A Smoking Affair

去滾係一間好搞嘢嘅新潮火鍋店，由餐牌到店名到裝修都係充滿黃色情味，古板啲都接受唔到呀🤣甫入門口金句已經俾到來店客人好深刻印象😂好得意嘅霓虹燈牌，好靚墊枱紙都係色情廣告嘅設計😂 等湯底滾嘅時候我地食咗避風塘魷魚鬚先，連碟都得意過人🤪 孫悟空識噴出乾冰醬料區嘅選擇比較大路，大眾口味應該都可以滿足到我好鐘意落嘅醋都有😍打邊爐都難免會整污糟衣服，店內提供肚兜設計嘅圍裙保護客人衣服，幾有誠意👏🏻金光閃閃嘅火鍋反映牆上面嘅霓虹色彩好靚😍 我地嘅牛肉拼盤喺後面，仲有五花腩添我哋揀咗雙併湯底：蕃茄豬骨薯仔湯同後欄剋星（麻辣鮮淮山鴨血湯）兩個湯底都好足料，蕃茄豬骨薯仔湯好香甜同清後欄剋星一開頭係香辣，但煲煲下花椒味出嚟之後就會超麻辣😱😱😱😱鴨血同埋鮮淮山都好好食，仲有啲雜菇片吸收左辣味之後非常刺激😱有手切牛肉，牛腩同五花腩肉味香濃，脂肪嘅部份都好香煲完之後個湯都唔會好渾濁，肉質幾靚👏🏻點都要叫返少少蔬菜平衡下最鍾意食炸芋頭片，粉香十足再叫多個本地手切肥牛大食嘅人就有福啦，第二碟開始一碟只係需要$98，啱晒食肉獸😆…查看更多

終於等到零感染，即刻忍唔到口衝出黎食野。餐廳入面燈光較暗，有好多霓虹燈字句，感覺似夜晚係旺角咁，非常港式風格，連菜單都相當有特色。餐廳都幾大，正正方方，有幾間房可以自己一班人，而出面仲有個露台燒烤區。餐廳環境同食物都好好，疫情人真係人數極少，今次得兩個人食，平均每人$450。原個椰子雞湯（半隻）$268真係成個椰子水連埋肉係你面前倒哂落去個鍋到，即刻成個鍋變到好清甜，每一啖都食到淡淡的椰子香味。雞肉份量都算多，味道唔錯。至尊天九牛腩頭 $378一碟大約有１６塊左右，中等厚度，都算大塊，牛肉味愈咬愈出，脂肪唔多相對比較有咬口。百花齊放蔬菜拼盤 $88有８款可選３款菜，我地揀左西洋菜、油麥菜同皇帝菜，好綠好新鮮。丸子餃子拼盤 $88都係可以揀３款，牛肉餃、手打蝦丸同墨魚丸，牛肉餃餡料都幾多，蝦丸真係見到好多蝦好爽口，真材實料，而墨魚丸就比蝦丸彈牙好多，估唔到質素咁好。唔係椰菜花椰香脆麻花 $48自己一向都好鍾意食脆麻花，呢個真心覺得好好味，有６舊，熱辣辣出爐，好脆卜卜，配埋溶溶地蜜糖，又香又甜，重點唔痴牙又唔太甜。…查看更多

