劉興記生煎包專門店

叫左兩個正常生煎包，濃蝦味各瀨尿蝦味生煎包各一由淡到濃味，先食正常味，非常熱（第一啖請勿大口）。倒出黎湯 多過匙，仲勁過小籠包，底層包是脆的。真係不得了。瀨尿蝦生煎包 有呢個諗頭真係有創意，真材實料。濃蝦包，喜歡海鮮的我 第一口咬落去，真係嘩左聲，好海鮮味，入面肉加左少少魷魚，食落去有彈牙，面上有蝦籽粉。咁細心？！豆漿仲可以任添，呢間真係一間有質素有誠意店。不過飲得多豆漿好易飽，豆漿係比較‘潔’身，唔係水寥寥。係坐得有點迫…Read More

今日（25-1-2025 Sat）老公唔舒服，但佢係都要落荃灣食晏，我哋先喺大班攞兩個年糕，然後至諗食咩嘢，我記得呢喥新開咗一段時間嘅生煎包，於是行嚟。我哋嚟到睇，格局係我哋曾經帶過爸爸食餃子嘅嗰間舖（https://www.openrice.com/zh/hongkong/r-%E5%9B%8D%E9%BA%B5-%E8%8D%83%E7%81%A3-%E6%B8%AF%E5%BC%8F-%E7%B2%89%E9%BA%B5-%E7%B1%B3%E7%B7%9A-r791381），我哋重坐去嗰時同一張枱（食評係2023年4月23日刊登嘅呢篇：https://www.openrice.com/zh/hongkong/review/%E9%9D%9E%E4%B8%80%E8%88%AC%E6%B9%AF%E5%BA%95-e4796703）。坐低睇完menu後，要咗：1. $54.00嘅3號餐麻醬手撕雞粉皮+生煎包一隻嚟到睇，份量同size都唔多同大，先食生煎包，個皮係脆同爆汁，但唔太熱，同平平無奇，冇驚喜。3分麻醬手撕雞粉皮，有麻醬就知會好膩，所以份量少都會好滯，食落，麻醬味道濃我得嚟唔好食，雞絲有膻味。2分2. $34.00嘅小雲吞湯麵6粒睇見小雲吞皮薄，老俾咗一粒我食，個餡係冇蝦，一般。3分豆漿，堂食係免費任飲，由於老公唔舒服要飲熱嘢，我哋見到menu寫冷／熱豆漿，所以放心有熱豆漿，店員會自己送上，飲吓先，唔係熱，更比我預期嘅凍啲，佢唔太甜，有豆味同渣，唔通係自家製？不過之後嗰啲都冇咁凍。2.8分服務：我哋要小雲吞湯麵6粒，但個男仔落咗$35.00嘅雞湯小雲吞12粒，好彩我睇得切張單，即刻改返正。女店員見杯豆漿飲咗，就會自動斟滿。4.5分抵食係2.5分…Read More

呢間生煎包係網上評價唔錯，今日專登走嚟試吓。餐牌全日適用，無分午餐/下午茶/晚餐。皇牌套餐S1：招牌上海排骨菜飯+生煎包一隻（$54）無咩期望下嘅炸豬扒幾好食，炸衣好薄但仍好脆，而且唔油淋淋，內裡豬扒軟嫩有肉汁；反而菜飯就乾身得滯。生煎包底層脆身，咬開小洞啜湯汁，味道可以，吸哂湯汁後一啖放入口，肉餡中仍有湯汁，整體不錯，但如果再熱烘烘啲就更好。皇牌套餐S4：鮮雞湯小雲吞12粒+生煎包兩隻（$54）湯底清清哋帶少少味；小雲吞一口一粒，皮薄，味道正常。呢個餐跟嘅生煎包比飯餐嗰隻再熱少少。上海小籠包4隻（$40）新鮮熱辣，皮算薄而且帶少少煙韌，唔會好易整穿。同樣先咬穿一個小洞吸啜湯汁，然後成粒食，湯汁及肉餡嘅味道同生煎包相似。百步香蔥油餅（$28）餅十分鬆化，雖然咬落口感偏厚身，仍然食到好鬆化嘅感覺，但略嫌蔥餡比較少，所以香蔥味唔夠。另外想讚嘅係，個蔥油餅一啲油都無，完全唔覺油膩。套餐奉送豆漿，而且仲可以無限添飲。味道接近無糖，少少豆味。…Read More

貼地小店、價錢公道、小舖都有好貨色😋招牌生煎包$20/ 2隻新鮮出爐熱辣辣、賣相唔係好靚仔、不過真係好多湯汁、加少少香醋、特別好味！重點係佢嗰醋唔會好酸唔會好濃、唔會嗆味👍🏻👍🏻 好鮮味又唔算、不過個人覺得已經好出色、$10隻抵食！！蟹皇拌麵🦀🍜 $78Order時都十五十六、好驚中伏🤔 不竟賣$78咁平⋯好彩有驚無險、賣相對板、不過蟹黃就肯定唔係㗎喇、不過蟹粉絕對足三兩、一睇就知真蟹粉（有肉有膏）、滿滿的鋪滿麵條、麵條亦唔係就咁滾完上枱、係加左少少醬料撈過嚟、加少量醋一齊食、解解油膩、好滿足😋😋 膽固醇就膽固醇啦⋯⋯真心推…Read More

見咁多人推薦就去試吓不過…試完真係唔會再試🥲🥲叫咗：上海排骨菜飯- 未見過啲肉咁薄🥲 份量又少- 落咗單1分鐘可能已經上餐就知伏伏地麻醬雞絲粉皮- 份量好少🙈 味道尚算正常生煎包4個- 算係最滿意嘅一樣！🥹- 熱辣辣，有爆汁，皮算薄…Read More

最近成為城中熱話既劉興記開咗幾間分店，行過荃灣街市街見到個靚仔喺度叫賣米芝蓮生煎包，門口貼咗發哥同老細嘅合照，仲要係兩套唔同衫，可見發哥都係常客😎有四款皇牌套餐，有主食+生煎包，再送豆漿，見到價錢算經濟入去試吓招牌生煎包同蟹黃生煎包都超大粒，做到外脆內軟爆曬汁，比出面食過嘅生煎包個汁冇咁鹹，可能有啲人嫌唔夠味，但我覺得幾好，會食到肉嘅鮮味麻醬手撕雞粉皮係粗身粉皮，連埋青瓜絲同雞絲麻醬，夏天食夠晒涼爽鮮鮮雞湯小雲吞個湯真係唔錯！冇味精係飲得嘅質素，雲吞皮好滑，雖然雲吞細細粒但係肉都飽滿上海排骨菜飯塊豬扒比較薄同埋乾身，單點$42來講算過得去啦，下次再來會叫返每人半打生煎包😎…Read More

今日經過荃灣發現有一間新開的上海小店，主打生煎包，一於試試價錢抵食，套餐有主食+生煎包，都是五十幾蚊🫶🏻❣️蟹黃生煎包 / 招牌生煎包生煎包皮夠煙靭，不易破穿，底煎得微燶香口，最緊要肉汁滿溢，我吃了三口還有肉汁漏出來，非常爆😮 蟹黃味也很出，看到了蟹粉❣️上海排骨菜飯豬扒值得一讚，口感夠鬆軟，不太乾，也有微香❣️麻醬手撕雞冷麵這個醬濃度比較高，建議撈黑醋吃❣️手工豆沙鍋餅$28脆口，不算太甜❣️雞絲酸辣湯酸度足夠，又有五香味道，幾有特色有別於一般酸辣湯…Read More