The Pudding Nouveau

今日到香港區搵食🍴其實出嚟做嘢，之前見到朋友post 相已經好想食佢哋個梳乎厘，從天后B出口右轉，向維園方向過小馬路，再過大馬路(面向圖書館)左轉前行幾步，小路口右轉一直行見到7-11向左轉，行多兩個路口右轉落去就會見到。聽落有點繁複，但跟住Google Map其實唔難。珍寶龍蝦仔牛角酥配薯條..入面真係有龍蝦肉，啖啖爽口龍蝦肉彈牙又鮮甜，配埋沙律醬汁好香，牛角酥好大好鬆脆，配合牛油味香口，薯條份量不小，根本食唔曬香草梳乎厘賣相好靚好豐富，熱騰騰入口即化外層香脆，入面軟綿綿的，像棉花糖一样輕盈如泡沫一樣，味道有濃厚的蛋香味，士多啤梨加雲呢拿雪糕伴碟，與梳乎厘混合一起食增加層次感今日天氣好熱，坐下馬上飲Strawberry smoothie ，好大杯，士多啤梨味道好香，非常解渴…Read More

朋友經常提起大坑多隱世小店，其中一間有烏龍茶法式焦糖燉蛋，聽到我心郁郁，一直bookmark咗呢間小店，今晚老公約我去中央圖書館等，咁我當然要把握機會去朝聖啦～店舖面積唔大，是採取open kitchen型式，我地到達餐廳比較早，好彩未爆滿。老闆就係廚房一邊煮一邊回答客人提問，感覺親切。menu選擇都多，尤其甜品款式較特別，一早已鎖定了烏龍茶法式焦糖燉蛋。綠茶奶昔綠茶向來是至愛，這杯奶昔口感非常豐富，濃濃的綠茶香，一點都不會苦澀，配上更濃的綠茶雪糕，真係雙重感受。青蘋果冰沙青蘋果味很特出，酸酸甜甜很開胃，夏日消暑良伴。法式油浸鴨配窩夫有鴨脾、太陽蛋、沙律菜及窩夫伴楓糖漿。油浸鴨原來是炸鴨，鴨脾炸得外層一點脆口，連幼骨都很脆可以直接吞埋落肚。輕輕一切就已經分開了鴨肉，鴨肉非常嫩滑多汁，鴨肉的咸香味入口便滲出來，一點都不羶，真係外脆內軟。窩夫鬆軟配上楓糖漿同吃，甜甜的味道可以和咸味的鴨肉互相交錯品嚐，一甜一咸的配搭很新鮮。珍寶龍蝦仔牛角酥配薯條份量很多，有龍蝦牛角酥、坑紋薯條、沙律菜。抵不住薯條的呼喚先吃了幾條，也是炸得很脆口鬆軟，另一亮點是白色的蛋黃醬，每家店都有自己的特色，而這家的醬微辣很惹味，沾薯條不知不覺己吃了很多。龍蝦餡料填滿了牛角酥，每一口都能吃到彈牙的龍蝦仔，牛角酥微暖脆口，陣陣牛油香氣夾著龍蝦餡料，層次豐富。烏龍茶法式焦糖燉蛋我期待已久的甜品一上桌真係嘩了出來，有雪糕、水果，還有大SIZE烏龍茶法式焦糖燉蛋(相比某間法式焦糖燉蛋的專門店大得多)，雪糕上的蝴蝶原來是威化餅做的，真係大飽眼福。急不及待先吃了一口燉蛋，很滑，滲出烏龍茶淳厚茶味加上焦糖香烤味一流，想不到這款烏龍茶法式焦糖燉蛋味道如此夾配，78蚊的甜品真是超值!這一頓為舌尖帶來新體驗、我們都讚嘆不絶。這家小店的美食吸引了很多人來朝聖，怪不得平日晚上很快都已經坐無虛蓆。…Read More

