San Nam Yuen (One Capital Place) (Closed)

朋友介紹話呢間質素高亦抵食，今日就決定跟佢一試。卜了星期日，差唔多滿座。各款汽水同自家製涼茶仼飲。我地飲的是檸檬薏米水，清新，唔太甜，又有益！店內有生猛新鮮海鮮，絕對唔係急凍貨。香辣粟米, 花生一場來到，當然要食雞煲啦，唔夠仲可以免費再加唔會唔捨得比客食，呢度真係值得一讚。我們點了微辣雞煲，真係色香味俱全一打開蓋，麻辣味撲鼻而來，令人食指大動。每隔兩分鐘開蓋炒一炒，店員會幫手拌勻，服務不錯，Repeat 三次後再焗多陣，就可以吃了。醬汁濃郁，香辣惹味，好味又過癮。黃油雞好軟，肉質嫩滑，😍仲有油炸鬼，沾上麻辣醬汁，真係🤤🤤。如要添食，係以原煲另上，所以記得食完一煲先再點。我同男友食兩煲先夠喉食完雞煲，再打半放題邊爐。蔬菜南瓜湯。海鮮新鮮鮑魚算大隻, 質感爽脆肉味濃郁蔬菜配搭得好靚，爽脆清甜。任食火鍋配料烏冬係韓國造讚岐烏冬，煙韌好味。今期仲有每人一隻大閘蟹，雖然唔係好大隻，但勝在多膏。食完仲有甜品，軟滑冰凍。我地兩個都飽到上心口，非常滿足。…Read More

逛完銅鑼灣，晚上走到灣仔吃火鍋和雞煲。先上前菜冷盤，豆角和雲耳，加上蒜蓉粒和辣油，微辣，十分開胃。吃雞煲前，我們先到飲品櫃拿飲品。飲品選擇多，有基本的可樂、韓國罐裝飲品，還有五花茶。我先拿一罐蘆薈汁解熱，然後只喝五花茶。朋友說五花茶比涼茶舖的好喝，最後我們喝了兩大瓶。雞煲上桌，蓋上後待滾，然後兩三分鐘就炒一炒再蓋上，以防變焦。切開幾件雞肉，看見熟透才關爐。份量很多，而且可以再添。可選辣度，選了BB辣，雞肉嫩滑。有自助調味料區，拿了些蒜蓉和葱，為雞肉添上香蒜味。吃過雞煲後，店員把雞煲拿走，換上一個火鍋。選了香茜海底椰花膠窩，下火消暑解膩。花膠嫩滑，海底椰帶嚼勁，湯底清甜。凍蟹，即食，看到鄰桌吃得津津有味，可惜我敏感，暫時不能吃，只好交給朋友吃了。店員送上隨餐的配料，生猛海鮮拼盤。有蝦、鮑魚、  蜆、蠔、蟶子和魚片，全部都很新鮮，而且洗得很乾淨，沒有沙。本地手切牛頸脊，牛味自然濃郁，油脂分佈適中，而且份量很多，兩人吃很足夠。菜類多而新鮮，放得如一束花般，很快便被我們吃光了。小籠包和鯪魚球共上。想不到小籠包放在這個清湯底是如此適合，咬下多汁。鯪魚球更令人驚喜，魚肉新鮮，爽口彈牙，品質上佳。奶凍，小小的一個甜品作結尾，但一點也不馬虎。奶凍嫩滑，濃郁的奶香，不會過甜。吃到這裏已經很飽，沒有再點額外的火鍋配料，十分滿足。…Read More

五月最後一個星期三晚上，間中有雨。泰國回來以後很久沒跟友人見面，今晚他就帶我到他公司附近的火鍋雞煲私房菜餐廳。門口看見魚缸裡面養著不少游水海鮮，裝潢格局走舊年代的校園風，每個包房都是以校園找到的特別室為主題，有校長室，圖書館，實驗室等，甚為有趣。飲品櫃裡面全都可以免費喝，火鍋調味區就在大門口，非常方便。我們先點招牌鬼馬雞煲，原來雞煲是無限添食的，而且煮雞煲有步驟，先煮4分鐘，然後會有服務生把蓋子打開，炒一會，再煮2分鐘，重覆步驟最後再把油條塊倒進去，煮2分鐘便成。