Butadouraku (Lily Mansion) (Closed)

👩🏻‍🌾Book mark咗一年，終於同👨🏻‍🎨去試啦！🥰🔅主食🧄特黑蒜油拉麵🍜👨🏻‍🎨選咗曲麵，麵質彈牙，加上辣醬，令黑蒜味更加濃郁。蓋上一半的黑蒜油，食之前可以飲啖豬骨湯先再食!🦐特上海老湯拉麵🍜啖湯本身已經好重蝦味，加上櫻花蝦份量都幾多，令湯底好濃厚。重口味人士必叫，不過食完記得飲多啲水，會好口渴。
🌟海老湯拉麵係週五六日限定，想食既記得注意啦！🌟🌟❥配料＋$13(豚肉、紫菜x2、糖心蛋半隻)
佢地個豚肉堅好食，肥瘦適中，煙燻方法處理，令豚肉香中有點甜味，必食!🤤直麵同曲麵都好掛湯，可以自選麵質同硬度，要唔要蔥和辣醬。🌟有期間限定拉麵，好似今期就係鯛蜆白湯拉麵🐟。🔅小食🐙炸紫菜墨魚咀🐙發揮正常，炸得酥脆。🥟日式餃子(5隻)🥟發揮正常，煎得香口。走嘅時候見到天婦羅都幾大件又炸得幾靚，應該都可以試下。👀…Read More

禽日收工同姑姐姑媽去左九號水產超市買野，之後就嚟呢間試下海老湯，見食評好吸引+12轉特上多2片肩肉，豬腩肉，溏心蛋，2片紫菜~好豐富呀！海底真係好濃郁，而且蝦味重~飲左半碗湯都唔口渴櫻花蝦多到分一各一匙比姑姐姑媽溏心蛋睇相都知蛋黃係液體狀，好好味麵我揀左硬既直麵，對於唔鍾意食軟麵既我，覺得剛剛好，叫之前其實有糾結過要普通定硬，最後要左硬覺得無揀錯因為佢係幼細既麵好易煮得淋左姑姐要左海之幸蕃茄湯曲麵，麵質揀左普通，蕃茄湯底好似家常蕃茄炒蛋既味，都幾好飲，無轉特上已經夠晒飽，3片肉食唔晒，仲比左一片我姑媽揀左特上原味豚骨曲麵，湯底都係好濃郁，姑媽食到尾有麵剩，可想而知份量幾大另外叫左個炸紫菜墨魚咀，外皮夠薄，唔會成口粉，脆口加七味粉 & 檸檬汁好開胃惹味。第一次嚟試感覺良好，下次會再嚟試埋其他口味或丼飯店員有禮貌親切，介紹麵款式及湯底都好詳盡…Read More

