Seafood Thai (Closed)

星期六下午同朋友一大班人食飯，話有間屯門海鮮唔錯，心諗去到咁遠食？！不過食完覺得非常值得！下面就係果日嗌既餸：白灼九節蝦聽佢介紹唔係度度食到九節蝦，一場黎到就試下。佢既肉好爽脆，非一般，加埋食蝦必需之物辣醬油，係唔錯，值得一試。薑蔥鮑魚煲平時好少食鮑魚，因為唔覺有咩好食，但朋友叫左，試過後，因正係配料！大廚應該用呢個煮法煮咩都好食。鮑魚未食曬，薑蔥已經就快無曬。豉椒蟶子皇配煎米粉底煎米粉係第一次食，幾得意，都幾好食。野味食法，加埋淺味既米粉底中和，唔錯既菜式。大大條蟶子係有驚喜。海鮮湯清甜鮮香，無落味精，完全係用海鮮既原味煮出黎。如果食左Ｄ濃味菜式，一定要叫呢個黎飲，推介！白酒忌廉煮花甲配烏冬就咁睇個樣以為同一般忌廉烏冬無分別，一食落去，一股濃烈酒香出曬黎！雖然有忌廉，但呢道菜食極都唔會膩，正。必食豬扒聽個名都覺得串過人，一咬落去果種鬆軟就明點解係必食，的確同一般豬扒唔同。除咗有咬口，味道都一流。泰王芝心蝦丸呢個蝦丸真係無得頂，大大粒蝦丸包住融化咗既芝士，大啖到唔可以一口食曬。芝士味超濃郁，一人一粒剛剛好。砵酒焗筒蠔平時都食開生蠔，好少會食熟蠔，但呢道菜完全無令人失望。比酒焗完後，啲鮮位出曬黎，仲有洋蔥癖走蠔本身既腥味，送飯一流。蒜蓉粉絲蒸大元貝啖啖元貝肉，因為本身好鍾意食蒜蓉，一聞就比香味吸引。記得要趁熱食先正。蒜蓉炒豆苗其他人可能會覺得豆苗無咩特別，但喜愛吃菜的我會覺得呢味餸簡直係福音，健康得黎又平衡下味覺，話曬食咁多海鮮都會悶悶地。…查看更多

一直想約朋友食返餐海鮮, 於是上網搵, 睇到位於屯門三聖既泰海鮮好多好評, 決定成班人去食.十二個人叫左十碟野, 我地食海鮮為主, 果然無令我失望, 當日每人平均消費$320左右,性價比算高, 因為的海鮮好鮮甜, 又大件. 超讚!下面幾款係我覺得好食既推介!白灼九節蝦見到個名好特別就叫黎食, 原來呢種蝦唔係周圍食到, 我都係第一次食. 口感好彈牙爽口, 唔似平時食開既蝦, 肉質比較實. 蝦殼都比平時既蝦硬小小, 但剝起黎反而方便左, 唔需要剝好多次先食得.豉椒蟶子皇配煎米粉底蟶子平時都會食, 但咁大件既蟶子都係第一次食. 蟶子食落好鮮甜爽口, 加埋豉椒炒更加帶出蟶子既鮮味, 而煎米粉底吸收晒豉椒同蟶子既汁, 食落鬆脆又唔會覺得必食豬扒個豬扒同個名一樣, 必食! 平時食既豬扒炸到口感好乾, 但呢間既豬扒先油炸再用秘製醬汁快炒, 食落唔乾而且仲保留到肉汁, 相信事前對塊扒做了不小功夫. 令加了洋蔥和魚仔乾食落更香口.…查看更多

談起食海鮮, 流浮山,屯門三聖,鯉魚門, 屯門三聖的海鮮性價比是最高的.有朋友來了香港,於是順道帶他們來品嚐屯門三聖的海鮮.白灼九節蝦 $160蝦,每次食海鮮都必點的.D蝦雖然細隻, 但十分鮮味且彈牙, 而且很易碌.店員說九節蝦只有屯門三聖才能吃到,其他地方都吃不到.薑蔥鮑魚煲 $200熱騰騰的薑蔥鮑魚煲, 起菜時已聞到香噴噴的薑蔥味. 鮑魚撈上薑蔥汁,十分惹味.重點在蔥,蔥吸收薑蔥和鮑魚的鮮味,又淋又好味.必食豬扒 $96高度讚賞!!!要必食!!豬扒感覺不會油膩,大小切得剛好,不會太大件.肉質彈牙,不似出面街吃的豬扒普通.秘製醬汁撈上豬扒上,更顯酸甜醒胃。…查看更多