呢幾日因工作關係都要去中央圖書館, 今晚收工老婆黎左接我收工, 難得咁近大坑呢個美食集中地, 我地當然要入去食好西啦。😋我記得同事介紹過大坑"The Pudding Nouveau"嘅油浸鴨腿, 窩夫同烏龍茶焦糖燉蛋好好食, 今日我地決定去撐枱腳。The Pudding Nouveau好細間, 枱唔多, 我地7點半去到已經差唔多坐滿人, 裝修好有歐洲小店風格。一坐底侍應姐姐已經好熱情咁介紹佢地嘅招牌菜式。我地主菜點左餐廳推介嘅法式油浸鴨腿配窩夫, 珍寶龍蝦仔牛角酥配薯條。主菜價錢$100至$200, 唔貴, 另外加$28轉奶昔或冰沙超級值得。👍法式油浸鴨腿配窩夫同事絕對冇介紹錯, 油浸鴨腿超級嫩滑, 油香豐富, 肉汁鎖哂係鴨肉, 另外招牌窩夫配上唔會過甜嘅sauce, 咁嘅配搭點食都唔會膩, 隻半熟煎蛋更有提鮮作用。😋珍寶龍蝦仔牛角酥配薯條亦係餐廳招牌菜之一, 牛角酥好香脆, 龍蝦仔份量好多又彈牙, 啖啖都好rich, 配搭嘅薯條好新鮮香脆, 份量都好多。我同老婆分別加$28點左青蘋果沙冰同綠茶奶昔, 味道同賣相都十分好, 我飲青蘋果沙冰口感好清新, 唔太甜亦唔太酸, 食油浸鴨腿飲呢個非常配。👍最後個甜品烏龍茶焦糖燉蛋非常驚喜, 上枱果一剎那已經俾佢咁靚嘅賣相吸引, 味道亦絕不輸蝕, 燉蛋好細滑而且烏龍茶味好濃, 食埋呢個法式甜品, 今餐非常完滿。😍…Read More

非第一次來訪大坑的「The Pudding Nouveau」，因為與朋友去了中央圖書館聽講座，完了就提議來此吃晚餐，因為，知道其水準上算，是值得推介給朋友的餐廳。唯一挑剔是地方比較淺窄。先來是「珍寶龍蝦仔牛角酥配薯條」（$138），珍寶牛角酥十分鬆軟酥香，一咬看出一層又一層的酥皮，包內填滿了龍蝦仔肉、火箭菜，及塗上蛋黃醬，好吃到不得了。伴薯條吃的竟是黑松露蛋黃醬，驚喜！上次來還記得是油封鴨脾配賓尼迪蛋，這次想一鹹配一甜的「油封鴨脾配窩夫」（$158），一客有一大件油封鴨脾及兩件窩夫，還伴了一隻煎至半熟的太陽蛋，一口鴨脾肉，一口窩夫，感覺幾有趣，鴨脾肉很香，配窩夫又OK喔！友人選了「朱古力奶昔」（+$28），原價要五十多元，現在跟餐有優惠價，奶昔冰涼香滑，朱古力味十分濃郁，盛夏喝一杯奶昔是何等舒暢。我則揀了「草莓奶昔」（+$28），色澤沒有預期般紅，只是淡淡粉紅，還以為草莓會很弱，誰不知又不俗呢！既有奶香，又有草莓鮮味，只是$28，抵飲至極。友人多謝我的推介，其實，我也多謝他陪我吃頓飯呢！…Read More

