Ryou Dou Raku

呢間日本菜環境唔錯,裝修得好靚,有啲座位仲好似榻榻米咁,幾得意,食物既質素都幾高,值得一試👍🏻《麻醬蕃茄豆腐沙律 $128》幾開胃,加得麻醬一定唔會差😂豆腐都幾多舊而且好滑!《牡蠣和牛 $198》呢個超推薦!!和牛入口即溶,好軟熟,仲要配大大隻蠔,蠔肉好飽滿,一人一舊真係唔夠喉🤤《象拔蚌刺身 $598》象拔蚌刺身好爽口彈牙,非常新鮮,雖然定價有啲高,但係質素係幾高既,值唔值就見人見智啦😂《雜錦天婦羅 $168》呢份天婦羅都幾大份,有蟹肉,蝦,茄子,蕃薯同南瓜,仲有一片粉紅色一條條唔知係咩既菜😂天婦羅炸粉好薄,炸得好脆,就咁食有啲dry,點埋個天婦羅汁幾好食!《雲丹蟹肉反卷 $298》呢個卷物正啊!每件都有一舊海膽係面,海膽好新鮮,調味咸淡適中,點少少豉油啱啱好😌《唐揚雞 $88》炸雞炸得好脆,但仍然保持到雞肉既嫩滑,點埋個沙律醬仲好味😀《荔枝/蜜瓜乳酸 $78》飲品既選擇都幾多,有酒精同無酒精飲品,今次就唔飲酒啦,叫左兩杯乳酸試下先😂兩杯野飲都唔會太甜,荔枝同蜜瓜味都唔錯,唔會覺得好假好多糖漿!漁道樂尖沙咀金巴利道35號金巴利中心地下A號舖[⭐️5分為滿分]味道⭐️⭐️⭐️⭐️環境⭐️⭐️⭐️⭐️服務⭐️⭐️⭐️⭐️價錢⭐️⭐️⭐️⭐️⭐️推薦⭐️⭐️⭐️⭐️…Read More

位於尖沙咀金巴利道嘅《漁道樂》，裝修同吊飾擺設都充滿日本風情，好多打卡位，更設有日式塌塌米卡座，喺呢度食嘢就好似置身日本居酒屋一樣🥰============ヽ(○´∀`)ﾉ♪❀浜燒❀🦀味噌蟹甲羅 $88 ⭐️推薦🫶🏻✰蟹蓋上滿滿蟹肉、蟹膏、蟹籽，撈埋鵪鶉蛋同蔥花，有專人即席幫我哋放上火爐燒。燒完之後撈埋青瓜絲一齊食，蟹膏味濃郁，口感好🤤❀刺身❀🦪生蠔 $88/隻 ⭐️推薦🫶🏻🐟三文魚 $88/份 ⭐️推薦🫶🏻🐠金槍魚 $168/份🦐北海道甜蝦 $98/份✰4款刺身都好新鮮，好鮮甜。三文魚同金槍魚都好厚切🥰✰特別推薦生蠔刺身，好肥美又creamy，加上了特色酸汁同埋紫蘇葉，鮮甜味更特出🤤❀逸品❀🐮牡蠣和牛(2件) $198 ⭐️推薦🫶🏻✰鮮甜嘅生蠔同微炙嘅和牛，非常驚喜嘅配搭。和牛未去到入口即溶，有少少嚼勁，但係牛味好重，同清爽嘅生蠔一齊放入口出奇哋match，唔會互相搶咗對方嘅味道😋🍲清酒煮蜆 $128 ⭐️推薦🫶🏻✰蜆肉飽滿無沙😋 個清酒煮湯好好飲，加咗昆布入去，一啖湯一啖蜆鮮甜可口。❀壽司❀🐠左口魚裙邊壽司 $98/2件 ⭐️推薦🫶🏻🐚帆立貝壽司 $98/2件🍣三文魚籽壽司 $98/2件✰微炙過嘅左口魚裙邊入口即溶🤤大愛💜✰帆立貝鮮甜，三文魚籽粒粒飽滿入口好滿足😋❀飲料❀🍸原味HighBall $78🍹菠蘿燒酎 $78✰多款特色飲品同酒類♡…Read More

