PARADISE DYNASTY (Lee Theatre Plaza)

🔸新年團年食咩好？🔸又到新年，又開始諗去邊到啱一家大細食飯？樂天除左傳統中菜，晚市仲有好多人氣點心，最出名就係小籠包😋料理精緻，環境舒服，同長輩後生一齊食都一定好滿意😎—— 烤麩 $58烤麩鬆軟，吸滿哂醬汁，甜甜鹹鹹幾好味，食完真係打開咗嗰個胃咁，做前菜啱晒—— 蘿蔔絲酥餅 $48肉眼都見到炸得好有層次，外脆內軟，酥皮輕盈又唔油膩，蘿蔔絲帶有自然清甜，切得好幼，口感細膩—— 蔥油餅 $40外層金黃酥香，內餡塞滿晒蔥，鬆軟細緻，啖啖都有蔥嘅鮮香味—— 李白醉雞 $88酒味濃郁，每件雞都可以食到酒嘅香味，雞皮爽彈，肉質滑嫩。可以另加$10轉雞脾✅—— 皇朝小籠包 $142餐廳招牌必試！每款食落都成功還原到個口味，仲會教你跟住順序由淡食到濃，比較特別嘅係鵝肝同芝士，同小籠包一齊又幾夾🤣唔會太濃味，每粒都充滿肉汁，好鮮甜—— 重慶水煮魚片 $208色香味俱全！鮮嫩魚肉配上辣椒同各種香料調味，底下仲有大量薯粉芽菜木耳，超惹味😋辣度可自選，唔食得辣嘅人都可以食到小辣👍🏻—— 皇朝擔擔拉麵 $68湯底好香花生味，撈底仲會見到唔少花生粒，辣到似譚仔5少辣😂但嗰種辣係食完好快過，好過癮；拉麵有嚼勁掛湯👍🏻🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️📍 樂天皇朝 (#銅鑼灣)波斯富街99號利舞臺廣場6樓…Read More

好耐冇食過樂天皇朝啦咁岩同事話想食點心 一個鍾意食小籠包 又咁岩多個飯腳 我即刻話去食樂天啦！八色小籠包$138超吸晴👀我至愛食蟹粉小籠包同黑松露小籠包，可惜同枱冇人食榴槤啦🤣醋醬海蜇頭$85份量比較少 個汁亦冇咩特別惹味 但海蜇頭特別爽口 我好鍾意食抄手拌麵$73有驚喜！個拌麵好好食😋麵爽彈牙撈汁夠惹味！胡麻醬油麥菜$68第一次咁食 非常爽口清脆！佢係用一塊薄青瓜片包住，但一定要多醬先有味！生煎包$45又係一般啦 最主要係個底唔脆，大包嘅分別！蘿蔔絲酥$45都係一般另外薺菜黃魚春卷$53 我就唔岩食喇，入面太粉，仲有陣菜味，入面有筍添！連小食茶芥加一埋單$609.4…Read More

唔知大家有冇去過樂天皇朝食佢哋嘅皇朝小籠包(八色) ($138)當中包括原味、川味、蒜香、芝士、糟溜絲瓜、蟹粉、鵝肝、黑松露。餐廳好貼心咁寫咗一張食八色小籠包嘅次序當然係由最淡味嘅食到最濃味啦🤪除咗賣相好吸引之外 每個小籠包都皮薄餡靚每食一個都係將味蕾的層次一層層咁堆疊上去😝除此之外 我仲叫咗外婆紅燒肉 ($98)呢道婆看似簡單 但做到香甜鬆軟就一啲都唔易因為一唔小心就會肥瘦相間的五花肉煮得太熟不過今次呢個絕對係入口即溶 肥而不膩👍🏻最後用蟹粉炒飯($138)嚟填飽個肚飯份量都夠食 而蟹粉鋪喺飯面食落口淡淡都係蟹粉嘅精華 好味🥰…Read More

