士林棧 (Closed)

話說我哋已經好耐冇食台灣菜，而且對上一次去台灣都已經係三四年前，所以我哋決定今日懷舊一下。首先出場嘅，就係呢一個無骨醉雞肶肉，佢有兩個重點，第一就係有我鍾意食嘅醉雞汁，第二係無骨啖啖肉好正！之後就係呢個柚子雞扒，本身嘅雞扒好好食，再加上甜甜地既柚子，令到個雞扒絕對意想不到咁好味，好容易入口開胃！之後就到你一個梅香豬扒，佢係酸酸酸酸地，配搭菜飯一流。而且佢係煎得好香，最鍾意食香口野，都襯返台灣嘢食。最後呢一杯紅豆冰珍珠，純粹係過下珍珠癮。…Read More

星期六既中午剛剛喺大角咀體育館打完波，兩小口子閒着走下走下不其然又黎番呢個熟悉既地方開餐！食物方面已經叫慣叫熟，一人一麵再加杯少甜少冰既「珍珠奶茶」已經係指定動作，只不過今日出完一身汗之後真係太肚餓喇，所以決定叫多個小食醫肚！珍珠奶茶 ($16)：由於加野飲只係$9既關係，「叫杯珍珠奶茶」已經成為指定動作，只係$9就有咁大杯野飲真係無野可以complain！筋肉雙雄麵 ($48)：所謂「筋肉雙雄」其實就係牛𦟌同埋牛筋。作為其中一款「士林皇牌」，主食方面可以選擇「陽春麵」、「米線」、「菜飯」同埋「白飯」做主食，又或者加多兩蚊轉「陽春麵」，實有一款啱你！湯底方面非常特別，同平時常見既牛肉麵唔同，佢有牛肉濃烈既味道之餘重有淡淡既酸味，感覺特別得黎又零舍醒神！牛筋同牛𦟌方面，除左炆得好腍之餘亦都十分有咬口，誠意推介。皇柚雞扒 ($43)：雞扒煎得非常香脆可口，醬汁因為用上白柚子同埋菜蜜，所以酸酸甜甜得黎之餘亦都非常惹味醒神。另外，值得留意既係柚子既營養功效比橙強兩倍以上，除左清脂、健脾胃等等既功效之外更加可以有美顏、嫩膚既效用！除左「牛𦟌湯」之外亦都可以選擇「蕃茄湯」同「清湯」做湯底架！梅貴豬扒 ($43)：所謂梅頭其實就係豬既上肩肉，特點係肉質鮮嫩幼滑，佢既脂肪潔白細緻，好似梅花點咁分佈喺肌肉上，堪稱「豬肉中的和牛」！由於用上比豬扒貴最少一半既一級梅頭豬扒，再加上用梅子同埋精選香料烹調，所以既開胃又醒神，真係不可不試！總括黎講，畢竟大角咀區始終係做街坊生意為主，租金應該唔似其他旺區咁貴，所以餐廳可以專注喺食物既質素上面。再加上定價方面非常合理，「性價比」一流！下次有機會真係要試埋佢地既「古早級牛肉麵」！…Read More

今晚終於都唔洗收工一個食，約到妹妹撐台腳:)呢度之前佢已經黎過，覺幾好，我就無去過，於是就決定黎呢度吃番個“顛娜“     好似有一段時間無同佢去食過台灣ya，對上一次仲係半年幾前！  今晚妹妹收工收得夜過我，唔想係條街度干企變熟尖堆，於是就上網揾地址，一丁友自己去先！   餐廳上菜幾快下，店員反應都一樣快而且幾貼心，店內約有30幾個位，環境以木傢俬主打！荔枝乳酪，味道清新，酸酸甜甜好醒神，略嫌荔枝味不夠濃烈，而乳酪味則恰度好處，不會過酸或過甜，而且凍飲好夠凍，勁啱剛迷完路既我飲用！紅燒牛脷，係伴蘿蔔一起上既，個汁料清清地咁，係幾有牛味既湯，因為一齊煮，所以牛脷肉有好濃濃既清甜蘿蔔味，牛脷都煮到好夠淋，肉質嫩且唔un，囗感像牛腩，其中食左一舊偏大的，就較實淨既肉地，雖然牙唔好，但我都食到，因為其實都幾夠軟熟下，呢個小食最有台味紅燒牛肋條，呢個好鬆化，好濃牛肉味，十分之濃郁，可能因為伴蘿蔔一起炆煮既汁上，所以更顯牛肉味勁香，非常入味，都有好耐無食過咁重牛肉味既ya喇，而且仲要濃得黎唔會so，呢個下次黎會再叫！