原來油條的作用是吸收雞煲多餘油份，本來的油份已經不多，雞塊香口多肉，辣度中辣，不過我們也覺得可以更辣一點，轉眼間友人已經把它們消滅掉。雞煲以後是火鍋時間，有別於一般雞煲店，這裡不會把水直接倒進煲裡，是另外上一鍋湯底，不會很油很膩。我們選了清湯底，友人知道我愛Minions，就加了$108要了南瓜蓉造型百變冰公仔，公仔為全個南瓜蓉，把湯底倒進以後它會慢慢融化掉，不過最後把蓋子蓋上的時候，服務員殘忍的啪一聲把它推倒... 要注意的是，要不時打開蓋子攪拌一下，不然很容易底部烤焦。等待湯底的時候先吃冰鎮蟹，蟹多膏肉鮮，殼軟身容易拆肉，很少地方吃雞煲有原隻冰鎮蟹供應。湯底好了，我們從生猛海鮮拼盤開始吃，拼盤裡面有兩隻大蝦，脆肉鯇魚片，花甲，生蠔及蟶子皇，全是鮮活海鮮，其中鮑魚還在動！海鮮最重要是鮮，所以每一款熟了以後都是嫩滑爽口的。本地手切牛頸脊油花適中鮮明，由於牛頸脊為牛活動最多的部份，故肉質相對結實爽嫩，肉味香濃且脂肪較少，但每一口油香都在嘴裡散發。自家製手打丸有小籠包及鯪魚球，自家手打的果然口感自然，吃得到食材原味，吃火鍋有小籠包挺特別的。最後再吃蔬菜拼盤，時令蔬菜吸收湯底精華，實在鮮甜。…Read More

雞煲一直是我的最愛，這麼多好評的餐廳怎能錯過這裏的海鮮火鍋半放題套餐十分超值，每位只需288就可以任食雞煲就坐後，店員為我們送上椒鹽鮑魚仔，彈牙又惹味招牌麻辣雞煲上來後，店員教我們要每2分鐘開蓋炒一炒，共三次，之後加入豆卜就可享用，還可無限添食吃夠雞煲後，店員就為我們送上新鮮蟹窩花甲湯底！以原隻大蟹，搭配鮮甜花甲，加上番茄、薯仔、蘿蔔、馬蹄、粟米、秀珍菇等配料熬製，令湯底增添一份清香鮮甜自助調味吧提供的種類繁多，可自由搭配無酒精飲品可任意提取，還有自製的冰茶，清涼可口生猛海鮮拼盤絕不欺場，有龍蝦、蟶子等八款時令海鮮，全由門口的大魚缸取出，絕對新鮮本地手切牛頸脊油份充足肉味甘香:)有很多火鍋配料任食，店家貼心地標明最佳放湯時間還用豐富的蔬菜籃最後還會附上奶凍作為甜品，真的想保持纖瘦的身軀都難…Read More

天氣又開始轉涼，正好打邊爐的好時機，今晚來到灣仔這家新南苑私房菜火鍋鷄煲，放縱一下。一入門口就有一個大魚缸，各式各樣的海鮮，保證生猛。海鮮火鍋放題，三位以上可以免費食雞煲，雞煲可以任添，之後選一款湯底火鍋，每枱有一個海鮮拼盤及本地手切牛頸脊，另外有多款火鍋配料任點任食。飲品在雪櫃自取，有多款任君選擇。混醬區乾淨企理，選擇亦十分多樣。羅宋湯甫入座侍者立馬送上羅宋湯一客，先暖暖胃，味道溫和，不太刺激，正好開開胃。招牌麻辣雞煲一上枱一股麻辣香氣撲鼻而來，一嚐雞件，辣得舌尖發麻，味道令人上癮，注意雞煲會越煮越辣，加入油炸鬼收吸醬汁精華，增添食趣。新鮮蟹窩花甲湯底吃完雞煲侍者就換上火鍋湯底，今次選擇了新鮮蟹窩花甲湯底，有一隻以南瓜蓉做的熊仔，十分有趣，而湯底味道剛好不會過濃，可以突出食材本身的鮮味。