樂天皇朝有數間分店，分店遍佈港九新界，包括銅鑼灣、旺角、青衣、將軍澳、東涌，最近我同埋論地理位置最方便同理想都系銅鑼灣或者旺角。睇番Openrice就知樂天皇朝仲榮獲最優秀京川滬開飯熱店，有啲料到。店內環境都算grand，喺利舞臺都算系咁。點心、小炒、主菜應有盡有，地點喺得銅鑼灣，食中菜又吾算好貴。餐廳最出名嘅系皇朝小籠包，即系8種味道而成嘅小籠包，好貼心咁有紙仔講解食嘅先後次序。李白醉雞，吾知點解會叫李白醉雞🤣見到好多人推介就試試。開頭都驚醉雞會吾會好重酒味，好彩結果吾系好重酒味，小小哋又試到紹酒味。雞肉非常有驚喜！舊舊都好嫩滑😋蘿蔔絲酥餅系好傳統嘅一款點心，本身對酥餅類都幾有興趣。酥餅層好鬆脆，一路食會一路跌啲酥餅碎出黎😝叫得酥餅但毫不油膩。裡面蘿蔔絲一絲絲好分明，味道清甜。跟住終於試餐廳招牌菜——皇朝小籠包，即系8種味道嘅小籠包，分別系原味、糟溜絲瓜、鵝肝、黑松露、芝士、蟹粉、蒜香、川味，而且外層真系8種吾同顏色😆好色彩繽紛。肉汁豐富，皮薄餡靚。個人比較印象深刻系黑松露、蟹粉、蒜香味，食材高級之餘味道明顯，吾系得個樣。蟹粉豆腐，由咁多蟹粉製成嘅菜式真系好吸引😍🧡大量蟹粉佈滿豆腐周圍，但蟹粉味吾算非常濃，有啲辣？豆腐滑溜溜好味道。京醬肉絲配薄餅，原來京醬即系北京埴鴨戈隻甜甜哋嘅醬汁，不過系埴鴨變咗肉絲，肉絲又冇乜肥肉，薄餅都系平時包埴鴨嘅外皮一樣，清淡中又可以食到戈份甜味。食咗咁多野都好飽喇🤪系時候食飯後甜品，檸檬蘆薈桂花蜜，一聽個名就知好清新，檸檬味吾算明顯，蘆薈反而好足料，同桂花互相輝映。宮廷驢打滾都好多人推介，個名又幾得意😂其實即系糯米同紅豆蓉製成🫘表面就系黃豆粉，以為會好甜，甜度恰到好處，糯米部分煙煙韌韌。…Read More

今日行開銅鑼灣果頭就上網睇吓有啲咩啱食下午茶時段又唔想同人逼就搵到樂天王朝等位等咗半個鐘頭左右就入得去啦先嚟前菜一碟花生同栗子都炆得好冧👍之後菜肉雲吞湯個雲吞好夠味個湯亦都有啲蔥味好味呢個係李白醉雞有少少酒味同少少凍唔係好食得濃酒味嘅人都可以食佢嘅招牌皇朝小籠包粒粒小籠包都唔同色除咗個黑松露比較似垃圾膠袋之外其他嘅賣相都好好食落都好好味呢個冇湯鍋貼就一般般冇乜特別上海炒飯好好味推介最後嘅甜品桂花酒釀丸子好清甜暖粒粒秋冬季節食落好舒服下午茶時段有啲野做緊半價所以埋單，兩個人食都係$372好抵…Read More

皇朝小籠包$118都係因為見到叫皇朝小籠包，就可以+$38試貓山王榴槤小籠包，所以先叫呢款皇朝小籠包，有八款口味，其實每款嘅味道都好出，但係啲肉質麻麻哋，感覺唔太新鮮，以小籠包來講個口感一般，8款小籠包最好食係蒜香同川味，整體來講皇朝小籠包打卡係幾有特色，但味道上就一般，食返原味會比較穩陣🙈🙈-榴槤小籠包+$38 貓山王榴槤味小籠包，熱辣辣拎出嚟，諗住會中伏，但係食落又幾驚喜，入個餡有啲似放題嘅炸榴槤，榴槤控可以一試🤤🤤🤤-瑤柱芙蓉賽螃蟹$85相信呢道菜係成餐飯中最好食嘅一碟，除咗有蛋白之外，仲會有少少蟹肉係入面，撈埋溫泉蛋同醋，無論係口感定係味道都一流👍🏻👍🏻😋😋😋-鮮蝦雲吞麵豬骨湯$68-花素蒸餃 $55-松子桂魚$238因為我勁鍾意食松子魚，所以如果見到上海嘢有我通常都會叫，每次都會滿心歡喜，但暫時未搵到一間嘅松子魚係整得好食😭😭呢間嘅松子魚好唔新鮮，配埋酸酸甜甜嘅汁，都食到勁大陣魚腥味🙄🙄個汁仲要用罐頭生果整，性價比極低🥲🥲…Read More