放假當然要食好啲啦，之前IG見到人哋有得坐榻榻米食濱燒，所以就揀咗呢間位於尖沙咀嘅漁道樂。店內掛滿風鈴、達摩裝飾同鯉魚旗，富日式風情。味噌蟹甲羅（$88）由店員在客人面前以火爐烤熟，蟹肉的鮮甜與味噌的濃郁完美融合，鵪鶉蛋作為媒介，給這道菜帶來了豐富風味層次，每一口都能品味到蟹肉的柔軟質感和味噌的濃郁味道！牡蠣和牛（$198）牡蠣的鮮甜和微炙和牛的鮮嫩完美平衡，加上黃芥茉加上黑松露醬，配搭獨特，幾有驚喜！刺身挑選了生蠔刺身、三文魚、油甘魚刺身，生蠔刺身夠肥美又creamy，搭配著微酸醬汁、青蔥同蘿蔔蓉，鮮味十足！超厚切三文魚及油甘魚，魚肉質地細膩，飽滿豐潤，入口即化！牛油果軟殼蟹沙律（$168）炸軟殼蟹富脆嫩的口感，而牛油果的柔軟質地帶來了奶油般的滑順感，加上大量蟹籽和芥茉松露沙律醬的酸甜風味，營造出一種新鮮而爽口的味覺體驗。壽司方面選了左口魚裙邊、帆立貝、三文魚籽壽司，材料鮮度和質量絕對是一流，尤其是三文魚籽，壽司飯的綿密口感加上三文魚籽的爆裂口感，有豐富的層次感！檸檬燒酎、菠蘿乳酸（$78）前者富有檸檬的酸爽與燒酎的濃郁酒香，入口清爽，後者主要為菠蘿的香甜和乳酸的微酸，清涼解渴。…Read More

今日同朋友慶祝生日，當然要揀一間比較高質素嘅餐廳，喺open rice 見到評價不錯，朋友又比較喜歡食日本料理，食生日飯當然要豪少少。餐廳裝修恍如置身日本一樣，有多個日式打卡位，空間感好大。以浜燒為主題嘅居酒屋，主打即燒即食海鮮文化，同時提供多款刺身、壽司同熱食，餐廳主理師傅擁有多年日本料理經驗，每日嚴選時令食材，店內海產均由日本新鮮直送香港。♡刺身 •北海道甜蝦味道鮮甜，肉質嫰滑。•深海池魚刺身肉質鮮嫩肥美，入口魚油甘香細膩，令人齒頰留香的油分。•金槍魚刺身色澤鮮紅，口感肥潤，鮮美至極。♡牛油果軟殼蟹沙律酥炸後嘅軟殼蟹甘香鬆脆，連殼帶膏連肉啖啖肉，口感豐腴獨特，搭配牛油果沙律醬更是相宜，沙律菜新鮮爽脆。♡牡蠣和牛呢個配搭好新穎，和牛配生蠔壽司造型、我第一次食！將和牛微火燒後，令油脂分泌更突出，入口層次更豐富。配搭肥美生蠔，互相提升鮮味及口感，幾特別一道日本料理。♡朴葉和牛和牛熟度剛剛好，油脂含量多，肉質軟腍，配以冬菇、秋葵，減低油膩感。♡赤貝壽司鮮赤貝壽司外表呈橙紅色、光澤鮮明，食落肉質爽厚，鮮味十足。♡海膽壽司橙黃色嘅大海膽味道甘甜，質感細膩，幾乎入口即溶。♡梅酒加冰♡菠蘿燒酎美食當然配一杯美酒，梅酒香氣特別明顯，甜度適中。菠蘿燒酎果香撲鼻，口感清爽易入口。…Read More

