Kushiro

釧Kushiro係我最愛的omakase 廚師發辦！由食物到服務細節位都係無可挑剔！一定要讚下主廚！好樂於介紹各種食材，積極同食客溝通！食一次omakase 都學到好多知識！🌟螢光魷魚：鮮甜美味，肉身多汁煙韌~🌟青柳貝（馬鹿貝）：肉質厚實，貝肉鮮甜爽口，淡淡海水味~🌟日本富山縣白蝦他他：蝦肉甜美，最下層的蝦膏奶凍亦豐腴甘香！！🌟北海道熟成帶子配松露醬：口感爽滑彈牙，鮮味十足，配搭松露將更顯熟成的風味~🌟🌟🌟黑鯥魚：黑鯥魚是一種矜貴的深海魚，產量稀少，是少見的高級食材，口感肥美帶甜、油脂豐富而無渣，是刺身中的極品，人生中必要一試！🌟羽太（即是香港人叫的石斑魚）：羽太上面配以鹽同柚子皮，清甜爽口🌟鳥貝：肉質飽滿、好有彈性！有貝殼類的鮮甜感，充滿海水味，被大海包圍的感覺～🌟鯖魚：主廚用備長炭燒一燒鯖魚，逼出魚油，油脂豐富，鯖魚柔嫩細滑，口感香滑🌟北海道縞蝦（縞海老）：蝦肉厚實，富有彈性，一啖入口，滿滿的蝦膠質感！！🌟和歌山中拖羅：油脂甘香，口感細嫩🌟和歌山大拖羅：油脂豐富，入口即溶🌟梭子魚：配搭味噌豆腐，更增風味🌟鰹魚：🌟池魚：肉質肥嫩，口感順滑鮮甜🌟淡路島海膽：建議單獨食用，因為可以品嚐到淡路島海膽的類似芒果味的淡淡果香另外，放在手背上的食法非常有創意！具有儀式感！！🌟玉子 - 蛋味香濃嫩滑🌟野鴿清湯 - 極緻的清甜和濃郁！！🌟甜品熊本蜜瓜、士多啤梨配自家製麻糬雪糕🌟招牌腐皮豆乳奶凍，外面是焗到很脆的腐皮---完滿幸福的結尾❤️❤️---…Read More

今日朋友帶我去食好西，去左半島酒度地庫食廚師發辦，餐廳叫釧，就等我好好記錄我呢餐難忘既午餐！🎑環境餐廳門外黑色裝修，餐廳「釧」標誌就好似月亮一樣高掛。穿過日本庭園風格走廊，見到餐廳糅合不同月相形象的設計特色，沉浸於一種詩意與華美的氣氛下享用佳餚餐廳有卡位及壽司吧枱，另設有包廂，為左可以見到師傳的廚藝同埋可以同師傳多啲交流，我當然選擇吧枱位置。當日仲係行政總廚鄭師傅為我地主理食物！📝餐牌午餐有3個餐選擇，分別係川($1,680)、華($1,280)、幸($980)，會有不同頭盤同一品料理、壽司等等。我地就揀左入門既幸，有3款頭盤、10件壽司、1件卷物、湯同甜品🍢頭盤 —水雲菜北海道象拔蚌、間八魚配氈酒紫蘇花、法國藍龍蝦茶碗蒸- 第一道菜係清爽帶酸的水雲菜配上鮮甜北海道象拔蚌，醒胃既菜式，為廚師發辦午宴展開序幕。- 間八魚配氈酒紫蘇花用了貝殼紫色碗盛載，配上紫蘇花，燈光影射下既間八魚發出炫彩，晶瑩剔透。- 法國藍龍蝦茶碗蒸充滿蝦油香，慢煮藍龍蝦爽甜肉嫩，內裡仲有鮮帶子，雞蛋滑溜鮮甜🍣壽司 —魷魚、深海池魚、岩手県產石坦貝、池魚、毛蟹、金目鯛、赤身、拖羅、右口魚魚邊、海膽- 由淡口食到濃味既壽司，醋飯調味得宜，師傅話每款食材都係當日新鮮採購運抵香港，亦會揀選時令食材，每款魚類都經師傅配合不同處理方法及調味，例如炙燒、切割方法、加上柚子鹽、醬油等等，去帶出食材最佳的味道！