這間餐廳好幾年前已經認識了，亦有一段時間在出外用餐時經常來這裏。這一天就突然想起它，就跟他來嚐一嚐。 裝潢跟以往沒有一點不一樣。可是餐牌上卻多了很多不一樣的食物。先點到經典英式早餐，包括了炒蛋、薯餅、煙肉、蕃茄、雞肉腸、香菇、多士及沙律。當中較為出色的是炒蛋，炒得恰到好處，不老且嫩滑；蕃茄同樣是我很喜歡的，香甜juicy；而薯餅及多士亦是即叫即炸/烘，吃下去脆卜卜。然後是珍寶龍蝦仔牛角酥配薯條。牛角酥雖不是熱辣辣，但勝在非常脆卜卜，配是有龍蝦仔的沙律作餡料，很滋味！而薯條是即叫即整，所以每一條都很香脆。令人驚喜的是餐廳提供了mayonnaise，所以我不自覺地吃了多過一半的薯條。吃到七七八八就開始點飲品。我選了薄荷香茅薑茶，吃過後喝一杯暖暖的也很不錯。而他選了士多啤梨沙冰，高高的一杯，嚐了一口，完全沒有我很怕的士多啤梨藥水味，而喝下去也很不錯的。最後再來了餐廳新推出的薑汁梳乎厘，成個甜品在外表上已經得到很高的分數。梳乎厘發得很高，吃下去帶有口感，不會只吃到空氣，薑汁跟梳乎厘亦是配合的很好。雪糕是雜莓味，最驚喜的是在雪糕下加了crumbles！而左下的裝飾亦擺得很好看，以蝴蝶作點綴，令整個甜品看起來生色不少！整體來說，餐廳跟我以往去的感覺有點不一樣，但不論在正餐或是甜品方面，亦能保持其食物水準。而當中最推薦的是薑汁梳乎厘，絕對是整晚的驚喜，是個人的最推薦的必點食物！…Read More

大坑眾所周知有很多不同類型的餐廳，這間The Pudding Nouveau要是不仔細找找，有些時候就很難發現了。The Pudding不算很大，大概可以坐下20人左右，幾溫馨☺️牆上的黑板寫了這裡的main和朋友兩個人來吃，一人點了一個main來吃首先來的是珍寶龍蝦仔牛角酥($138)，一上到枱已經聞到好大陣牛角酥既香氣牛角酥好好咁保持到外層鬆脆，配上細細粒龍蝦仔，份量十分驚人👍🏻不過稍嫌兩者有少少唔夾，分開食仍然好好味再點了個All Day Breakfast ($118)，份量同樣的大，食物中規中矩，有薯餅、蕃茄、蘑菇、炒蛋、香腸、多士同埋沙律一般既All Day Breakfast都好油膩，但呢間餐廳整到唔算好油膩👍🏻 炒蛋仲整得唔差又有賣相又有味道😍而飲品就選擇左Earl Grey Tea同Green Tea Milkshake兩個女仔食飯，當然唔少得有甜品啦❤️見到好多人點左個薑汁梳乎厘($118)，我地兩個甜品控當然要試試啦落左單大約15分鐘就有得食，侍應仲特登同我地講要食就快D食，因為好快會塌其實以我所知，如果係打漿既過程用最快速度就可以更多空氣入個souffle到，咁就無咁快塌，不過唔知有無講錯呢😂整個Souffle既presentation好靚，用上雜莓雪糕係做伴碟梳乎厘本身薑汁唔算濃，要靠旁邊既薑味漿汁黎陪襯我個人覺得個Souffle同個雪糕味道唔太夾，用番雲尼拿雪糕好似好D咁🤔不過整體黎講都Okay，下次有女生Gathering會再來😚…Read More