尖沙咀鬧市中嘅忘憂居酒屋🏮漁道樂📍尖沙咀金巴利道35號金巴利中心地下A舖➰好歌推介「摘去鮮花然後種出大廈，層層疊的進化，摩天都市大放煙花。」#燕尾蝶 #Shine➰啱啱忙碌完公司Project，辛苦左成個星期，難得星期日終於可以放鬆抖下，約朋友係尖沙咀睇完戲之後就嚟咗依間居酒屋食飯暢談。.餐廳裝修以木系風格營造傳統日式居酒屋格調，佈置亦掛滿日系飾品，環境舒適。✥刺身𖥕生蠔刺身*2 💲196 ⭐️4/5⭐️生蠔係岩手縣出產嘅令和の怪物，體積猶如手掌般大細，味道鮮甜濃郁，口感嫩滑，濃厚蠔味溢滿口中，留下鲜甜餘韻。.𖥕深海池魚刺身 💲168 ⭐️4/5⭐️池魚肉質緊實而爽口，入口魚油甘香細膩，留有餘韻。.𖥕三文魚刺身 💲88 ⭐️3.9/5⭐️刺身點少得三文魚，厚切三文魚入口味道濃郁，塞滿口腔，好滿足。✥壽司𖥕海膽蟹肉反卷 💲298 ⭐️4/5⭐️海膽反卷上枱吸睛套目，滿上嘅鮮甜海膽令人食指大動，內餡包裹住蟹肉，整體入口層次分明，先是海膽嘅鮮甜充斥口腔，再者絲絲蟹肉增加口感，味道非常豐富。可惜有兩件反卷嘅海膽略嫌唔太新鮮，稍稍扣分。✥逸品 & 燒物 & 天婦羅𖥕牡蠣和牛 💲198 ⭐️4.2/5⭐️經過火灸嘅和牛逼出油脂香氣，再配搭鮮甜蠔肉，兩者配搭好有驚喜，一啖入口先是濃郁和牛味，再細嚼之後便是飽滿爽嫩嘅蠔肉，入口非常滋味。𖥕薩摩手羽 💲88 ⭐️3.9/5⭐️雞翼燒得乾身，鹽燒調味帶出雞翼嫩香，唔錯。𖥕清酒煮蜆 💲128 ⭐️4.1/5⭐️清酒煮蜆上枱擺盤吸引，份量豐富，每粒蜆肉都非常飽滿，配上淡淡清酒煮湯一齊入口，鮮甜可口，推薦。𖥕雜錦天婦羅 💲168 ⭐️4/5⭐️兩隻天婦羅炸蝦仲冒住絲絲熱氣，即點即炸，非常新鮮，可惜本人口味略嫌炸漿較厚，影響咗口感。其他天婦羅蔬菜正常水準發揮。✥飲品𖥕梅酒加冰 💲78 ⭐️4/5⭐️朋友表示梅酒酸甜適中，酒精感唔重，容易入口。.𖥕士多啤梨乳酸 💲78 ⭐️4/5⭐️由於我揸車無得飲酒，所以就叫左杯士多啤梨乳酸，入口唔會死甜，唔錯。➰總結餐廳以日式居酒屋作主打，裝修佈置好有心思，而且座枱寬敞，可以盡情與朋友開懷暢談，另外食物種類豐富，滿足到各種朋友唔同飲食要求，無論一家大細三五知己式者情侶都適合嚟歡聚一頓。➿➿➿#漁道樂#尖沙咀美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger#食好西 #相機食先 #香港美食#牡蠣和牛#令和の怪物#清酒煮蜆➿世上偶遇也是重遇，祝大家拼命無恙🫶🏻賣吓廣告先，一個90後偽文青鐘意食好西聽好歌去旅行😋🎵✈️有興趣睇更多好西好歌好玩推介，或者大家有好嘢Share嘅🥳請大家Follow下我IG，比D支持，多謝✨：@healoop.foodie…Read More

上次朋友幫我慶祝生日，今次輪到我做東道主請佢食日式聖誕餐。呢間係佢好想試我當然提早book定位慶祝下！餐廳裝修幾有居酒屋果種熱鬧氣氛。今次點餐貴精不貴多、風味唔錯Hoba Wagyu Beef朴葉和牛 Oyster & Wagyu Beef牡蠣和牛 Urchin海膽壽司 Eel穴子壽司 Abalone Tempura 鮑魚天婦羅Sea Grape Tea Cold Noodles 海葡萄抹茶冷麵Umeshu淨梅酒Kyoho Beer巨峰啤酒 > 總括嚟講食物水準幾好：creamy海膽入口鮮甜。牡蠣和牛配搭特別，炙燒香蠔配酥嫩A4鹿兒島和牛、不愧為店家名物。朴葉和牛粒口感腍中彈性又juicy，伴碟的香菇、秋葵和大蔥減膩消滯，以朴葉墊底令牛肉添清香味。原條炭燒星鰻香氣濃郁、肉質細緻無骨醬汁甜蜜鮮味。天婦羅炸粉酥脆香口，鮑魚有咬口，其餘的蔬菜瓜果爽脆清甜。我點嘅梅酒果味清香甜中透點微酸，朋友的啤酒巨峰味很突出…Read More