生猛海鮮拼盤海鮮拼盤絕對是賣大包，料精而鮮，龍蝦用上真正龍蝦，並非常見次一等的波士頓龍蝦，蝦頭有膏，肉質爽口鮮甜，貴妃蚌鮮甜多汁，鮑魚亦新鮮大隻，帶子肉質飽滿，鮮甜有嚼頭。本地手切牛頸脊雪花紋理清晰，分佈均勻，口感軟腍，入口帶著油脂香氣，牛肉味濃郁，可惜只有一碟，不過少吃多滋味。小籠包/豬肚丸小籠包用來作火鍋配料非常有玩味，而味道出奇地美味，值得一試。蔬菜拼盤蔬菜拼盤同樣有心思，有多種蔬菜，當中以韭菜花最令人回味，入口鮮甜清爽，一解火鍋的油膩。吃不夠的話還有其他任點配料，今次加點了韓國芝士麵作為結尾。奶凍最後侍者送上每人一客奶凍作為甜品，入口幼滑可口，奶味濃郁。…Read More

邊爐之友又話去打邊爐， 嘩! 日日三十幾度喎! 得，我明，”邊個話要冬天先打邊爐喎” 好，一於奉陪。聽聞呢間啲海鮮夠正，一入門口見到有個大魚池放滿海鮮，應該唔錯。呢度除咗大堂放咗十張八張枱外，仲有幾間VIP房，寫上家政室，體育室，校長室等等，好有趣呀先嚟招牌鬼馬雞煲，我哋叫咗走辣，但係都好香好惹味，啲雞喺個煲上面炒炒下，香氣四溢，食落雞肉仲好嫩滑見到有新推介，冬海龍王湯底，一於試下。冬瓜加上龍躉，仲配有粟米，冬菇，啖湯好清甜 冬瓜預先界開一格格，方便食用， 抵讚海鮮拼盤有，蝦，龍蝦，龍躉片，蜆，海參，鮑魚唔係一般貨色喎，海鮮夠新鮮，最愛鮑魚，美味又唔韌，食到唔停口。手打肉丸，夠彈牙。小籠包，內裡充滿肉汁。本地手切牛頸脊，脂肪分佈均勻。擺放得好靚嘅蔬菜仲可以任點任食其他火鍋配料，好多選擇，其實飽咗大半喇。冇理由唔點火鍋必備嘅烏冬同出前一丁，索曬啲湯，零舍好味。仲叫咗響鈴同冰豆腐，都係吸曬啲湯，因為個湯實在太美味啦最後仲有甜品附送。飲品，醬料任拿。食到飽飽，睇下邊爐之友幾時有抽起條筋又話要打邊爐。…Read More

新南苑是一間半自助雞煲火鍋店，它的雞煲夠麻夠辣，非常惹味，火鍋雖然沒有雞煲驚喜，但勝在抵食，人均三百元不單可以任飲任食，還有海鮮盤和甜品。＊＊＊＊＊＊＊＊＊＊＊＊＊一出電梯，門口位就是醬料區，食客可以自由混醬，醬料費每人才$10，比很多火鍋店都便宜。而門口對面就是雪櫃，裡面有多款汽水、涼茶、果汁等。由門口進入店內，會先經過一排水族箱，裡面放了多款海鮮。甫坐下，每人先自動拿一罐飲料先，左邊是豆漿，豆味還可以，右邊是石榴汁。左邊是士多啤梨蘆薈，右邊是菠蘿蘆薈，這兩款果汁都幾好飲，因為入面有蘆薈汁，味道又不會過甜過假。前菜($20/碟)前菜有花生和四季豆，四個人一碟，收費都合理。海鮮火鍋放題每位$288，海鮮、牛頸脊和甜品份量是按人頭，另外亦有一個任食火鍋料menu可以任點任食。招牌麻辣雞煲三位以上可以免費享用雞煲，雞煲有分大中小辣，我們小試牛刀只點小辣。小辣辣度都可以接受，但麻勁十足，所以食落特別惹味，雞件都算滑，四個人很快就清晒成煲雞煲。新鮮蟹鍋花甲湯底海鮮火鍋夜題有六款鍋底選擇，除了其中一款要加錢外，其他都不用，而這款花甲湯底都不用加錢的。食完雞煲侍應會收起，鍋底是另一鍋，所以不怕火鍋料吸晒雞煲的肥油。湯底內的小小兵就是冷凍了的南瓜湯底，都幾有心思。但見湯料還有蟹、花甲、番茄、粟米、南瓜、薯仔和白蘿蔔，都幾足料。