天氣悶焗，下班後便拖著女友去大坑散步。好吃的朋友都知道大坑有很多不錯的餐廳，而且環境清靜，談心聊天好去處。而這邊的The Pudding Nouveau，晚上很容易注意到他，因為門面在燈光注射下很亮白。兩個人就點了兩個套餐，分別是珍寶龍蝦仔牛角酥配薯條 $138 跟法式油浸鴨腿配窩夫班尼迪克蛋$ 168。兩杯飲料葛雷伯爵茶跟草莓沙冰，可惜那晚沒朱古力的飲品，還想說來杯拿鐵。草莓沙冰挺不錯，甜酸度剛好，即使稍微溶化了也不會變甜。珍寶龍蝦仔牛角酥配薯條 $138龍蝦仔肉很多，每一口都是甜甜的肉，而且爽口。牛角酥則提供了另一種脆口感，淡淡的牛油香，一軟一脆在口裡互相推讓。法式油浸鴨腿配窩夫班尼迪克蛋$ 168油浸鴨腿的味道不會很鹹，也挺有咬感，雖然某些位置稍微硬身。窩夫蛋味不會很重，所以配鴨腿吃就剛好，不過個人喜歡內部也脆身的窩夫，這款吃起來比較軟了。套餐沒甜品只好自己叫一個啦，聽說新推出了薑汁梳乎厘 $118，就點來試一下。薑汁是另外淋上去的，我還以為是製作的時候就加進去了。梳乎厘味道甜甜的，就是吃下去像吃風一樣了，底下有些紅糖，愛甜的可以把他挖上來配著吃。薑汁不會濃，不愛薑味的朋友也可以吃，個人來說喜歡濃的就是了。邊旁還有一球雪糕跟忌廉，看上去很繽紛。位置不多，要來的話先打個電話感覺比較好。開放式廚房，可以看下帥哥表演。套餐從$118到$248都有，挺想試下燒蘑菇。…Read More

薑汁梳乎厘又黎到大坑搵飯食!! 今次來到WISH LIST之一: The Pudding Nouveau!! 之前朋友有介紹話呢間餐廳既all day breakfast同甜品都超正~ 終於夾到時間來試下喇!! 店子小小的, 大約只有8-10檯, 平日晚上唔算多人, 但都半滿, 以呢個地理位置來說, 都叫多人光顧! 星期六日應該會更滿~ 裝潢風格偏簡約文青風~ 黑白點子, 配雲石檯面, 影相一流XD 好了, 不多說, 入正題吧! 我們點了兩個餐加一個甜品~ 份量剛剛好喔! 珍寶龍蝦仔牛角酥, $138 香脆的牛角酥, 入便有超多龍蝦仔肉, 伴著沙律醬吃, 龍蝦仔肉新鮮又彈牙, 真的 超。好。味!!!!!!!!!!!!!!!!!! 薯條熱呼呼剛炸起, 加上少少鹽花已經好好食~~ 味蕾未滿足, 就來了青蘋果沙冰 (+$28) ~ 顏色好鮮艷 ((有少少嚇怕XD)) 味道都算清新, 不過有點太甜~~ 雲呢拿奶昔 (+$28) 有成個雲呢拿雪糕係上面!! 底下也是用雲呢拿雪糕跟牛奶一起打, 好creamy好rich!!! 呢個good good! 法式油浸鴨腿配窩夫, $168 因為未試過窩夫配咸食, 所以特別點來試試~~ 最上面是egg benedict, 中間是鴨腿肉, 下層是窩夫. 熱咸食的關係, 窩夫變得比較軟身. egg benedict做得好好, 流心的蛋汁非常香口, 可以中和偏油偏咸的鴨腿肉. 鴨腿肉肉質好juicy, 好軟, 但個人還是偏愛龍蝦仔牛角酥~~ XD 薑汁梳乎厘, $118 未上檯前, 店員會提醒仲有幾耐就出爐, 因為剛出爐時的梳乎厘是最完美的!! ((你知啦, 要相機食先, 即提醒我們要相機ready! XDXD)) 梳乎厘足足升高成倍!! 好利害!!仲非常彈彈下~~配上雪糕、鮮果, 呢個甜品未食已經被治癒了~~~ 梳乎厘本身已經好有薑汁同蛋香, 旁邊仲有一小碟薑汁CREAM, 可以加入享用! 軟綿綿的梳乎厘絕對無得輸!!! 同薑汁又幾match~~ 個人好好好好滿意今餐呀~~~…Read More

