Coffee Alley (Closed)

今天再次來到尖沙咀的 “咖啡弄” ，周末的晚上7點，過往的人籠不再，就連等位也不用等，我們5個人很快就安排到座位了。心中不禁疑惑，質素是不是下降了？食物會不會不好吃了？儘管如此，我們仍是點了一大堆喜愛的心水菜色。鹽酥杏鮑菇、現烤燻雞吐司披薩($54)、總匯三明治($65)、墨爾本龍蝦堡($158)、玉米里肌起士可頌 ($64)、緬甸咖哩鳳尾蝦飯、繽紛莓果熱蛋糕、鹽酥雞塊。不用等太久，這些賣相吸引的菜色便逐一到齊，而且一如以往，相當美味可口。(特別推介: 繽紛莓果熱蛋糕)我想，人流下降的原因其實跟餐廳的質素並無關係，只是跟其他紅過一時的餐廳一樣，熱潮減退了…..( 在香港真的不容易，或許需要一些宣傳手法刺激一下？)不過，現在從食客角度而言其實也不錯啊！不用等座位，又能悠閒地跟三五知己品嚐美食。…Read More

友人話好耐無食想食咖啡弄 話剛開的時好多人排隊 所以早早上咗去 以家唔駛排隊 入去就有位坐牛奶冰棒可可亞 - 見到佢牛奶冰棒哩件事覺得好可愛 影相係吸引 之後再諗 其實都係朱古力一杯 不過唔係好甜 啱我口味海鹽焦糖拿鐵 - 友人係海鹽焦糖迷 嚐了一口 海鹽焦糖CREAM 對於唔好甜ge我 係好好味玉米里肌起司可頌 - 牛角包好夾住溶咗ge芝士加煙肉火腿 牛角包係我ge至愛 只係兩個人分 難免有啲難搞台灣鹽酥雞- 份量都幾多 味道無台灣街邊食到咁邪惡 比較健康吧 正因如此 食多兩舊 就停手了葵瓜子芝蔴冰淇淋鬆餅 - 鬆餅真係好香蛋味好好咊 但太飽肚 兩個女仔分 一人兩件 仲食咗其他野一定食唔晒 仲配芝麻醬 芝麻雪糕 栗子蓉芝麻醬 芝麻雪糕 同鬆餅好夾 但栗子蓉真係因為太胞食唔落食物份量很多 其實很抵食 下次Brunch食鬆餅食加杯野飲 咁樣應該會更加好 …Read More

今日放工去咗尖沙咀，因為諗唔到食乜，經過咖啡弄，見咁耐冇食，就諗住上去排下隊。點知原來而家嘅平日唔使排隊就可以入去食，我哋仲被安排坐喺窗邊嘅二人枱，可以望落街，睇吓人多車多嘅尖沙咀。-最低消費每人要嗌一杯野飲，我哋分別嗌左1）熱鮮果茶 $58鮮果茶好多生果，非常足料，飲完個茶仲可以食埋入邊嘅橙蘋果提子等等。2）熱桔柚茶 $54桔柚茶就比較酸，飲完好開胃，裏面亦都有好多生果。-嗌左兩份正餐1）墨爾本龍蝦堡 $158價錢略貴，但係好多龍蝦，都值回票價。2）玉米里肌起士可頌 $64芝士控必食！牛角包配上火腿芝士，加上沙律醬，仲有脆煙肉。-今次太飽，竟然冇嗌到招牌的窩夫！下次再黎過。…Read More

