PARADISE DYNASTY (Maritime Square 1)

香港越來越多上海菜館，上海菜中我最喜歡食的就是「小籠包」，今次揀左主打小籠包的【樂天皇朝】。餐廳環境闊落乾淨，位置相對都多，店員的服務態度非常好👍🏻👍🏻。 ⦁ 皇朝小籠包一籠八粒，每粒不同色和味道，正因為皇朝小籠包有八款獨特口味，餐廳提供食法，按照指示順序去吃，完全體會不同風味。個人比較喜歡原味、鵝肝、黑松露。川味都好惹味😋😋，只是跟我另外點了擔擔麵的味道太相似。 ⦁ 皇朝擔擔拉麵湯汁濃稠，花生味同辣味🌶️都好出，掛滿所有麵條🍜，每啖都好惹味！怕辣的要注意！ ⦁ 豆沙窩餅外皮香脆，豆沙蓉🫘亦好多。 ✨著數優惠1️⃣外賣八折優惠：外賣自取❌不適用於便當、套餐、飲品及酒水 2️⃣下午茶五折優惠：下午茶（一至五）六折優惠：下午茶（六、日及公眾假期）⭕️只適用於利舞臺、青衣城及將軍澳中心分店 …查看更多

滬菜是我喜愛的菜式之一，呢間已經係我第二次到訪。原因呢度嘅食物味道樣樣都有水準，食物選擇都幾多（我仲有好多嘢都想試）餐廳環境又坐得舒適，絕對值得多次到訪。🥜先嚟一個小食滷栗子花生，滷栗子同花生都充滿醬油嘅味道，而且非常軟腍，平時我都好少食花生，但呢個會忍唔住一口接一口咁食。▪️皇朝小籠包（8pcs）屢獲殊榮嘅小籠包，每個小籠包都色彩繽紛，口味都唔同；先由中間原味開始，接著順時針開始順序食糟溜絲瓜 > 鵝肝 > 黑松露 > 芝士 > 蟹粉 > 蒜香 > 川味，味道由淡到濃咁開始，每粒小籠包都皮薄多汁鮮甜，一試難忘。▪️鮮蝦豬肉雲吞豬骨湯雲吞同樣皮薄，蝦肉食落爽口彈牙，加埋新鮮豬肉，香濃嘅豬骨湯整體好好味。▪️京醬肉絲配薄餅京醬肉絲用咗豆豉醬汁去炒，入口香濃惹味，薄餅皮包住肉絲和香蔥一齊食，好似食咁片皮鴨嘅味道。▪️香煎豆沙鍋餅煎到金黃香脆嘅外皮，配埋香甜適中嘅豆沙餡呢道菜作為結尾最適合不話，係我食滬菜必點嘅甜點。…查看更多

//< 樂天皇朝 >一直都聽聞佢地既8色小籠包好出名，唯一直未試～ 近排見到foodie們都去食就終於一試究竟🥰 平日下午茶優惠仲有半價添啊omg😍😍- 皇朝小籠包 $118–> $59 -超吸引好吸睛🤤 8隻顏色8種味道😎每個味都唔會太濃令人覺得奇怪～好有心思咁要順次序順濃淡去食😆特別鍾意黑松露、蒜味同川味🙊芝士可以拉絲、蟹粉幾正都唔錯🙊人參味稍微覺得一般！但係整體都皮薄多汁好味道- 李白醉雞 $85 —> $42.5 -份量唔少！okay滑啦未至於好嫩好滑🤣酒味都幾香而唔會話太’keng’! 啖啖肉唯獨某d位置肥左少少，但係都okay😇半價真係好抵好抵！呢個優惠其實都已經好耐架喇🤧想用優惠嘅價錢去試就唔好錯過喇💕平日2:30-5:00啊！—————————————評分：6.8/10地址：青衣青敬路33號青衣城3樓310B號舖營業時間：11:30-22:30#樂天皇朝 #小籠包 #青衣 #青衣美食 #青衣城 #青衣城美食 #香港美食 #美食博客 #hkfood #hkfoodie #hkfoodshare #hkfoodlover #hkfoodblog #hkfoodblogger #🐷🐤青衣 #🐷🐤上海菜 #🐷🐤中菜 …查看更多