慶祝母親節，帶媽咪去食佢最鍾意嘅上海菜，見到七彩顏色小籠包就吸引左去試下。有分店內店外，入面就較為暗，卡位會有個屏風分隔，好寬落唔迫，中間仲會有個小池，成個環境幾有氣氛又古香古式。星期五可能太多人，待應忙到走黎走去，好難叫到佢地，但上菜速度極快。食物就不過不失，款式都好多，可惜岩我家嘅唔多，必食嘅食物都可以有更好嘅選擇。今次五人食，叫左八樣，用匯豐信用卡，每人大約$180。皇朝小籠包整體每款味道都好濃好香，湯都有好多，但個皮就相對厚身。正宗重慶水煮魚小辣已經好辣，個種辣係一放入口就辣，而唔係慢慢咬幾咬先滲出黎。魚肉好嫩好滑，可惜個分量唔多，一大鍋得十一二塊左右，下面有豆芽同薯粉，薯粉吸哂味，辣得過癮。成都口水雞雞肉滑口，醬汁較杰身，面會有花生碎，而辣味比水煮魚嘅小辣更辣。上海生煎包個底煎得唔夠脆，變左同食普通蒸包一樣，湯汁都唔多，個舊肉係幾大。風味沙拉排骨沙拉醬偏甜，而排骨整得好鬆化，分量都唔少又大塊，好食。菜肉雲吞湯拉麵拉麵幼身，煮得夠彈牙，吸收哂個湯味，湯豬骨味濃而又唔咸，雲吞大粒，肉多菜少。開陽蔥油拌麵食第一碗時食覺得唔夠香，但麵質口感好好，無痴埋一團，又唔會太油，配個湯清清地。到再叫多碗食時，發現呢次多左蒜粉，即刻香口勁多。…Read More

樂天皇朝喺銅鑼灣利舞臺，喺正核心地段，交通方便！店內地方很大，所有座位都超闊落，裝修走新派的中國風，有氣勢得黎亦不失時尚！有高級酒店中菜館的格局，帶客人黎食飯，一啲都唔會失禮！豆漿 $18有凍熱選擇，豆味濃郁而又不會太甜，不錯！蒜蓉清炒菠菜 $65菠菜鮮嫩無渣，淡淡蒜香帶出菠菜的甜味，而且不太油，清新又健康！上海炒飯 $82米飯用上了珍珠米，香口惹味，蝦肉結實彈牙，正！松子桂魚 $238散發出陣陣醋香，令人口水直流！師傅的功架十足，魚肉的𠝹花大小均一，每一粒都均勻上粉，炸粉內的魚肉仍保時鮮嫩，火喉控制出色，又酸又甜真係會令人食唔停口！皇朝小籠包 $108樂天皇朝的招牌菜，八色小籠包，一籠就包含了八種不同的口味！建議進食的順序是白綠肉黑黃橙啡紅！白色：原味綠色：人蔘肉色：鵝肝黑色：黑松露黃色：芝士橙色：蟹粉啡色：蒜香紅色：川味每顆小籠包做到皮薄爆汁，而且皮帶一點彈性，就算粗暴地夾起都唔易穿，簡直令人大開眼界！當中黑松露和芝士口味最具特色和美味，好看好玩又好吃！…Read More