- 最令我難忘既係岩手県產石坦貝，師傅專登問：「準備好未?」，原來師傅會係我面前拍一拍隻貝，貝會好生猛地收縮豎起來，師傅話呢款貝只係7月同8月有得食！味道爽甜，肉質厚實！- 另外右口魚魚邊都好驚喜，作為第9件壽司，呆詭當然好香濃，加上炙燒完迫出油份，魚肉閃令令，入口即融，食完魚油仍然有油香餘韻。🍙卷物師傅先鋪紫菜、要鋪飯、芝麻、炙燒和牛，醃蘿白、拖羅，純熟既技巧將卷物卷好！一口一件，炙燒和牛同拖羅油份充足，醃蘿白恰巧中和到，食落令人好滿足🥚玉子玉子好嫩滑，彈下彈下好似燉蛋一般！🥣湯湯由蜆肉、冬瓜及蕃茄熬制而成，加上少少花椒。蜆肉十分鮮甜，冬瓜亦好適合夏天食用🍧甜品甜品包括時令大糖嶺桃雪葩、豆乳福袋及黑芝麻朱古力。大糖嶺桃雪葩用圓形碗裝住，好似水晶球一樣，上面有粉紅「面紗」包住，打開時先見到粉紅既靚靚外貌，仲會聞到陣陣玫瑰花香，帶銀萡既雪葩下配有自製乳酪、紅茶啫喱、大糖嶺桃肉，職員叫我地要一啖食晒，口感豐富，雪葩既清甜，乳酪奶香幼滑，加埋香濃紅茶啫喱，仲有多汁既桃肉，味道好夾，係食得既冰桃茶！黑芝麻朱古力香濃到食完呼吸都聞刑黑芝麻味，帶住呢陣黑芝麻令我食完都可以回味住整個廚師發辦午餐👨🏻‍🍳服務由門口接待開始，職員笑容親切服務殷勤，令人有賓至如歸既感覺。每一枱客人也有專屬職員照料，所以可以即時回應我地既需求，服務亦十分貼心，亦會為我地介紹食材，令人感覺好舒服放鬆。師傳十分專業，對食材了解充足，我食壽司之餘更學識不同魚類及佢地既合時時令同食材配搭，酒有wine tasting，壽司就係omakase! 雖然以往食既廚師發辦都係日本師傅主理多，但香港師傅唔會有語言障礙，反而交流更好，所以我食完識食左，仲學多左好多魚同具類！🤑價錢$980+1/人🤤總結在一個伴隨月色的優雅空間內，觀賞師傅製作壽司既手藝，享受新鮮食材，同師傅交流同埋職員貼心服務，色香味俱備，食完會令人有滿足感同幸福感。…Read More

今晚是週年大日子, 特地提早預約了在半島酒店裡面的釧, 吃一餐精緻的廚師發辦。第一道前菜首先出場的是這道前菜, 來自愛緩縣的鰻魚苗, 顧名思義鰻魚苗是初出生的鰻魚, 在魚骨還未生出來的時候, 吃落口感嫩滑, 加上蓮芋絲一併吃質感爽彈。第二道前菜這碗白蝦的賣相精緻吸引, 還有金箔作點綴, 白蝦爽彈鮮甜, 與香濃的玉露綠茶味道交織, 配搭得宜, 而下面的是用鰹魚清湯製成的啫喱, 去膩之餘亦可清一下味蕾。第三道前菜而最後一道前菜, 我覺得師傅做得很用心很出色, 用鮮艷奪目的翠綠椰菜包著北海道帶子, 外面椰菜口感爽脆, 裡面的帶子順滑, 而且碟底的是清甜的蟹肉高湯, 擺上一小棵的紫蘇花, 令整體的外觀很優雅。墨魚壽司然後緊接的便是壽司部分, 打頭陣出場的是墨魚壽司, 別以為是普通的墨魚壽司, 這裡的墨魚並不是一塊過, 而是切成一顆顆小粒的, 令你吃起來會有全新的感覺, 而且令醬油可以更加平均地分佈, 味道更為平衡。