平時嚟三聖村，通常都係食晚飯，lunch time嚟食海鮮都係第一次！今次難得可以約到成班人嚟食，梗係試多啲款式。一嚟先上一斤白灼九節蝦，印象中應該係第一次食呢隻九節蝦，望落比平時見嘅細隻啲，但係肉質好彈牙，仲好鮮甜，唔覺唔覺就食咗差唔多十隻！另外，仲食咗薑蔥鮑魚煲同泰皇芝心蝦丸，個鮑魚煲啲薑蔥爆得好香，鮑魚都好腍！～ 而泰皇芝心蝦丸啲芝士勁流心，再加上炸得十分乾爽嘅蝦丸，味道同咬口都無咩可以挑剔嘅地方，值得推介！同場加映必食豬扒，估唔到除咗海鮮外，豬扒都又腍又惹味，有驚喜！…查看更多

一行9人屯門三聖食海鮮慶祝朋友生日，朋友推薦大排檔的 <泰海鮮>！貪其附近有條海鮮街，這間可以做到買海鮮來貨加工！聽聞已開業 5年，海鮮調味不俗！當日 Book 了一間房間，自成一角！大家食得更輕鬆自在！ 另設有室外冷氣堂食！加工收費：只限白灼及清蒸類星期一至五 $48/斤起！星期六日$56/斤起！(房間享用每兩加 $1) 皇牌推介星期一至日 $64/斤起！(房間享用每兩加 $1)有朋友食過海鮮街隔離間 <海天> 差不多$160/斤，勁貴！以進食次序：白灼九節蝦 $90九節蝦的 size 算大隻，色澤鮮明！蝦殼比較海蝦硬脆，肉質鮮甜爽彈！蘸上店方秘製辣椒豉油，鮮味倍增！泰皇芝心蝦丸 $78 (3 粒) X 3: $234 或 $28/ 粒即叫即炸趁熱食！表面舖滿炸至金黃色的麵包粒，香脆可口！其實內有乾坤！ 蘸上酸辣醬增添風味！ 鮮爽彈牙的蝦球，內裡有芝士流心，整體外脆內軟而不膩！驚喜水準之作！象拔蚌 (湯底+$30) : $186可直至食刺身，亦可灼一灼，我個人受不到生吃，灼一灼過的象拔蚌，鮮甜爽口！飯局攪手連象拔蚌膽也食刺身，由於難消化，他建議灼一灼會比較好！白酒忌廉煮花甲配烏冬 +$60: $268恐怕飽溜， 我臨到尾聲才食；花甲份量豐足！ 芝士汁甜美，烏冬均勻掛汁，花甲鮮味有嚼勁！:)海鮮湯 $162加入新鮮賴尿蝦、花甲、海魚仔…熬製，十分足料！濃郁鮮甜，令人回味無窮！茶位 $8設加一服務費如果有朋友問我這位屯門友推介到屯門三聖哪裡食海鮮？！現在我有 Idea 嘞！…查看更多

入來屯門三聖邨吃海鮮也是頭一趟，多得友人安排，一行6人浩浩蕩蕩又西鐵，又輕鐵，總算安然到達，九龍人入屯門，有大鄉里的感覺。到來才知原來原本的「冬菇亭」竟可以變成這樣的酒家，幾家「冬菇亭」酒家選定了「泰海鮮」，是友人的舉薦，故所點菜式也是由友人發板。真是見識少，以為一般的白灼蝦，友人說這個是「白灼九節蝦」，九節蝦並非經常遇見，而且，這樣大隻得更少見，外殼較一般蝦堅硬，但肉質爽彈，味道鮮甜，蘸些辣椒豉油提鮮，已非常好吃。再來一客「象拔蚌刺身」，吃得生的朋友可以當刺身吃，沾一點芥末及豉油，象拔蚌入口十分爽脆，若對生吃有些擔心，堂灼便是最安心，輕輕堂灼一下，象拔蚌仍有份爽口感。這裡不單有海鮮，更有小炒，甚至泰式美食，這個「泰皇芝心蝦丸」就是店員所說的招牌，蝦丸貼滿麵包粒酥炸，入口甘脆而不膩，蝦丸很彈牙，再咬下去，是邪惡的流心芝士漿，真的好吃得很。熱辣辣的「蒜蓉粉絲蒸扇貝」帶着濃濃蒜香上桌，每隻也肥大肉厚，味道鮮甜，口感爽彈軟熟，粉絲吸收盡蒜蓉及扇貝的香味，不能錯過的大配角。最後吃點菜作平衡，「蒜蓉油麥菜」屬製作簡單的菜式，好吃在於油麥菜翠綠新鮮。來三聖邨吃海鮮可以自攜海鮮再付油料加工費，亦有懶人包由餐廳「一腳踢」包辦，懶人如我們就當然像後者吧！…查看更多