好多時朋友聚會或生日飯都會黎樂天皇朝，貪佢環境靚又坐得舒服！最重要還是有貼心嘅服務，仲有味道依舊嘅食物！每次黎都會叫到一枱喺食物...皇朝小籠包 HK$108必叫的一定喺佢哋嘅招牌菜 《皇朝小籠包》，一籠有八粒不同口味，包括原味，川味，蒜香，人蔘，芝士，黑松露，蟹粉同鵝肝味！最瘋癲個次試過同朋友黎，一人叫左一籠，就是為了試晒甘多款唔同口味！小籠包粒粒都皮薄餡靚又多汁，而我就最喜歡鵝肝味道的！重慶水煮魚片 HK$188水煮魚控必點之選！我哋叫左中辣，呢個辣度就啱啱好！魚片好滑又冇骨，而且超鮮嫩，只可惜數量不多！但鍋底就有大量嘅薯粉，晶瑩剔透，而且吸引左麻辣嘅味道，食落超惹味呀！正！京醬肉絲配薄餅 HK85呢度菜出色在個京醬，如果怕鹹可以用薄餅包住肉絲同食，不過我還是喜歡就甘食...李白醉雞 HK$78呢碟雞賣相不錯，排列整齊又有光澤！雞肉又超嫩，帶少少酒香，一陣已經被大家KO了！哈哈三色瑪瑙蛋 HK$55我被佢嘅特別賣相吸引而點的，呢個三色瑪瑙蛋喺用左蛋白，鹹蛋同皮蛋所製成的，睇得出花左一定功夫先可以造出呢個效果！食落有d似三色水蛋的，但味道層次就比較分明！肉碎乾煸四季豆 HK$78雖然喺普通嘅菜式，但帶鹹香又爽脆嘅四季豆，卻令我一試愛上，不停追食下去...與朋共聚又點少得酒呢？謝謝好友帶來的美酒！留意餐廳會收取HK$100/支的開瓶費的！不過開心都冇所謂啦…Read More

樂天皇朝呢個名好耐以前已經聽過，佢嘅八色小籠包傳到沸騰，而我偏偏係佢嘅名聲無咁響之時去試，因為覺得咁樣先試到真材實料！地理位置非常方便，銅鑼灣A出口一出過條馬路就會到利舞臺，然後再搭lift上去就到去到稍等五分鐘就有位，其實餐廳入面好大，我粗略估計有大概四、五十張枱，所以都一定要多店員先可以應付咁多人嘅需要撈拌海中寶我會形容佢為加強版嘅涼伴海蜇，佢比起平時大碗咗好多，等同於一碗麵嘅份量，然後醬汁亦係比平時更濃烈，酸味加強咗，入面仲有啲魷魚係到清炒白菜苗簡單嘅一道菜式可以睇廚師嘅功架，白菜苗無炒得太老亦都無太生，保持到爽脆無錫鮮肉鍋貼睇到呢款係啲人話必叫嘅，所以叫咗一碟嚟試下。咬落去塊皮厚度適中，一咬開就有少少汁漏出嚟，當然未去到爆汁情況，入面舊肉正正常常皇朝小籠包一共有八款味道：原味、人叄、鵝肝、黑松露、芝士、蟹粉、蒜香、麻辣。有一張字附上，寫住建議大家跟次序食，由原味食到麻辣，因為味道一種比一種濃郁。其中最濃郁莫過於黑松露同蟹粉！食完成個口腔都充滿住陣味道豬骨湯鮮肉卷拉麵兩款拉麵都係食小籠包時上咗菜，於是攤咗一陣先食，未能夠食到新鮮熱辣嘅味道。湯底清甜，唔係濃郁個種，麵條稍稍煙韌，鮮肉卷肉質結實易咬皇朝擔擔拉麵湯底都幾濃，不算好多湯，拉麵同上面個碗一樣texture檸檬蘆薈桂花蜜個人推介嘅甜品！食落似啫喱但再軟身啲，桂花蜜嘅甜度適中，因為再多少少就會太甜，食落有少少檸檬嘅酸味，蘆薈嘅出現亦帶嚟豐富口感，正👍🏿…Read More

今晚懶得煮飯，約了家人去銅鑼灣利舞臺搵食。每間餐廳飯店各有特色，囝仔情有獨鍾樂天皇朝的小籠湯包，二話不說去了。編排坐在水池邊的卡位，好大好濶，空間感十足。囝仔第一時間點了一個皇朝小籠包，有八種不同味道，有原味，鵝肝，黑松露，蟹粉，麻辣，蒜香，人參和芝士。五顔六色好吸引。講真我最鐘意原味，真正的原汁原味，皮夠薄，爆汁。年青人就喜歡玩玩潮流，不同的口味最啱。小吃油燘筍，這個都算係上海菜的代表作之一。筍條好嫰，醤油調味恰到好處不會過鹹過甜。囝仔好鐘意年糕，要了一個豬骨湯年糕。有大量菜蔬，難怪湯底清甜。年糕煙韌有嚼口。我就喜歡清燉雞湯，清甜滋潤，有清香的肉味。酒醸雪梨時令甜品，秋季時候最適宜，可滋潤囗嚨。清甜可口帶有微微酒香。另一款甜品碗豆黃，有點似馬豆糕，豆味香濃，綿綿的口感，不過略為過甜。…Read More