平日都好少食到黎大坑，週四男朋友收早，我地就黎左呢間餐廳食晚飯。小店位置唔多，非假日都幾乎客滿，睇黎有番咁上下水準 (?) 店內裝潢簡單，空間感唔算強，位置間會有少少逼，空音樂頗大聲。主要供應6款主食，定價$118-$248，包咖啡或茶，價位中上。此外，仲有兩款小食，甜品款式較多，有窩夫、梳乎厘、奶凍、芭菲等。我地點左兩份主食、一份甜品，完成一餐滿足嘅晚餐。珍寶龍蝦仔牛角酥配薯條 $138聽講呢份幾受歡迎，經常售罄，我地都算好彩~龍蝦肉用蛋黃醬撈好，配以牛角酥、薯條。了解到要用刀叉食或許有啲不便，不妨豪邁啲，用手成個拎起黎食，更有滿足感龍蝦肉都幾新鮮、彈牙，不過略嫌醬汁太突出，稍稍蓋過龍蝦肉本身嘅味道。牛角酥相當酥脆，薯條炸得剛好，灑上少少鹽，不錯吃，可惜唔係現炸。法式油浸鴨腿配窩夫班尼迪克蛋 $168參考番之前嘅食評，呢款都係熱門之選香港唔係好多地方有得食鹹食窩夫，我地月頭去過澳門食左間相當唔錯嘅，對呢份都有少許期待。鴨腿肉份量好多，食落唔算滑，食落有少少似牛腩 (?) 幸好唔會油淋，班尼迪克蛋流心度不俗窩夫唔係脆口，反而係淋pat pat，各有所好，個人而言比較喜歡帶少少口感嘅窩夫。薑汁梳乎厘 $118呢款係新產品，另有香草、黑芝麻口味嘅梳乎厘。賣相幾靚仔，擺盤精緻不過店員提醒梳乎厘要快食，否則會塌下，所以我都係快手影左兩張相就開吃！整個晚餐反而最驚喜係個甜品~薑汁味梳乎厘味道好特別，挺推薦！一上枱已經薑味撲鼻，梳乎厘發得夠起，非常挺身。而且面層焗至微脆，但唔燶，時間掌控一流。喜好薑汁味更濃嘅客可以加上師傅特製醬汁（薑汁加雲呢拿），味道更突出！梳乎厘食落口感鬆軟，入口溶化，空氣感唔算好重，相當好食配撘什莓雪糕，酸酸地，幾refresh，又可以解決梳乎厘留低嘅甜味，不錯嘅配搭。有機茉莉花茶 (原價$38)茶包野，冇乜特別。凍朱古力咖啡 +$14 (原價$46)飲落以朱古力味較強，咖啡味相對較弱。面層灑上朱古力粉更加強化，唔太差。The Pudding雖然價錢稍貴，始終座落大坑，能夠理解，食物水準整體不俗，尤以甜品出色，印象較深刻。餐牌：…Read More

一早聽講大坑有好多好食嘅小店，今次草根姐妹就嚟呢間小店試下,book左7：45,一到就有位呢晚叫左2個 Main Course，1個甜品同2杯野飲珍寶龍蝦仔牛角酥配薯條（$138）Jumbo French Style Croissant with Egg Mayo. Crayfish 一上枱真係比佢個份量口嚇襯，真係珍寶size !!牛角包絕對係重點，內藏大量龍蝦 仔同勁多沙律醬，味道超班，餡按比例仲多過個包薯條有d乾，不過淨係個包都搶晒風頭食左一半己經有飽肚感，不過甘好食草根姊妹一定清晒，呢個價錢俾甘嘅份量同質素完全係無得彈，值得大推法式油浸鴨腿配窩夫班尼迪克蛋 ($168)Duck Confit Waffle Egg Benedict 呢個賣相真係冇得輸，個2隻蛋好吸引!!!聽大廚講為左要個蛋嘅形狀靚，特登用多d醋去整，唔知無咪咁所以草根覺得比平日嘅酸左d，流心程度就岩岩，一切落去蛋汁就好澎拜咁流晒出嚟，鴨腿肉好嫰滑，仲要起晒骨，食起嚟好方便，下面嘅窩夫甜甜地，第一次食呢個組合都幾特別薑汁梳乎厘（$118）Ginger Soufflé 食到幾飽都好，女仔去食野，甜品係一定要叫嘅！！個梳乎厘好輕盈鬆軟，雖然份量都幾大，但係食落好fluffy，完全冇飽滯感，旁邊仲有薑汁可按自己口味淋上梳乎厘一齊食，試左一啖後，即時決定要用晒全部薑汁！！加左薑汁的確有點睛之效，野莓雪糕滑身帶酸甜，下面嘅餅乾碎增加左口感，最後伴碟嘅雜莓更係意想不到咁新鮮，生果真係呃唔到人，大愛此甜品，從中真係能夠睇得出廚師細膩嘅心思飲品叫左Mocha同Cappuccino，Mocha嘅朱古力味好濃郁，Cappuccino正常發揮呢餐食到我地捧住個肚走，由主菜到甜品份量都幾大下，而且味道好好，價性比高，特別推薦龍蝦牛角酥同薑汁梳乎厘俾大家 ！…Read More

