗇！大啡菇的菇菌味亦好香～～天使麵本身幼身，容易煮得糊糊的這份pasta的醬汁雖然creamy，但天使麵的麵質仍控制得不錯，沒有糊成一團！第二份是溫泉蛋芝士忌廉煙肉意大利飯意大利飯同樣creamy，飯的熟度剛剛好～煙肉略略的鹹香，中和了溫泉蛋芝士忌廉醬汁的膩味道都不錯～～！！皇

The wave既餐廳真係越開越多 喺駱駝漆隔離大家又多左不少選擇 今次我地就去左呢間環境唔錯 又抵食既西餐廳食啦😚 平日晚上都幾多人食 座無虛席架🤭一坐底每枱都會有啲免費小食 係墨西哥脆片配沙律醬 食住等野食心情特別好😌 我地叫左個Pasta加一份皇牌威靈頓牛柳🍽 DIY Pasta 可以自行揀醬汁 意粉同配料😆 我哋就揀咗黑松露忌廉汁煙鴨胸扁意粉🍝 價錢已經包括左沙律 餐湯 餐飲 加$1仲有埋甜品添👅 煙鴨胸有成4大片 加上香濃既忌廉汁掛在扁意粉上 味道唔錯👍🏻 餐湯係紅菜頭忌廉湯 都幾有驚喜 飲到香甜既紅菜頭味😋另外仲試左出面食價錢好貴既威靈頓牛柳 呢到價錢好平民 性價比好高🤩 牛柳好入味好腍 加上大量蘑菇同香脆既酥皮 好抵食🌟

 【#西餐】講女搵食團 || CP值高的Happy Friday- 觀塘 Mini Friday= = = = = = = = = = = = = = 大時大節，出街食飯人太多，當然聖誕也不例外，所以12月頭同朋友去了位於觀塘Mini Friday 食聖誕大餐，提早興祝聖誕。因為都是聖誕月，所以都預先訂位，收工時間上去依經八成半，所以建議大家最好都要訂位較安全。 - - - - - - - - - - - - - - - -前菜 - 『墨西哥脆片』未點菜前，一入坐就會先上小食，一小籃脆片點上醬汁，等朋友時，用作送酒。 - - - - - - - - - - - - - - - -前菜 - 『香草牛油焗田螺酥盒 』（左） & 『黑松露忌廉炒野菌』（右）『香草牛油焗田螺酥盒 』 - 一份4件，中間的田螺，用上香草牛油焗，味度香濃，酥上外圍的香脆酥皮，外脆內軟，一人一個，配上Cocktail，送酒一流。『黑松露忌廉炒野菌』 - 同樣是黑松露味重，用上忌廉炒，黑松露 + 忌廉味，完全比野菌吸收晒，鍾意野菌 / 菇類既朋友不要錯過。 - - - - - - - - - - - - - - - -

觀塘美食眾多，無論係小店定連鎖店都不少，今次光顧既「Mini Friday」有兩間，一間係旺角，一間係觀塘，兩間對九龍友嚟講都好方便，我同朋友係觀塘方便啲就去咗觀塘分店。餐廳內外一層之中分開兩邊食不同菜式，環境開揚，唔會有壓迫感，坐得舒服。食物選擇食物種類唔算多，不過以西餐廳及裝修格局黎講價錢合理，套餐會抵食好多。免費小食一坐低就會比一籃脆片，應該可以Refill，不過我地食左一籃就留肚食正餐。帕爾馬火腿紅菜頭雜果沙律 $68擺盤幾得意，係一個布甸造型，最上面有Parma Ham，然後係紅菜頭雜果沙律，最底有青瓜絲，整體食落好清新，鹹食Parma Ham配清爽沙律中和味道。火焰脆燒德國咸豬手 $228嚟之前有做過資料搜集，知道火焰咸豬手係呢到既招牌，如果中意影食物打卡既你更加要點呢個，話明火焰豬手，當然有火焰呢個環節，豬手一到，店員隨即會點火淋上酒精以產生火焰，都燒10秒既時間，有股燒豬皮既味。豬皮本身已經燒到脆卜卜，再加酒精燒多次令豬皮脆上加脆！肉質正常，有啲位比較乾啲，但豬手味道夠之餘唔會太咸。皇牌威靈頓牛柳 $288對威靈頓牛柳都有個情意結，皆因唔係一道易整既英國菜式，工序繁複，

上次同男朋友食完覺得唔錯,今次就帶埋母親大人黎撐枱腳。依舊都要食佢哋依度嘅王牌威靈頓牛柳,酥脆嘅酥皮包住黑松露蘑菇醬配上充滿肉汁嘅嫩牛柳,同上一次一樣都係依然好味。依個係母親大人堅持要叫嘅小食,本身對佢冇咩期望,但係反而令我好有驚喜。牛脷稍為燒得微微外脆,但係內裏就非常之軟淋,如果唔講真係唔覺自己係食緊牛脷,而係似食緊一塊有質素嘅牛扒。配埋旁邊嘅芥末沙律醬或者黑醋味道跟上一層樓。面頭鋪滿大量海鮮有炸魚柳,青口,大蝦同魷魚。燴飯食落仲有啖啖新鮮香甜南瓜蓉。

Mini Friday我之前都有試過, 覺得唔錯, 所以今次約埋成班朋友黎再試多D野食, 我地五個人, 叫左五樣野, 及每人一杯野飲,份量就剛剛好.主菜我地係叫餐廳既Signature dish,  BEEF WELLINGTON & 脆燒德國原隻咸豬手.不過呢兩樣野都唔好食.. 好失望!唔知係咪租貴, 總之比起我上年黎食, 真係差左非常之多, 除左兩個沙律都幾好味, 主菜就真係好普通.可取之處係坐得算舒服, LIVE MUSIC唔算太嘈, 係觀塘食西餐黎講算平,飲品係每叫一個餸, 每杯飲品就可以半價, OPEN RICE訂位仲有88折. 每人唔駛200一位.呢個價錢唔可以要求太高!蕃茄水牛芝士沙律 – 幾好味腐皮蟹子沙律 – 幾好味皇牌威靈頓牛柳– 之前食過, D牛好好味, 今次差左好多, 完全冇味, 又UN.脆燒德國原隻咸豬手 – 餐牌張相超靚, 超勁咁, 上碟時都好勁, 係我地面前點火燒, 以為好正啦點知一D都唔脆, 都算係我食過最難食的豬手, 又好難切, 又唔脆, 我地要求過叫佢幫我地切, 因為真係好難切,佢話要我地自己切, 把刀又唔利, 切到我地死死下.水桶雞(MENU張相影