弱弱的說這是第一次到訪樂天皇朝，之前見過很多人吃這個色彩繽粉的小籠包，真的十分期待！週末七點左右太幸運不用等位！ 餐廳內部燈光昏暗非常有情調，而我們還被安排坐在小河流水的旁邊！ 還有值得讚賞的雖然其他位置比較有情調，但座位是有足夠燈光，設計很周到！自助點餐的形式還挺方便的！首先必點的當然是這個皇朝小籠包！原味和蟹粉味比較常見，而其他味：人蔘、鵝肝、黑松露、芝士、蒜香和麻辣各有特色非常特別！ 其實每一種口味都做的很出色，除了原味，個人最喜歡蒜香和黑松露，味道非常濃郁！ 小籠包果然皮薄餡靚，除了巧手的十八摺，內裡亦充滿滿滿鮮甜的肉汁。趁著小包子還很暖和的時候就整顆放進口，那種滿足的感覺實在難以形容啊！除了皇朝小籠包外，最後我們一行五人再encore了兩籠原味和蟹粉小籠包！而小菜方面，我們點了瑤柱芙蓉賽螃蟹。這個是撈飯之選，味道還算不錯不過不失！ 唯一是瑤柱份量比較少，而且醋不是分開上，不能自己選擇醋的分量。而這個京醬肉絲一上來的時候香味四溢，放在片皮上面包著一起吃真的很棒！只是略嫌京醬有點過鹹⋯而片皮數量亦只得六片，要每一片都放很多肉絲才把吃光啊 哈哈！最後就來個飽肚的蟹粉炒飯！雖然賣相有點驚嚇，而把飯和蟹粉醬拌勻後，非常濕潤的飯，和充滿鮮蟹味的感覺很不錯呢！…Read More

見到廣告介紹樂天皇朝的七彩繽紛小籠包，所以決定搵日相約朋友來食。第一次來到樂天皇朝，店舖修飾原來很靚，坐位大部分都是卡位，座位的兩旁有一顆顆的水燈位置，坐在水燈附近的位置會感受到一絲絲的涼意，寬闊的坐位都幾舒服，還可以望入小窗口見到一班廚師們在製作小籠包。李白醉雞 ($78)，醉雞的擺法呈球狀，肉質非常鮮嫰滑，是雞腿的位置食落去啖啖肉，而且以酒來調味調得非常入味。上海風味醬鴨 ($48)，鴨肉較為深色醃得夠哂入味。上海生煎包 ($42)，生煎包的賣相脹卜卜，底煎得很脆，生煎包的豬肉涵料新鮮。上海炒飯 ($82)，炒飯裡面用左醬油、臘肉和很多蝦仁，每粒飯都炒得很明亮，而且較為濃味。京醬肉絲配薄餅（$85），食法似食北京片皮鴨，醬汁加上洋蔥炒到均勻每條肉絲，把肉絲包在皮上，京醬的濃味，配上薄餅不算是太鹹，剛剛好。薑汁酒炒芥蘭（$65），芥蘭每條都長而粗身，以薑汁酒來炒較清香，食左較濃味的京醬肉絲後可以食下芥蘭清清口腔的味道。皇朝小籠包（$108），充滿著期待來試，中間是原味，外面的有蒜香、人參、鵝肝、麻辣、芝士、蟹粉和黑松露口味，這裡的小籠包特色除了皮簿、充滿湯肉汁外，還有師傅們的巧手十八摺，湯飲落去很清甜，最驚喜的是麻辣、蟹粉和黑粉露口味，真的非常美味，好值得再食。…Read More