又到聖誕🎄又到聖誕🤶令人期待嘅連假終於來臨啦🤩🤩臨近聖誕節梗係要食餐勁架啦😋😋今次我哋就book左呢間位於尖沙咀嘅漁道樂🎏🎏我本身已經超鍾意食日本菜🎌🎌呢間餐廳有齊多款刺身，壽司🍣，和牛，生蠔🦪，日本料理😳😳 裝修超具日式風格🏯🎎唔講真係以為自己喺日本食緊嘢🎋🎋我哋今次就嗌咗生蠔刺身🦪漁·七點刺身🐟極上壽司大盛🍣味噌蟹甲羅🦀清酒煮蜆🍶牡蠣和牛🐮巨峰啤酒🍻同士多啤梨乳酸🍓先嚟兩隻生蠔刺身🦪🦪（$88/隻）呢2隻生蠔唔係普通料，而係令和の怪物，有手掌咁大隻，肉質非常肥美😳😳 落幾滴檸檬汁🍋🍋落去帶咗生蠔嗰種甘甜味出嚟，有種好creamy 嘅味道，超濃郁，作為生蠔忠粉嘅我食完都覺得好滿足🈵🈵🌊🌊漁·七点刺身($668) 一上台已經令我地開哂camera出黎📸📸 賣相超靚，成個擺盆勁日系，超打卡able🥰🥰 刺身超新鮮 🤤🤤金槍魚超肥美🐠，池魚，牡丹蝦，油甘魚都好鮮甜，赤貝超爽口😋海膽濃郁甘甜，配埋青瓜食超清爽🥒清酒煮蜆（$128）隻隻蜆都超大粒🤩🤩清酒配合埋蔥絲同埋昆布，更加凸顯出蜆嘅鮮甜牡蠣和牛（$198）呢個係呢度嘅絕品推薦‼️相當有驚喜😳用左A4鹿兒島和牛加熟蠔，和牛本身已經好高質，肉質鮮嫩，再配合埋燒過嘅熟蠔，口感一流🅰️🅰️🅰️🅰️極上壽司大盛（$498）8件壽司，件件都超鮮美，🎋無論係粒粒飽滿，食落去卜卜聲既三文魚籽，🍣厚切肥美嘅時令魚生定爽口嘅赤貝，全部都好好味🤤🤤🤤食到差唔多就可以叫店員幫手燒個味增蟹甲羅 （$88/隻）🦀🦀滿滿嘅蟹膏，仲有蟹肉，配埋蟹籽，蔥花同埋鵪鶉蛋🐣🐣店員一路燒，d香味就一路飄埋黎😳😳😳仲要咁岩隔離幾枱都有份，真係好香🤤🤤🤤店員燒好後就到我地食啦😋😋蟹膏超香，一啖食落去仲有粒粒蟹籽，蔥香同蛋香🤤，口感真係勁豐富🤩🤩野飲方面，我地叫左巨峰啤酒同士多啤梨乳酸，巨峰啤酒果味濃，估唔到巨峰同啤酒都可以咁夾🍇🍻甜甜地好易入口😏 士多啤梨乳酸都配搭得好好，甜度適中！爽丫！🈴忙左成年，係度食d靚野過節，真係超正…Read More

成日都話尖沙咀多嘢食～ 仲要係多靚嘢食😛 今日又俾我發掘到一間高質日本料理👏🏻 係位於金巴利道嘅✨漁道樂～一入到去已經比個環境吸引咗～ 好似去返日本啲居酒屋咁❤️右手邊仲有好靚嘅打卡卡位（有最低消費要求）。Menu內選擇都幾多😛睇落係好吸引，原來食落係更加吸引呢😆🐟秋刀魚刺身作為9-11月份的時令魚，秋刀肥美得嚟濃郁豐腴，油脂鮮甜，而且營養豐富，秋刀魚油含豐富omega-3不飽和脂肪酸～ 連同薑茸同蔥花一齊食更顯鮮味！🦪仙鳳趾生蠔壽司來自盛產生蠔聞名的北海道厚岸灣～ 口感creamy~ 🤤肥大肉厚，入口先鹹後甜，蠔味濃郁~ 正~🦪🐮牡蠣和牛非一般的驚喜配搭！以生蠔代替壽司飯同和牛一齊入口？ 😲完全無諗過係咩味！嘅然喺呢度嘅星級推介就試下～ 點知竟然又出奇地夾，兩種食材都無搶到對方的味道，食落仲有好特別嘅鮮味添👍🏻🦀海膽蟹肉反卷嘩！一上枱超吸晴係大大件的海膽、size幾乎同粒飯卷差唔多大😍 味道濃厚鮮甜！🤤大大啖海膽放入口嘅感覺真係好幸福～ 鍾意海膽嘅朋友一定唔可以錯過呀！🐟唐揚池魚仔朋友好鍾意食～ 我本身好怕呢啲炸魚仔有細骨同埋腥，點知竟然一啲腥味都冇，成條炸到脆卜卜😹可能有骨都feel唔到，食落魚脂味幾濃～ haha！同朋友爭住食～🦪牡蠣天婦羅無錯～ 又係蠔呀！ 出邊少有嘅生蠔天婦羅！呢度處理得好好👍🏻粉漿夠薄夠脆，生蠔仍然keep到juicy軟滑！仲好大隻肥美！配菜冬菇天婦羅亦都好食～🍲清酒煮蜆份量頗多，啲蜆都幾大隻，味道鮮甜，清酒湯味濃～🍇巨峰乳酸🍓士多啤梨乳酸味道酸酸甜甜，都是女生至愛呢～ 呢度嘅食物價位中上、質素真心高質！下次嚟尖沙咀食飯都可以嚟呢度試吓👍🏻…Read More

