G One Sushi Japanese Restaurant (Tai Pa Street)

荃灣廣場對面，西鐵行過嚟10分鐘內好易搵，地方乾淨舒服有吧枱，放工嚟食有種日本人放工同朋友去居酒屋傾偈感覺😂🎣特上十貫目 魚生幾新鮮，海膽、三文魚籽、拖羅比到應有嘅高級質素👍🏻，個人鐘意飯調味酸多小小⭐️深海池魚王刺身（薄切）推介肉質細膩有彈性，有齒頰留香的油分，配埋酸汁係2種風味⭐️秋刀魚刺身 而家係食秋刀魚季節，魚肉甘甜無腥味，厚度適中，同池魚一樣，擺盤都好有心機清酒煮蜆 上枱有驚喜，哩個價錢竟然有咁大隻蜆同無沙亦夠新鮮度，清酒味唔會太搶浸住蘿白幾甜鹽燒牛舌芯 & 鹽燒白鱔串一次過滿足食刺身再食啲熱食啱啱好，串燒帶蒜香調味，口感惹味對於日本菜尤其刺身有要求嘅我，餐廳幾有驚喜同高質素，特別係生食類，下次會回訪再試下唔同季節當造食物🤤🤤…Read More

今次同朋友去到荃灣諗緊食乜 行行下見到有間日本野好似唔錯 見入面都多人食 就去試下♡秋刀魚刺身 $138秋刀魚刺身係店員大力推薦既期間限定 咁店員推介得應該都係招牌黎 上到檯擺盤做得好靚 起左肉既秋刀魚就好似條龍咁捲起 刺身食落唔會腥都幾鮮味 如果真係怕腥 佢配搭左個薑蔥醬油都幾夾♡炸秋刀魚骨頭先食完既刺身店家會收番個骨架去做一個炸魚骨既小食 好酥脆好好食 真係成條魚都食晒 一d都唔浪費♡深海池魚王刺身（半份） $128師傅都切到幾薄 油脂感非常厚入口又夠爽 佢會跟一個佢地自製既酸汁 我覺得點完之後油脂個個膩既感覺會降低左同時又令件魚個層次感多左♡特上十貫目 $318有十款唔同既壽司 師傅握壽司飯既緊實程度掌握得好好 有中拖、大拖、赤身、海膽、三文魚籽、帶子、甜蝦等 每件都好好食♡魷魚壽司 $44魷魚壽司係我最鐘意食既野 呢到個魷魚處理到好爽脆♡辣酒煮蜆 $65呢個煮蜆真心癲 如果唔係我食飽一定再叫多份 佢個湯酒香味好充足 而且帶有d辣味 我飲左成兩碗 d蜆肥美到咬落去個蜆既鮮味直頭想爆出黎咁 呢個黎呢到真係必點♡鹽燒三文魚鮫 $48個面燒到焦焦地食落個皮勁脆口 魚肉緊實得黎帶到個油香 小小鹽燒吊番起個魚味…Read More

呢間喺荃灣屹立多年，成日經過都未有機會食，今日啱啱好經過又有位即刻入去食🥳🤤食完出嚟嘅時候已經有人等緊位😈食飯期間仲見到師傅認得出啲常客🫣所以應該經常有熟客食特上錦繡刺身(8款) $398用咗今日時令新鮮食材，所以每次都有機會試到唔同嘅剌身，今日全部食材都好新鮮，好開心有海膽食😍😍濃郁鮮甜，而且份量完全唔孤寒，特別就係蜜柑鯛刺身，第一次食，原來真係有少少蜜柑味😂😂😂味道就比較清新特上十貫目 $318師傅話壽司🍣主要用咗腩嘅部份，所以食落去油脂非常充足，由飯配埋一齊就唔會太油膩但又食得出魚嘅油🐟。特別推薦深海池魚，肉質鮮味十足，帶子壽司亦都十分之大粒厚肉知內蠔 🦪$136(2隻)係日本北海道嘅生蠔，味道比較濃郁，海水味都重🤤清酒煮蜆 $62呢個係去居酒屋或者日本餐廳必要嘅一項前菜，今次呢度蜆肉份量都好多，入口鮮甜，亦都完全吐晒沙，清酒味道亦都好出，食蜆嘅時候可以連埋湯汁一齊😍😍😍鹽燒牛舌串 $45食串燒梗係要叫牛舌🤩厚到啱啱好，燒完唔韌鹽燒白鱔串 $68外皮燒到非常之脆口，加少少鹽去燒已經好香口🥳鍾意食白鱔嘅我好想再食鮨一日本料理 (大壩街) (荃灣)荃灣大壩街79號地舖…Read More