兩老住屯門，雖然時不時會入去探他們，但老實說，對屯門都不太熟悉，連好出名食海鮮的三聖邨也沒有去過，真失禮....不過不能笑我，皆因入得屯門，當然要食住家飯啦！但今日一大班朋友話齊齊入去食海鮮，柴娃娃吃返餐好，有機會開開心心聚一聚，幾遠都要走。朋友們選了一間命名「泰海鮮」, 地方都幾大, 單看大廳都設有不少四至十人的圓枱, 還有另一邊的貴賓房, 真係好岩大班人餐聚。坐安後, 看看餐牌, 都有很多選擇, 但今日不用傷腦筋, 因為友人是海鮮專家, 已有心水,由他發辨就得, 我就開定支冰凍的汽水等食吧!******************************先來海鮮湯, 熱辣辣上枱, 雖天氣炎熱, 但也美味得忍不住喝多幾碗。一大窩海鮮湯連湯料上枱, 見到有大量的海鮮, 如蜆、巨大的瀨尿蝦、多種魚類, 還有蕃茄 和薯仔 等, 的確真材實料。湯身 呈奶白色, 沒有油光, 加入那麼多食材煲成, 精華所在, 難怪啖啖都如此鮮甜, 再加些胡椒 去腥, 帶有胡椒香辣, 很美味!******************************接着是白灼九節蝦, 九節蝦!? 真係很少見, 不知是否蝦殼睇落有九節, 所以有此名字呢?友人話它是這裏地道海鮮菜之一, 以白灼的方式烹調, 最能嚐到原有的鮮味。每隻大小適中, 色澤鮮橙, 看起來很新鮮。把其拆殼, 感覺蝦殼比一般的蝦結實;  吃一口, 肉質相當爽彈, 味道鮮甜, 的確很新鮮。又試試蘸些辣椒豉油, 鹹鹹地, 辣辣地, 但還是不作任何添加, 原有味道最美味。******************************再來一碟泰皇芝心蝦丸, 配有泰式辣醬和一把剪刀。友人話必要趁熱食, 咁就馬上將九節蝦放埋一邊先, 哈! 每粒芝心蝦丸 圓碌碌, 脹卜卜, 炸得金黃, 色澤平均, 樣子很討好。剪刀是用來做什麼? 原來不要直接咬它, 因為內饀很熱, 很容易便會燙傷口。把其剪半, 中間的芝士 呈流心狀; 咬一口, 外層極之鬆化香脆, 啖啖彈牙鮮味的蝦膠, 加埋鹹香黏滑的芝士漿, 配搭美味, 再蘸上泰式辣醬, 帶些香辣更滋味。 ******************************最喜歡是這道蒜蓉粉絲蒸扇貝, 熱辣辣上枱, 陣陣蒜香, 正! 隻隻都是重量級, 肉厚肥大, 啖啖爽彈嫩口, 非常鮮甜, 而裙邊則煙煙韌韌, 挺有嚼勁, 還有索盡元貝汁的蒜蓉粉絲, 既有蒜香, 亦很鮮甜, 美味得留在貝殼中的汁液也一滴不留, 推介!******************************最後這道砵酒焗美國桶蠔也是我很喜歡的, 每隻桶蠔 如拳頭般巨大, 挾起來很墜手, 又是很有份量。巨蠔隻隻金黃, 蠔邊位有些脆口, 而極之肥美的蠔肚則相當腍嫩, 爆出鮮甜的蠔汁, 蠔味濃郁, 亦帶有砵酒香甜, 烹調入味, 啖啖都令人吃得滿足, 但如果改用煲仔盛載上枱, 既可保持熱度, 睇落又會更有風味, 相信會更吸引。------------------------------食海鮮要多人, 可點多幾款, 今次大夥兒食海鮮, 蝦、蠔、扇貝都吃齊, 還有一窩以大量海鮮炮製的海鮮湯, 真係吃得滿足，不知何時有機會大夥兒再來吃過？…查看更多