梅貴豬扒，即是梅頭豬扒，肉質唔過淋，因為係用上豬既上肩肉，無骨啖啖肉，幾滿足！其實個扒唔係un，但我牙力太弱雞，所以未達我個人心頭好！皇柚雞扒，呢個賣相超吸引，肉質鮮嫩幼滑，柚子醬好香，味道清甜，甜甜地夾住香口煎雞扒，正！雞皮好香脆，而柚醬令煎雞不會好干身，醬酸甜適中且份量足，伴著雞扒食，幾好送飯！啱晒夏天食欲麻麻時食貢醋豬軟骨，竟伴上半隻近來最愛的溏心旦， 真想大聲叫好！台式溏心旦白好滑溜，旦黃有少少流心，討好既外貌，令人蠢蠢欲動好想食佢，而豬軟骨方面則好爽口，豬肉質地嫩而滑，嫩嫩的加賣少少肥既肥肉，我都能照單全收就知其實不肥了，好香濃甜醋味，肉質有咬囗，唔會過淋，幾好0趙下，醋味調味亦剛好，無過份的酸或甜過火既感覺！呢度每個小食價錢好相宜，份量合理，女仔黎都可試多兩樣，啱曬三心兩意，心大心細兼有選擇困難症既我同妹妹！賣單158，食到夠曬脾，呢個價錢認真超值囉:)…Read More

有朋友介紹下，約同幾位朋友去士林棧食晚飯，我地由朗豪坊行過去10分鐘到，雖然平時就好少專登行過去果邊，但老闆真係好熱情招待同介紹，鋪面唔大，但環境舒服企理，去開果邊確實係不錯的選擇~…Read More

放假搵朋友 hea吓，經過佢樓下叫到有間未試過嘅台式料理，由於太餓喇 加上係門口睇過個餐牌，每樣食物都唔貴，諗都未諗就試試啦！入到去就坐到全店最後一張空檯，都幾 lucky遲少少都可以要排隊喇！既然主打台灣美食，就試吓最穩陣嘅筋肉雙雄麵，麵類選擇咗陽春麵。另外就叫咗啲小食一齊 share！飲品最早上檯，我呢個係雪耳飲，雪耳已煲滆晒，所以飲落去係膠膠地同杰杰地，味道唔係係咪因為雪耳本身無咩味，所以加咗啲冰糖去煲，所以係偏甜偏清朋友個嗰就係蘆薈紅豆冰，紅豆有小小起沙，蘆薈同紅豆份量都 ok，但奶味偏淡，濃啲就好喇之後主角同小食都陸續上檯喇！筋肉雙雄麵到喇，好彩我地叫咗一碗炸，真係好大碗，兩個人食都夠先試試個湯，牛味濃但飲落去又好順口，唔似有味精蘿蔔就好入味喇，入面嘅色都變晒喇！牛腩好「諗」，好容易就係口到散開牛筋都好 ok皇柚雞扒啲雞肉滑溜溜，脆脆嘅雞皮上面鋪咗啲柚子蜜，好似蜜糖煎噤甜但同時又多咗柚子嘅清香，唔錯嘅配搭，但如果可以切得細塊啲就仲好喇南乳雞件 發覺到呢嘅炸物都幾好，呢個南乳雞件炸得惹味又唔乾，唔錯唔錯最後一個肉燥茄子，一餐都要有啲蔬菜平衡一下，茄身已「諗」，如肉燥味更多會更好！整體嚟講所以嘢都係大大碟，幾抵食嘅！…Read More