疫情持續回日本家鄉無期，為解思鄉之情經常會到訪不同的日本餐廳享用喜歡的日系美食。跟朋友聚會，特別喜歡選擇居酒屋，因為菜單種類豐富做到各適其適。漁道樂這間居酒屋在尖沙咀區風評不錯，日本食材、海鮮等標榜日本直送，有自家的魚缸保持新鮮度。裝修滿滿日本風情，有VIP榻榻米卡座可供預訂，地方闊落，感覺不錯。.✿ 秋刀魚刺身 💲298要數日本秋天最具代表性的海鮮食材，首推秋刀魚。每年九至十一月是秋刀魚的當造季節，魚肉特別鮮甜肥美。餐廳推介必試這款時令魚鮮，可選擇刺身或炙燒處理。刺身秋刀魚肉油份不多但魚味道很重，連皮一起吃，再添上一點點薑茸、蔥花、醬油以及山葵，魚肉嫩滑肥美。.✿ 漁‧七點刺身 💲668七款新鮮刺身包括原隻赤貝、深海池魚，油甘魚、吞拿魚腩、北海道帆立貝、牡丹蝦以及北海道海膽。一整盤的刺身盛陣容鼎盛，擺盤相當精緻考究，極盡視覺享受。當然各款刺身的新鮮程度無容置疑，特別是吞拿魚腩厚切肥美，赤貝是原整版本鮮甜度十足。.✿ 極上壽司盛合 💲498嫌極上版本的刺身盛也未滿足，所以再加點了師傅發板的極上壽司盛。壽司組合也有三文魚籽、赤貝、深海池魚，油甘魚、吞拿魚腩、牡丹蝦以及海膽。享用後很是滿足。.✿ 牡蠣和牛 💲198餐廳推薦必試他們的招牌作牡蠣和牛，起初沒有太上心但吃過後大為驚艷。和牛刺身經輕輕調味，在醬汁處理下滑嫩無比，帶微微香甜。牡蠣又即是蠔，口感有奶嫩感。代替了傳統搭配的壽司飯，配搭和牛刺身在一起異常地合襯，難怪有這種安排。.✿ 味噌蟹甲羅燒 💲88味噌蟹甲羅燒是餐廳另一招牌主打，是日本磯燒名物，基本上是每檯必點。特別是於秋天這個螃蟹最當造的季節，吃日本料理怎麼能少。蟹蓋內放滿松葉蟹肉、鮮甜味濃蟹膏以及蟹籽，再加上蔥花調味及滑滑的鵪鶉蛋增加濃稠度。富有濃郁海水味的蟹肉及蟹膏經過爐火一烤，蟹香加炭香四散。這種蟹膏助飯實在一流，建議加點米飯一起享用。.✿ 什錦天婦羅 💲168隨意再配搭一點熱食，不想動腦筋所以點選了甚麼也有的什錦天婦羅，包括有大蝦、南瓜、蕃薯、茄子及冬菇等。炸的程度剛好，放涼一會還是滿香脆乾爽沒太多油份。. ✿ 清酒煮蜆💲128蜆滿大隻份量很多，有淡淡清酒的味道。.❀ 原味ʜɪɢʜʙᴀʟʟ 💲78❀ ᴏʀɪᴏɴ 💲78到居酒屋豈能沒有酒？餐廳的酒類選擇不算少，選擇了原味ʜɪɢʜʙᴀʟʟ 即 ᴡʜɪꜱᴋʏ ꜱᴏᴅᴀ ᴡᴀᴛᴇʀ 及日本啤酒ᴏʀɪᴏɴ，配搭日式料理，才能盡興。..不專業食評 nei.foodie…Read More