因為小小兵都幾大塊，所以都要花點小間才可以完全融化。湯底其實海鮮味不重，但有番茄和粟米的清甜味，健康得來味道都不錯。生猛海鮮拼盤海鮮拼盤有六至八款，款式會因時令有所不同。是晚的海鮮盤有蟶子、海蝦、貴妃蚌、蠔、鮑魚、脆鯇片和龍躉片，$288一位的任食火鍋有這麼大盤海鮮都算不錯。貴妃蚌灼熟後就會自動離殼，蚌肉都幾有睇頭，夠厚肉又有咬口。蠔因為都幾大隻，所以我們會灼久一點，大約灼了近十分鐘先食得，蠔肉嫩滑沒有腥味。鮑魚比中式湯匙大一點，有嚼勁不過韌。蟶子灼熟完即使收縮了仍有睇頭，口感微彈不黏牙。脆鯇片食落很彈口，因為是任點項目，所以我們之後又再encore。龍躉片很軟腍。本地手切牛頸脊牛頸脊有點厚度，脂肪不算多，但食落很有咬口，肉味亦較濃。蔬菜盤食到尾昇當然要食些蔬菜。薯粉薯粉輕灼至火透明就食得，食落煙煙韌韌，吸收湯底的精華，飽肚又好味。甜品是杞子桂花糕，甜度適中。總結，雞煲夠麻夠辣很惹味，十分驚喜，火鍋質素中規中舉，但以人頭三百元可以任飲任食，又有海鮮盤，都算抵食。…Read More

放工後過灣仔與友人開餐, 路經見到呢個宣傳牌, 被相片所吸引, 有感肚餓程度指數都幾高, 決定黎個鷄煲火鍋之夜上到3樓打開升降機門就見到門口, 唔少人已經入座, 咁多客應該質數有番咁上下係等被安排入坐時, 被呢個海鮮缸所吸引住.............海鮮種類唔少又夠生猛 (流口水MODE中..........)今晚食呢個海鮮火鍋半放題 (每位$288, 坐房每位另加$20)坐底無耐除有枱上有小食外, 仲送上老火湯比你滋潤一下先, 今晚呢客係紅蘿蔔蓮耦煲鷄腳, 入口熱辣辣又甜, 放工後有啖湯水係唔同D嘅!招牌麻辣鷄煲 - 惹味醬汁加埋洋蔥芫茜, 打開蓋已聞到香味, 再加埋油炸鬼一齊快炒, 又另一種食法!鷄件肉質幾滑, 小辣程度都有D辣, 油炸鬼口感帶少少脆口, 一個鷄煲, 2種口感!多款汽水, 果汁, 豆漿, 茶類及自家製涼茶任飲, 出去雪櫃拎返罐解下鷄煲嘅辣先食完鷄煲轉去火鍋時間, 湯底係新鮮蟹鍋花甲湯底, 最吸睛當然係呢個南瓜小新公仔湯底材料除左有蟹及花甲, 仲有蕃茄, 蘿蔔, 粟米及芹菜, 仲有以南瓜做嘅小新公仔, 加湯煮番滾就可以開始啦............最歡喜試下頭啖湯, 味道清甜, 充滿南瓜甜味!  隻蟹都唔少肉, 肉質鮮甜唔係"死"蟹, 唯花甲食到有少許沙!另有手打丸類及小龍飽生猛海鮮拼盤 (有6-8款海鮮), 今晚呢盤包括有貴妃蚌, 蟶子, 鮑魚, 蝦, 蠔, 魚塊及鱔片, 確係唔嘢少每款海鮮都味道鮮甜, 蠔烚完都仲係咁大隻又夠蠔味; 鮑魚口感彈牙; 蟶子及貴妃蚌爽甜!食完海鮮又到本地手切牛頸脊出場, 一碟二人份量但絶對夠多一個人食, 肉色夠紅唔會暗瘀色, 每片無論大細厚薄都OK, 烚10數秒就食得!肉味濃而且脂肪分佈平均, 多食都唔會覺太膩, 夾埋芫茜及蔥粒一齊食就仲好味道!食到呢度其實都飽左一大半, 仲有大量款式嘅任食火鍋配料點返D蔬菜, 豬紅及芋絲加烏冬先臨尾侍應仲送上有HEART甜品 - 杞子馬蹄凍, 幫助清下火鍋熱氣, 味道唔太甜又有馬蹄粒嘅咬口, 食完確係舒服晒!…Read More