🚩香港搵食 • 食在#尖沙咀 🔍🍃🍃🍃🍃🍃🍃🍃🍃🍃🍃🍃🍃🍃🍃去咁多次台灣都冇食過咖啡弄😤好在香港都可以食到👏🏻👏🏻兩個人嗌咁多嘢食希望冇嚇親大家😙😙🍃🍃🍃🍃🍃🍃🍃🍃🍃🍃🍃🍃🍃🍃👉🏻 鮮果冰淇淋鬆餅 $58鬆餅外脆內軟 而且好厚身💨配少少糖漿食一流 另外火龍果同菠蘿非常甜!! 👍🏻👍🏻💋👉🏻 玉米里肌起司可頌 $62#芝士控 不容錯過!! 必食!!牛角包上嘅煙肉粒煎到香口脆身🥓🤤一齊食可以增加口感👅💋👉🏻總匯三明治 $65份量非常充足 三文治夾心有番茄 青瓜 生菜雞肉 蛋皮😋再加上伴碟嘅沙律同薯片 有夠飽!!😏😏💋👉🏻鹽酥雞 $52雖然皮外炸到香脆 但內裡嘅雞肉並唔會乾爭爭😌食落口有陣五香粉嘅味道 伴碟嘅金不換 同行朋友係連埋鹽酥雞一齊食的😂😂..🌈✨🌈✨🌈✨🌈✨🌈✨🌈✨🌈✨🌈✨…Read More

咖啡弄已經在港開業一段時間，隨即捲起一陣飲食的台風熱潮，大大小小的台式餐廳相繼臨立，有主打文青路線、懷舊風格及少女風情等。不同台式餐廳都各有特式，但總覺得咖啡弄有不能代替的地位。它雖然是連鎖餐廳，但卻意外地擁有著cafe的感覺，而且食物質素與環境沒有因餐廳規模變大而改變。上次光臨銅鑼灣分店，今次則與曾在台灣留學的朋友來到尖沙咀分店品嚐一進漢興大廈便會見到牆上已貼著前往咖啡弄的指示，只要步行上1樓便會看到圖中的大型餐廳名，左邊已是餐廳大門當晚大概8點半到達，店內已經人山人海，店員示意不用拿號碼牌，只需要排隊等候座位即可在排隊等候期間，發現咖啡弄的卡名非常有特色，我與朋友一共找出了5款印出不同花的卡片，花圖案則以水彩繪畫，款款都很精美，我們各自也不忘拿了一張作留念。大家可以估下最後我拎左邊張😆？由於我們大概等候了45分鐘，所以在等待期間已經想好想點選的食物，一就坐時便可立即點菜。當看到菜牌時，我的台灣留學朋友驚訝價錢與台灣cafe相近，估不到沒有因在港擴充業務而大大加價一共有4件鬆餅，有2球雪糕，雪糕外圍圍著士多啤梨，最後更淋上士多啤梨醬鬆餅送到時的溫度屬暖偏熱，質感扎實厚身但不失鬆軟，感覺有點像蛋糕。溫暖的鬆餅把雪糕溶化再配上酸甜的士多啤梨，令平凡的鬆餅增添了味道與層次感，4件札實的鬆餅真的會令女生飽肚，如果想嚐試更多菜式，建議與朋友分享牛角包包裹著生菜、番茄和火腿，最後淋上芝士、煙肉粒和粟米粒。隨碟附送粟米杯、沙津和沙津醬。軟綿綿的牛角包與其他餡料非常夾，非常容易咬開或切開，本以為濃郁的芝士會非常咸，但原來咸度剛剛好，反而把淡味的三文治帶來一份味道，整碟菜式很清新，但同樣份量對於女士亦很飽肚鹽酥雞上菜時，台灣留學朋友即時讚鹽酥雞夠地道，因為她說有些台灣人吃鹽酥雞會配蒜頭，而該餐廳的鹽酥雞貼心地隨碟附送蒜頭及檸檬。鹽酥雞溫度屬熱，灑上鹽與胡椒，皮薄脆身可口，而且肉質嫩滑，不知不覺與朋友在談天說地期間吃光了，會食上引架！沙冰的冰與奶比例剛剛好，而且Oreo碎豐富，愈食一口也有濃烈的Oreo味，除了Oreo外，沙冰中還有朱古力粒，增添了沙冰的口感—————整體評語：味道-非常滿意所點3碟食物和飲品的味道，所有食物富有層次感，而且溫度剛好，特別是冰淇淋鬆餅系列，個人應為鬆餅溫度不需要太熱，溫度剛好能使冰淇淋溶化而不燙口，而咖啡弄就做到這一點.服務-由於咖啡弄長時間人流高企，服務員也忙個不停，所以他們都收起笑容，快速努力地工作，雖然在人流多時難以顯出親切的態度，但上菜速度是頗快的.衛生-所有餐具和用具都非常乾爽企理，沒有殘留物或污垢.環境-雖然咖啡弄所售買的是cafe食品，但由於人流眾多，始終都較嘈吵，但座位與座位之間尚算有空間，枱亦有足夠空間擺放餐碟，因為一般餐碟也較大.抵食-抵食指數頗高，據台灣留學朋友稱其價錢與台灣 cafe無異，像是沒有因鋪租等成本問題大幅加價，而且碟碟份量頗大，正常食量的女生自己一碟已經很飽肚…Read More