一講起去大坑，A姐就懶醒話一定要食肉餅塔，骨膠原拉麵同睇舞火龍。今次唔係食大路嘢，等我M佬帶A姐去威威，食京街裏面嘅小店The Pudding Nouveau。A姐一見到餐牌，咩都唔理，就話要嗌士多啤梨奶昔。飲落去似沙冰多啲，但真好香士多啤梨味，好足料。無諗過呢間小店用Mighty Leaf Tea有機茶包，Mighty Leaf Tea係美國加州有機茶葉品牌，之前喺美國試過，都唔錯。我今次叫咗有機熱帶果綠茶，飲落有少少芒果加熱情果嘅甜味，無普通綠茶咁寡。主菜嚟啦!! 法式油封鴨腿係傳統嘅法國菜，鴨腿肉Juicy兼滑嫩，外面層皮香脆。最特別係上面有隻太陽蛋，連埋啲蛋黃汁同蛋白一齊食，感覺唔同曬，隻鴨腿無咁乾。平時食鴨腿都唔會配窩夫，問大廚先知，原意係法國鹹食窩夫，可以跟鴨腿一齊食。除咗鹹食，大家可以點黑糖焦糖醬。要我揀，我自己鐘意甜窩夫多啲!另外，我哋叫咗珍寶龍蝦仔牛角酥配薯條。自家制嘅牛角包好香牛油味，非常鬆化，一咬就勁多包碎飛出嚟。不過嗰小龍蝦沙律餡唔係好夠味，啲小龍蝦係好大舊，不過無咩味，如果多啲沙律醬會好味好多。A姐一食條薯條就嘩嘩聲，我仲話佢有無咁誇呀。點知自己食都真係嘩咗一聲。啲薯條新鮮炸起，好脆口，但係一定點埋嗰黑松露蛋黃醬。嗰醬有啲黑松露碎，好香黑松露味，令到嗰薯條加曬分!!下次嚟大坑唔好再淨係食肉餅啦，其實有好多正選擇。…Read More

