Gyujin Shabu Shabu & Sukiyaki Restaurant

唔知大家有無聽過乜野叫生酮飲食, 即係人稱食肉減肥法, 就即係除咗糖同澱粉之外, 其餘乜都食得, 難得中秋放假就同老婆兩個出去搵食, 但香港想搵間生酮餐廳真係有啲難度, 打邊爐係一個唔錯啲選擇, 淨食肉, 少醬少汁又可以好食嘅就一定係食和牛喇, 今日我哋就去咗旺角牛陣打邊爐, 淨係ORDER咗黑毛和牛同牛舌, 打邊爐啲肉靚已經嬴咗一半, 加埋個湯頭夾的食材就嬴晒：粙子湯其實個湯有啲清, 有少許粙子甜味, 加清新感, 淨食牛肉係幾夾, 唔會太油膩, 好啱生酮飲食人事食用。黑毛和牛油花雖然唔係最靚最頂級, 但208位, 啲牛入口即熔, 有和牛油香, 再配粙子湯嘅清新感, 減少牛騷味, 係好食嘅。牛舌薄切, 無渣, 爽口, 有牛舌味, 一口一片, 好食。是日兩位食咗九碟黑毛和年, 兩碟牛舌, 再加的菜, 係抵食嘅, 自己要料, 460都買唔到咁多份量嘅黑毛和牛, 如果淨係食和牛係抵嘅。…Read More

朋友考車牌一take pass，就一於慶祝一下。她是一個哈日族，對日本劇集、文化、飲食等都非常講究，她指明要食壽喜燒，因為她說傳統日本人食壽喜燒等於有喜慶事要慶祝，所以食壽喜燒就等於歡樂和喜慶。她提議到有好多分店的牛陣慶祝，我就揀了我們兩個人都方便的旺角分店。旺角牛陣位於文華商場，在朗豪坊對面，附近就有好多地鐵出口，好方便。店內環境開揚舒適，座位擺放設計好好，基本上每張枱最少有一個座位是梳化位，枱與枱之間亦唔會太迫，而且抽氣都做得唔錯。放題套餐有平有貴，由HK$159的牛陣上選牛肉，到HK$349的日本鹿兒島直送特選和牛及黑豚肉亦有。我們選了日本鹿兒島產黑毛和牛放題HK$289套餐，並因為在推廣期內惠顧指定的黑毛和牛放題套餐，所以免費升級至「牛すき焼き鍋」。飲品選擇亦多，罐罐都非常冰凍。這裏的壽喜燒採用正宗的關西食法，店內亦有指示咭。首先，先把日本鮮雞蛋在碗內打勻。日本鮮雞蛋蛋黃金黃，蛋味濃郁。然後在鑄燒鍋內加入和牛脂肪燒熱，炒香洋蔥和京蔥，之後加入油花分佈得好靚的鹿兒島產黑毛和牛入鍋內，每面炙兩秒，再加入兩湯匙的壽喜燒甘露，造成壽喜燒牛肉。鹿兒島產黑毛和牛入口即溶，充滿牛香，蘸上金黃的蛋汁，入口更顯香滑。鹿兒島產黑毛和牛是無限添加的，我們叫了幾碟，碟碟都好靚，色澤均勻，絶無欺場。之後，還可以任意加入無限添加的嫩滑豚肉、爽滑千舌、肥美廣島蠔、爽彈帆立貝、鮮味原隻魷魚、多樣化自助吧配料等，以壽喜燒方法烹調，味道同樣豐富美味。食到咁上下，可自己將壽喜燒甘露和日式清湯混合調配成自己喜愛的鍋底，放入蔬菜、肉類、麵食等配料，又是另一番風味。最後，當然唔少得任食的Haagen-Dazs雪糕，有四款味道，味道與在專門店的一樣，雪糕香滑，奶香味濃，食幾杯都回本。…Read More

平時食聖誕大餐多數是選西式，今年來點新意思，反傳統去打邊爐，而每次一提起打邊爐，通常首選有牛陣，因為可以任食我最愛的Häagen-Dazs雪糕，今次就來到旺角分店。雖然店面面積不大，不過座位尚算寬敞。近期剛推出最新冬日限定「冬戀美鍋」90分鐘放題套餐，所以就決定一試。冬戀美鍋湯底是用上美肌骨膠原雞白湯，湯身略帶濃稠，可以見到浮油不多，少了一層厚厚的油花。雞白湯是真材實料以雞熬煮出來，鮮甜香濃，不會很重味精味，湯頭的濃厚度，感覺就像喝了一整碗的膠原蛋白。重量份量，足夠兩人撐著肚子離開。冬戀美鍋可以任食日本鹿兒島直送「美人和牛」，數量不限。只要放和牛於鍋內輕輕涮5至10秒就已變熟，和牛擁有均勻的油花紋理，肉質鮮嫩。牛舌切得薄片，熟透後也未有變得過韌。豬柳肉肥瘦勻稱，切得薄片，肉質細嫩。冬戀美鍋套餐包括美肌蔬菜盤和手作雞滑，減低打邊爐的罪惡感。自助吧有多種丸類及蔬菜自由選擇。丸類質素不俗，口感彈性爽口。很難得打邊爐提供superfood 羽衣甘藍，放到雞白湯涮一涮，去除羽衣甘藍本身的苦澀味。打邊爐的其中一個好處就是蔬菜類選擇很多，平時外出進餐有時也真的很難有機會食到大量蔬菜，也可避免因過量進食肉類，而攝取過多脂肪。薯粉口感煙韌彈牙，更可以吸盡濃郁的雞白湯底，滋味無窮。自助吧還有粟米忌廉湯，質感creamy，只是稍嫌鹹了一點。日式煮物是以甜甜的醬油烹煮，帶出蘿蔔的清爽鮮味。任食Häagen-Dazs雪糕更是邪惡誘惑，我們兩個人一共吃了九球之多，超滿足 ^o^冬戀美鍋附上每人一份水信玄餅和菓子，賣相予人素雅精緻的感覺。水信玄餅像水滴一樣晶瑩剔透，本身是無色無味的。淋上黑糖蜜和黃豆粉享用，放入口內一下融化，可說是甜蜜圓滿的和風甜點。加$12就可選一罐飲品。…Read More