有去過‪台灣食過咖啡弄‬既朋友, 都一定會對佢地既環境服務同埋美食念念不忘。‪香港開咖啡弄‬都開左一段時間, 開頭排隊排到癲左, 小女都唔例外, 有去潮聖過, 銅鑼灣高峰期排過2次, 每次都差唔多兩粒鐘, 熱潮過後, 小女都識揀時間啦, 平日6點前去到, 唔使等即刻有位。 芥末培根起司三文治 $58呢個三文治根本就是減肥人士的大敵，不過煙肉(培根)煎得脆脆、加埋鬆軟既方包、香濃的芝士，每啖咬落下去都好吃到想死，邊個仲會記得減肥係嘜水? 仲有我最好中意佢既SIDE DISH: 千島醬薯蓉!!! 必食, 幾飽都食晒!! 玉米里肌起司可頌 $62超大個可頌!!! 芝士(起司)半溶，芝士味很重，不過唔會太膩，里肌肉是豬肉，係豬既脊椎旁D肉 肉的油脂較少，番茄超新鮮，每種餡料都係香口野，再加上外脆內鬆軟的可頌(牛角包)，呢個係我3次拜訪都會叫既其中一個包!!!! 茉香蜜桃冰茶 $44鮮艷的冰茶有種好消暑的氣息，佢唔只係綠茶咁普通，餐廳好有心思，綠茶入面仲有好多水果，有青蘋果, 水蜜桃, 藍莓, 橙, 車厘子，唔會太甜, 唔會太多冰。好清新既感覺。 美式摩卡咖啡 $46上面有牛奶泡沫，不過呢啲井字形朱古力應該稱唔上係拉花, 有D HEA既裝飾，咖啡冇咩特別，最特別係旁邊既兩片曲奇，牛油味好重。…Read More

咖啡弄超級出名，還要排隊排很久，所以次次都無機會去食！收工，同同事在附近經過，見到難得人流少左，就撞下運氣，上去睇下多唔多人！出奇地等幾個字，就可以入去！我們點左個BBQ豬扒三文治，豬扒夠晒厚，啖啖肉，BBQ醬汁好夠味玉米里肌起士可頌，好好味，牛角包加半溶芝士加上煙肉粒，芝士味好濃郁，新鮮蕃茄，還有另上一小碗粟米，沙律菜芥末芝士培根三明治，用料十足，有煙肉，新鮮蕃茄，芝士配埋個芥末更一流！雜果冰淇淋鬆餅，厚厚既鬆餅，配上雜果，雪糕！但就有點硬身！如果可以鬆軟D,會更吸引！…Read More

趁著聖誕佳節跟朋友聚舊。大家在文化中心看畢話劇後來到台式餐廳「咖啡弄」。之前素聞大名，一直沒有機會到訪。這天一完心願到此進餐。進入前得需排隊至少一個小時，但真的值得等待！1. 水果冰茶先來飲料。水果份量充足，有蘋果、鮮橙等，但略嫌太甜。朋友說這道飲料是招牌菜，第一次來的話不妨試試。2. 玉米里肌起士可頌非常惹味，芝士配上即叫即製的牛角包很是不錯。3. BBQ豬排三明治最好吃的是蛋沙律，不容錯過！豬排的質感跟平常外邊吃的不太一樣。4. 香蕉巧克力冰淇淋鬆餅鬆餅跟平常咖啡廳吃的有很大分別。這邊的較有質感，很有實在感的鬆餅！吃一塊已經有點膩。建議多人一齊share。5. 雜果鮮蛋糕好fresh的蛋糕，蛋糕上面的小花都可以吃！…Read More