🇯🇵為於荃灣廣場對面嘅小店，喜歡小店可以坐bar枱望住師傅切魚生同準備食材，好有日本嘅感覺。小店有刺身、壽司、串燒、主食，選擇種類好多🦪桃取蠔 $68/1日本直送來自三重縣桃取嘅生蠔，生蠔有手掌咁大隻，生蠔肉身厚肥，味道鮮甜，海水味比較淡。配上特製嘅酸汁，更突出鮮味🥗蟹肉牛油果凱撒沙律 $78蟹肉絲包裹住牛油果，上面有大量蟹籽，蟹肉絲份量好多，淡淡嘅蟹肉鮮甜味作為前菜好清新怡人🐟蜜柑鯛薄切 $99蜜柑鯛係鯛魚食蜜柑味嘅飼料，所以鯛魚食落會有淡淡蜜柑味。蜜柑鯛出名無腥味，餐廳配搭一款自家製酸汁，點埋醬油味道更有層次。唔點醬油就更能食出天然蜜柑味，各有特色。🍣特上十貫目 $318點題幾款特別深印象，但整體十款都新鮮高質。拖羅油脂滿滿，入口即溶。海膽超鮮甜，絕對不輸我最近去旅行食到嘅海膽質素劍魚腩入口綿軟，具豐富脂肪炙燒左口魚，經炙燒的壽司香氣特別令人記憶深🥣清酒煮蜆 $62清酒煮蜆湯加入一味粉和少少薑，入口帶一點辛口，幾特別。蜆肉鮮甜大隻。🍡燒芝士年糕 $32芝士年糕都係我去居酒屋常叫item,年糕煙韌軟糯，中間帶爆醬流心芝士，香味濃郁非常滋咪。呢到嘅芝士年糕面塗上醬油和海苔碎，個人口味都係比較喜歡沒有醬油的。除左壽司刺身串燒外，餐廳都有晚市定食，仲有做緊$6件三文魚壽司，豐儉由人。…Read More

好抵食既日本料理晚餐😋😋 放工去荃灣廣場附近買野，順便覓食， 見到門口招牌寫住激安壽司好吸睛😍😍好彩仲有一張枱，就同朋友去試下， 總結係性價比高，會再encore, 我地點咗以下菜式，全部都好滿意，特別係刺身類好新鮮，價錢仲要唔貴😍1. 特上十貫目 💰318有拖羅，海膽，三文魚籽，池魚，帆立貝，海蝦，等等。。。。 海膽好鮮無臭味，拖羅夠肥美， 其他魚我本身一般，但呢度勝在新鮮，所以我都有食😋2. 膠原鯛薄切 💰98 本身無諗住叫魚生，但店員話是日推介，價錢相宜咁就試下。果然無介紹錯，師父刀功好薄薄一片配埋佢地秘製既柚子蘿白醬油，好fresh ,份量夠大碟，最重要食咗都唔怕肥😜3. 超抵食手握三文魚壽司 💰6 /炙燒三文魚壽司 💰8無睇咗，真係6/8 蚊件🫣, 仲要係新鮮好味，希望佢唔好咁快無咗個優惠😆😆我地每人每款試一件🤩🤩4. 活赤貝刺身 💰52 相對呢個無咁抵食😆但朋友鐘意食，我食咗一片，覺得同賣相一樣夠新鮮 ,好爽👍🏻其他留晒比朋友仔品嘗😂5. 蟹肉牛油果凱撒沙律 💰78 呢個我極力推介，真心無叫錯，足料份量，蟹籽下面仲有一大舊既蟹肉mix 牛油果，同個沙律醬好match , 開胃前菜必點之選👍🏻👍🏻6.爐端燒物：鹽燒三文魚鮫 💰48燒日本迷利甘薯 💰28燒芝士年糕 💰32鹽燒牛舌串 💰45雞軟骨串💰18燒物都ok, 特別推介芝士年糕， 外面焦焦地，裡面好QQ晚餐叫咗咁多野，人均消費都係$400, 約下朋友黎飲下酒食助酒菜都係一個好選擇👍🏻#荃灣美食 #日本料理 …Read More