一直都有留意士林棧,今日終於有機會一試.雖然牛肉麵係招牌,但想試下其他特別野,所以無叫.叫左皇柚雞扒陽春麵(牛肉湯).鐘意飲柚子蜜,但無諗過柚子加雞扒係幾夾嫁!雞扒size正常,皮薄而且好脆,無咩肥膏,加埋上面嘅柚子醬好清新好開胃,柚子醬中和左煎雞扒嘅油膩.套餐可叫米線,,陽春麵,白飯/菜飯.叫左少有嘅陽春麵,麵可配牛肉湯,蕃茄湯/清湯.哩到牛肉咁出名,梗係叫牛肉湯啦！一飲啖湯,有種鮮甜清清地嘅牛肉味,湯唔油,無咩味精.陽春麵條幼細,但夠煙韌 ,不錯!麵會跟生菜,芽菜,木耳絲 成碗麵好大,食完好飽.另外一個餐叫左日式漢方雞酒食配陽春麵.哩個一聽個名就知好補.日式係因為用上清酒,漢方就係指用左人參,杞子等中葯.湯底帶有輕微嘅酒味,應該係用上清酒嘅緣故,所以幾易入口.雞肉有好多件,肉質嫩滑,相信係落左單先加d雞落湯到煮嘅!未夠候,叫多左個小食,梅貴豬扒.小食$27蚊都幾貴,所以都係跟餐抵d.豬扒係用左靚豬肉,入口係幾嫩.食落有種話梅味,但相比前兩款,豬扒就有d失色.跟餐可以優惠價$9飲冬瓜茶.可惜,杯野真係過甜!…Read More

個人都幾鍾意台灣，所以，先後去過台北、宜蘭、台中、高雄、台南、墾丁等地，雖然台北嘅士林夜市未有留下過足跡，不過，晌唔同地方，甚至台北本身，都有去過唔少夜市。小弟就幾鍾意台中嘅六合夜市，夠大又多嘢睇；台北嘅饒河街夜市，亦唔錯，幾好行 :) ；印象中唔多喜歡高雄嘅瑞豐夜市，逼鬼到暈 :( 。今晚，獲邀嚟到士林棧，品嚐一下「士林夜市」嘅味道，又睇睇能否顯出不甘示弱嘅姿態。雖然小店位處大角咀舊區內，但對我而言都唔難搵，因為一來有朋友住晌港灣豪庭，對依區都有少少認識，二來早前無耐先去過九龍珀麗酒店食飯，都曾經過附近，所以，都有啲印象。內裡實木木枱木櫈，裝修簡潔，光猛企理，牆上又貼有好多雜誌、報紙介紹，以及唔少店內招牌推介，強調無添加味精。至於食物方面，掃一掃啲餐牌，似乎又幾多選擇，廚師推介、客飯套餐、清菜香飯系列、士林皇牌、自選米線及小食……等等，不過，再細心望望，就見喺以幾款招牌菜再作唔同變化。例如其中一款皇牌「日式漢方雞酒食」，晌唔同餐牌中就變成暖暖鍋、配菜飯、配米線、單叫嘅小食。而餐枱紙亦特別印有店中4款名物：士林牛展、雞酒食、梅貴豬扒及皇柚雞扒，實在要會一會佢哋，睇睇味道如何。 士林招牌牛展陽春麵 $42 :) 晌廚師推介餐牌第一個介紹就喺士林招牌牛展米線（$40），可免費轉菜飯或白飯，若轉陽春麵或烏冬需要+$2。牛展並非一片片，而喺切得粗大一條條，加埋陽春麵，大大碗，份量足。牛展確實燜煮得入味又夠腍，據店主講喺改良自台灣牛肉麵，而湯頭亦不俗，雖然唔似日式豬骨湯濃到漿口，但骨香味鮮，濃香不膩，有水準 :) ；再者，清甜嘅蘿蔔，爽脆嘅生菜，講到依度，個麵應該喺高分之作，不過，啲陽春麵就有啲強差人意，其實，食之前店主都有提及麵嘅問題，但我哋想好嘅又試，唔好嘅又試，的確啲陽春麵一咬腍得交關，無嚼勁 :( ，大大拉低晒碗麵嘅分數，感覺有啲可惜。 日式漢方雞酒食鍋客飯套餐 $62 :) :) 日式漢方酒食系列，有雞同肥牛，不過，想食暖暖鍋，就只得漢方雞酒食鍋。依個暖暖鍋客飯套餐，每套包一款主菜（11揀1），一款配菜（6揀1），加一個菜飯或白飯，再送冷熱豆漿，其他凍熱飲另外加錢。 日式漢方雞酒食 :) :) 一鍋話多唔多，話少唔少，內裡有唔少配菜：木耳絲、枝竹，雞件採用鮮雞，裁得大而厚肉，肉質挺實而香滑；當然，依道菜個藥膳湯底先喺亮點，從餐枱紙嘅介紹，加入咗蔘鬚、黃耆、川芎、淮山等中藥熬煮 ，打開蓋一刻，已聞到酒香及藥香，呷一口真喺有種暖身嘅感覺，當然，都喺留待寒冬之時，先多飲幾碗，可促進血液循環，依家天口熱，小酌啦！ 