特地從尖東走來試吃午餐，兩個人叫了3樣東西和兩杯飲品。豐富又美味的一餐，值得再來。不過價格不便宜。墨爾本龍蝦堡，玉米里肌可頌，鹽酥雞；飲品是玫瑰歐蕾和冰鮮果茶推薦龍蝦堡，很多龍蝦肉在裡面，一份很夠飽，好味！搭配薯仔和酸奶醬。玉米里肌可頌好大份量，裡面夾著厚厚的幾層ham，吃掉半個的時候就開始覺得飽了。鹽酥雞的味道和在臺北吃的一樣美味。玫瑰歐蕾很有賣相，味道淡淡的並沒有很甜冰鮮果茶裡滿滿的生果比較甜但是凍果茶很好味…Read More

已經有兩年幾冇食過咖啡弄，今晚咁岩係呢龍附近就上黎食下同過往好唔同，我對上兩次食都係銅鑼灣果間，而條人龍係超級誇張。今晚大概七點半到餐廳，都唔需要特別排好耐隊。呢款牛角包入面都幾豐富，又芝士煙肉火腿粟米蕃茄同生菜，夾埋一齊口感岩岩好。:)有機會都想試下佢另一款嘅總匯三文治，睇啲人食都幾吸引下。香蕉巧克力冰淇淋鬆餅成日都覺得如果一個鬆餅佢係整得鬆口，就算冇隔離嘅雪糕／醬，都可以保持鬆餅嘅水準。可惜今日咖啡弄令我失望了，佢嘅鬆餅好乾，同埋唔鬆脆，我覺得自己好似食緊一塊好飽肚嘅包咁佢其實都有朱古力醬，但落左之後都冇咩幫助，依然好乾另外，今次再encore嗌oreo冰沙。個味道同我兩年前飲都一樣，但今次呢杯冰沙我去到最尾一刻都仲係一舊冰沙，都唔係好溶化，搞到我好似係度飲緊冰沙水咁～而朋友果杯野莓就溶得好快，真係可以每一啖都飲到。。。總結，真係有些少失望。下次有機會俾佢平反時，希望佢可以進步番啦～…Read More

還記得咖啡弄剛開業時人山人海，排隊排到後樓梯，動軏排一兩個小時。那時也陪朋友去過一次，雖然食物質素不錯，但是否值得排那麼久真的見仁見智。現在熱潮過去，可以隨時隨地隨心所欲地過來了！這次來到尖沙咀分店，位置算方便，尖沙咀地鐵站九龍公園出口，往九龍公園和新港中心方向走，第二個街口轉左入漢口道，便到達咖啡弄所在的達漢興大廈。玉米里肌起司可頌 $62之前吃過玉米里肌起司可頌後一直念念不忘，今次四人中有三人都想吃，點了三份。所謂玉米里肌起司可頌，即廣東話中的粟米豬肉芝士牛角包，材料簡單，但味道豐富。牛角包鬆脆，豬肉嫩滑，芝士味濃，加了芝士片和芝士醬，灑上煙肉粒口感更佳。配菜有沙律和粟米，加倍滿足。獨吞一整份的感覺很爽！啖啖肉！吃完後碟子非常乾淨，一粒粟米也不剩。現烤燻雞吐司披薩 $54 因為即叫即烤，製作需時二十分鐘。牛角包太出色，顯得這份吐司有點平凡。鋪面的拉絲芝士應該是Mozzarella，香是蠻香，但就是一份普通的雞肉芝士厚多士，份量略少。香蕉巧克力冰淇淋鬆餅 $54 厚窩夫算是咖啡弄的招牌，但我卻覺得有點太厚了，稍欠鬆脆，味道亦沒啥特別，幸好有我最愛的香蕉加一點分。熱鮮果茶$58／冰鮮果茶 $58咖啡弄的另一招牌，要養生的我選了熱茶，配一碟切片生果，放進熱茶內味道卻未見突出；冰茶反而味道更佳，可能因為生果早浸泡在茶內。冰抹茶歐蕾 $44即抹茶latte，但抹茶味不夠濃，牛奶亦不夠滑。茉香蜜桃冰茶 $46很多蜜桃，味道鮮甜。單是為了牛角包也值得再來，不過下次也想試試限量供應的墨爾本龍蝦堡 $152，價錢相對實惠。…Read More