認真我真的很喜歡食拉麵呢！! 每次有機會去日本，落機放低行李，第一件事就係去食拉麵，熱辣辣，真係好正! ！不過香港拉麵店都愈黎愈多，唔洗飛去日本，都大把選擇啊! 今次特登嚟到紅磡黃埔新天地試一間叫做【豚道樂】!因為朋友食完就覺得好好食！推介我一試呢！其實香港既拉麵熱潮好像都從未減退過喔！呢間【豚道樂】係九號水產入面，門口非常闊落又好有心機報置到一間係挺新潮的拉麵店。入面用紅色為主，一望就係採用開放式既風格。有二人枱，有吧枱，每個枱下有個小勾可以讓你掛上袋子，又或未可選一個籃放晒野入去然後放在椅子下面。都是挺貼心的！環境上滿滿的是日式傳統玩意，更有些木製成的裝飾。還有我喜歡的達摩呢！先來看看餐單，拉麵的款式也算多啦！【豚道樂】主要以九洲豚骨拉麵做主打，湯底是是自家製豬骨湯底！用上本地豬肚骨加外來的荷蘭豬手製成。除了一般的豬骨拉麵，也有黑蒜油，辛辣，芥末，海老湯。 等等，在不同的季節應該也有期間限定呢！另有多款小食及特色飲品。每人點一張菜單，湯底、麵質、追加配料、豚肉一一可選。:)最後跟朋友點了兩碗拉麵，三款小吃！先到的是小吃！蒜蜜叉燒拉麵離不開叉燒、 叉燒也離不開拉麵，這個關係你懂的！叫多幾塊仍是合理喔！更河況我真的很喜歡吃叉燒呢...主要材料是猪里脊肉、叉燒醬、自制大蒜粉！食落點點蒜頭味，肉質有汁醬所以好Juicy,但係比較上偏薄...肉就肥瘦均勻，可以過一過口癮！炸紫菜墨魚咀$38新鮮炸起即出，熱辣辣到來，鑊氣夠炸得香口，粒粒炸得金黃口感爽彈面頭點少少檸檬汁會更好吃，因為減少油膩次餘又好像能降低熱氣感。最後仲有日式煎餃子$30就是哪種...標準日式水餃口感,加上香酥底皮，食落皮脆香口，肉味不算太鮮甜。因為肉的味道偏淡，點汁會好吃點！我揀左特上之選，黑松露醬油豚骨拉麵$108呢碗叫了曲麵偏硬質，因為我喜歡麵質更有彈性上枱時黑松露醬，香氣撲鼻，我倆忍不住先偷飲一啖湯...非 常 好 飲。黑松露味加上特上豚肉湯好濃好惹味，而面層有著一大隻半生熟帶子，微煎香肉質仍然保持著帶子的嫩滑與鮮甜。慢慢品嚐湯底變得更厚身了，每條麵條都掛上湯汁又好煙韌，令人食得好滿足啊。豚肉有兩個部位可選「豬肩肉和豬腩肉」我選肩肉，是半肥瘦的！ 整塊放入口中也沒有罪惡感！軟綿口感肉質鬆軟多汁十分喜愛。配料方面,有些木耳絲，爽爽脆脆，而溏心蛋流心程度不算很高，但尚算剔透，整體醬油味比較濃。朋友的是特上海老湯拉麵 ($98)拉麵除左麵質重要之外，湯底都係好緊要。先呷口湯底，質感夠厚身杰身，呢個海老豚骨湯濃郁，飲少少又沒有太多油膩感。因為是特上的關係，一碗中已經包晒有豬肩肉及豬腩肉，所以不用再在紙上畫選肉類了！豚腩肉，是半圓形非圓形。 吃下皮位略韌身因為有上脂肪位，好有彈性，肉的位置也算嫩的但我個人比較喜歡肩肉多點。配料方面大同小異同樣是，木耳絲、溏心蛋、筍、一大塊紫菜芽菜、蔥花加上大量嘅櫻花蝦。餐廳的飲品也有心思的！因為有日本直送汽水，各式各樣的!!招財貓汽水、靜岡抺茶可樂那上都試過了，所以就沒有點他的，下次又試試山梨桃梳打或信州白提子梳打吧！今次就飲店內檯上的凍檸檬水送拉麵。【豚道樂】裝修簡約得黎又充滿日本🇯🇵風味，此拉麵店也不錯！雖說沒有小店的人情味濃，但味道、質素、價錢成正比！不錯的說！…Read More

吃過豚道樂的拉麵，總會心思思，今天冇飯開，腦海即閃拉麵、拉麵🍜🍜，好想食拉麵😋這款海老湯拉麵是期間限定，要逢星期五、六、日才有得食，今天有緣遇上我又怎會錯過。海老湯非常非常濃郁 , 就似我們喝龍蝦湯的味道，想像得到濃湯伴著拉麵是幾咁好味，麵質下單時可揀選軟硬度，特上就是額外配搭：豬腩肉、豬肩肉、溏心蛋，仲有香蔥，脆卜卜櫻花蝦，𠽌𠽌𠽌𠽌的，色香味俱全👍👍👍海老湯咁creamy 濃郁，策略地追加芽菜，芽菜嘅清新水份流轉在濃湯之間，妙極😋豬豚肉🐷原本已經是好正的醬油味道，加上芝士🧀明火燒一燒，熱溶了的芝士🧀跟豚肉集結在一起，微焦的芝士帶點輭心，接著就是豚肉，成個組合真係好好味啊👍👍👍一人前份量夠曬貼心，個人必點😘　吉列脆面新鮮即炸，輕易的夾開，內裏仍是冒煙的超軟心薯蓉，慢慢咀嚼又會吃到點點牛肉味坐在豚道樂嘅吧枱，吃著拉麵🍜，玩下手機📱，一個人也可以吃得精彩💕🌈…Read More