👦🏻👧🏻對日本料理都冇乜抵抗力，咁岩有野做要係尖沙咀出沒，於是就搵左一間居酒屋式既日本料理試下喇。同日本唔同既係通常香港既日本料理都係乜都有得食咁濟，今次依間亦唔例外，壽司、燒烤、鍋物，應有盡有。種類黎講係可以既，品質算中規中矩，唔算好有驚喜，但又唔會覺得品質唔好。鮮甜度亦都係不過不失，如果比較有印象會係甜蝦同帶子，口感上都感受到唔係低價位貨。依個組合簡真就係👦🏻既至愛，和牛雖然未去到入口即融，有少少筋，但佢果個牛味係愈𡁻愈出。蠔本身有微微灼過，如果好怕全生蠔既朋友應該會比較易接受。牛同蠔兩者味道都好夾，和牛既膩香同𡁻愈咬愈香既牛味，完全唔會比霸道蠔味搶走，反而慢慢融合，昇華去另一個鮮甜味。點依一道純粹係想飽肚啲，咁佢亦都充分發揮到功效，海膽作為主角亦係不過不失，係新鮮，完全唔會有異味。甲羅燒有分2大種類，有額外調味同無調味純鮮味版，依個就係無調味版，會有專人即場幫你燒，熟度各方面都有專人為你準備，而依個專人亦相當專業，控制得相當好。新鮮度十足，烤既人係調味同熟度掌握都相當了得，相信都係工多藝熟。凡立貝最令人難忘，食完仲可以飲埋個湯汁，極鮮甜！以食物質素黎講其實整體都算中上，但係價錢就相對較高，感覺性價比唔係太高，可能因為位於尖沙咀旺區，不過食過一次真係唔會再試。…Read More

冇得去旅行接近兩年，真係好掛住日本! 朋友介紹咗一間超有日本風嘅居酒屋，所以就一齊去試吓!無論店裏店外都充滿日本風味， 有好多清酒杯，祈願風鈴牆和天花漁網，加上一排榻榻米餐枱，真係好有日本風味。因為我哋平日下晝來，所以有啲午市套餐，一共有13款揀，包是日沙律同前菜。👍🏻我哋叫咗兩個午市套餐再加額外嘅小食。🦀味噌蟹甲羅 $78@呢個係熱門菜式，基本上每一台都會食，浜燒一詞解作把漁獲即捕即燒，所以一定會揀上最新鮮嘅食材，簡單煮就已經好好味，好有鮮味！而且將蟹殼變成烹煮器具，上面放滿了蟹膏、蟹肉和蟹籽和一顆鵪鶉蛋在放上烤架前混和在材料中，再有店員serve，在你面前幫你燒好。蟹蓋一燒，就聞到好香嘅燒蟹殼味！一入口蟹膏味超濃郁，好味到刮到蟹蓋都乾乾淨淨。牡蠣和牛$198呢個和牛真係不得了，用蠔同和牛一齊食，蠔飽滿有肉汁，仲好fresh ，配點黑松露，和牛好就有油脂香味，兩者配合異常地夾👍🏻👍🏻👍🏻😋😋😋壽司定食$128包壽司6件，加一碗烏冬。包三文魚，鯛魚，油甘魚，帶子，墨魚，最愛三文魚好肥美。烏冬簡單加左昆布做配料，都好好食豐州海鮮丼$118海鮮丼大概包三四款魚生，依然係三文魚最好味！最鍾意佢將啲魚生切碎，再配合埋魚子，撈埋一齊食，每一啖都有刺身，超級好食。生蠔刺身$136其實我本身麻麻哋生蠔，但係呢度嘅生蠔真係超級肥美，仲有小小嘅海水味👍🏻👍🏻👍🏻證明超級新鮮超級鍾意呢間居酒屋，令到你有短暫嘅日本旅行感覺，加上佢食菜超級新鮮，基本上佢好簡單咁樣煮，已經可以食到佢超級鮮味，就好似喺日本嘅魚市場即食…Read More

好耐之前都食過既一間尖沙咀居酒屋😚佢哋既裝修真係無得輸 有榻榻米 有木枱 加上牆上面既和風掛畫同清酒貼紙 感覺真係好似去左日本居酒屋咁🥰係店員既推介下我地叫左以下食物 等我逐一介紹下啦😆1. 味噌甲羅燒 可以話係每次必點既一樣食物🤤 上菜後店員會幫你燒埋 每一口都係蟹籽 蟹膏 蟹肉 超幸福🤗2. 龍蝦刺身 除左各種各樣既魚生刺身之外 呢到仲可以食到龍蝦刺身😍 超新鮮 肉質好爽口👍🏻3. 牡蠣和牛 出面少有食到既配搭 飽滿既燒蠔上放上一大片和牛 睇到已經流哂口水🤤 蠔肉鮮甜爆汁 好正😋4. 秋刀魚壽司 呢個季節食秋刀魚最新鮮最肥美甘香👅5. 一夜魚乾 超大條新鮮燒超 加少少檸檬汁已經好好食🤩6. 海葡萄綠茶冷麵 少有見到既配搭 低熱量既海葡萄口感爽脆 帶海水味 所以配搭冷麵食真係好岩👍🏻7. 巨峰燒酎 想飲少少酒精不妨挑選果味燒酎 易入口又唔會太甜😈8. 乳酸梳打 想爽下就當然要揀返一杯梳打 配甲羅燒就一流🌟…Read More