跟朋友們放了半天假去尖沙咀的4D館, 玩完一輪再去吃美食, 雖然平日但都要等大半個鐘, 四個人玩完有點肚餓所以叫了不少東西, 哈哈!!玉米里肌起士可頌 ($62)~~~每次都會想吃的一款, 因為牛角包好鬆軟, 裡邊夾了火腿、芝士及蔬菜, 再加上不能少的車打芝士醬及煎得很香的煙肉碎, 實在是十分香口又飽肚的一款, yummy之選!!冰奶朱古力~~~朋友飲的一款, 個款幾特別, 朱古力奶是暖暖的, 而冰條就是牛奶弄成的, 所以味道不會淡,, 會keep住有牛奶的香氣及滑滑的質感, 冷與熱的匯合啊…….總匯三文治 ($65)~~~這個就是大份的公司治, 見到個樣已經覺得好吸引, 加埋上面的薯片, 真係當正餐同小食都得!! 話明係豐富的三文治, 就是包羅萬有什麼也有, 如蛋、火腿、芝士、烤豬仔、菜及蕃茄等等, 每次咬入口都覺得能澎拜地充斥口腔之感!!菠蘿特飲冰沙~~~這個是summer限定的新款, 只係個賣相已經又靚又吸引, 難怪差不多每枱都有一杯, 朋友覺得這個很fresh很解渴, 真是很適合夏天的飲品!!水果茶~~~這個是適合養生唔飲凍野的朋友, 水果茶綜合不同水果的香氣及甜味, 所以愈飲到底其實會覺得愈濃同甜的, 但就是飲極都仲有的感覺!!鹽酥雞~~~好耐無食了, 好懷念台灣小吃啊!!! 這裡的也蠻不錯, 炸得酥脆, 但略覺得肉質稍為老了少少, 沒太多汁, 炸過多了…….OREO冰沙~~~每次來都好想吃, 因為很喜歡朱古力味及曲奇餅的東西, 但唔可以成日飲凍野, 今日太熱同玩了大半日的行程, 所以就叫了!! 飲落好清涼, 而且每啖都吃到OREO碎及奶沙冰的味, 其實飲晒一杯都幾full, 但又會想飲~~~鹽味焦糖冰淇淋鬆餅 ($58)~~~又到左甜品時間, 好有質感同飽肚感的鬆餅, 還好是我們有四個人能每人一塊, 配上雪糕及焦糖醬, 朋友十分喜歡焦糖, 所以她十分喜歡, 我就較為喜歡吃些無咁飽肚的窩夫, 不過我好鍾意吃個cream,  滑滑的……又跟朋友們玩完吃完一輪, 每次都是開心的時光, 雖然有時食物不重要, 最重要是跟誰一起吃, 但如果食物美味, 歡樂便能加倍, 就好似這晚一樣呢~~…Read More

好耐無去食過咖啡弄，好記得之前食果次係排哂長隊，響條街等成個幾鐘！今日突然之間想食，咁就約左朋友去尖沙咀果間分店！2:15pm去到果然係街見唔到人龍!上到去都係排左幾個人姐，如果搭枱就好快入得！我地叫左個牛角包同龍蝦包，加兩杯野飲…Read More