肉燥茄子雖然只喺簡單煮好茄子，再淋上肉燥，但整體感覺不俗。肉燥做得唔差，有咬口，都幾香，而茄子炸得軟身，但估唔到又唔太油。 凍豆漿 :( 雖然跟餐，難得杯凍豆漿都仲有咁大杯，豆味唔算好突出，而且少甜，不過，豆渣多，所以飲落少咗份香滑感，隔渣方面要多做啲功夫。 梅貴豬扒 $25 :) 晌小食一欄，多款精選或皇牌小食，都喺賣$23 / $25，先試其中兩款：梅貴豬扒及皇柚雞扒，幾鍾意個餸名，玩晒食字。豬扒用上價錢較貴嘅上肩肉，即喺梅頭，咪以為我一食就食得出，都喺張餐枱紙有介紹啫。唔單只咁，成日聽到廚房傳嚟揼嘢聲，原喺喺大廚鎚鬆啲豬扒，所以，咬落真喺非常鬆化，而且又炸得甘香，唯一要挑剔喺入口有啲油，可能配菜飯或米線會更理想 。 皇柚雞扒 $25 :) :) 個雞扒比起個豬扒賣相靚得多，無咁「黑古勒突」好似炸燶咗咁，色澤金黃，加埋少少柚蜜，寧舍閃爧。雞扒無乜特別咩位置或處理，重點反而落在個汁度，據介紹喺用咗台灣南部頂級白柚子加菜蜜煮成，柚蜜清香酸甜，配合嫩滑雞扒肉，感覺幾清新開胃 。 芒果乳酪 $15（跟餐+$9）淡黃色嘅芒果乳酪，芒果味淡，感覺唔太自然，乳酪嘅存在感實在無乜，唯冰凍酸爽，叫人一飲醒神，可能紅、綠茶會好啲。 梅子冬瓜茶 $18（跟餐+$12） :) 店主話新產品，仍然喺邊試邊改嘅階段，以冬瓜煲腍再壓蓉，又加入雪梅，入口先喺一朕冰涼，感覺天然，又帶點雪梅嘅酸香，令人消暑，而茶中有好多粒粒瓜蓉，口感幾有趣，不過，唔喜歡嘅人相信會覺得怪。其實，去過咁多夜市，老實講，夜市食嘅嘢可謂大同小異，偶有一啲夜市會有幾檔至出名嘅名物販賣，不過，就真喺唔識點形容依個喺士林嘅味道，嗰個喺饒河街嘅味道。總之，行台灣嘅夜市，就有好多嘢食回「味」！今晚，晌士林棧，都有回味嘅嘢食，再次多謝店方邀請！…Read More

一向對台灣情有獨鍾, 喜歡當地的環境、小店、氣息、生活模式及人和事, 通通都很喜歡, 特別是當地的特色美食。每年我我會到台灣遊一遊, 上年還走了四趟, 台中、台北、高雄……走到不同的角落, 同樣亦細味當地街頭、小店及咖啡室的美食。但當人在香港, 心時時掛着台式食味, 只好周圍尋覓台灣食店, 之前就去過以台灣地方名為店名的《西門町台灣麵食》, 今次則又試試另一個同樣以台灣地方名為店名的《士林棧》, 不知會否有士林夜巿美食的風味呢?雖開設在大角咀, 但不用走進大角咀內裏, 反而近旺角, 故都幾就腳。門口放了菜牌, 亦貼滿雜誌的報導, 讓客人在入去之前可了解店子更多。 店內以啡色的油木枱和木櫈為主, 一邊大約有四至五張圓枱, 另一方同樣大約有四至五張方枱, 直入就是水吧和開方式的廚房, 客人可一邊進食, 一邊看着廚師們用心製作的食物的情境。 店子地方不算大, 但簡潔整齊, 坐得頗舒適, 而牆上和玻璃鏡上亦貼了大大張招牌菜式的相片, 而墊枱紙亦印了四款招牌材的簡介, 可見店主如何用心鑽研各款菜式。台式飲品風靡全港, 在街上經常見到有人都拿着一大杯飲得津津有味, 所以一坐下便先叫一杯特色台飲, 對酸咪咪的東西特別喜好, 就試試走糖百香果乳酸(原價$15, 跟餐+$9)。