味噌蟹甲羅($78)，蟹膏味濃郁，吞左之後既餘韻仍然停留在口腔中，好味到刮到蟹蓋都乾乾淨淨。磯煮鮑魚($128)，共9片，切得波浪紋狀，賣相好吸引食慾，爽口得黎帶少少煙韌口感。軟殼蟹天婦羅($128)，有軟殼蟹、茄子、秋葵、冬菇、南瓜，軟殼蟹炸過本身都脆，再加上包住軟殼蟹既簿脆粉漿，簡直脆上加脆，另外南瓜都係我個人比較喜愛，因為好甜。薩摩手羽($88)，共2隻，雞肉好嫩有肉汁鎖住，外皮脆身帶少少焦香。牡蠣和牛($198)，用蠔同和牛一齊食既配搭好新穎，蠔飽滿有肉汁，而和牛就有油脂香味，有埋黑松露做點綴。秋刀魚壽司($148)，係期間限定壽司，秋刀魚一般比人感覺用燒既方法去處理，但原來做魚生壽司同樣無得頂，鮮味好突出。特選壽司盛合($298)，八貫壽司，色澤方面每件都好鮮豔或者晶瑩剔透，證明食材新鮮，帶子好軟綿綿好滑身，吞拿魚亦好鮮甜，而且仲係厚切。海葡萄綠茶冷麵($128)，點左一款喬麥麵，飽肚得黎又可以食得健康一d，沾麵既汁亦比較清淡d，可以食多d喬麥麵都唔怕，一粒粒既海葡萄增加食用時口感層次豐富。…Read More

男朋友仔生日，知佢中意食日式料理，加上成日喺網上見到佢哋嘅宣傳，知道新開又有舞跳，成班朋友就諗住豪一豪，約咗佢嚟漁道樂！（原來星期五先有舞跳，冇計鬼叫生日冇得改期班男仔有啲失望，哈哈）門口裝修一流，由外到內滿滿日本風開始點餐，原來佢哋好多野食，有浜燒，有飛機魚刺身，有各種燒物⋯淨係點都點左我哋一段時間。登登登登，最後被選中佳麗為：（點咗太多，只列出其中比較特別的）1. 一口柚龍 限量2. 龍蝦刺身 3. 牡蠣和牛4. 金目鯛刺身日本招牌深海魚，男朋友全晚最愛5. 漁·七點刺身6. 樂·活貝盛合活貝真係活嘅，全部都郁㗎比起其他冰鮮嘅，完全兩個感覺。即場燒，仲幫我地調味，原來加咗酒同無加酒係好唔同嘅。食完好想飲酒，可識揸車冇辦法原來餐廳理念係日本人主理，整體用餐體驗非常好，俾90分！睇得出日本人嘅用心不過客人太多，侍應有啲應付唔黎，希望可以多啲人手不過依家咁嘅市道，明白嘅。辛苦咗一年，希望聖誕有機會再嚟食過同場加映，小妹最愛！前後叫咗兩份！7. 海膽蟹肉反卷…Read More