黃埔自從有了地鐵站後，餐廳越開越多，商場一個接一個，又有免費接駁巴士，非常方便，而這間豚道樂就正正在船頭對著的九號水產裏面。餐廳主要以拉麵為主，還有些小食供應。特上海老湯拉麵拉麵點了直麵，麵質較幼身，硬度亦都有幾個級別，揀了普通級，麵身軟硬度適中，海老湯底濃稠，充滿蝦香，旁邊還有些櫻花蝦增加香味，叉燒肉質很腍，帶點燒過的焦香，溏心蛋有淡淡的煙熏味。黑松露醬油豚骨拉麵一匙的黑松露放在一旁，有淡淡松露香，拉麵點了曲麵，麵質較為煙韌，但湯底不及海老鮮甜。炸物盛物天婦羅蝦、炸蠔、炸芝士外層粉漿不會太厚，即叫即炸，所以咬開還冒煙。炸紫菜墨魚咀墨魚咀炸得鬆脆且爽口，送酒一流。富士山柚子梳打&山梨桃梳打前者帶點酸味，開胃去膩；後者有香濃的桃香味道，非常清新。…Read More

今日去紅館睇演唱會，記得之前行黃埔見到開左個九號水產，所以就早啲去食左晚飯先。入到去都有四五間餐廳選擇，六點人流不算多，最後揀左食拉麵～呢間豚道樂唔係開放式廚房，所以睇唔到拉麵師傅嘅即場製作。左右兩排吧台，而一個就有個空間畀侍應上菜～每兩個位有凍水，調味料，仲可以自己磨芝麻每一碗拉麵都可以各自選九州系直麵或札榥系曲麵，另外有部份特上拉麵係逢星期五六日限定，特上拉麵會有哂兩塊豬肩肉同豬腩肉，仲有兩塊紫菜同半粒糖心蛋～我就叫左五六日限定既特上海老湯拉麵，麵就揀左曲麵，貪佢夠彈牙同掛湯。湯底非常濃郁，裏面有好多櫻花蝦，每飲一啖湯都會食到。叫得豚道樂就緊係要試下啲豚肉，豬肩肉較瘦而切得夠薄，而豬腩肉就肥瘦均勻，燒得好香。我男朋友就試左特上日本芥末拉麵，一上黎就見到成碗青bb嘅湯，望到都覺得攻鼻。佢要左直麵因為想無咁掛湯，但啲麵都已經煮到全部變左青色！個湯一食落其實無想像就咁攻鼻，香得黎又有少量嗆鼻感，都幾夾。但係食多左就一路keep住攻鼻，我男友都有啲頂唔住，好刺激～糖心蛋既流心感不俗，味道可以中和一下芥末啲刺激感～另外叫左個炸軟殼蟹，新鮮炸出，好脆口～最後見唔少人都叫左呢種梳打，所以都叫左黎飲，兩杯都好甜好好飲!…Read More

年近歲晚真係很多飯局， 今下午去完親友家住黃埔， 晚上在附近搵食。 黃埔出名多美食間間都有水準爭在你等唔等到位。 九號水產開了之後仲未拜訪， 今晚就決定到此一遊。位置近黃埔船頭方向， 入面地方闊落， 有專賣日本直送的冷藏食物， 生猛海鮮和各式日式食肆。我們選了口碑不錯的豚道樂吃拉麵。 拉麵店子小小， 很有日本當地拉麵店氣氛，吧檯位比小卡位多。食物點選都是自己選擇的剔紙仔。 拉麵款式不少，亦可根據個人口味加配不少配菜。 麵身也可選直面或曲面， 硬度也可選擇。 本身喜歡吃較硬身的面。 很可惜已經冇做 松葉蟹番茄湯拉麵。特上海老湯拉麵$98材料滿滿鋪在湯麵上， 先嚐一口湯底， 竟然有好濃烈蝦頭熬製的湯底味， 濃郁而不膩， 當櫻花蝦浸在湯內更有股咸鮮味， 和豬骨湯底又有另一番風味。 直面點選了硬度頂級， 果然冇揀錯，硬身麵面口感較佳， 又可放進湯中較耐時間也不淋身。豚肉肥瘦適中又香又軟淋， 入口即溶，好鬼正。 個糖心蛋簡直畫龍點睛， 帶少少甜又流心， 可惜quota有限差啲想encore.拉麵的配菜也不容忽視， 芽菜條條 飽滿粗大， 分別放在小鐵pan上 也有少許調味， 只加五蚊真是抵到唔叫唔得。 木耳絲都係用麻油撈了入味，可以放進 拉麵湯中，超正!牛油粟米份量也不少，最喜歡香滑牛油混入甜粟米粒。另外飲品都有幾款日本直送的碳酸飲料。"紀州白提子梳打" 提子味道突出。"紀州蘋果梳打"， 夠氣又不太甜， 只 賣23蚊，超市應該都差唔多價錢。還有一款"靜岡縣 抹茶可樂"， 有點點code zero味道， 可能唔太甜最後都會有少少綠茶味餘韻。"炙燒芝士豚肉" $20要趁熱食芝士好快凍， 鋪在一塊薄豚肉上和紫菜 夾著吃幾過癮。還有"日式煎餃子"。 脹卜卜 餡料豐富結實， 很推介!炸軟殼蟹， 就是炸番個蟹形出嚟，但軟殼蟹唔算大隻多肉。其實每碗拉麵份量不少， 飲埋個湯真係很足夠， 為食又大吃的我們就是點多幾款小吃滿足到不得了。…Read More

