Wagyu More (Trend Plaza South Wing)

久不久就想打邊爐，不論春夏秋冬都想。晏晝食放題就最好，有大把時間消化。鐘意一人一鍋，湯底揀左蟲草花雞白湯，港式特濃沙嗲湯。今日揀左經濟嘅$139特選美國牛肩胛，除左牛仲有雞肉，豚肉，羊肉卷。牛切得好薄，但都有牛味；雞肉唔好煮太耐都滑；豚肉正常厚度，唔錯；羊肉卷就太酥和肥，麻麻地。蔬菜區選擇不算好多，一個櫃，但新鮮補充快。丸類都係大同小異，主力都係食牛肩胛，只試左幾粒。呢間嘅雪糕好食，有朱古力味同乳酪味，仲有爆谷機，爆谷係焦糖味，放係雪糕面或淨食都好脆。蛋糕都係日式口味，可以嘅，都係一口泡芙好食啲。可惜枱比較細，想放多啲野都冇位。…Read More

和朋友一起到屯門牛摩食牛肉shabu shabu放題，點了美國iIBP 牛板腱放題，性價比高，每個人一個湯底，我們選了養生雞湯和沙嗲湯底，首先是牛板腱薄薄的多片，滾耐了也很爽口，再點牛舌、羊肉、豬肉和牛肩胛等等！各有特色！而最值得一讚嘅係羊肉片，爽口彈牙勁騷味！係我嘅至愛！飲品可以隨便於雪櫃中自取，我哋當然飲最愛嘅解茶！自選食物方面有壽司，幾款菜和肉圓，更加有雪糕同埋爆谷、溫泉蛋、響鈴等等！接近應有盡有，而分量亦都不停添加；餐點中嘅牛肉亦都好快送到，絕無冷場，食得很盡興！雖然只有90分鐘嘅進食時間，但係已經食得超飽！而最後嘅甜品，亦都有多款選擇，質量亦都有水準之上，可以說係盡興而歸！…Read More

依度除咗配菜之外，食客仲可以喺自助區攞前菜、壽司、甜品，飲品方面亦有好多唔同選擇！唯一唔方便嘅位係主菜要向侍應落單，但小編鍾意慢慢淥所以都還好~晚市特級牛肉放題 每人$219 （平日）晚市開返堂食當然要捧下場~放題種類都有好多款，價錢越貴就越多主菜選擇，今次介紹嘅依個係第二平🤓湯底：小編同朋友分別揀咗麻辣鴨血湯同埋數量有限嘅博多美人骨膠原啫喱雞白湯。麻辣湯底一滾咗就聞到勁香嘅花椒八角味！食落就比想像中辣，小編自問都算ok食得辣，但係食無幾耐都feel到好麻，所以建議唔太食得辣嘅朋友唔好亂試🤣鴨血有三大舊，每舊都𠝹開咗一半，所以都方便夾嚟食。雞白湯就相對較清同養生，啱哂唔鍾意重口味嘅人士，嘢食擺喺入面滾完之後食落都清清甜甜，所以都值得一試。餸菜：依款放題除咗有特級同精選牛肉之外，仲有雞肉同豬肉👍個人感覺雞肉唔太入湯底味，所以嚟咗第一輪之後都無加嗌。其他肉片都切得幾薄，所以唔會話好滯！值得一提嘅係可以見到開放式廚房入面有職員用機器新鮮切割牛肉片，都幾特別~ 其他配菜就可以向右滑睇圖🤓小食：日式火鍋放題唔少得各種壽司、中華沙律同埋蒜味螺肉。壽司會定時fill所以都唔怕唔新鮮~依度仲提供埋泡菜🤣另外都有啲蔬菜粒，如果食到有啲滯，都可以攞啲食。甜品/飲品：最推薦嘅係乳酪雪糕🤤之前食嘅放題鋪有啲質地係好水嘅，但係呢間嘅乳酪雪糕就無依個問題！如果嫌齋乳酪雪糕太dry，仲可以試吓混合其他雪糕一齊唧~當晚提供嘅係芋頭味，但係就略嫌無咩味喇。第二推薦係朱古力味泡芙，啲cream rich得嚟又唔會好heavy，食多幾粒都唔怕滯。飲品就自己添飲，個人認為蘋果綠茶就咁飲有啲太甜，所以就溝咗啲梳打水，咁樣飲落就會易入口啲！沙冰就唔太建議唔嗜甜嘅朋友試，因為真係十分甜🤣…Read More