我食日本料理除左在乎食物質素，都會揀啲店面唔大嘅小店，而且鍾意同三五知己一齊去，可以邊食邊傾之餘，亦有身處日本嘅感覺😆 而荃灣呢間日本菜係個好選擇👍🏻一坐低就見到黑板上有我鍾意嘅時令蜜柑鯛刺身😍 呢種肉質較爽身嘅鯛魚係食蜜柑大嘅 (佢地嘅飼料裡面有🍊)，所以會有淡淡嘅「柑」甜，而且無魚腥味。另外仲叫左活赤貝刺身，爽口鮮甜❤️有選擇困難症嘅我地決定食特上十貫目😂 我最鍾意炙燒左口魚裙邊、吞拿魚腩壽司同三文魚籽軍艦☺️當晚清酒煮蜆同燒芝士年糕俾左驚喜我❣️ 雖然清酒煮蜆湯底嘅嗰種海水鹹鮮對我來講稍鹹，但蜆好肥美又鮮味👍🏻 煙韌嘅燒芝士年糕，豐富芝士餡加上其鹹度適中嘅醬汁同紫菜，相當滋味😋最後以濃濃椰子味嘅雪葩作結，開心🥰…Read More

曾經去過尖沙咀分店，相當不錯。所以再到荃灣分店，跟尖沙咀分店一樣，好像是日本居酒屋的小店，店內外都以木質為主。必吃之選：大船渡真蠔 $88 買1送1 大大隻生蠔！還有買1送1優惠，真的不要錯過有別一般生蠔，這個是少許調過味的，提升了生蠔的味道而且蠔夠肥美，真的必吃特上十貫目 ：共有10件壽司有呑拿魚腩、海膽、深海池魚、帶子、魷魚、 甜蝦、油甘魚等。刺身新鮮👍甲羅燒 $98濃郁的蟹膏，配上脆多士。如果有點丼，除多士外，可把白飯放在蟹蓋，更可以吃盡所有蟹羔😆😆季節白身魚薄切(上) $98雜錦魚生飯定食(下) $98 白身魚真的很薄，配上豉油鮮味更突出魚生飯定食性價比高，只需$98，還包沙律、麵豉湯及前菜。多款刺身，挺新鮮的。清酒煮蜆 $62蜆煮得十分滑，湯加上蘿蔔吸收了蜆湯精華，正！定食的前菜、沙律、麵豉湯…Read More

今天趕著要於傍晚時，到荃灣沙咀道相熟的售賣日本火車模型店訂購新推出的心儀火車模型，故又再到荃灣廣場附近。訂購完火車模型後，向來又懶走動的我，又想試下新食店，唯有以100~200米為目標。今天的個人主題是找日本食店，就揀到了這一間，對正荃灣廣場其中一個主要地面出入口的正對面位置。今天因為是背著另一半偷偷過來，所以只慳家地隨便點了約一人份量。頭盤先嚟一個清酒大根水煮蜆，味道清新。微微的煮蜆水更可以當作薄薄的海鮮味清湯飲用。隨後再嚟特上十貫目，當中通常都抱括有甜蝦，海膽，吞拿魚等等。總言之，每個壽司海產都挺好，夠鮮味。重要的是，壽司飯不會太過巨大，個人不太喜歡如爭X連鎖店那些。另外的數個菜式是:松葉蟹肉伴蟹味噌，味道超濃郁，塗麵包一流。意外極為驚喜是，日本岩手縣大船渡市(日本東北部離福島超過200公里)的生蠔，蠔鮮味極好，肉質份量巨大，強力推薦。錦繡魚生飯定食，海產和飯量恰到好處，大食量食客醫肚必選。季節白身魚薄切，刀功不俗，口感挺像日本當地吃的河豚。埋單計數，原來我今晚，食咗一套日本製火車模型的等價落肚。今晚買一套，食一套，勁!…Read More