這間來自新加坡的上海菜館，自推出這個八色皇朝小籠包，令傳統的上海小籠包成為色彩繽紛，口味多元的點心。多款口味，有濃有淡，有傳統亦有創新，必有一款合你心意，而每次來到這裏，這道點心必成為我的首選。醉雞（$78）👍👍👍👍👍醉雞亦是上海菜中的經典，花雕的香味跟冰糖的清甜，令微澀的酒味升華，雞肉滲透著陣陣的酒香，皮香肉嫩，酒香四溢。京醬肉絲配薄餅（$85）👍👍👍👍濃香的京醤肉絲配合薄餅，中和了京醬的濃味，把薄餅捲著肉絲，濃淡適中又飽肚。肉碎乾煸四季豆（$78）👍👍👍👍香辣的肉碎四季豆，惹味鹹香，乾煸的四季豆有甜甜的豆味，跟飯或淨吃同樣合宜。蘿蔔絲酥餅（$42）👍👍👍👍酥香的蘿蔔絲酥餅，層層疊疊的酥皮包裹著熱辣辣的蘿蔔絲，香甜又可口。皇朝小籠包($108)👍👍👍👍👍八色的皇朝小籠包，有八種口味，分別為：招牌原味小籠包、蒜香小籠包、人參小籠包、鵝肝小籠包、麻辣小籠包、芝士小籠包、蟹粉小籠包、黑松露小籠包。色彩繽紛的小籠包，不同口味，最適合多心及喜歡嘗試多種口味的人仕，獨享或分享同樣可以。豬骨湯年糕（$76）👍👍👍👍豬骨湯底跟上海年糕，湯底乳白色，味道香濃，配合娃娃菜、上海白菜、肉絲和冬菇絲等，熱騰騰的端在枱上，飽肚又滿足。小食（$15）茶（@$8）門面內在環境餐牌…Read More

之前食過旺角和青衣的樂天皇朝， 只係對其美食有較深刻印象， 尤其是皇朝小籠包和松子鮮果桂魚，食過後味道滋味滿足。 估唔到今日去銅鑼灣利舞臺這間樂天皇朝, 除了食物水準保持較佳外， 其裝修格局更令食客耳目一新, 跟其他分店畀更輝煌、更有氣派， 真正食物和環境都攞好高分。這店6樓全層面積極大, 一出lift已被這裡的環境深深吸引住， 中國傳統古代設計,在餐廳正中間還有一條長方形的 水池， 池中放了數十盞蓮花形的燈， 在昏暗的燈光下， 極具氣氛。我們好彩被安排坐在水池旁邊的卡位， 座位寬敞闊落之餘， 就好像在湖邊悠閒舒適地進行晚餐, 此情此境，正！看了一陣餐牌，除了必點的兩款外(皇朝小籠包和松子鮮果桂魚)， 更點了一盎清燉雞湯、 乾燒蝦球、 皇朝擔擔麵和鮑魚炒飯，非常期待。先嚟我至愛的皇朝小籠包， 八種不同味道順序是原味、人蔘、鵝肝 、黑松露、芝士、蟹粉、 蒜香和麻辣， 味道由淺至深，每種味道都口味獨特， 最欣賞這裏的小籠包皮超薄餡靚， 即整即蒸，非常新鮮。其次是松子鮮果桂魚， 味道酸甜各半,非常醒神開胃。 加上原條桂花鱸魚，新鮮甜美、肉質嫩滑，好美味！清燉雞湯，飲落清甜滋潤 ，而當中的雞肉又不至於嚡口，不含味精，不錯。乾燒蝦球，炒得很惹味， 尤其是蝦肉新鮮，肉質非1常彈牙 ，配上甜酸醬汁，佐飯一流。皇朝擔擔麵都是招牌之一， 好香的花生麻醬味， 麵身爽彈， 每一啖都香濃味美， 食完雖則有點口渴，但味道真係滋味十足。最後鮑魚炒飯，炒飯好像鰻魚般炒飯一樣， 用了甜甜嘅醬汁， 加上熟的珍珠米一起炒, 每一啖炒飯都充滿香甜濃味口感， 而中間放了一隻小鮑魚， 味道和口感確實不錯。總結而言，這銅鑼灣店除了食物質素保持水準外，最like是他們的裝修， 極具氣派。 高級的食肆， 大眾化的價錢，有水準的食物質素 ,下次一定會再來幫襯。…Read More