黃色的百香果乳酪入口冰凍, 帶有微酸, 但百香果和乳酪的味道都不突出, 略為普通, 欠一點台式風味, 不太討好。在台灣最喜歡就是吃台式小食, 接著揀選了幾款頂一頂肚子。先有三款雞扒, 包括皇柚雞扒、五味脆雞扒和脆炸芝心雞扒。最喜愛是皇柚雞扒($25),  外層煎得香脆, 邊位帶點焦燶, 厚厚的雞扒肉質嫩滑, 面層再淋上酸酸甜甜的柚子汁, 令人醒胃, 是夏日之選。辣辣的五味脆雞扒($25), 外層雞皮炸得相當金黃, 上面灑了五味粉, 雞肉肉質嫩滑, 故可惜略欠五味粉的惹味, 味道一般。至於脆炸芝心雞扒($25)製作頗創新, 腍嫩的雞扒夾着半溶的芝士, 鹹香的芝士與雞扒相當配合, 吃時再蘸上一些酸辣醬味, 更加滋味。陸續上枱的小食有士林紅燒牛脷、梅貴豬扒、糖心蛋和日式漢方雞酒食, 款款各具有風味。士林紅燒牛脷($25)相當入味, 片片厚切的牛脷炆得腍軟, 易於咀嚼, 可惜白蘿蔔則略為偏鹹。差不多一半飯餐時間也聽到 “卟卟”聲, 究竟發生什麼事? 原來是泡製這碟梅貴豬扒($25)的事前功夫, 廚師不停用鎚仔拍揼每塊豬扒以令其肉質變得鬆軟。豬扒外層煎得焦香, 肉質極之腍嫩鬆軟, 而且相當入味, 不得不再來一件, 正!看着隻隻金黃色的($23), 加上搖晃着的蛋液, 對其滿有期望, 可惜郤令人失望。糖心蛋沒有蛋香, 而滷水味亦不突出, 味道一般, 期望可有所改善。日式漢方雞酒($25)是眾多小食當中最喜愛的一款。這鍋二人份量的雞酒內有爽口的木耳絲、滿有豆香的枝竹及肉質稍稍結實的雞件, 份量充足。把鍋蓋揭開時, 酒香隨着熱煙四散, 對於個人來說, 用酒的份量剛好, 入口甘醇, 雖面層帶有雞油, 但喝下去時並不感油膩，忍不了喝了兩大碗, 感覺體內充滿一股暖氣, 的確是一款補身的菜式, 是女士的恩物。吃台式食品, 當然不少得牛展和肉燥, 故我們叫了一碗士林招牌牛展麵($42)、士林招牌牛展米線($40)和肉燥菜飯。肉燥菜飯的肉燥是自家製, 醬料的顏色有點黃, 而味道亦有別於一般, 醬油的味道不算強烈, 反而有花生香, 原來師傅加入了花生醬和黃薑粉調味, 肉碎入味之餘亦有咬口, 與清翠的白菜菜飯一起拌吃, 別有一番風味。對於士林招牌牛展麵($42)和士林招牌牛展米線($40)則有點失望….大大碗, 牛展和麵的份量都不少, 還有清甜的白蘿蔔和翠綠的生菜作配料, 雖然湯底濃而不鹹, 但可惜牛展連筋的位置不夠腍嫩, 略為硬實, 難於咀嚼, 加上麵底浸在湯中不久便變淋身, 口感大大扣分。最後, 還有一碗新研發的台式糖米給我們品嚐, 這就是蘆薈三色($18), 內有紅豆、綠豆、眉豆、蘆薈和珍珠, 用料豐富, 配搭特色, 亦滿有口感和咬口, 而且甜度剛好, 雖然這款甜品味道不錯, 但可惜略失台式風味, 反而有點似傳統的喳咋。小店在烹調食物上努力鑽研, 以迎合港人的口味, 同時亦不停創新, 為食客帶來驚喜, 真的值得讚賞。吃完這頓豐富的台式食品，因帶點港人的口味, 故勾起我很想念正宗的台灣風味美食, 想飛去台灣一轉呀!…Read More