每隔一排總會再想黎樂天皇朝食一下中餐，再嚐嚐滋味小籠包。今晚又同爸爸來食晚餐。點了不同款式既菜式，每款都好好味。當然唔少得點一份皇朝小籠包，每一粒都有獨特的口味，顏色又靚，味道又好。仲有張紙條說出如果跟呢個步驟去吃，味覺會更為一絕，因為不怕味道先吃了濃味，而令下一粒的小籠包味道大減，所以我都建議可以按著餐廳吃皇朝小籠包的指引來吃。其實款款小籠包都有不同口味，好多款我都好鍾意，皮薄多汁，惹味。蘿蔔絲酥餅，熱辣辣。而且炸得外皮超脆，仲一絲一絲的脆條，口感滿分。中間有滿滿的蘿蔔絲餡料，每一啖都能同時感受香脆、軟綿綿的複雜口感，真係又特別又滿足。李白醉雞，賣相已砌得十分精美。雞肉雪白肉厚，仲聞到陣陣酒香，啖起雞件酒香撲鼻，冰冰涼涼，而且雞肉多肉，又嫩滑，一吃便停不了，作為前菜極為惹味，必定會令胃口大增。另一款都是可以衝擊味蕾，就是紅油抄手，滿滿紅色的辣油浸著蝦肉、豬肉的餃子，除了餡肉豐富外，另外紅油都是靈魂人物之一，當中的辣度恰到好處，帶點辣帶點刺激，但又不會令人辣的卻步不敢進食，反而這種又辣又刺激的味道會令人愈食愈停不了，正。紅燒外婆肉，賣相已好正，層層分明的肥肉、瘦肉，味道又香又濃味，好吸引。肉質腍身惹味，如果可以有碗白飯就更正了。擔擔麵，份量不少。擔擔麵十分惹味，較為辣，而且都十分香，令每條麵條都掛著湯底，辣辣的麵條，超惹味，又飽肚。生煎包，新鮮出爐。熱辣辣，外皮香又脆，咬開後，中間的肉汁一咬而出，十分熱，所以進食時要小心燙口。中間的肉都好香好惹味，口感好好。是晚好滿足，吃了不同的地道菜式。餐廳仲有好多唔同菜式，下次黎又可以再食其他了。…查看更多

香港好味小籠包唔多，呢間係其中一間食完想再食嘅位置喺青衣城最高層，閒日6點幾去到，唔算多人，去到7點幾就差不多滿座，如果人多最好係訂左位先餐牌好多野揀，揀左好耐最後叫左呢幾樣野食：辣粉皮比較厚身，覺得可以再辣多少少蘿白絲酥餅好熱好鬆化，食落唔會覺得好油，但味道較淡招牌八色小籠包賣相吸引，每個小籠包味道都好突出，最愛係蟹粉小籠包，真係食到有蟹絲炸醬麵味道唔錯，大大碗，食完好飽豆沙鍋餅好驚喜，外脆内軟，豆沙不太甜，仲好香蛋味整體滿意，下次會再幫襯…查看更多

之前都同朋友幫襯過樂天皇朝，知道佢地嘅皇朝小籠包好出名。奈何個次太多人，每人只係食到一粒。所以今次決定再戰，試多幾款味道。皇朝小籠包$98一共有8款，每款顏色都唔一樣，幾繽紛同特別。我試咗4款，包括蒜香、川味、鵝肝、原味。蒜香中嘅蒜味唔算太濃，有淡淡蒜汁香。川味有少少辣，但唔算好香，佢嘅辣係喉嚨辣但唔太麻。鵝肝味好濃，有少少似羊騷味。原味正常，皮薄幾多汁。宮保腰果雞丁$78好耐無食宮保雞丁，呢款真係超好送飯。麻辣過癮，雞肉粒小巧滑嫩，腰果香脆。唯一缺點係偏油。李白醉雞$78有酒香，但雞件入口酒味欠奉，只食到好淡嘅酒味。不過雞肉都新鮮滑身，無雪藏味，清淡之選。芝麻醬油麥菜$58呢款菜幾驚喜，因為油麥菜係凍食，所以食落好西式。用青瓜絲包住油麥菜，清新爽脆，帶有少許清甜味。我自己就鍾意蘸上芝麻醬，鹹鹹地幾開胃。桂花酒釀丸子$32一向都幾鍾意食酒釀丸子，呢碗加入咗桂花，食得出帶點花香蜜味。丸子呈圓柱狀，細細粒好可愛，入口煙韌。不過酒味唔算突出，味道都係偏清甜。…查看更多