屯門元朗的朋友大夥兒聚會，一行多人，當然選擇到近水樓台的三聖海鮮街，於眾多海鮮酒家、冬菇亭中，又再次選擇到訪泰海鮮，無論加工費跟烹調味道都是挺滿意的一家。 慣常先走到關財記挑選購買新鮮生猛的海鮮，然後交給餐廳那邊加工，加工費約為$45-$65，也算是合理。除了海鮮菜式外，還點上些小炒項目。 白灼九節蝦 $72/斤 每次到來都會點上'地道特產' - 九節蝦。用最基本的烹調方法: 白灼，最為徹底嚐到九節蝦的鮮味。 可能是未到盛產期，九節蝦較上次到來時體型較細小，不過白灼後色澤艷麗，爽脆彈牙的口感，味道鮮甜美味，輕輕蘸上豉油更能發揮效果，自然是一隻緊接一隻，吃過不停。 白酒忌廉煮花甲 $172 沒有用上豉椒炒的花甲，換上較為西式的處理手法，也能提升花甲的鮮甜。忌廉汁十分濃稠，味道甜甜的散發濃濃白酒香，墊底的非伊麵米粉，而是具粗度嚼口的烏冬，掛汁能力十分強勁，每條都沾有忌廉汁，惹味十分。花甲每隻都肉厚味鮮，跟白酒忌廉汁十分搭配，這個變湊版的'白汁蜆肉意粉'十分受歡迎。 青山灣焗芝士龍蝦 $108/2隻開邊 這碟一端到來，焗過的芝士已散發著濃郁香氣，霸氣十足的令在座均嘩聲四起，食指大動。芝士一片金黃的覆蓋在龍蝦身上，濃厚香口，更帶有點香脆的效果。 一斤有多的龍蝦，每口都是啖啖肉，肉質鮮甜彈牙，跟芝士的鹹香作個平衡，不會互相蓋過其美味，這個組合簡直是完美的配搭，沒有半絲的膩感，超好吃啊! 油鹽水瀨尿蝦 $72/2隻 雖然沒有像用椒鹽烹調般香氣四溢，用油鹽水這簡單的方法，卻是比椒鹽更鮮甜的精妙吃法。大蒜、蔥段、果皮跟胡椒煮成，淡淡的已帶出瀨尿蝦的鮮和甜，煮出來的鮮湯趁熱喝一口更是滋味。 大大隻的瀨尿蝦原隻呈上，頗為驚人，蝦肉容易又方便的就起了出來，厚身鮮甜，啖啖肉的吃過不亦樂乎，比起椒鹽，是少了份熱氣的另一番滋味。 馬拉盞通菜 $76 海鮮之外也來點蔬菜，點上馬拉盞通菜更貼合海鮮的主題。通菜炒得剛好又不會過腍，馬拉盞味香，又不會過鹹過火，令炒菜味道更是豐富，平時不好蔬菜的也多吃幾條。 必食豬扒 $93 想不到專門吃海鮮的地方，小炒也具一定的水準，豬扒熱辣辣的呈上，香氣四溢非常有鑊氣，令人垂涎欲滴。豬扒經醃製過十分入味，肉質鬆化腍軟又多汁，加上醬油的調味，鹹鹹甜甜的惹味下飯一流。伴碟還加有小魚乾，鹹脆可口，增加香口的程度，當小食吃著也是不錯喔。 每道菜式都甚有水準，烹調得宜保留了海鮮的鮮甜，確實令人回味，加工油料費明碼實價而且合理，連同買海鮮，結帳每人三百多的消費，令這頓海鮮聚會十分滿足。…查看更多