北寄貝壽司光看相片, 感覺到北寄貝還在晃動, 沒錯的, 師傅用拍打的方式來處理北寄貝, 令其口感更緊致, 因為它會收縮一下, 令它放在你面前的時候仿似栩栩如生般, 吃落當然是爽彈無比。鯖卷由於鯖魚保鮮十分困難, 所以一般也會經過醋製的, 這樣做反而不會影響鯖魚原本的味道, 而且更能提升鮮味, 入口後魚油香氣瞬間充斥口腔。赤鯥壽司赤鯥是日本一種非常罕有的高級白身魚, 肉質油脂豐富, 吃落有一種獨特的鮮甜味, 肥美又濃郁。一品料理 - 煙燻鰹魚壽司部分稍作休息, 師傅製作以下三款一品料理, 首先這碟煙燻鰹魚配茗荷, 以煙燻的方法把魚肉表面烤熟, 增添一股煙燻風味, 帶出魚肉本身的香氣和滋味, 且中心部位仍是半生狀態, 吃起來入口即化。一品料理 - 鮟鱇魚肝雖然鮟鱇魚外表比較醜陋, 但裡面的鮟鱇魚肝卻是矜貴之食材, 師傅以甜豉油慢煮方式, 保留了鮟鱇魚肝的綿密細膩口感之餘, 味道香濃可口, 灑上柚子皮及沾上少許wasabi來吃, 提鮮之餘亦減去膩滯感。一品料理 - 鱈場蟹腳鱈場蟹腳肉多味道鮮甜, 上面放了明太子蛋黃醬一起燒, 份外惹味。中拖羅壽司然後又回到了壽司的部分, 中拖羅油分適中而無筋, 入口即溶而魚味濃郁。大拖羅壽司大拖羅在魚腩最前位置, 脂肪分佈好像雪花般, 富天然魚油脂的甘香, 入口即溶。北海道毛蟹壽司來自北海道的毛蟹薄殼肉多, 肉質鮮嫩柔和, 飽滿鮮嫩, 味道甘甜。馬糞海膽壽司馬糞海膽色澤為淺橙黃色, 味道濃厚甘甜, 回甘強勁, 海膽膏的瓣塊較小, 極其鮮美。拖羅卷吃到這裡老實說已經很飽了, 但看到眼前的這件拖羅卷, 還是繼續吃下。師傅用了類似箱押壽司的做法, 把拖羅粒都緊緊壓在一起, 吃起來味道非常有層次, 質感飽滿。布甸焗蛋吃完壽司後, 師傅拿來了這件布甸焗蛋, 質感絲滑, 蛋味濃郁。水魚豆腐湯有別於其他餐廳的麵豉湯或魚湯, 這裡提供比較清爽鮮甜的水魚豆腐湯, 豆腐的花紋很美觀, 清甜的鮮湯可以讓我解膩消滯, 感覺蠻不錯。甜品想不到吃到最後竟然還有一個大驚喜, 這間餐廳的甜品並不是一般的日本蜜瓜或者雪糕之類, 是專誠由法國藍帶廚藝學院的甜品師傅去製作的。這道芝士蛋糕甜品賣相吸引, 用來打卡一流, 除了外觀, 味道當然是極高水準, 碟上面擺放的花形麻糬及淡雪士多啤梨, 同樣地美觀又好吃。…Read More

周年紀念，老公帶我去食日本嘢，選擇左半島酒店-釧❤️第一次去半島酒店食日本嘢，心情非常期待🥰餐廳裝修好靚，有別於傳統簡約風，佢哋設計上運用左庭園同埋月相元素，感覺幾優雅同特別，我同老公都好鍾意❤️我哋當日揀咗早段晚市嘅「釧」晚餐，整體食物質素非常之高，由前菜，一品料理，到壽司甜品，大約有20道菜。