收工同老婆2人世界, 又唔想去太遠, 就去咗荃灣大壩街呢間鮨一日本料理！一入去見到大割引-大船渡真蠔買一送一$88咁抵！即刻叫左1份！真係大大隻好creamy好滿足! $298既特上十貫目, 有海膽, 吞拿魚腩同其他當造既刺身壽司！梗有一款啱你口味！另外佢哋個季節白身魚薄切（$98）亦都好鮮甜！老婆鐘意食蟹膏, 就叫咗個甲羅燒（$98）！蟹膏嘅鮮味沾滿細細塊麵包度, 一啖一塊好好味！最後食埋佢個錦繡魚生飯定食（$98）同清酒煮蜆（$62）就真係飽到行唔喐啦！整體環境服務都唔錯, 啲嘢食都嚟得好快！下次會再嚟食過！…Read More

大壩街這條食街新開了一間日本料理店，原來是鮨一來荃灣開分店了～溫馨小店的格局，蠻有日式風情的。我們這夜安排了吧枱位置，可以邊用餐邊欣賞師傅的手勢。開胃菜點了份鮨一沙律，新鮮蔬菜加上高甜度番茄和各種刺身，口感很豐富。接下來是海膽fans必點的鮨一千層海膽飯，碗上堆了一層又一層、異常澎湃的海膽，加上奢華的金箔，超吸睛的說！滿滿的海膽底下還有呑拿魚蓉，鮮味提升，令味道不會太單調，果然是招牌名物先挖一大坨海膽，加醋飯和紫菜夾起來吃，海膽的鮮香在口中慢慢透岀來，餘韻久久不散，豪華的享受～看到廚師推介有鱈魚白子和鮟鱇魚肝，就各點了一份試試。肥美的白子刺身滑溜溜的，嫩滑帶甜。而鮟鱇魚肝則味道濃郁，口感細膩綿潤。再來是特上十貫目，誠意十足，有海膽、晶瑩剔透的三文魚籽、甜蝦、帆立貝和充滿油香的拖羅等等～ 現握壽司新鮮好食，味濃的拖羅就留待最後品嘗吧最後點了份清酒煮蜆，份量大方，蜆肉脹卜卜的，簡單做法已經可帶岀海鮮的原始滋味。蘿蔔也煮得入味，無渣而且非常清甜…Read More

好想去日本呀！！！冇得去唯有係香港搵日本嘢食下啦，尖沙咀間鮨一開到嚟荃灣，一於同朋友嚟覓食先！餐廳好日本風睇完餐牌勁多嘢都想食，同朋友嗌咗好多日本真蠔$58/隻-好肥美好鮮甜！充滿海水味夠曬爽滑秋刀魚刺身$188-必點！只需點上少少豉油同薑蔥吊味就已經好好味，入口鮮嫩令人齒頰留香。食完刺身魚骨仲可以叫店員炸嚟食添！特上十貫目$298-有左口、魚子、帶子、海膽等等令人目不暇給。每款都好新鮮，由淡至濃味咁係食係味覺上嘅享受呀甲羅燒$98-賣相咁吸引必打卡啦！蟹膏味道濃郁，配上脆脆哋嘅多士認真唔錯香蔥拖羅反卷$78-拖羅入口即溶，好香口清酒煮蜆$62-蜆大大粒好清甜，食咗咁多濃味嘢食返啲清清哋又有蘿蔔咁幾舒服冷豆腐$28-豆腐涼浸浸滑嘟嘟啲嘢食真係冇得彈，掛住日本嘢會再嚟食呀…Read More