各位拉麵迷有福了， 原來豚道樂係黃埔開了新店， 我間中都會去呢邊行Aeon 的， shopping 完可以去食拉麵一舉兩得餐廳內外都有精美佈置， 充滿日式風味的地道拉麵店， 店員貼心的遞上藍子， 可以方便食客擺放袋子或個人物品， 可以坐得更加舒適， 另外， 我們留意到bar 抬下有usb 位置， 食客用餐之餘仲可以充電， 旁邊掛鉤可以掛上手袋， 不得不贊賞一下這裡的服務抬上有添置調味架， 有幾款調味料供選擇！點餐可以mark在點餐紙上， 你可以按個人喜好選擇麵條款式， 軟硬度， 配料多少個人認為特上拉麵有蛋， 紫菜， 豚肉， 比較豐富， 所以order 左特上海老湯拉麵， 特上黑蒜油拉麵。 海老湯有櫻花蝦， 我即刻心心眼，湯底香濃， 拉麵較彈牙，粗幼度適中， 因為我不太喜歡粗身既拉麵呢。豚肉有3大塊， 肉質口感都很好！見到餐牌有好幾款小食都想食， 唔好睇少得我地兩個人，其實多多都食我落， order 了餃子，吉列蠔， 炸墨魚咀，好香脆可口！一口芝士最令人難忘， 香濃芝士，入口即溶， 食完口腔仲留有芝士味最後， 兩個日式特飲， 我最喜愛的提子汁， 仲有招財貓個樽可以放係屋企做裝飾。…Read More

第一次到豚道樂吃拉麵，這𥚃的拉麵除了季節限定以外，還有基本六款味道可供選擇。六款拉麵當中都有特上之選或經濟之選，個人可隨着食量選擇那一款適合自己，差價$13。另外當然還可追加配料，價錢由$3至$20 不等。拉麵方面亦有兩種麵類選擇，有直麵或曲麵；硬度選擇分別為普通、硬和特硬。黑松露醬油豚骨拉麵 （$108）👍👍👍👍這一款拉麵是季節限定的款式，材料用了來自意大利黑松露醬及黑松露油，加上自家製醬油豬骨湯底。配料用了來自北海道刺身級的帆立貝，帆立貝以火炙輕燒表面，內面還保持嫩滑、軟綿的口感。其餘配料還有豬肩肉、豬腩肉、紫菜和半隻溏心蛋。濃厚的豚骨白湯底加了黑松露醬，令每一口湯都充滿黑松露的味道。麵條選了較幼身的博多系直麵，麵質爽彈帶點煙靭。特上海老湯拉麵（$98）👍👍👍👍👍這個特上海老湯拉麵只在星期五、六、日限定供應。拉麵選擇了較粗身的札幌系曲麵，麵質彈牙。湯底是濃厚的豚骨湯底加上蝦湯，味道濃郁芳香。湯麵還加入櫻花蝦，豬肩肉、豬腩肉、紫菜和半隻溏心蛋。櫻花蝦令湯底味道更添鹹香，亦令拉麵更添囗感。溏心蛋的流心也值得加分。炸軟殻蟹（$45）👍👍👍👍一隻軟殻蟹一分為二，肉厚鮮甜，炸漿很薄很脆，可以點些沙律醬同吃。日式炸一口芝士（$38）👍👍👍👍一客有五件一口芝士，剛炸起的芝士，熱騰騰軟綿綿，外脆內軟，芝士味香濃。炸紫菜墨魚咀 （$38）👍👍👍👍一粒粒脆炸的墨魚咀還加入了紫菜粉，香脆可口，亦可擠一點檸檬汁同吃，這款小食是佐酒的最佳選擇。山梨桃梳打（$23）👍👍👍👍這枝完熟白桃有汽飲品是山梨縣和長野縣產，味道清甜。招財貓梳打 （$18）👍👍👍👍這枝招財貓梳打，樣子可愛，金黃色的梳打配合招財貓的外貎，在新春期間，必受歡迎，見到都會很開心。味道有點似忌廉梳打。每枱放了一壼水，紙巾、調味料門面內在環境餐牌…Read More