今日跟好友入嚟屯門三聖食海鮮～經過一啲冬菇亭，就見到呢間泰海鮮。初初我以為呢間鋪頭係食泰式嘢～～ 見到餐牌先知原來唔只泰菜，仲有其他嘢食～不過呢度出名食海鮮，就由朋友話事啦～海鮮湯，足料鮮甜！ 睇湯楂就知有幾多料？魚、蜆、瀨尿蝦！！！仲有番茄、薯仔好好飲～白灼九節蝦 ，喺本地嚟嘅～ 幸好依家仲係當造～ 九節蝦蝦身有一深一淺嘅橫向紋路，煮熟咗有明顯嘅九節花紋，所以有九節蝦呢個稱號。九節蝦肉質爽脆，識食梗係白灼加豉油點，食出鮮味～ 蒜蓉粉絲蒸扇貝，扇貝好大隻！超多蒜，好惹味！ 泰皇芝心蝦丸，極邪惡！ 以蝦丸打造，入面有流心芝士，出面加埋麵包糠，炸到金黃色！彈牙十足，小心食時爆芝士呀！不過個人覺得麵包糠吸得太多油，如果落少啲會更好～仲有叫咗碟蒜蓉白菜仔，呢餐好豐富又滿足～…查看更多

預先Book好1家去屯門三聖嘗鮮!果然無失望!  勁鐘意食海鮮嘅爹哋媽咪一齊關財記買海鮮，之後再係泰海鮮到試左好多唔同款煮法的菜式，試左呢度獨有嘅九節蝦，單單白灼已經試到最鮮甜的味道!讚～(白灼九節蝦)之後有海鮮湯，成家一向是魚湯粉絲，今次呢個海鮮湯有驚喜！:)由薯仔﹑蕃茄等作為湯底，再加上2隻成斤重大瀨尿蝦，蜆仔，就變成這個濃郁的海鮮湯（心心）陣陣的蝦味溶入口中～湯同渣是分開上的，因為連湯渣都可以再食！(必食2) 象拔蚌刺身 一片片薄象拔蚌放入滾水中一灼 ﹐入口是爽和清甜的象拔蚌晶瑩剔透! 勁薄! 抵讚我地主菜就叫左「芝士焗龍蝦伊麵底」 , 奶香較重的芝士, 一點都不膩 其他小食仲有泰皇芝心蝦丸﹐辣酒煮花螺 ﹐雞油豆苗(太正ENCORE左1碟!)另外另外~~ 係海鮮鋪竟然有豬扒﹐「必食豬扒」係無改錯名類似京都骨的醬﹐但偏甜小小﹐加上魚乾脆脆﹐呢個配搭加晒分! 仲有好多未試﹐結論係: 「可以再ENCORE!」…查看更多

新年飯聚，老同學從遠方回港過節，難得一聚，不亦樂乎。昔日大家居於屯門，佳節聚首一堂。及後各散東西，大家的近況都是從網上得知。這次到三聖吃海鮮，一個屯門著名的海鮮集中地、香港地道的地方。看到很多人推介白灼九節蝦(加工費每斤$72)，特意一嚐。九蝦雖小卻九節俱全，聽說九節蝦是較少見的海鮮。肉質清爽而富彈性, 口感比大蝦爽。拆殼容易, 不擅拆殼的我在蝦頭蝦尾各一拉，三數下即可完成。嗜辣者可酌蘸附設的辣椒圈豉油，更突顯其爽彈的賣點。有些人常說蘸醬料會蓋過食物本身的味道，我倒不認同，合適的醬料反可加強食物的特點。當然這個菜餚即使不蘸醬料，也非常好吃。飲食男女曾報導九節蝦為「白灼蝦王」，此美譽當之無愧。這個在流浮山也可吃到，並非罕見之物，只是價錢和用餐地點有別，流浮山的酒家對我而言較貴和遠。取易不取難，終究是三聖好。豉椒炒蟶子皇配煎米粉(加工費$132，米粉底加$60)是我首推的食品。曾在三聖另一酒家吃過蒸蟶子皇，昂貴、鮮美、賣相佳，卻不及這一炒。第一次吃炒蟶子, 蟶子肥美厚肉, 每一口嘴嚼都是爽口, 加入少量辣椒伴炒惹味不少。繃脆的米粉底清淡的味道與豉椒成對比。米粉底為三角型，向著碟中心的八個米粉角都滿載炒蟶子的豉椒汁，絕不浪費醬料。拿起一塊沾滿豉椒汁的米粉底放進大小剛好的碗中，先吃一口米粉底，再吃一口濃味的豉椒蟶子。前者爽脆而後者爽滑，展現不同類型的爽，是甚為有趣的口感。更爽的是象拔蚌兩吃--刺身及堂灼(加工費每斤$96, 湯底加$30)，爽的口感在炒蟶子之上。滿載冰的圓盤上整齊地鋪陳著象拔蚌刺身，旁邊有小煤氣爐盛著雞湯窩以供輕灼。把一片象拔蚌於小窩輕輕一灼，灼熱的雞湯更能帶出象拔蚌的爽甜。在這冬天我還是偏愛嚐灼熱的象拔蚌片，為手腳冰冷的我帶點温暖。另一略較刺激的食法是象拔蚌刺身配附送的青芥末醬，味蕾又冷又刺，觸動神經。這種刺身及堂灼的兩種食法同時迎合嗜辣者及非嗜辣者的口味。泰式芝心丸($156)內外兼備，外脆內軟。小食外型獨特，皆因外層是金黃色的麵包粒而非麵包糠，較只用麵包糠更脆。其它泰式餐廳也有此小食，但多只用麵包糠炸，這兒採用的麵包粒令賣相更美觀﹐口感更脆。共有三層口感，先是帶脆粒感的麵包糠，繼而是爽蝦肉，最後是流心芝士。建議待放涼一點再吃，否則灼熱的芝士容易燙傷嘴唇。配上忌廉瓶裝汽水($8)，一解海鮮油膩感，竟比枱上的清茶更解膩。忌廉汽水果然是海鮮及濃味食物的最佳配搭。海鮮於關財記購買，再帶到酒家加工。注意星期一至五與假日的收費不同，星期六、日及公眾假期為 $56/$58，視乎煮法而定。如在房間用餐，海鮮加工費每両再加$1。上述小菜價錢包括於房間用餐海鮮加工費。另有酸菜及茶位費。加工費尚可，為附近某高檔酒家的一半。這兒的環境及煮法較地道，視乎你追求高檔還是地道的平民食肆。而我喜歡喧喧鬧鬧的酒家，少一份拘束。…查看更多