用料好新鮮，尤其是一品料理同甜品好有wow factor🤗 有別於傳統鮨店，佢哋喺餐單上係更加似烹割，甚至乎係有少少fusion，對於成日食日本嘢對我來講感覺幾煥然一新🥰 好欣賞廚師每道菜嘅擺盤都非常用心，適合一啲鍾意打卡嘅女孩子～當晚印象比較深刻嘅有，北海道毛蟹，鮑魚肝醬飯，A4和牛，炸腳蟹，魚子醬海膽杯（好好味😋），野生拖羅（超級好味😍）。最後我要讚下佢個甜品師傅，從來冇食過一餐日本餐個甜品係咁有心思同好味。樓面方面服務都非常好，每一道菜都有解說佢哋嘅用了同做法，呢一點我好欣賞。成個體驗我同老公都好滿足，係今時今日隨便一間omakase都收兩三千蚊嘅時代，我覺得呢餐飯係超值，一定會再訪😊特別鳴謝當日Ricky師傅嘅細心照顧～ …Read More

Book咗3點半食生日飯, 坐低就有份晚餐餐牌, 樓面職員都好詳細解釋每個選項嘅分別最後揀咗 [釧 KUSHIRO] - 4️⃣款前菜+4️⃣款主菜+8️⃣件壽司+卷物+2️⃣款湯+甜品, 優惠價 ($2480 +10%)4️⃣款前菜•鰻魚BB - 口感滑溜,有啲似蒟蒻咁煙韌, 一條條晶瑩剔透, 感覺好特別👍🏻 •⭐️青邊鮑魚伴鮑魚肝醬 – 鮑魚軟熟, 口感少少煙韌, 鮑魚肝醬香醇, 加埋飯粒食冇得頂非常出色😋😋(成餐飯最好味😆)•熟螢光魷魚🦑 配麵豉醬- 細細隻口感飽滿, 點少少麵豉醬鹹鹹地👍🏻•毛蟹腳配蟹膏+蟹肉墊低🦀 - 蟹肉鮮甜, 加少少青檸更加提升鮮味主菜•海參釀蝦肉牛蒡海帶羹 - 口感好豐富, 海參彈牙👍🏻👍🏻•藍龍蝦配鮟鱇魚肝醬伴南瓜蓉🦞🎃 - 龍蝦肉紮實鮮甜👍🏻 加上淡淡嘅鮟鱇魚肝醬同甜甜地嘅南瓜蓉, 冇得頂😋•🦀鱈場蟹腳天婦羅牛蒡絲+紫蘇葉點埋抹茶鹽 一啖過食脆脆地嘅牛蒡絲加上鮮嫩多汁嘅雪場蟹腳👍🏻•魚子醬馬糞海膽+🦀松葉蟹鰹魚湯果凍 - 一層層咁食,首先係鮮咸嘅魚子醬, 之後到鮮甜嘅海膽, 最後食最底淡淡地味嘅松葉蟹鰹魚湯果凍😋👍🏻•馬刀貝番茄湯 - 入邊有黃色同紅色嘅蕃茄仔, 酸酸地, 馬刀貝有少少腥😅 個人覺得麻麻地飲完第一款湯之後就開始食壽司🍣壽司8件+拖羅太卷- 壽司食材新鮮, 整體冇乜太特別玉子蛋糕 - 食完壽已經開始飽, 再食埋玉子蛋糕就有啲漏😅口感鬆軟, 甜甜地🦐紅蝦配豆腐鰹魚湯 - 食甜品前飲埋最後一款湯, 清清地, 暖暖個胃👍🏻甜品•日本蜜柑- 好甜, 外層嘅衣有特別處理過👍🏻•⭐️黑糖醬油豆乳配炸腐皮 - 意外地好好味, 唔會太甜, 加上脆脆哋嘅炸腐皮, 好特別😋😋•自家製黑芝麻朱古力 - 好香芝麻味,但食完就成口都係呢個味, 搶曬之前啲嘢食嘅風頭😅訂枱Remark生日送咗份生日蛋糕 - 都有少少驚喜🤩整體來講成餐飯慢慢食都食咗2.5個鐘,啱啱好6點前離開. 樓面職員上每一道菜都會詳細講解用咗咩材料同埋建議食法👍🏻 期間都會不斷幫我哋refill茶同分別喺食壽司同甜品前換咗茶, 服務態度好好👍🏻👍🏻好好彩咁坐正喺師傅前面睇住佢整魚生但就冇乜交流, 可能廣東話唔太正,我哋聽唔清楚, 所以有啲壽司唔知係乜😅晚餐餐牌👇🏻午餐餐牌👇🏻**半島酒店有免費兩小時泊車優惠…Read More