好耐之前黎食過all day breakfast, 味道不錯, 所以今晚約友人再黎食晚餐, 因為有龍蝦菜式.但今次運氣不夠, 黎到先知冇貨, 不過有小龍蝦同油鴨脾都唔錯.餐廳不大, 座位有點迫, 但閒日唔算多人流, 所以都坐得舒服.士多啤梨冰沙 $42, 大大杯而且用高腳杯, 賣相已經贏哂啦. 士多啤梨味酸酸甜甜甜, 果味香甜. 沙冰打得好細滑, 不過溶得好快, 所以要飲快d.青蘋果冰沙 $42, 好清新好refresh. 同樣打我夠滑, 味道偏酸, 好醒神.珍寶龍蝦仔牛角酥配薯條 $138,龍蝦仔好大隻, 去殼啖啖肉, 份量仲頗多. 肉質彈牙, 加上個醬好滋味, 帶有微微辣, 越食越停唔到口. 值得一讚係個牛角包, 超香脆鬆化, 放入醬料也不會變淋, 好好味. 薯條係少見的波浪粗薯, 最喜歡薯肉多味道重.法式油浸鴨腿配窩夫配班尼迪克蛋 $168, 油浸鴨脾唔好被個名嚇親, 食落唔會好油膩, 因為做法只係用油連同鴨慢煮, 油要封過鴨, 所以肉質會更嫩滑, 油潤甘香. 刺破班尼迪蛋, 蛋黃慢慢流出已經好誘人, 蛋黃令鴨肉更香更滑, 味道更濃郁.不過放在鬆餅上, 雖然吸油冇甘膩, 但就太多醬汁同蛋汁, 令鬆餅淋哂, 要一上枱盡快食, 才食到鬆餅還有點鬆脆, 食太慢都易變淋.食左甘多肉同飽肚既鬆餅, 幸好旁邊有爽口新鮮沙律菜, 加了少少油醋汁伴勻,  消減油膩又健康.烏龍茶焦糖燉蛋 $78, 少見的烏龍茶味, 而且做得茶香味夠重. 燉蛋滑溜到直滑喉嚨, 好嫩好軟身, 夾著燒得香甜脆卜卜的焦糖, 一次有齊茶香, 甜滑, 焦脆口感, 太滿足啦.黑芝麻梳乎厘 $98, 超大杯, 比平時細細2-3寸的大得多, 呢個應該有4-5寸大, 焗得高高好鬆軟. 入口輕盈如風, 有陣陣芝麻香, 而且越食味道越濃.先加入黑芝麻醬, 味道提升不少, 開始更加濃芝麻味. 再加入雪糕同食, 有齊冷熱對比效果, 更加好味.黑芝麻雪糕有好多芝麻碎, 真材實料, 難怪味道可以濃郁到一個點.…Read More

 其實都沒有待別找的，與朋友逛着逛着就看見這角落的餐廳黑白色的調子，型格又顯時尚點了個 雜莓樂園窩夫 $62顏色非常豐富，就是清新的造型，十分之討好切下去的窩夫脆脆挺身的，裡邊軟軟配雜莓雪糕和水果一齊吃，味道不會膩還點了 珍寶龍蝦仔牛角酥配薯條 $138溫暖的牛角酥外脆內軟，裡邊夾住滿滿的的龍蝦肉龍蝦肉是涼的，一暖一涼的口感，口感蠻特別的兩人一齊吃，輕鬆聊聊天，這份量就剛好啦…Read More

勁迫地坐到18人的餐廳，今天的staff清一色都係年青男士，見佢地應該同附近的餐廳關係不錯。今天二人行，開大餐，仲覺得我地好大食，因為叫了以下食品：1.珍寶龍蝦仔牛角酥配薯條 $138，淡口咗啲，不過可以一試，好多龍蝦肉，仲有好多薯條。。2.法式油浸鴨腿配窩夫 $158，呢個鴨腿好咸，不過有啲好難至食得到嘅油酥香，個窩夫唔係脆脆嗰隻，不過配油酥鴨腿，又唔錯喎。3.雞翼配芥末蜜糖 $68，唔知係唔係特色，不過睇色水就覺得過火了。。4.Tiramisu$116，好靚的裝飾，我鍾意隻蝴蝶，少見黄色慕士面包住個咖啡餅。可惜個咖啡唔係好均勻。不過上面個雪糕我就覺得好好味。5.朱古力奶昔，好濃朱古力味。。跟餐+$286.檸檬香茅薑茶，正常茶包，可加熱水跟餐+$18(好似係)食完，勁飽。。兩日唔洗食飯。。。啲staff唔知係咪因為做節趕收工，感覺好似想催人走咁。。仲有聽聞平曰間嘢好多人排隊。。。唔知係咪下午呢，因為見set lunch都係$50左右。。唔知有無睇錯呢～…Read More