好似之前咁講，呢排打邊爐一定要揀衛生程度好高嘅餐廳，而且盡量少人去食，我通常兩個人去打邊爐會比一大班人嚟得放心，而今次所揀嘅呢間屬高級火鍋店，行時尚路線，用了食材都比較高級。環境用霓虹燈做裝飾，襯少許中國風，玩Cross Over，行搞笑路線，襯返招牌名「去滾」，幾得意同特別，座位亦好寬敞，坐得好舒服。每人贈附圍裙，可以比客人拎走。餐牌原個椰子雞湯(半隻) $268鍋端上枱之後，店員分別會放雞件及將即開嘅新鮮椰子水倒落湯鍋，再刮入面嘅椰肉落去。湯底十分雪白，先試下湯底，帶椰汁鮮甜，潤喉舒服，除咗椰子，仲有馬碲、竹笙等配料，夠哂滋補。雞件亦好快熟透，我地將雞件主要作熬湯之用，所以煮嘅時間比較長，食起上嚟就一定會老咗少少。至尊天九牛腩頭 $378紋路分明色澤鮮紅，只要焯幾下就食得，牛腩食得多，牛腩頭就好似第一次食，一入口牛味十分濃厚，有咬口，配上清甜湯底，更加能突顯牛本身嘅鮮味。原隻貴妃蚌 $58/隻咁清甜嘅湯底，當然要帶啲海鮮襯下，眾多海鮮之中揀咗貴妃蚌，新鮮鮮甜。火雞姐搞唔掂 手剁牛肉餃 $58/4隻個名好盞鬼，係手剁牛肉，一咬開入邊粉紅色，好有咬口，鍾意餃子皮唔會好粉同太厚。哈波子 手打蝦丸 $68/4粒打邊爐又點可以唔食手打蝦丸， size都幾大粒，咬落彈牙，配醬油食鮮味更出。百花齊放蔬菜拼盤 $88食麻辣火鍋我反而盡量避免食蔬菜，因為吸晒啲油，但食咁滋補嘅湯底，當然要嗌啲蔬菜索下湯底食滋補下啦！唔係椰菜花 椰香脆麻花 $48甜品就嗌左個脆麻花，一上枱我同另一半都嚇親，估唔到脆麻花擺盤都咁靚，入口仲係熱，脆口十足，為今晚畫上完美句號。總括然而，餐廳走時尚路線，裝修特別，特登用「去滾」做招牌，玩詼諧音同意思，餐牌就用女人身影裝飾，夠晒諗頭，食物新鮮高質，縱使價錢略高，適合喜愛享受高級打邊爐嘅上班族。…查看更多

登龍街高級的食肆都在金朝陽中心上面「去滾」以大量特色街頭霓虹裝潢，鋪滿不少玩味十足的字句燈牌，非常適合打卡餐廳既摩登又獨特，類似海底撈那種全方位的火鍋體驗所用食材均來自本港供應商提供，絕對新鮮連餐牌也十分「鬼馬」現在做推廣優惠，以正價$198點「安格斯手切肥牛」，可以半價$99追加一碟The Singleton 12years也做推廣$980/2支自助醬料區，可調較自己喜歡的醬汁原個椰子雞湯(半隻) - $268火鍋湯底本來有大量椰子切條散發出濃濃椰子味再即場用一整個新鮮椰子的椰子汁加到湯底中店員再人手把椰子肉刮出同樣放到湯裡，使湯底更充滿椰子的清甜味，滾起來令人垂涎三尺至於半邊雞屬新鮮雞，雞肉味濃，肉質有彈性、爽滑，絕不是冰鮮貨色能相提並論的即使滾了很久，也不會乾柴至尊天九牛腩頭 - $378刁鑽部位絕對物超所值因一頭牛的牛腩頭最多只得3斤，絕對是牛肉中的極品肉質油花多、滑身，味道鮮甜甘香，口感嫩滑清氣貴妃蚌(兩隻) - $116這類大貝類，最好烚五分鐘才食用肉厚而鮮甜，吸收了湯頭的精華，鮮味得很手剁牛肉餃&手打蝦丸(各兩粒) - $58手打過程很辛苦，故吃起來更加彈牙有韌性，味道很鮮味百花齊放蔬菜拼盤 - $88自選三款菜，選了唐生菜、娃娃菜及冰菜冰菜還是頭一次吃到，原來營養價值極高的外國蔬菜，高纖低卡含維他命B6質地爽脆多水分，味道帶點鹹味唔係椰菜花 椰香脆麻花 - $48賀年小食改成中式甜品金黃色艷，甘甜爽脆，甜而不膩，口感清新，令人齒頰留香離開時送了一支消毒殺菌免水搓手液，十分貼心…查看更多