有一次與朋友傾起, 曾聽過別人講, 關於一間好特別的食店,在她公司附近, 想同我補祝生日.到約好的日子, 由她帶我去, 原來名字叫--新南苑!未曾聽過火煱可以一個價錢, 有兩種食法.而每人計由$278起及有加一服務費.新南苑一入到來, 設計非常特別, 色彩豐富, 門口已經有一張枱細分了很多火煱醬汁配料.他們裝修設計特別, 以色彩繽紛及卡通化為主題,每間房都有一個名稱, 例如: 會議室之類.好喜歡我們頭頂上面的酒瓶燈飾.另外有海鮮魚缸, 見到每樣海鮮都很健康, 皮光肉滑!飲品任飲, 而且有很多瓶自家製五花茶,可以幫助下火! 非常細心啊!串燒牛肉, 外層有黏了少少粉, 燒熟後, 外脆內軟, 非常JUICE!先來食雞煲, 可以選擇不辣, 上桌時, 雞煲上面放上了很多芫茜,香芹, 洋蔥等, 服務員個個都很細心,先幫我們炒了一陣, 再提醒隔一陣炒多一次.可能我們太耐無見面, 只掛著傾計,忘記再炒. 但久不久便有服務員過來為我們睇睇,再幫忙炒炒, 然後加上桌前的油炸鬼,很快又香又夠火喉的即製即食香芹清炒雞煲,雞肉新鮮, 嫩滑, 加上吸收了雞肉汁的油炸鬼,外層有雞味, 內層還脆口.食完雞煲, 繼續食南瓜清湯底海鮮火煱,生猛海鮮拼盆, 有一隻龍蝦開邊,2隻鮮蝦, 2片鯇魚片, 3片龍蠆片,2隻馬刀貝, 2隻花蛤, 2隻鮮鮑魚.每件很新鮮, 剛剛灼熟食, 鮮嫩有彈性鮮鮑魚算大隻, 而且有清新飽魚味.馬刀具, 以前從未試過, 原來有一粒細細像元貝粒的東西,形狀似象拔蚌BB, 但出乎意料地很好味!花蛤, 形狀似大形蜆類,原來用南瓜湯灼熟的鮮龍蠆片,肉質嫩滑, 很有魚味, 而且食到一層肉一層脂肪,魚皮厚得來, 非常軟滑!鯇魚片因為是本身帶有點泥味, 故一定要灼熟,才能灼走泥味, 又脆又有鯇魚味!牛頸肉, 沒有醃味, 只需灼一灼,便有鮮嫩牛香, 帶點半肥瘦, 口感十足.手打3款肉丸, 牛肉丸, 豬肉丸和 墨魚丸,墨魚丸加有馬碲粒, 各款都醃了少少調味料,與一般超級市場買回來的非常不同口感,龍蝦肉頗多,又香濃.一瓶雜菜, 很有心思的包裝得像花瓶一樣,入面有齊各款蔬菜.最後上甜品, 牛乳布丁, 香甜牛奶味, 質感彈彈.臨走時看見隔鄰桌,食客叫了一個特別火煱湯底,湯在那裡??? 就是那個橙色卡通公仔啊!今次一個價錢, 食到一個火煱加一個雞煲,飲品任飲, 食完我們兩個都抱著肚子走,而且, 服務員非常細心, 價錢非常超值!另外, 發現原來他們置有貓頭鷹時段,價錢更加平, 如果有時與朋友玩得夜,可以來這裡食宵夜呀!…Read More

