The Veggie

朋友一年一度回港探親，唯一條件就係想搵間方便湊小朋友既餐廳，於是帶左佢去距離地鐵站唔太遠既素食中菜試試。二人餐 ($388)五味人生可以話係我見過份量最足既冷盤，本來預期味道清淡以食材原味為主，估唔到雪耳、木耳同山藥都用上湯煮過，夠味又爽口。 蒟蒻切成魷魚狀，辣辣地幾惹味。 店員介紹中間'鮑片'要點芥辣豉油，食落索索聲有彈性，整體幾款冷盤都好滿意。椒鹽素魷魚如預期般食落似魚片，彈牙惹味。黑松露糯米燒賣黑松露醬味道濃郁，可惜食開肉餡燒賣，唔太習慣糯米燒賣粉粉地既質感，但見夾左幾款菜都幾健康。尚品素湯第一次飲素湯，湯料唔多，只撈到少少蘿蔔所以開頭冇咩期望。 估唔到用豆黎代替豬骨熬湯原來好鮮甜，同平時飲到既老火湯一樣咁香濃，朋友都大讚有驚喜。咕嚕甜酸素肉一直對扮肉既假齋有少少反感，因為唔健康又味道麻麻。 呢味咕嚕肉竟然一改我印象，麵筋炸到外脆內嫩又乾爽，似偏腍既豬肉，重點係甜酸調味恰到好處，配埋新鮮多汁既菠蘿完全食唔停口。川式龍口粉絲原煲上既炒粉絲熱辣辣香噴噴就無可厚非，最欣賞既係調味辣辣地好惹味，仲隱約食到少少肉碎，其實我直到呢刻先醒起我係食緊齋，大概素菜最高境界就是如此。一行三人驚唔夠分，所以叫多左兩款。牛肝菌香煎芙蓉鮮竹($138)現實與圖片一模一樣，除左腐竹既豆香同煎餅既香氣，牛肝菌獨有既濃郁菌香亦令人一試難忘，物有所值。黑松露松子仁炒飯 ($98)炒飯粒粒分明，每粒都沾滿香濃既黑松露醬，一啖咬埋面頭脆口既松子仁，完全令香味更上一層樓。 單單只有黑松露味難免會有少少膩，值得一讚炒飯加左蔬菜同雞脾菇粒，感覺清新。本來見二人餐菜式數目唔多，預期唔太飽肚，估唔到樣樣份量都好足，散叫多兩款實在太貪心喇，最後未食甜品就飽到要打包走人，十分抵食。第一次帶埋BB用膳，BB肚餓扭計就難免。 值得一讚由安排僻靜座位、準備BB椅去到盡快上白飯俾BB醫肚，店員都盡善盡美，態度友善，大家都稱心滿意。…Read More

身邊素食朋友約食飯，地點當然由佢負責。收工過到黎觀塘見時間尚早就睇左陣STARWAR展先，等到朋友都到埋就行過黎尚素。路程唔使五分鐘，都幾就腳。因為餐牌實在太多選擇，朋友驚我選擇困難症又發作就揸主意點左個二人餐。二人餐可揀嘅其實都幾多，同埋價錢都幾實惠。餐湯係老火湯同竹笙燴素翅。飲落好夠火候同清甜，啱啱近排寒流龔港飲完暖笠笠。本身係可以升級做松茸湯的但見我地之後幾樣菜都係菇菌就唔升了，驚補得濟。頭盤係叉燒配海蜇及苦瓜涼伴珍珠耳。一食叉燒都真係有啲食肉嘅錯覺，用腐皮做成嘅素叉燒無論造型同埋味道都好真，燒焦香加埋入口甜甜咸咸咁真係幾好食。而海蜇係用蒟蒻做成，入口滑溜溜又有少少彈牙。微量麻辣味道十分開胃。珍珠耳都幾爽口，加上苦瓜除左好多苦味。兩者一齊食麻油香同回甘味夠清新。同叉燒一濃一清咁，配搭得幾好。麻香擔擔麵。份量十足，雖則係二人餐但份量足夠三至四人分都無問題。配料睇落唔多，但味道好濃郁。花生香同芝麻香十足，麵質夠彈牙混和花生碎同炸蒜夠晒香口惹味。干窩煸榆耳。榆耳睇餐牌介紹係高蛋白低脂肪嘅食材，又可以行氣活血係秋冬進補食品之一。除左榆耳入面仲有包括白木耳／珍珠耳／冬菇同埋秀珍菇等，十分豐富。因為仲用左幾樣鮮／乾辣椒黎爆炒，所以味道偏香辣濃郁，配上腰果食令人口除左榆耳本身嘅爽口仲多左層脆卜卜嘅口感。食多幾口都唔會覺膩。食完都未夠喉，我地點多個牛肝菌腐竹煎蛋。經過香煎後嘅牛肝菌同腐竹，除左香口之外亦保持軟嫩。菌香，蛋香，同豆香均勻，平平無奇嘅煎蛋係加入其餘兩樣材料之後，意外的好食。最後食埋糖水蓮子桂花小丸子，清甜又解辣。聽朋友講近年素菜愈來愈多變化，而呢度採用養生保健菇菌概念製作，醫食同行得黎又夠好味，朋友今餐真係無介紹錯。…Read More