今日公司團年飯，終於有好野食啦！泰海鮮係屯門數一數二海鮮專家。今日食的樣樣精品，我地老闆特登去關財記揀，加上呢度大廚主理，務求將每種海鮮既優點發揮到極至!呢度白灼九節蝦唔好睇佢細細隻，肉質鮮嫩，彈牙可口，而且香港唔係周圍都食到，我都係第一次食! 易剥易食，配合店家特製既豉油，大家兩三下就解決左成斤! 下次一定再encore!另一個至愛是海鮮湯，無因為是煲湯而就住，我地揀左足料大大隻瀬尿蝦及大量靚蜆先有咁濃郁幼滑既效果，鮮而不膩，大家都飲唔停口!必食豬扒果然冇講錯，啖啖肉，軟軟的唔會痴牙，加埋魚乾仔更加惹味龍蝦芝士麵呢度至拿手!一定要叫!份量充足， 芝士豐盈，龍蝦大隻，十分爽口!同好多所謂大酒樓都無得比!呢度環境舒服唔迫，最緊要係加工費均真，唔明問到明，仲會推介各種時令食法，有佢地主理都好放心。下次唔使等團年飯，同家人朋友都一定會再黎呀!…查看更多

屯門三聖村出名食海鮮, 好多人都慕名而來!!我都一樣, 約齊朋友黎食個海鮮午餐~~呢度既餐廳都係提供茶水, 小菜及小炒；要食海鮮就要出去海鮮檔度親自揀選, 再拎黎餐廳加工製作"*今次就揀左幾款海鮮, 拎黎呢間【泰海鮮】度加工!!!佢地明碼實價咁例明加工項目同價錢, 亦都非常合理的~~首先點左個青山灣小炒皇；入面有魷魚, 魚乾, 蝦乾, 腰果, 黃椒及韭菜, 炒得好夠火喉~用黎佐酒非常正!!!另外仲點左個鳳梨鮮排骨；份量都唔少, 甜酸味道適中, 排骨肉質鬆化有咬口!!!而且呢道菜式一定要出街食先夠風味~~海鮮話咁快上台啦!!!!一斤十両既九節蝦份量好多, 而且一定係白灼最好食~~九節蝦雖然唔大隻, 但係細細隻先係最鮮甜美味；只需要兩三下手勢就可以將蝦肉取出, 蘸埋辣椒豉油就夠惹味!!!同時又唔會搶走本身既鮮甜味"*登登登, 5隻鹽油焗奄仔蟹都上埋台啦~~鐘意食膏蟹既人一定識食奄仔蟹, 今次仲用鹽油黎焗, 可以迫出蟹膏蟹油香!!!店家亦已經斬開一半上碟, 食起上黎就方便D 唔識拆蟹既人~~一打開蟹膏就已經湧出, 蟹油都流緊出黎~~黏黏質感既黃色蟹膏就最香最濃味, 食落漿住個口腔既感覺好正!!!而蟹肉都好嫩滑, 一D都唔鞋身, 熟得剛剛好"*呢度既小炒好夠火喉, 下次一定要叫多D朋友黎就可以買多幾款海鮮啦~~真係平有平食, 貴有貴食, 海鮮呢樣野真係令人流哂口水架"*…查看更多