今日嘅下晝約咗一班舊同學一齊去咖啡農食下午茶,相信有聽過咖啡農嘅朋友都知道二一間餐廳經常都要排隊,今次我哋去到唔算太多人排咗15分鐘左右就有位啦,不過都要搭台如果唔介意搭台嘅朋友都可以考慮慳返一啲時間。係繁忙時間多數都會限制90分鐘用餐。第一樣叫嘅食物就係呢個玉米里肌起司可頌,係餐牌見到圖片都覺得好吸引,而且都聽過唔少朋友推介以一個食物所以都特登叫黎食下,果然圖片同實物都冇好大分別係一個牛角包裏面加咗芝士粟米火腿蕃茄等等嘅食物,仲有沙律,味道都幾特別而且我覺得都幾好味。總匯三文治都係必食既食物,三文治入面嘅材料都非常之豐富又生菜蕃茄雞肉等等嘅食物,另外三文治仲配搭左少少脆片食落其實都幾飽,如果第一次過嚟食嘅話我都會推介以上嘅兩款食物,其實其他嘅食物都好想試不過實在真係食唔到咁多野啦,下次過來都會想試下其他嘅食物。黎到依一間餐廳要提嘅就係每一個人都要叫一杯飲品,雖然係必定要叫，但係我覺得呢度嘅飲品都真係幾值得試,我今次叫咗嘅係雜果茶,最估唔到嘅就係雜果茶真係比咗好多唔同嘅水果我自己控制味道,然後仲配左一杯紅茶,有得玩又有得似，認真唔錯！原來用唔同嘅水果配搭紅茶都會有唔同嘅味道,我個人認為以一個雜果茶真係好特別,非常之介紹大家可以試下。…Read More

一向怕排長龍等位的海倫終於有機會一試咖啡弄~店面不算太大~但真的有用心打造閒適文青風的感覺~餐牌也做得精緻~不知道要點甚麼?總有圖片會吸引到你~海倫也最喜歡多圖片的餐牌~正所謂看圖識字嘛~一行六人,每人點一款食品~海倫見到有鹽酥杏鮑菇就即點了~這可是每次去台灣必吃的夜市食物!!!這裏也有做到台灣夜市風味~椒鹽香口,脆脆外皮,還有爆汁杏鮑菇~不過,真的要小心燙到喔!!!還附有檸檬,九層塔等配料讓你配搭最愛口味~因為這裏的餐點都是麵包類多~所以,以下就是各種不同的包類~先有玉米里肌起士可頌~芝士口味十分濃郁呢!!而這個BBQ豬排三文治裏的豬排比較像厚切火腿~但鹹鹹香香的很好吃~麵包稍為烘脆了,上桌也還沒軟掉~另外還有北極蝦沙拉吐司佐馬鈴薯~其實就是蝦沙律配多士~個人對蝦沙律沒有特別喜好~(特別海倫不喜歡沙律醬...)所以,一般般吧~然後有總匯三文治~顧名思義,就是甚麼都放進去~生菜呀,肉片的~沒有甚麼特色~個人最喜愛的除了鹽酥杏鮑菇就是這個燻雞吐司披薩了~芝士烤得焦香的,味道特別香濃~而且餅底非常香脆!旁邊的蛋沙律味道也不錯~因為店舖規定每人必需點一杯飲品~而且還會溫馨提示你尚欠多少杯~所以,以下有飲品特集~一行6人最推介的是菠蘿冰沙~除了菠蘿味又香又濃外~冰沙裏面還混有粒粒菠蘿肉~而且份量超大!!!​另外也點了一個野莓冰沙~這個就不是人人喜歡了~畢竟莓子口味的東西有時候就像藥水味...下次還是點菠蘿冰沙好了~另亦有很多客人都有點的凍鮮果茶~裏面的鮮果份量也很多~果味配上茶味,清新好喝~最後點了一個茉香蜜桃冰茶~感覺跟凍鮮果茶分別不大~就是上面有很多蜜桃而已~所以,個人還是軟喜愛凍鮮果茶吧~海倫覺得這家店的食物也不錯~但是比較適合假日來閒坐看看書的~不過這裏的餐點份量都很大~飲品也是毫不吝嗇的超大一杯~所以,大家點餐時可以斟酌一下份量喔~因為反正每人必點一杯飲品~包類可以點少一些~…Read More