對台灣有種特別的情感，一來是從小到大常常聽爸爸講國共打仗的歷史，長大後又因工作關係經常到這個地方出差，連從小一起長大的隣居兼好友都嫁到台灣當過埠新娘，所以感覺自己對這個地方從不陌生。從奧運站來到士林棧，走了差不多半小時，才發覺自己做了傻事，如果從旺角走來應該會輕鬆得多。士林棧主打新一代的台灣美食，當中所謂的「新」，除了是工藝上的創新，也是健康、零味精的意思。小小的店子，坐位不多，圓木桌椅令我想起同區的小店車品品。甫坐下，老板便熱情的介紹了新產品，分別是黑糖冬瓜茶及梅子冬瓜茶。前者很有古早風味，味道不會很甜，冬瓜味道比較特出，飲的時候明顯嚐得到冬瓜的纖維，感覺清熱消暑。梅子冬瓜則感覺怪怪，雖然酸酸的很開胃，但完全搶了冬瓜的味道，個人不太喜歡。起初聽見這個菜式，還以為是以玫瑰花入饌的「玫瑰」豬扒，看真一點，才知道是用矜貴梅頭肉做出來的「梅貴豬扒」。從豬扒的外表，特別是炸出來的褐色，感覺肉質應該是炸至又乾又脆，殊不知肉質非常鬆軟，而且還很juicy, 酸酸梅子粉令豬扒錦上添花，不過當小食齋吃沒有白飯則有點太鹹。另一道諧音菜式是皇柚雞扒，最初我以為是「黃油雞扒」，想來想去也想不到有什麼特別之處，原來是用了柚子醤，概念有點像青檸雞，不過比起青擰單調的酸，柚子又多了一份香甜，跟雞肉出奇的搭。雞件非常厚身，但雞皮卻很薄很脆，肉質嫩滑而且無雪藏味。從來沒想過，除了沖柚子蜜，柚子醬還可以這樣運用，看來日後在家煮飯，又多了一個新煮意了。不得不試的有這道招牌牛𦟌米線，最特別的地方，除了橫切的刀工，就是用了曰式煮高湯的概念，湯底用了大量黃豆來熬製，因為黃豆清潤解躁，剛好解了牛肉的燥熱。牛𦟌煮了不過一小時，已經又軟又腍，腍的程度只能說「難以形容」。除了牛𦟌，其他配料還有雲耳、芽菜、唐生菜、蘿蔔和紅椒，蘿蔔又腍又入味，加了一點紅椒碎，感覺甜中帶辣，非常特別。第一次認識雞酒，是在三色台的飲食節目上，那一集的廚師嘉賓煮的正正是雞酒，說當時為了煮給剛生小孩的太太補身而特意去學的，還煮足一個月。所以我幾時都認為，懂得烹飪的男人是最值得加分的。這兒的雞酒，用了蔘鬚、黃耆、川弓、淮山等藥材，聞起來酒香濃郁，入口有濃濃的蔘味，後勁鹹鹹的。雞肉反而吸收了酒味，而且帶甜。個人很怕蔘類的甘苦味，所以算不上喜歡，不過喝後身體瞬間暖和起來，補身功效不是蓋的。最後來了一個五味脆雞扒作結，感覺有點像日式天婦羅的變奏。炸粉非常的薄，咬起來索索有聲，上面灑了一點七味粉提味，另外配了一個類似泰式的酸辣醬，也算特別。吃到此時此地，其實已經非常撐，不過熱情的老板，還免費送了蘆薈三色撈給我們。糖水的材料其實非常簡單，只有紅豆、綠豆和眉豆，當中透明的顆粒，起初以為是冰塊，入口才知道原來是蘆薈，整個糖水味道酸酸甜甜的，有排毒袪濕的功效，感覺挺不錯。台式糖水的質感都是水水的，個人比較喜歡廣東式起沙的口感。店名士林棧，難免讓人想起台灣著名的士林夜市，不過隨著地面夜市轉戰地下街，狹窄的環境有近百個美食攤位，讓人失去閒逛的好心情。香港的士林棧，伸手可及，至少可以讓人望梅止渴一番。…Read More

