洋食商店 (喜遇)

Open Now

Now Closed

呢排見好多人都去咗呢度打卡，我仲以會係市集，原來係一間好有心思嘅餐廳💕由門外到店內，每一角度都有佈置擺設，以日和風設計，日式燈籠🏮、招牌、霓虹燈牌、還有一間懷舊日式情懷昭和商店，打卡位勁多，滿有氣氛😌點左幾款菜式，我會推介🥩生牛肉他他，份量不少，肉色紅潤，配薄脆餅一齊食，軟滑香脆🍲清酒煮鮮貝類，蜆肉飽滿鮮味，湯底清甜帶微酒香，伴上豬皮脆片，可以沾湯食好惹味想食多幾款串燒，可以考慮～串燒拼盤，一盤有大蝦、雞翼、香菇、蕃薯仔、秋葵、菠蘿、豬肉，蝦肉爽彈，香菇多汁，菠蘿爽甜😋 一盤大滿足😍甜品來杯～宇治金時刨冰🍧 夏天透心涼系列，刨冰上放左紅豆🫘、丸子🍡，還有脆魚餅🐟 賣相可愛，亦好好味

今日去左一間好有特色既餐廳，入面有滿滿既懷舊昭和風裝飾，好似入左時光隧道咁，門口口仲有好多充滿童年點回既糖果、扭蛋機，真係勁啱打卡！✨紐西蘭草飼肉眼牛扒炊飯個牛扒煎得啱啱好，外面煎到金黃色，裡面又嫩又多汁，而且又好有牛味～炊飯嘅部分都非常出色。飯就煮得剛剛好，每粒飯粒都好鬆軟，米香綿綿地散開。仲有啲微微焦香，好有層次感。飯粒間夾返豐富嘅牛肉汁，食落去好香口。✨生牛肉他他生牛肉好新鮮，色澤鮮亮，肉質纖維細緻。每塊牛肉都好軟滑，入口即化。牛肉本身帶有淡淡嘅甜味。而佢地嘅特製醬汁酸酸甜甜，啲蔥絲令味道更豐富。配埋切到好薄、焗到好脆既麵包片，口感更加豐富！✨燒牛舌牛舌烤得剛剛好，外層微焦微脆，入口之後就係軟軟嘅口感。每塊牛舌都好嫩滑，完全唔夠咬勁，好易入口。佢地嘅醬汁帶有淡淡嘅咸味，令牛舌本身更加鮮美。✨烏龍茶佢地呢到有Asahi既玻璃樽裝烏龍茶，超級特別！味道方面，比我地平時飲開既個種，少左一層苦澀味，都值得一試！

長沙灣有好多食店，其中一間剛開業不久，主打西日fusion菜，而裝修從外至內都勁似日本街頭小店，真的以為自己去咗日本，太厲害了。◇ 生牛肉他他 13款嘅前菜中，小編留意到兩款他他，帶子同生牛肉都好喜歡，選擇困難之下揀咗生牛肉，上枱時驚喜因為多一碟麵包脆片，又薄又脆超級好味，而生牛肉他他本身，牛肉冇筋而牛味好濃，加上少少微辣，牛肉味更特出，份量少少意猶未盡◇ 逃你三黃雞香葱炊飯(半) 燒物選擇好豐富，有豬、牛、羊、雞、魷魚等等，小編見到雞有半隻同全隻選擇，幾特別，所以揀咗半隻二人份量，三黃雞肉質嫩滑，脂肪豐滿同味道比較鮮美，表面雞皮烤香而唔覺油膩，炊飯味道微辣但香濃，口感軟腍，飯作為配角份量不多但剛好，亦都有少量冬菇作為佐料，吃完肚子滿飽飽◇ 新潟大米布丁(熱) 這款甜品夠新意，大米布丁加朱古力雪糕，簡單食材但出色嘅配搭，擺盤賣相好吸睛，大米布丁嘅熱加上雪糕嘅凍，大米布丁味道偏淡，搭上香濃朱古力雪糕，口感雙重刺激◇ Asahi 烏龍茶Asahi原來不只有啤酒，烏龍茶亦有，用樽裝，夠特別，要試試。不過對於好酒朋友，好消息係從7月1號開始，逢星期一至五，特選酒精類有買一送一優惠，咁着數快啲嚟