今日放工老媽子唔想煮飯咪同一家人一齊出街食飯。屋企人當然想食中菜，咪陪下佢地，去間久仰大名嘅樂天皇朝食下上海野，結果完全冇失望。第一道招牌菜係皇朝小籠包，薄薄嘅皮，濃濃嘅湯汁，香香嘅肉質就係構成完美小籠包嘅材料，樂天皇朝作為主打上海菜嘅餐廳，果然冇令我失望！八種口味嘅小籠包， 原來食嘅時候都要從原味到麻辣味順序食， 先食原味、人參、鵝肝、黑松露、芝士、蟹粉、蒜香、麻辣。 食嘅時候呢要由小籠包最結實嘅頂部夾起， 用匙羹接住，咬少少汁出嚟飲咗先， 隨個人口味加少少醋同薑絲， 食小籠包都係一種飲食文化。之後上嘅松子桂魚都做得唔錯，味道夠之餘脆軟適中。李白醉雞好重酒味，好特別。鮑魚炒飯真係有一隻鮑魚喺上面，啲飯充滿鮑汁，正！夫妻肺就辣度足夠，都可以一試。甜品都幾正，豆沙鍋餅好大份，同一般好簿一塊既唔同。最後講下依間餐嘅服務。侍應點菜上菜時非常殷勤，不時幫我地倒水同問我地有乜需要，所以服務上我俾滿分！價錢黎講我地四個人食左大概一千蚊。以咁高質素嘅食物黎講算係物超所值。所以整體黎講我對今餐嘅評分係9分！…查看更多

其實見到呢8粒唔同顏色既小籠包 一直都好想試 今日終於的起心肝去試啦好好彩 青衣呢間分店 2人唔駛等位 直入坐正係廚房前 隔著玻璃 可以睇到師傅逐粒逐粒製作小籠包 是心機的表現坐低二話不說 叫左鎮店之寶《皇朝小籠包》8隻 店舖好細心地 推薦食8粒既先後次序 相信係跟據淡->濃味《原味（米色）》皮薄有彈性 咬落有口感 仲要多湯《黑松露（黑色）》濃濃黑松露味 滿滿的感覺 齒頰留香《芝士（黃色）》唔會太濃 太流 食兩個都無問題《蟹粉（橙色）》雖然無一粒粒蟹粉係入面 但都味道十足 想食多幾粒《川味（紅色）》中意食辣既朋友就啱晒啦 同平時食川菜味道相同《蒜茸清炒菠菜》蒜味香濃 菠菜夠嫩 食唔停呀《清燉雞湯拉麵》拉麵幼細 彈牙 無牙都食到呀 雞湯入面有三舊雞 啱啱好三碗麵 滿足《香煎豆沙鍋餅》雖然比想像中細 但都分到8舊長方形 脆卜卜 豆沙餡滿滿的 為呢一餐中菜畫上圓滿句號最後埋單後 仲送返張$50優惠卷 抵呀 又要約下次再黎食啦！…查看更多

睇完戲散場都成九點半，好多鋪頭都差唔多準備閂門。經過見到仲有小籠包未關門，問過last order係十點鐘，就入去試下啦。八色小籠包好吸引，五顏六色好吸睛，而且每款都唔同口味原來枱面有建議食法係由淡味食到濃味，中間原味開始到綠色人參順時針一路食落去。建議食法：原味，人參，鵝肝，黑松露，芝士，蟹粉，蒜香，麻辣但係無乜可能一個人食得晒咁多隻小籠包，都係隨心啦！小籠包都係要親熱食，凍左層皮會比較硬。熱辣辣既皮，軟林林又包住唔同既濃湯，入面個饀又多汁鬆軟，係好食既。重點係每個包層皮夠薄得黎又無穿到👍🏻粉皮質感爽口，厚度適中。但係都幾辣，辣得黎又唔夠香同麻，一般啦！年糕炒得好有鑊氣，夠乾身又香口又入味，菜同肉同年糕既比例又岩岩好。味道咸淡又適中。份量都幾多。青衣城上海菜都食過幾間，但依間比較出色！…查看更多

