又到星期六，同男朋友一早去健步到灣仔中環海濱長廊，再到上環覓食。最後去中環羅富記食中式早餐😄😄店內人唔多，姐姐們都好友善，為我介紹下⋯油條 - 都幾大條，脆口，配粥一流😉及第粥 - 有3塊豬潤，2粒豬肉丸，豬肚和豬腰。豬潤要比like 和讚👍🏻，好好食，好嫩口，唔會覺得鞋；豬肉丸好彈牙，相信打左好耐先有呢個口感；粥底唔太結，是我地喜歡既質感，幾好😋😋蜆蚧鯪魚球 (小) - 忘記影相😅，係有3粒。炸好上檯係幾大粒，幾香口。充滿有陳皮味，但魚肉唔會係好實果隻，加埋蜆蚧醬，味道好夾呀。牛腩撈麵 - 個幼麵好大個，爽口彈牙，鹼水味唔太重，口感上乘，反而牛腩就一般。姐姐們都友善，係會感受到老店的人情味，而非一些小或老店會唔理人。應該會再返來食粥😆😋…Read More