太太知道我會走來大角嘴探望大姨媽, 提議我來吃一次士林棧, 特登打開OpenRice地圖教我走行, 不過我大姨媽住在新九龍廣場那邊, 要經過很多條X樹街才找到士林棧, 試過問下附近街坊, 好似並不太清楚, 若然對大角嘴有陌生, 甚至以為是奧運站那邊就必定會行錯~食店很小, 小到一眼望完, 望見四周也打理得一乾二淨...從座位望入廚房, 地上無濕水, 處理檯上也擺放了碗布、毛巾, 應該是衛生這方面把關得好吧...點選一些平時少見的食物, 原來台灣食物都可以有大變化 ...速進血氣循環、增強活力的日式漢方雞酒食配牛展湯米線 $40 , 按餐檯紙的介紹是男女老少皆適宜的強身妙品, 材料是用蔘鬚、黃耆、川弓、淮山等藥材, 加上米酒來煮雞肉, 入口美味, 補而不燥!米線可有三款湯底選擇: 牛展湯、蕃茄湯及清湯, 內含菜、芽菜、木耳絲、腐皮作配料, 米線彈牙, 味道軟滑, 牛展湯底不似一般臺式牛肉湯有一層厚油, 味道鮮美~ 按餐檯紙的介紹濃湯中不含味精, 是店方用上新鮮雞骨、牛肉、豬骨、雞肉熬上12小時而成~皇柚雞扒 (小食價 $25):外脆內嫩的雞腿肉再澆上由頂級白柚子及菜蜜煮成的醬汁 (按餐檯紙的介紹), 結合成一道清香嫩滑的小食~士林紅燒牛脷 (小食價 $25):應該是用牛展湯的湯底去把牛脷炆熟, 牛脷大件又帶點咬口, 脷形示人, 件件硬晒軚準備與客人打交道~糖心蛋 (小食價 $23):蛋黃油潤到似要把我的牙齒吸啜, 好滑又蛋味重, 還吃到有微微鹵水香~跟餐加錢要了杯百香果紅茶, 我關注血糖所以點了少甜, 可是味道依然偏甜~食完全餐只不過是$122, 真是便宜抵食~…Read More

從「民以食為天」一話，除了顯示出食為民生基本的需要外，愛吃的我更認為藉著食，可了解一個國家、一個地方的文化，儘管未能全面掌握，但總也能略見一二。遊台灣，夜市是體驗當地人生活的好地方，不管是遊客或當地人也能打成一遍。我認識的台灣人多是健談、熱情、不拘小節、百分百愛自己的地方，因而關心政治。從前曾受顧於一位台灣人當老闆的公司，他老是懷念著台灣當地的牛肉麵，若然他仍在香港的話，我定會帶他到「士林棧」試試看。天氣炎熱，先來杯凍豆漿解喝。豆漿色澤偏黃，質感厚重。入口豆味濃郁，輕微的甜度尤為稱心，除自家手製的豆漿外，這杯算是我喝過最好的豆漿。除了選用加拿大黃豆外，相信豆漿的濃香由豆多水少的比例構成。荔枝味道不算太人工化，綠茶的甘與荔枝的香取得平衡，小甜與冰涼的口感直貫心底，喝著舒暢得很！台灣人的百香果就是熱情果，當然也不是用上天然的熱情果汁。以百香果與荔枝兩款不同口味配襯綠茶的效果比較，還是覺得荔枝較為合拍！先來一點小食，看到梅貴豬扒，除名字特別之外，更以貴重的「和牛」作比喻，相信定是「士林棧」的必殺技。梅貴豬扒經煎炸，外層呈啡金色澤，入口不油，而且份外鬆軟嫩滑，略帶梅子的甜酸，味道獨特創新。原來是採用了「梅頭」豬扒製作，再花時間以人手鬆肉，怪不得肉質如自家製作般優良！酷愛梅子的我，覺得梅味較淺，若能加強的話，便更完美無瑕了！豬扒、雞扒同是台灣人喜愛的夜市小食，眼前的皇柚雞扒，沒有厚重的炸漿，取而代是一層閃爍的柚子醬。雞皮脆薄，混著甜香的柚子醬，最驚喜的是異常嫩滑的雞肉，入口軟腍可口，廚師選用了鮮柚汁醃製，相信士林夜市的炸雞扒也要爭相仿傚。