朋友圈自各人成家立室後, 聚會隨之而減少, 尤其有小朋友出現之後, 相見更是難得。 晚飯十居其九都難赴會, 所以週末午餐是最好的時機。 近水樓臺, 聚會當然首選屯門區, 而大伙人到三聖食海鮮也是必然之選。三聖這地方, 多次跟家人來吃晚飯, 光顧過幾間, 今回跟朋友選擇了“泰海鮮”。 先到海鮮檔選擇海鮮, 款款都非常生猛, 選好後就交由店方處理加工, 這些粗重功夫由男生們負責, 女生們當然是等食! 白灼九節蝦來得三聖當然要一嚐青山灣名物 - 九節蝦。 用最簡單的烹調方法: 白灼, 就最能吃到蝦的鮮味。 九節蝦每隻大小剛好, 不大也不小, 比平時的海蝦更是爽口彈牙, 肉質帶鮮甜, 輕輕蘸上醬油已好吃非常。 啫啫豆豉鷄每家都有隱藏菜式, 多來就知道。 而這家的啫啫豆豉鷄是必叫的, 雞鍋一上檯香氣即四溢, 叫人垂涎。 雞皮依附炒香的豆豉, 非常惹味, 雞肉嫩滑入味, 確是好吃。 豉椒蟶子皇煎米粉底蟶子除用蒜蓉蒸外, 最美味莫過於用豉椒炒香。 蟶子非常大條, 咬下卻是爽口鮮甜, 而且沒有沙, 加上豉椒的香濃味, 十分好吃。 這家的米粉底不是跟蟶子同炒, 而是炸香後伴於碟邊, 保持香口脆度, 亦可蘸上豉椒汁吃, 同樣美味。 芝士焗龍蝦伊麵底一大碟, 蓋滿香噴噴的芝士, 芝味濃郁但也沒有搶走龍蝦的鮮甜, 切件龍蝦啖啖肉, 爽口充滿彈性的新鮮, 配襯鎖滿芝士汁的伊麵食, 滿足。 鹽油焗奄仔蟹整個聚餐的焦點! 每隻奄仔蟹油潤有光澤, 焗得乾爽, 早已開邊的奄仔蟹, 那爆膏的情景震撼叫人興奮! 蟹殼依附的鹹香很惹味, 蟹膏滿滿的充斥於蟹身, 入口滿是蟹膏, 甘香甜美, 濃濃的黏口, 加上蟹肉鮮甜多汁, 簡直滿足食蟹的慾望。 餐廳的海鮮加工費, 明碼實價且合理, 海鮮食材加烹調費用, 還有茶介酒水, 結帳每人大概$170, 非常抵食。 …查看更多

家人係水上人, 身住屯門, 出名食海鮮既三聖, 我竟然係第一次黎, 1家4口黎到, 行左幾間海鮮檔, 真係幾新鮮, 品種繁多, 最後選左[關財記]買海鮮, 之後就行入D, 去到三聖商場--泰海鮮叫人煮LA首先上場既係白灼九節蝦 一斤十兩既九節蝦連加工費$117,有蝦既鮮味, 肉質彈牙, 好快就清左碟蝦啫啫豆豉鷄   $168/半隻豆豉好入味, 雞好滑, 夠鑊氣, 估唔到小菜都咁好味芝士焗龍蝦伊麵底兩斤十二兩連伊面底加工費$284,痴左綫, 好多好多好多芝士汁, 龍蝦又大隻, 伊面又唔太淋, 食到一半時真係想再加底哦鹽油焗奄仔蟹 兩斤連加工$148睇相就知正到爆..新鮮出焗, 爆多膏, 正豉椒蟶子皇煎米粉底斤半連加工$171個米粉煎得好香脆,  豉椒入味, 蟶子煮得剛剛好…查看更多