青衣向來不是約朋友聚餐的地方，慣性都會選銅鑼灣﹑尖沙咀等地區。今次選青衣是因為我和朋友剛剛乘早機回港，機場的餐廳又不太吸引，於是乘機場快線過來「醫肚」！我有嘗過位於利舞臺6樓全層的樂天皇朝，和青衣城這家比較裝潢，這裡實在比較平民...我們2人點了四道菜，先是必食的皇朝小籠包，選原味就對了，其他味道比較花巧，食正宗味道應該要點原味！小籠包的皮不算薄，內有少量湯汁，我們每人吃5個，建議加薑和醋增加味道的層次！另外還點了這些：蟹粉炒飯[下圖後方] 的就是蟹粉炒飯，外觀就像碟頭飯⋯吃起來又油，炒飯看起來像白飯，不要點！四川夫妻肺片［下圖左方］這個麻辣又香口，惹味！不錯沙拉排骨［下圖前方］沙拉醬可以多一點，或者是放平均點，這樣有些沾太多，有些沾不上的⋯排骨還可以吧吃這餐午飯吃了兩個小時，因為我們口水太多了，坐酒樓的好處是坐很耐都沒有人趕，我們吃到下午茶時段就走了。…查看更多

某日去青衣城發現原來新開咗樂天王朝之後即刻忍唔住要試吓啦！9點幾嘅時候都仲有10幾個人排緊隊，攞咗飛之後都等左四五個字先入得未坐低已經預左要試佢個出晒名嘅皇朝小籠包，跟住再叫左個五香牛肉拉麵，由於遲食下午茶嘅關係，飽飽地嘅情況下最終只係叫咗兩樣野。等左一陣啲嘢食都黎齊啦，好心急咁試咗個小籠包，餐廳好貼心地有張紙講解點樣按次序食小籠包：由淡至濃。食哂咁多隻味發覺似乎冇邊一隻味特別好食或者係一試難忘，唔知係我期望過高定抑或是少少名過於實呢？不過其中令我感到較為突出嘅就係黑松露味，佢有淡淡嘅黑松露香令我食完之後口入面仲留有佢既韻味！不話我唔明點解佢係排第四嘅呢濃味既黑松露唔係應該排後啲架咩？！之後就到個五香牛肉拉麵，唔算好大碗，如果係男士食嘅話就應該唔夠飽啦。但係一嚟到見到佢個湯底係乳白色都有啲驚喜喎！拉麵係幼身嘅，然後有四五塊薄切牛肉，都幾好味喎！呢個下次可以encore！今次食得兩樣野俾唔到深入評論，所以決定下次再黎試多啲嘢，希望佢既水準可以保持住！…查看更多

如果說青衣是美食沙漠都應該會有人支持，青衣城所有餐廳都是連鎖的，而且是連鎖到幾乎香港所有商場都有，我在外面還食不夠嗎?來到青衣為什麼還要再吃? 關於餐廳方面青衣城真的要好好想清楚，是否「連繫店」才有資格進駐，獨家的店舖不是更有吸引力嗎? 終於有天發現有新餐廳-樂天皇朝，但幾乎每天都有人龍排隊，過了差不多兩個月的某一個星期四，終於不見長長的人龍，馬上排隊入座。 地方大得很，座位舒適，比旺角店更好的是光線充足，感覺開揚。 芝麻醬油麥菜 $58 油麥菜被薄薄的青瓜片緊卷，完全沒想到造型如此有趣，味道鮮甜爽脆，現芝麻醬非常美味。 皇朝小籠包 $68 鮮艷繽紛的八色皇朝小籠包，光是賣相就已經滿分。八色小籠包其實包著不同的餡料，味道要由淡吃到濃，由白色的原味開始，綠色的人參味、啡色的鵝肝味、黑色的黑松露味、黃色的芝士味、橙色的蟹粉味、灰色的蒜香味和紅色的麻辣味。如果未食過的朋友一定要試試，猜味道的確好玩。 上海生煎包$38 包的外層和底部煎得脆口，厚度剛剛好，但肉餡調味不夠，雖有湯汁但感覺糊口，不夠完美。 松子鮮果桂魚 $238 炸到金黃色的桂魚，淋上橘红的汁醬，配上鮮果和松子仁，鮮艷奪目。魚肉外層酥脆內層嫩滑，配上酸甜醬汁，非常開胃。 檸檬蘆薈桂花蜜 $28 爽口的粒粒蘆薈配上香甜的桂花蜜，感覺清新又消暑。 食物質數滿意，某位侍應姨姨服務態度非常好，有禮面又面帶笑容。而且餐廳貼心為客人提供籃子放手袋，整體都非常滿意，我覺得是青衣城的清泉，難怪每晚座無虛席。…查看更多

