Dynasty Cove (Closed)

睿海御宴 (大坑)📍大坑浣紗街1-5號浣紗閣1樓-💖幾個月前試過佢哋嘅點心，賣相擺盤講究之餘，食材用料都非常上乘！✨食得出絕非一般酒樓嘅貨色，係能夠媲美酒店中菜廳嘅等級！🔖所以一直bookmark 咗要搵食個晚餐試吓佢地嘅小菜！👫我地得兩個人叫咗4個小菜-🥢黑椒鹽酥炸牛油果 $88第一次試炸牛油果！表面酥炸得香脆但唔油膩，牛油果熟成程度剛好，有外脆內軟效果，完全冇草青味，帶有微甜！-🥢羊肚菌日本玉子豆腐 $168平時係酒樓食呢道菜式印象中油膩感好重，煎炸過嘅豆腐加稠密度高嘅芡汁令到滿口都係油而且好咸！-但呢間中菜廳嘅芡汁比一般稀薄，而且玉子豆腐咬落去時唔會噴到滿口油，油膩感出奇低！羊肚菌味道相當濃郁，精華滲透高湯之中令豆腐完全吸收！連伴碟嘅菜心都好入味！-🥢琥珀蜜桃咕嚕肉 $198佢哋嘅琥珀合桃係非常出色，大粒香脆可口，而且甜度適中，出面食唔到，完全停唔到口！-酸酸甜甜嘅咕嚕肉炸粉好薄，外脆內軟又多汁好開胃！-🥢乾炒A5 和牛河粉 $188聽說乾炒牛河看似極普通菜式，但能夠炒到河粉條條分明，而碟底冇油的話就好考師傅牌！的確呢碟粉牛河食到尾真係唔見有油！-食材用咗A5 和牛，所以特別鮮甜！而河粉都應該唔係普通貨色，口感比一般煙靭得多！乾炒牛河都可以咁出色，犀利！-💓最後仲送上咋喳糖水添！…Read More

試過啲間酒樓飲茶，點心非常高質素，今次就試吓晚市，同樣係咁高質素。叫咗幾碟小菜，用料講究而且顯出廚師功架，絕對係優質。雖然價錢都幾貴，但一分錢一分貨，如果想品嘗中菜美食，對食物質素有要求，啲間「睿海御宴」絕對可以滿足到你。黑椒鹽酥炸牛油果 $88前菜叫咗碟酥炸牛油果，外表酥脆粉漿夠薄不覺油膩，牛油果時間掌握得剛好不會過熟，味道亦不錯。羊肚菌日本玉子豆腐 $168羊肚菌勁香濃食材優質。煮法其實就係琵琶豆腐，豆腐香滑，味道偏清淡不會過咸。琥珀蜜桃咕嚕肉 $198咕嚕肉係一碟好普通菜式，但要煮得好食絕對考廚師嘅廚藝。啲碟咕嚕肉可以話係無可挑剔。豬肉用上鮮甜嘅梅頭非常軟淋，表面炸粉剛好能夠做到鬆脆效果。蜜桃係新鮮而唔係罐頭蜜桃，琥珀（蜜糖合桃）亦一與以往的出色。配合彩椒同酸甜漿汁，稀稠度剛好，高水準之作。乾炒A5 和牛河粉 $188牛河茶餐廳都有，但要炒得一碟好嘅牛河，就好考廚藝，要夠鑊氣而不帶油膩。啲碟牛河就完全發揮出咩叫好食嘅牛河。河粉彈牙有口感，牛肉用上咗A5和牛，牛味濃郁到爆登，整體一啲油膩感都沒有。食完係冇丁點油殘留在碟上，可見非常夠穫氣而且炒得夠乾身。 係我食過最貴嘅牛河，同時亦係最好食嘅牛河，必食推介。…Read More

最近，朋友說發現大坑有家私房菜，約了我前往一同試試看。地址相對容易找到，樓下很多錶位，平日等一等就有位。陳醋金針菇海蜇頭 $138我一向也非常喜歡吃海蜇頭，這邊的用上陳醋，非常開胃，清新健康。XO醬奇香羔蟹腸粉 $588看到這家店有好幾道招牌菜都特別吸引，選擇困難症之下選了這個。一大隻生猛羔蟹配上腸粉，特別惹味，真的很有創意！琥珀蜜桃咕嚕肉 $198咕嚕肉賣相精美，配上蜜桃比較特別，跟尤其琥珀核桃尤其匹配，份量十足！薑蔥焗金蠔 $288薑蔥焗金蠔絕對是我最喜歡的中菜菜式之一，這個也絕對沒有讓我失望失望，金蠔入味，絕對是一優秀的經典菜式！整體食物質素、地點、環境及服務也不錯，人數多還可以包房，隱私度更好。下次再試試其他的招牌菜式吧！…Read More