話說今天係小妹生日，生日一年一次當然要食餐勁，放蹤下自己架啦男友今晚帶左我來打邊爐點解新南苑？因為又有火煱又有小菜，幾好喎自助火煱醬料都好多款飲品任飲嘅揀火煱料之前我地先揀湯底蟹煱花甲湯厎。冰熊仔係南瓜甘筍蓉之後工作人員會為我們慢慢加入滾湯熔左之後就變成上圖湯底夠香濃海鮮夠新鮮:)兩款配料都好新鮮，一碟係唔會夠嘅，牛頸脊好嫩滑之餘牛肉味重見到已經流晒口水，拼盤有鮑魚、聖子皇、龍蝦、馬刀貝、胭脂蚌、脆鯇片好豐富好有誠意，全部好鮮甜。值得一讚係鮑魚仔處理得非常清潔，仲好彈牙添其他配料都正正常常，不過值得一讚嘅係響鈴真係新鮮油炸(唔會黑蚊蚊)，黎到仲熱辣辣海蝦鮮甜，仲可以任點的呢個係餐廳送嘅不過都好好味喎唔錯！總結: 適合一班人，可以book房，房內仲有電視可以睇波。人手足夠，服務員樂意講解及介紹食物讚火煱已經好出色，一次來我會試下食小菜。…Read More

到達餐廳差不多晚上8點，平日嘅晚上都座無虛席。門口嘅水缸就放咗生猛海鮮，水缸乾凈整潔，啲水好清，可以放心食。我哋點咗個海鮮火鍋半放題餐，有雞煲又有海鮮又有本地手切牛，仲有任食火鍋配料，唔駛諗咁多~飲品、醬料選擇唔多，不過基本嘅都有齊架啦。任食火鍋配料就基本嘅火鍋配料都有得揀。再追加靚牛肉、海鮮就要加錢，不過價錢絕對合理。:)先上雞煲，一上枱已經香味四溢，流緊口水不過仲未食得架，仲要煲多陣。苦等一陣終於食得，打開蓋已聞到香辣味。雞肉認真嫩滑，而且辣度啱啱好，非常惹味。辣辣地刺激味蕾，可以更加引起食慾繼續食~湯底嚟啦，我哋揀咗新鮮蟹鍋花甲湯底，啲湯係蕃茄湯嚟。湯滾啦，花甲就比較少啲得6粒左右，但隻蟹就真係大隻。試咗幾啖個湯，鮮甜中帶點微酸，開胃之餘又唔會遮蓋食物味道。蟹肉爽甜，蟹羔都唔少。本地手切牛頸脊 - 呢個部位幾特別，每塊牛熟咗後都好似對摺咗咁可以打開，而中間都係筋位所以都有啲咬口，肉質鮮嫩，正~肉丸拼盤 - 有墨魚丸、牛丸、豬肉丸，唔算大粒但新鮮彈牙。生猛海鮮拼盤 - 海鮮配搭會因時令而更改，當日就有鮑魚、蚌、扇貝、蜆、龍躉片、脆鯇片。海鮮新鮮甜美就不在話下，當中啲扇貝、蜆、鮑魚、蚌都仲要好大隻。食埋啲海鮮都飽咗差不多九成，所以都冇加太多配料，主要係encore咗啲蝦同埋老豆鍾意食嘅脆鯇片。有Heart甜品係奶凍，打完邊爐㷫熻熻，食凍嘅甜品cool down返就啱晒。臨走周圍八下，呢度另外有多間VIP獨立房間，有啲仲坐都十幾人，房內同大廳都有電視機，仲有英‧超‧直‧播~呢度仲設貓頭鷹時段，9:30pm後有8折優惠，即$222/位食火鍋免加一、免前菜 、免醬油，如坐房每位+$20。呢個時段真係堅正，點解? 因為英超大部份場次都喺呢段時間開波，啱晒約一大班friend一路嘆住冷氣打邊爐一路睇波，睇嚟之後會多啲嚟啦。呢度唔係凈係夜晚先開，仲有午巿時段。超值午巿套餐只係$88，除小菜主食外包埋老火湯同甜品，免加一，平日仲要免茶芥。喺灣仔食個茶仔都差不多$50，茶仔環境唔慌好之餘仲要食完俾人「請走」，仲未必有湯飲更加唔會有甜品，俾多少少嚟私房菜餐廳慢慢歎，真係no brainer啦~…Read More