有句說話叫[男人去滾] [女人唔狠]🤣今次就名正言順帶埋男友一齊[去滾]🤪裝修風格玩味十足好似坐左時光機返去80年代開始...好有氣氛令人留下深刻印象.原個椰子雞湯🌟湯底加入原個椰子十分清甜,建議滾了先喝湯.新鮮雞肉嫩滑無雪味推介👍至尊天九牛腩頭🌟牛味濃郁油脂分布平均質素高品質👍食不停口😋原隻貴妃蚌🌟鮮甜又新鮮,口感爽脆一試難忘😋 火雞姐餃唔餃⭐️(牛肉餃)皮薄多汁牛味濃郁值得一試.哈波子⭐️(手打蝦丸)新鮮蝦肉製成,口感爽口彈牙不錯👍百花齊放蔬菜拼盤🌟冰菜,茼蒿,生菜。…查看更多

坊間太多打邊爐專門店，提供的湯底和菜式都差不多，但這家卻給我留下深刻的印象。這家餐廳裝潢花了不少心思，燈光微醺，餐具擺放乾淨企理。店內不少港式用語的霓虹燈牌，播放著港台00年代的流行曲，總有一首喚起你的集體回憶。最特別之處是這裏有不同價格的VIP房，最大間的可以唱卡拉OK，最低消費$6000。中房最低消費$3000，最小的房只要$2500，便可以跟朋友在房間內打邊爐，不受干擾，盡情玩樂。另外也有戶外空間，讓食客出去欣賞夜景，吹吹風。餐牌也有很多玩味的諧音菜式，例如「鬼妹搞唔餃」、「粉嫩陀地」（豬紅）等，非常搞怪。值得一讚是醬料區是自助，選擇很多，有不同款式醬料，我最喜歡炸蒜和炸蒜片。⭐️胡椒豬肚雞鍋店員建議先試一試湯頭，湯頭清甜且有淡淡的有胡椒豬肚的味道，入口不會很辛辣。雞肉可以隨時放進去，雞肉很嫩很棒。⭐️至尊天九牛腩頭牛腩頭有一定厚度，吃起來才像吃肉。雪花瘦肉比例適中，嚼起來肉味濃郁。⭐️原隻貴妃蚌兩隻入口爽口，沾配料更好吃。⭐️菜灼鹽搞唔餃（菜苗餃）餃子很飽滿，新鮮好味道。⭐️牛B仔（牛丸）牛丸新鮮⭐️百花齊放蔬菜拼盤不同款式的蔬菜⭐️唔係椰菜花（椰香脆麻花）最特別是這道脆麻花，入口非常香脆，上面淋了糖漿，入口甜度適中。▫️用餐環境有氣氛，食物用料也令人滿意。…查看更多

今次黎到呢間好特別的火鍋店，餐廳內有不少霓虹燈字，而且字眼玩味!餐廳座位寬敞，還備有VIP房及露台位置。這裡的餐牌也很玩味，樣子有點像報紙的廣告版位，而食物的名字也很玩味很特別!餐廳也為我們準備了圍裙，而圍裙外貌似肚兜，十分搞鬼!醬料自行到醬料區取，醬料都有多款可選擇!胡椒豬肚雞鍋，這個湯底味道非常濃郁，胡椒味夠，湯底鮮甜。半隻雞是上枱後店員會幫忙下湯中，雞肉也很嫩滑，豬肚也有很多。至尊天九牛腩頭，牛肉肉質鬆軟，油脂分佈平均，牛肉味濃。碟上還有一隻天九牌寫上這款牛的名字及需要在湯中淥多久，得意又窩心!菜灼鹽搞唔餃(菜苗餃)、牛B子(手打牛丸)，這兩個名字真的很搞笑，菜苗餃皮薄餡料多，味道較清新。而牛丸口感彈牙，有香濃的牛肉味。原隻貴妃蚌，貴妃蚌新鮮鮮甜，爽口又彈牙，稍稍淥一陣已經很好吃!百花齊放蔬菜拼盤，這裡的蔬菜拼盤好大盤，分別有油麥菜、唐生菜和娃娃菜，這個湯底用來灼菜令菜更鮮甜美味!竹蔗馬蹄水，飲品唔會好甜，清清地好岩打邊爐的時候飲用!最後我們還點了甜品!唔係椰菜花(椰香脆麻花)，口感有點像食粥時吃到的薄脆，幾脆口，上面淋有糖漿和椰絲，有少少椰絲的味道，如果能夠多一點糖漿會更惹味!這餐食到好飽好滿足，而且餐廳裝修特別，菜單等又玩味，很適合跟一班朋友再來!…查看更多