伍佰私廚•海鮮火鍋

朋友介紹呢間私房菜嘅點心很不錯，又私房菜又點心咁特別，要去會一會佢🤣蝦餃（頂） $50蝦餃Sɪᴢᴇ屬大碼，食落爆哂汁😂 入面全部都係蝦，所以蝦味非常濃郁，仲有少許韮王，再額外吊到蝦嘅鮮味出嚟，真係好食嘅😋川味金錢肚（頂） $50金錢肚都幾厚身，但食落爽口彈牙，幾惹味，真係食得出川味嗰種辣，唔算辣但夠你過癮，如果你同我哋一樣都唔係好食得辣嘅話🤣 連下面墊底嘅芋頭都好軟糯，芋頭味好香椒鹽魷魚鬚 $88金黃色嘅外皮，一上枱已經好吸引😍 粉漿適中，魷魚都比較粗身，鮮味十足，肉質彈牙，呢啲熱氣嘢一定要趁熱食，脆卜卜🤤 正！XO醬炒腸粉 $88呢度嘅炒嘢都係相當唔錯，呢個炒腸粉都幾有鑊氣，都炒得算乾身，淡淡嘅Xᴏ醬味，都唔錯生滾花膠雲吞雞麵 $88個湯好濃稠好厚身，雞味都係相當之濃，上海麵麵質比較軟糯煙靭，雲吞口感紮實，豬肉味幾香，個湯你真係食食吓就會飲哂🤣見餐廳有包廂，仲可以唱K🎤 晚餐啲菜式又好似幾出色，下次帶埋屋企人嚟食個晚餐先😋…Read More

呢間餐廳主打海鮮火鍋私房菜，宜家午市點心做緊8️⃣折優惠，所有點心都係現點現蒸🥢💗生滾花膠雲吞雞麵（$88）花膠雞湯呈金黃色，味道濃厚鮮味，唯一挑剔係有d 油膩🍲 配上順滑彈牙嘅麵條🍜雞件新鮮嫩滑🐔仲有6粒皮薄餡料嘅鮮蝦雲吞，可惜花膠得一塊，而且比想像中細塊🤔💗蒜蓉開邊蒸海蝦（$98）一共有8隻海蝦，d蝦偏細冇乜肉，肉質淋唔算太新鮮，不過呢個價錢嚟講都冇d咩可以挑剔🦐反而底下嘅粉絲索哂蒜蓉香好惹味🧄💗蝦餃（$50）蝦餃皮煙韌但略厚，入面包咗有爽口嘅蝦肉餡🦐💗燒賣（$42）蟹籽燒賣包住滿滿爽滑鮮嫩嘅豬肉鮮蝦餡🥟💗川味金錢肚（$50）金錢肚彈牙入味，辣得惹味，最抵讚係唔韌🌶️💗黑金流沙包（$42）流沙飽一搣開就爆出流心香甜嘅奶皇餡，如果流沙餡再多d就更好🐣💗蜜汁叉燒包（$34）叉燒包熱辣辣又鬆軟，叉燒餡香甜🐷💗鮮蝦腐皮卷（$42）鮮蝦腐皮卷炸得金黃酥脆，不過蝦就好少🫔…Read More

餐廳主打海鮮火鍋私房菜，依家午市點心做8折優惠❕ 所有點心現點現蒸 有水準！❛ 生滾花膠雲吞雞麵 ($88)金黃色花膠雞湯底濃郁唔油膩雲吞大粒皮薄，入面蝦肉鮮甜爽彈雞件新鮮嫩滑，花膠爽滑，麵好彈牙份量唔少❛ 蟶子皇鮮甜新鮮爽彈，底層嘅粉絲吸收晒蒜蓉同汁嘅精華❛ 星州炒米 ($88) 有水準！炒至乾身有鑊氣，咖喱香氣撲鼻，米粉爽口，配料豐富❛ XO醬炒腸粉 ($88) 掛滿醬汁惹味有鑊氣❛ 蝦餃 ($50/4件) 皮晶瑩剔透，蝦肉鮮甜肉質爽彈❛ 燒賣 ($42/4件) 粒粒飽滿，啖啖蝦同豬肉香❛ 灌湯小籠包 ($42/4件) 一咬開溢出香濃湯汁❛ 黑松露餃 ($42/3件) ❛ 鮑汁鳳爪 ($56)❛ 鮮蝦腐皮卷 ($42)上枱夠熱 炸至金黃香脆，食落好鬆脆，蝦肉鮮甜肉質爽彈—ʜᴋᴅ $200 𝗉𝗉 (lunch)𝙧𝙚𝙨𝙚𝙧𝙫𝙖𝙩𝙞𝙤𝙣𝙨: yes𝙧𝙚𝙫𝙞𝙨𝙞𝙩? maybe𝙤𝙫𝙚𝙧𝙖𝙡𝙡: 7.5/10—📍 伍佰私廚•海鮮火鍋天文臺道8號3樓2號舖…Read More