熱鬧地區不敢去？不會啦，每日坐在家中真的接受不了，一定要到處走走才是我的風格。有好幾個人問我「尖沙咀」有沒有一些美食攻略？我說「尖沙咀」既野食多到數唔晒，縮細少少範圍好嗎？隨即她說，日本菜、刺身、壽司、有埋海鮮、浜燒都不錯，那我便回她一句。【漁道樂】啦。近期有她幾個食過都唔錯，最緊要就腳。然後竟然被她拉去共進晚餐，幸好都算是自己選擇的。日本新鮮直送、浜燒海鮮為主打，既【漁道樂】呢間日本料理位於金巴利街，非常容影搵到同搶眼。一望門口就知道係日式居酒屋。行多兩級就見到好多日本酒款，好正好正。門口慢慢打開，地方頗大，被想像中佔地甚廣，環境寬敞舒適，木系加日本完素永遠都好夾同埋好似當地🇯🇵既設計， 室內掛滿了日式旗布、紅白藍三色燈籠、玻璃風鈴等，裝潢充滿日式感覺。心情都放鬆左。而且設少量榻榻米座位，又有兩間VIP房，一大班朋友來聚餐都正！Like IT!。Menu，都清楚簡單亦都有介紹自己餐廳背景，幾細心...入面有浜燒活海產、另有各種熱食，刺身，壽司...眼見都見到場內放了一個大魚缸，用來放養活海鮮，入面水質明亮，設有獨立水泵，海鮮的新鮮度應該有番咁上下。🔹牛油果軟殼蟹沙律 $88不只賣相不錯，亦很美味，滿滿嘅軟熟牛油果加上大大隻酥脆嘅軟殼蟹，永遠都係常見既組合。口感和味道俱佳，脆卜卜的軟殼蟹配上淡淡的清爽消膩既既牛油果成件事味道好夾沙律 。真係都大隻又多肉呢。🔹漁道樂-七款刺身 $468七點刺身、有齊時令新鮮既刺身片，美味指數爆左登！！！▪️「三文魚，海膽，牡丹蝦、拖羅、油甘魚、吞拿魚、帶子」單看刺身色澤就知道極為鮮味、真係好新鮮，而且均為厚切, 完全滿足到我呢個刺身控， 所謂一分錢一分貨，質素果然有返咁上下!▪️海膽，好豪氣，因為比了一大碟，味道濃但又唔腥，入口即化，好鮮甜，滿足感滿滿。▪️油甘魚同吞拿魚好肥美甘香，油甘魚已經回左油都係厚切啖啖肉大滿足。▪️三文魚同拖羅脂肪精華味道濃郁魚香持久，吃得滿口甘香，不過呢款冇筋既！▪️帶子貝殼類較為受歡迎，而帶子可算是當中最受歡迎的一種，呢度夠大隻，肉質又細緻！！直接吃其原味更好。因為食材新鮮基本上不用沾芥茉醬油，對吧？！🔹浜燒蟹甲羅 $272令人期待的浜燒上場，成程都係店員會幫手燒好，所以完全唔洗擔心時間掌控，幾時先熟，會唔會過左火喉？因為店員專門處理火候恰到好處。蟹甲羅既滑又甘香，香噴噴，襯熱食，燒蟹甲羅既蟹殼內「有蟹膏、蟹籽、蟹肉、牛油和生鵪鶉蛋」，店員先將蟹殼放上烤爐，然後把所有材料攪拌，再慢慢煮。入口蟹味香濃，最正就係可以食到粒粒蟹籽的爽口感。BTW，好多蟹肉，超醇厚！芳腴之既質感！🔹漁道樂軍艦 $168一次嚐盡不同口味壽司，6 件軍艦都係用薄青瓜絲🥒包住飯整成外表的確係幾靚更添一分清新。滿瀉的食材在叫我別猶疑了快一口吞下，有邊幾款呢？「碎粒鮮甜蟹肉 、爽口彈牙既蝦子、軟又香的吞拿魚蓉、香咸既三文魚子、juicy既海膽、豐富既魚生雜錦」真心每件食到我地都讚到不得之了，壽司飯都整得有口感，新鮮食材，青瓜口感爽脆，好意外所有配料都同壽司配合。好味！🔹明太子燒玉子 $68日式玉子燒方平煎鍋，在家試過沒有？明太子的特殊味道搭配玉子燒，本身都厚度足但又夠軟嫩， 雞蛋的香甜融合了明太子的鹹香，更提升玉子燒的口感，是非常棒的美味組合啊！🔹雞皮餃子 $98這客餃子是店員特別推介嘅，果然無介紹錯，餃子新鮮即炸，雞皮好脆口，雖然份量係少左D，但係皮脆肉嫩，仲要飲埋Highball，So Match。🔹牡蠣和牛 $238牡蠣和牛、極之少見，別字已經別具特色，好像FineDIne或酒吧菜式似的。人如其名用左蠔做底再放和牛上去，先將和牛微微炙熟軟滑彈牙，揀D牡蠣飽滿肥美，再以醬油提味，成件事充滿甘香用得著互相輝映這四合字。不過試一次就夠因為成合感覺好生，但朋友們就喜歡極了。滿足的一餐，日本料理就是能慰藉心靈呢！不過有野飲點得架？想喝一點點酒品❓來杯容易入口既檸檬可樂highball＋朋友點的柚子梳打先！.🔹檸檬可樂highball $60我好喜歡飲威士忌，但朋友直接純飲威士忌就說是不是讓人覺得壓力有點大呢？這個時候不如喝一杯Highball吧～來杯容易入口既檸檬可樂highball🍺。邊吃浜燒邊喝highball特別爽的，冰涼爽口又可以係屋企整到，太正了吧！🔹柚子梳打 $68一半柚子一半梳打，柚子味好濃但又無搶走梳打少許既味道，易入口又好飲，岩晒女生，果香甜味配日本野係唔錯既。由店外到店內都完美呈現出日本風！環境舒適，配埋輕音樂...我相信凡事有類似主題或中心思想般的東西，總比較漫無目的好，在「形而」更強調的是品味。對我來說，「品味」就是「選擇」及「判斷」。今晚呢餐我覺得我既選擇沒錯的，【漁道樂】作為浜燒活海產既日式居酒屋，試過既你以這個基準來說，應該誰也沒有太大爭議了。…Read More