今晚同屈小姐去食想食好耐既《樂天皇朝》，皆因我倆都愛好小籠包，而《樂天皇朝》就正正出名食小籠包，仲要係8色小籠包！所以我地今日就黎會一會佢今次我地黎到《樂天皇朝》既新店 - 青衣城，一落地鐵，賴生就急急腳走去拎位啦，事關呢度好多人排隊嫁，而賴生都嘗試過打去book位先，不過原來要6個人以上先可以落Booking，咁只好早D排隊拎位啦！一如賴生所料，黎到既時候已經有人龍出現，好彩既係間舖真係超大，仲專登整左個等候區比人坐住等，仲要係梳化位黎⋯都咪話唔貼心！賴生問左店員拎左號碼飛後，要等5張枱，3個字左右就入得啦！店員帶位之後，你會發現枱面已經早已準備一壺茶（每位茶錢$7）及一碟小食 - 花生焗栗子（$15蚊），賴生同屈小姐都唔好花生，而且賣相唔吸引，精明既屈小姐就話試下問下可唔可以唔要，答案係得嫁！會唔收小食錢既，精明既你地，識揀啦？其實事前賴生同屈小姐已經睇左Openrice 做定功課諗好晒食咩，但審視完餐牌之後，發現我地原本想食既蟹粉豆腐同黃魚湯拉麵都冇供應，我地只好選擇其他代替品：1）皇朝小籠包：5⭐️又名8色小籠包，有8隻口味，有原味、人參、鵝肝、黑松露、芝士、蟹粉，蒜香同麻辣！1人1籠1次過試晒8種，粒粒都皮薄餡靚多汁（不過要小心夾呀⋯因住穿），真係冇得彈 加上有貼心提示你食小籠包既方法同8隻色既次序，只要係聽話既小朋友，就能品嚐真正既美味首先係賴生&屈小姐共同推介：鵝肝（啡色）： 5⭐️，味道同小籠包好夾，完全混和，鵝肝味濃，又不影響肉汁既鮮味！真心正屈小姐私心推介：黑松露（黑色）：4⭐️，入口後，黑松露味一擁而上，大約嘴嚼2-3秒後，一陣濃濃既冬菇味就侵襲味蕾，蓋過黑松露味（如果淨黑松露應該更佳）賴先生私心推介：蒜香（灰色）：4.5⭐️，只可以話係賴生鍾意既口味，蒜香四溢，加上蒜香同鮮甜既肉汁混合後，格外鮮香又帶陣陣蒜味，唔錯唔錯！麻辣（紅色）：4⭐️，又係重口味既賴生喜好之一，入口後，先品嚐到湯汁既鮮肉味，約於2-3秒後，辣味隨住肉汁既鮮甜味進攻，麻味最後才收尾，假若麻辣味更出會更為特別及驚喜！其他口味推介：原味（白色）：4.5⭐️，肉汁鮮甜，配以2-3條薑及數滴醋，風味更是一絕，係上佳既小籠包出品！芝士（黃色）：3.5⭐️，咬落去既時候，初初唔覺芝士味，但同你咬深D咬入D，你就會Feel到塊芝士係你口腔內拉絲及爆發，芝士味爆出，不過芝士味唔太重(應該係選用既芝士種類問題)，而且同小籠包既鮮味好似唔太夾，但勝在夠玩味蟹粉（橙色）：4.5⭐️，蟹粉配小籠包本來就係一個絕配，只要蟹粉味出，就令小籠包生色不少！《樂天皇朝》的確做得到，只係未能帶來震撼般的蟹粉味道！不過仍是上佳之作人參（綠色）：3.5⭐️，人參味，一入口即時食得出，但浮現約1秒後就石沉大海，只令小籠包帶一點點甘甜。但原來人參既甘苦味係會最後停留係你舌頭上面，係你食晒個小籠包之後，就偷偷地走番出黎，最好飲啖茶沖一沖先試其他味！