平安夜緊係要食好啲啦！而我係一個牛控，平安夜又唔會同人迫，又唔想夜晚捱貴餐，就係下午呢個時候就同男朋友一齊黎到市中心，食牛摩呢間牛摩都食過幾次，只不過係無今日禁多人，同埋無今日禁豪氣食禁好，平時會簡特級牛肉，今日係平安夜就食好少少，選擇了極品牛小排 配上壽喜燒，由於我好鍾意沾生蛋，壽喜燒係會附上一隻生雞蛋！極品牛小排睇落雪花分布平均，有紋路，顔色鮮嫩！好期待牛肉好鮮，好有嚼勁。店內可以見到廚房員工係有order先用機片d牛肉出黎既，唔係事前冷藏切好既牛，抵讚。另外每次上牛，d牛都放得好整齊，唔會話堆埋一齊。放入鍋裡面滾20秒左右就可以食得，鮮嫩既牛肉加埋d湯汁，沾上蛋汁，豐富了口感，正。相反；牛舌用係打邊爐我個人確實一般，感覺好似同隻牛鍚鍚禁，雖然牛舌打邊爐食落有牛味，有咬口！味道唔會比牛小排遜色！而我男朋友就好鍾意既種感覺！佢大讚牛舌有咬口唔會入口即溶，仲有牛味，好特別，我同男朋友宦係第一次打邊爐係牛舌！醬汁呢度既醬汁種類都有唔少，可以比客人自行調配，而我只係鍾意沾生蛋，醬汁係欣賞有禁多種類，適合唔同人士既口味！配料配料以蔬菜類為主，提供了唔同種類既蔬菜，而且大多好新鮮，可以家下香港人愛肉之外都注重健康。丸類相對蔬菜類為少，不過選擇都唔少！冷盤有中華沙律、栗米、芝麻醬烏冬等，食物未黎到可以先食冷盤止下餓先都係一個唔錯既選擇！不過天氣凍我都係等要熱騰騰的食物還好，我怕食完冷盤會更寒冷甜品甜品有蛋糕、泡芙、乳酪雪糕、朱古力雪糕🍦等等女人係有第二個胃就係人都個架啦！泡芙細細粒禁真係可以食唔停口！仲有唔同既口味，要食落口先知架！甜品refill得好快！唔擔心食哂就無至於雪糕，有乳酪同朱古力選擇，仲有一啲配料係隔離比客人自助添加，唔好貪心喔！食得哂先好拎飲品都有好多供應心客人，有沙冰亦都有茶，當然唔會粉得汽水啦，我就會選擇茶類，一黎係熱飲岩哂凍天，同埋可以消除牛既油膩感！岩哂我我會推介食 特別牛肉 同 雞肉因為都可以滿足到一般牛控既胃口，當然大時大節可以食更高級啦！相係之前同朋友食既時候影的雞肉係我甚少打邊爐會食既野，但呢間牛摩既雞肉我會食，因為好濃雞味，就禁睇好簡單，好似無咩調味，但味道又有驚喜，肉質好嫩熟，又係我男朋友好食之一整體黎講，店內衛生都唔錯，食具都係乾淨；服務態度都好好，唔會係hea 應而且無任何態度唔好既情況出現，仲好細心只要見到地下有少少水積就封起果度提醒客人小心！唔錯我會繼續光顧呢間牛摩…Read More

今天晚上我和家人去這間餐廳打邊爐，我們3個人叫了最便宜的那款牛肉，湯底選了豬骨湯。牛肉方面，牛肉十分大份，而且有很多片，不過每片都十分薄，薄到接近透明，而且一點肥膏都沒有。換來的結果便是，牛肉十分(鞋)，口感又乾，而且完全沒有牛肉味，我吃了幾片已經不想吃。個人認為這間餐廳最便宜的牛肉比牛涮鍋差，牛涮鍋或牛一都比較美味。反而雞肉味道不錯，雞柳都算大件，而且十分鮮嫩多汁，啖啖肉十分美味。豬肉方面，豬肉都十分薄，不過口感比牛肉好，不會太(鞋)，但個人最喜歡都是雞肉。丸類蔬菜方面，款式選擇不大多，我只有幾款喜歡，芝士腸，墨魚丸之類。湯底方面，這間餐廳一人一鍋，自己喜歡那款湯底自己選擇，設計幾好，豬骨湯味道都OK。甜品方面，軟雪糕有3款味道，朱古力味味道都OK。而其他甜品味道都OK，可惜選擇不多。總結來說，個人認為都是牛涮鍋，或者牛一比這間美味，而且牛肉薄度比這間厚一點。不過大家都可以試一試的，因為雞柳真的十分美味…Read More