非常愉快又黎到星期五。早早就決定左要同男朋友黎黃埔呢度既9號水產食野。😽可能係我地黎得早既關係，店入面都仲未爆滿！咁緊係拿拿聲埋位食野啦⋯而加香港既拉麵店真係愈做愈好，店面同坐位都同日本既裝修一模一樣，好有日本風情啊。就連自助既水同畫紙仔叫菜都好似返左鄉下咁⋯😬（可以留意下門口，餐廳搞緊活動）口水你地一定會嫌多，我都係快手上圖比大家睇好d👏😌店員推薦我食呢個特上海老湯拉麵（$98）。我對蝦蝦既熱情似火啊！湯汁好濃，成碗湯好似有上萬隻海老咁，湯既顏色係靚靚既深橙，一睇就知落足料去煮。呢度拉麵可以揀返硬d定軟d，配料又多得揀，真係岩曬最愛挑剔既香港人。男朋友叫既係特黑蒜油拉麵，可以近d睇清楚個顏色，雖然個樣同海老都差唔多，但香味就大相逕庭了。每款拉麵都絕對可以同日本果幾間最出名既比美啊！Tvb故事既結尾多數都會打邊腦或者bbq，我就選擇左用鐵板牛油粟米黎作結案陳詞。香香既牛油從此就停留左係我口腔內。就連飲品都咁有特色⋯😚非常非常期待下次再黎。…Read More

老公係網上見到黃埔九號水產嘅豚道樂舉行緊激辣大挑戰，挑戰者只需4分鐘內食完一碗激辣拉麵即可全單免費，而期間最快食完嘅挑戰者更可贏取旅遊禮劵。今晚收工佢興致勃勃咁同我去，打算叫我幫佢打打氣。我地大約7點左右到豚道樂，豚道樂九號水產呢間分店相當新淨，裝修以鮮艷顏色為主，可能因為有激辣大挑戰，全店坐滿食客，我地等位嘅時候老公見識到其他對手嘅實力之後臨時縮沙，因為我地係門口見到有挑戰者2分鐘內已食完全份激辣拉麵，坦白講就算係普通即食麵，老公都食唔到咁快啦。所以我地最後都係乖乖地點返普通拉麵同小食，慢慢品嚐。呢度嘅拉麵款式都幾多，我地原本點左一碗特上魚介豚骨拉麵同特上松葉蟹蕃茄豚骨拉麵Share食，不過可能今晚生意太好，特上松葉蟹蕃茄豚骨拉麵已沽清，我地轉左點特上海老湯拉麵。兩款特上拉麵配料都差唔多，有豬肩肉、豬腩肉、紫菜同溏心蛋，我自己比較喜歡食呢度嘅豬肩肉，軟腍而且唔肥，非常惹味，老公比較就鍾意食豬腩肉，佢仲另加$20點多一份，不過$20呢份豬腩肉有3大塊，都真係幾抵食。特上魚介豚骨拉麵湯底好濃郁，而且唔會太咸，湯底又夠熱，唔需要加老公最愛嘅芝麻都已經非常惹味。特上海老湯拉麵蝦香味好濃，未食都已經聞到濃濃蝦味，湯底口感濃厚，另外溏心蛋都好入味。老公非常鍾意食炸物，佢點左兩款小食分別係炸軟殼蟹同炸蠔，份量都唔少，我試左少少，幾香脆可口。另外我地仲點左兩枝日本入口嘅梳打，埋單都只係$175一位，而且惠顧滿$300仲有獎抽，我地抽中左份薯餅可以下次來食。…Read More