今晚和媽媽來到新南苑吃私房菜，感到十分期待。餐廳設計風格參照大牌檔風格，營造懷舊風情。環境舒適闊綽，除了卡位外，更設有不少私人房間給大伙兒聚餐，房間還會有沙潑呢！來到店員安排座位，為我們送上前菜和講解菜單內容。醬油和醬料都是隨自己喜好添加的 除了店員會為客人送上醬料車外，我們也可以到外面的醬料區自行添加，十分彈性。來到當然要嚐嚐他們的招牌鬼馬麻辣雞煲放題！他們的麻辣雞煲真的很棒！隔壁桌的雞煲傳來陣陣濃烈的香氣，真的是眼未見其物而聞其香但由於我們二人都不能吃辣，於是點了走辣，本來還擔心會沒有那麼好吃><!誰知道超級有驚喜，是我吃過最好吃的雞煲!!!他們不像一般餐廳煮好才拿出來，通常這樣做好的雞煲再讓客人翻煮的話，雞肉便會變得不好吃了他們的做法是微煎一下再給客人即時煮，途中再加入脆脆油條讓它吸收煲內的精華 店員全程在旁邊為我們烹調 真的是香氣撲鼻 令人垂涎三尺6分鐘左右就煮好了！雞肉果然非常嫩滑 連雞胸部位都不會鞋口 非常出色！油條保持著脆卜卜的口感 真的很不錯！整體不會很油膩 又可以吃到鮮嫩雞肉 十分滿意呢 推薦大家試試新鮮蟹鍋花甲湯底 有一隻鴨鴨在鍋中呢 非常特別！原來是濃縮湯精華 做成鴨仔的造型 很可愛喔 入面還有蟹一隻、蜆肉、番茄薯仔粟米蘿蔔 沸騰後變成金黃色湯底 飲落湯頭鮮甜 色味俱佳非常不錯生猛海鮮拼盤有龍蝦一隻 海蝦 花甲 蟶子 鮑魚 鯇魚 龍躉各兩件店員問我們想把這些海鮮燒烤還是火鍋 都是免費的 我們就選擇了龍蝦和鮑魚去燒 其餘的火鍋大大隻蟶子看上去已經十分誘人 吃下去的鮮甜真是堪稱一絕 花甲同樣出色 魚肉新鮮厚肉 燒好的鮑魚和龍蝦用了香草和薑蓉來調味 第一口吃下去很辣喔 太嗆了我只好把上面的醃漬弄走一些再吃鮑魚很嫩滑！龍蝦肉鮮味十足 非常爽甜基本火鍋配料有手打牛丸 手打豬肉丸 手打蝦丸各兩粒不愧是手打丸 粒粒都食到原有的鮮味 口感少粉軟滑還有一盤安格斯牛肉 吃下去牛味香濃 軟嫩滑爽的口感 令人回味悠長還有任點的配料和需要加錢的配料海蝦 鯇魚和龍躉片這些新鮮海鮮都是可以任吃的！今頓真的是超值了！蟹棒也是較高質素的日本壽司的蟹棒響鈴和豆腐吸盡湯底的精華 材料本來也新鮮 當然也好吃還有贈送的芝士焗生蠔味道不錯呢!吃完後最令人驚喜的是有甜品送喔還是我愛吃的牛乳布甸 太開心了！吃下去非常軟滑 奶味香醇濃郁 而且不會很甜膩 滑溜溜的口感令人回味無窮 原來是他們自家製的甜品材料都用上較好的 難怪味道如此上乘媽媽說太飽了 於是我把媽媽的那份也吃了 其實我也很飽了 但面對如此美味可口的美食 真的不能自拔店員看見我如此喜歡這個布甸 主動說送多一個給我 此時很飽的我心裡想著很飽吃不下了 頭卻一直在點 口還說出好啊。。。太好吃已經沒救了最後還是三杯吃光光了 媽媽看到我滿足的樣子 在後悔自己沒有吃吧另外飲品也是免費任喝的，竟然可以任喝高質素的天然椰青水，好驚訝呢本來已經非常便宜，到了貓頭鷹時段9:30pm後入座更可享人頭費八折$222/位，真的太正了吧！向來我也是非常重視餐廳的服務質素，因為我覺得就算味道如何出眾，態度有問題的話，我會寧願選擇不再吃，也不會去受氣！不得不提，灣仔分店新南苑店員的服務態度也實在是太好了，專業的為客人烹煮雞煲和適時地調校火鍋溫度，期間還不停跟進客人的需要！親切的笑容和貼心的服務 加上香鮮至極的食物 價錢合理 應該很難不給滿分吧…Read More