踏入六月份就是一年一度的父親節， 世界各地的父親與子女們都會一起慶祝共渡節日， 大部分人都會與之一起進餐， 有些人還會買禮物送給爸爸以表養育之恩的心意。 父親與母親常常都會為了子女們不辭勞苦， 所以現今社會的子女們都會趁這個父親節日或母親節日，一家人一起慶祝。 其實只要有孝心每天都可以是父親節母親節。陽光普照炎炎夏日的這天， 哥哥與嫂嫂便提議與媽媽一行四人，先到油塘看看父親，因他已遠遊的關係，只能與父親來個短短一聚，再驅車到這個被譽為情侶聖地的小區裏，尋找美食之最。 星期天的下午， 大概十二時便來到大坑區， 第一件事就是要找地方泊車，哥哥說，這裡地方不大，也沒有大型停車場，要在街邊上等待咪錶位， 所以便在訂座的時間前早點來到，很幸運地，不到半小時便有位了，比原定約了下午一時的時間尚早，到了門外也已經有客人在等待，還好嫂嫂已致電留座，否則，就要汗流浹背地排隊等候了。入座後，哥哥與我便開始著手看看餐牌點餐，數量類型不多，但每種都有數款。先來了一份推介必吃的珍寶龍蝦仔牛角酥配薯條，牛角包不用說多說，很酥化，表增脆卜卜的，中間夾著已與沙拉醬汁混合在一起的龍蝦肉及蔬菜，沙拉醬甜酸味道適中，龍蝦肉感覺非急凍冷藏食品，很爽口鮮甜。蔬菜也很新鮮爽嫩。薯條是西餐常用的粗身薯條，熱騰騰的外脆內軟。再來點了小食，雞翼配芥末蜜糖，雞翼炸得剛剛好，熱騰騰的，肉與骨也剛好分離沒有黏貼著，外脆內嫩，還有少量香草在上面，沒有多餘油份，配上自制香草沙拉醬，味道很香口，很有雞肉味道。第二款小食是龍蝦焦糖燉蛋配龍蝦肉燒蘑菇，龍蝦開邊配上蘑菇及類似蕃茄汁的醬燒烤，龍蝦肉沒有被蘑菇及醬汁搶去味道，還很甜及爽口，配上一小碗焦糖燉蛋，焦糖制成薄片放在蛋面上，輕輕一敲便裂開，燉蛋味道就像龍蝦濃湯似的，不是喝而是吃，這食法感覺很新鮮，味道很濃郁很香，加上焦糖的甜味中和了濃道，配上幾片長條形麵包，十分美味。上主菜了，法式油浸鴨腿配窩夫班尼迪克蛋，最低層是外脆內軟的窩夫，雞蛋及牛油的味道都十分出眾，中層放著法式油浸鴨腿，雖說是油浸，欲沒有一丁點油膩的感覺，而且真的是鴨腿肉，非鴨肉件或鴨肉塊，肉質還很嫩滑，法式油浸的方法烹煮，令到肉汁完全封鎖在肉內，每一口都非常美味。最上層放了我自覺最好味的蛋，半熟雞蛋的水泡蛋煮法，蛋黃仍是在半熟狀態，穿破後就像流心蛋似的，再與荷蘭醬混合，雞蛋的味道完全填充了我的口腔。最後，我們點選了夏天最大熱的飲品，士多啤梨沙冰，冰如沙般幼細，入口甜道適中，很香的士多啤梨味道，真的做到透心涼的感覺，很可惜這天暫停供應青蘋果味，味道應該會更Fresh的。Fresh Line Mint Soda有點似青擰梳打，帶點薄荷味道，很清新，檸檬味道不太酸。TIRAMISU，甜品類飲料，完全是TIRAMISU的味道，咖啡味道夠濃很香很滑。最後真的十分可惜，原來每天甜品師夫是下午三時才上班，所以我們未能品嚐。只能看著相片，哥哥答應了，下次再來吃甜品補回不足。…Read More