2）李白醉雞（雞脾版+$10）：5⭐️岩岩上碟既時候，屈小姐同賴生都不其然問左個問題：點解隻雞脾成個波咁既？但原來真係雞脾黎嫁，佢斬到好似波咁咋個Size係一舊一兩啖，雞殼塊骨亦斬開左，起左肉，方便食而呢碟醉雞係我地食過整體數一數二既醉雞，D雞肉勁滑啦，上面果層就帶皮，但皮下又係冇乜脂肪既，所以連屈小姐都放心食，而下層既多數係淨肉爲主。上層雞肉夠滑，連皮食令整件雞更順滑，而酒味好恰當，令整件雞都帶酒香而不會太重酒味/咸味，更加將雞肉味逼晒出黎，爆重雞味！而下層淨肉既雞件D肉較實淨，但雞味仲更濃，吸收既酒香更重，不得了3）擔擔麵：5⭐️呢碗擔擔麵，聞起上黎好香花生味，拌勻之後都好香，而且個拉麵浸左好耐都唔淋嫁正！ 當食落口之後，個湯就帶少少花生味同花生香，但辣味好勁，一湧而上！如果唔食得辣，唔好亂試呀（屈小姐究竟進行左點既修練呢？突然係食辣方面進步得咁快既⋯）4）蟹粉炒飯 ：2⭐️中左大伏啦成$118一碟，份量還可以既，但食到既唔係想像般既蟹粉鮮味，而且重重既咸味，落鹽太重手啦⋯⋯，令個面個汁太咸，遮左8成蟹鮮味，除卻咸味，蟹味得番少少。唯一處理方法係：食下面既蟹肉絲炒飯走汁，都尚算品嚐到炒蟹肉既美味既，但就唔值$118啦，因為佢既蟹肉絲，係真係一條條頭髮咁幼既絲，雖然炒左有少少脆口感，但真係CP值嚴重不足。（屈小姐直情咸到食唔到）5）宮廷驢打滾：爆5⭐️⭐️一定一定一定要叫呢樣食！要留肚留個位比佢！呢個堪稱賴生食過最好食既中式甜品，同時名列係屈小姐食過既中式甜品第2位！同埋店員好細心，比過一套新碟同叉我地食驢打滾係指: 白糯米卷卷住紅豆蓉，再係黃豆粉上面滾，令外層沾滿一層黃豆粉！個米卷米香十足，仲要勁煙韌，好似食緊小丸子果隻既煙韌程度(仲要好食D添)，而適量既紅豆蓉令個米卷附帶微甜，好正！個紅豆蓉亦令人驚嘆，起沙嫁！而且唔會太甜，好香紅豆天然既豆味同甜味，好得！而外面果層黃豆粉，唔甜既，但香，真心超正！係今晚最出色既一道菜！總括而言，《樂天皇朝》既出品普遍都高水準，小籠包的確係出色，皮薄餡靚同爆汁，而每款味道都整得好細膩，除左外貌有分別外，味道同樣一食就分得出！ 個驢打滾食左更加好味到令人企唔穩之不過⋯實在有點小貴，埋單成56x，如果有個8折會貼近現實D。#LuckyUs#小心翼翼食小籠包#穿左都唔駛怕既，都好好味#有寵我的你真好#必食驢打滾#食甜品既幸福樣子…查看更多

今晚同媽媽撐枱腳 食佢想食好耐嘅皇朝佢話個八色小籠包好特別 好想試喎呢個花生同粟子又幾好食喎一黎緊係要叫勁有特色嘅八色小籠包啦原味·麻辣·鵝肝·黑松露·蟹粉·蒜香·人參·芝士的確唔錯 我好鐘意芝士味 媽媽話麻辣好食李白醉雞 我加左$10要雞脾雞肉好嫩滑 啲酒味好香濃 好正重有皇朝擔擔麵 手位嘅麵 麵質特別彈牙少少辣 好醒胃 配埋花生同肉碎 好味最後叫左水煮魚 份量勁多 好香"姿"然粉味魚片非常嫩滑而且無骨 底部重有大量薯粉木耳同齋柏葉 早知咁大碗 我地唔叫擔擔麵了…查看更多