雞肉不受火，既又要保持肉嫩，又要做到香脆，究竟廚師怎樣控制火喉？！簡單的灼生菜和金菇，加入肉燥後，頓時變得「台灣」了！台灣飲食集結潮州特色，滷水是當中的表表姐，更是夜市必備。通常在夜市看到的滷水食品，顏色深濃如涼茶，入口醬油味較重。但「士林棧」的滷水色澤較接近潮州風格，除了香料味道外，更帶有微微的黑醋酸香，將較肥膩的豬頭肉也添上醒胃的元素。大腸口感不錯，軟腍中富有彈性，而雞翼亦保留完好的外型，肉質嫩彈，最怕煮久後變得綿綿的雞肉！佔據台灣飲食文化重要席位的牛肉麵出場了！士林招牌牛蹍陽春麵標榜無添加和健康元素，湯底使用豬、雞骨和雞隻，經十二小時熬製。一呷湯頭，滲出清香醇和而不肥膩的韻調，幽雅的風格跟一向以濃味示人的台灣牛肉麵，完全不一樣！這種脫俗出塵的感覺，逼使我不得不查根問底去。脫俗出塵的根源除了無味精無添加外，豆渣和冬菇之選材更令我不禁甘拜下風，多翻思量也想不到這兩款材料。店主稱參考了日本的烹調方法，豆渣殘留豐富的蛋白質、碳水化合物、鈣、磷、鐵等營養，冬菇同是高蛋白、低脂的食材，更可抗氧化和提高免疫能力。怪不得湯底清香純美，大可一喝全清。牛蹍燜煮得軟韌適中，具豐富彈性。直條的粗切方式，要比橫切的牛蹍更具嚼感，還添上我喜愛的白蘿蔔，怎能讓人抗拒！牙齒一咬陽春麵，一陣芬香的氣味直湧喉嚨，雖然陽春麵軟腍的特性不是我杯茶，但也被其芬芳吸引著。店主稱陽春麵是特別訂購，非一般平價貨色！士林招牌牛蹍陽春麵秉持台灣菜的清、淡、鮮、醇之特質而製，相當不錯！由於士林招牌牛蹍陽春麵的份量不少，我們的肚子已裝得滿滿，但是跟滿肚墨水的店主打開話題後，我們便一直坐著閒聊！嘴巴經一輪運動後，店主推介我們嘗試五味脆雞扒。經改良的炸雞扒，色澤金黃、皮層份外甘脆酥香。皮與肉間夾雜著潤澤的肉汁，非但沒有炸物的燥乾，雞肉還保持細嫩可口，再配合五味粉的香氣，這款五味脆雞扒確是令人回味！猜不到店主對相學和中藥也甚為了得，被人憑體格外貌判斷體質已非第一趟。女士通常怕冷，氣血較差，所以這碗日式漢方雞酒食正合我了！一呷雞湯，酒香與湯底做到平衡，藥材與酒香平分春色，沒有難以入口的苦澀藥味，只恨香氣過份洋溢，連身旁的男士也要分一杯羮，不管功效如何，但滋味已滿載心頭！我們跟店主的天方夜談，直至店內每一位客人都已離開，小小的一頓晚飯，沒想到味蕾和腦袋也獲益良多！三人吃了那麼多，才不到兩百元，非常實惠！在外交上，台灣人雖然處身於狹逢中，但台灣人那種不屈的氣節，屢次顯現在不同的事件中，令我動容不已。深信憑著台灣人的特質，一天終能闖出自我的空間！正如香港昔日的繁盛，全賴港人雙手的苦拼和公平的制度。如今硬要接受人家的施捨，我寧願餓著肚子、咬緊牙關苦幹下去，需知世上並無免費午餐！喜歡「士林棧」清雅健康的牛肉麵，豆漿更可堪稱是香港的足料之最，還有從微處入手改良的烹調方法，足見其真誠、用心及創意所在。「士林棧」雖只是一家主理台灣菜的小店，欠缺地利的優勢，在劇烈的競爭環境中，若要脫穎而出，相信默默做好自己的菜式，嬴取大眾的口碑，才是最扎實的法門。希望透過香港的「士林棧」，同時帶出香港的精神及台灣人的氣節，靠著雙手必可自創出天地，「士林棧」加油吧！…Read More