星期六晚黎左呢間觀塘中式素食，即日book位都有位，但去到都幾爆差唔多坐滿。環境較暗，但地方算大，幾寬敞，抬都唔會拍到好迫，而且好多大圓抬，幾適合一家人黎食。食物選擇好多，偏四川口味，好多麻辣酸辣菜式。假海蜇都算做到爽的口感，青瓜冇乜味，海蜇少少麻辣幾惹味。咕嚕素肉就少少失望，完全唔係酸甜，只有酸味，太酸，素肉得好少，唔好食。呢度菜反而係驚喜，煎餅好香，好有蛋的感覺，佢用左腐竹加麵粉漿營造蛋漿的質感，加入左牛肝菌好香，而且唔會煎到好多油，好乾身，食唔停口呀！酸辣土豆絲我好鐘意食，佢的土豆絲整得幾好，夠爽身，唔會太淋，但個味道就少少過酸，平衡返個酸辣味會好啲。粟米羹冇乜味，黃耳幾爽，好似雪耳咁，但整體冇味。呢個蓮藕煲又係失望，蓮藕太淋好粉，一啲都唔爽口，魔芋有啲似上海個啲前菜窩夫的口感，好似海棉咁索哂啲汁，但個南乳汁其實麻麻地，又係唔夠味。牛肝菌炒飯一上抬好香，但食落反而又冇乜味，普通炒飯的味道，牛肝菌食落有少少苦澀味，而且有少少沙，香味夠但味道就好一般。素食店好講求創意，呢間幾有特色加入左啲四川風味，但好多菜式都味道一般，只有色香冇味，但勝在環境同款式多搭夠，都係唔錯的素食選擇。…Read More

今日要見一個食素嘅客，呢度環境似乎不錯又方便，所以試吓先。lunch有做任食優惠，不過同客嚟食就唔好喇，於是散叫牛肝菌香煎芙蓉鮮竹 ($138)平時食開都係煎芙蓉蛋，呢道菜真係有趣。用腐竹扮芙蓉蛋，非常有新意。先將新鮮腐竹切碎，加入牛肝菌後再煎成，由於腐竹比較薄，其實要煎得靚又唔爛係有啲難㗎，但呢個整得非常靚，外層脆脆咁，但咬開就仲好軟綿，腐竹味道香濃，值得推介！菌香尚素福袋 ($138) 每個百福袋都漲卜卜，咬開入面好足料，有沙角、西芹及好多菇粒等，口感爽脆juicy，黑松露味淡淡，唔會過濃，好味松茸露荀炆米 ($118)份量夠多，炒得夠晒鑊氣，米粉口感啱啱好，唔會好腍，不過感覺上油咗啲松茸炒桂花翅 ($128)啲翅嘅口感同真嘅差唔多，煙韌嘅素翅、爽脆嘅芽菜、加上粒粒松子，口感非常豐富！呢度環境企理，檯與檯之間夠晒闊落，坐得舒服，傾偈啱晒…Read More

發現官塘工廠區有間食齊，又好似幾特別和創新，款式同齊舖有點兒不同，自己己有幾年冇食齊，於是就選擇呢間尚素，餐廳環境舒適寬敞，仲有梳發座位，相約朋友吹水一流。餐牌菜試新穎和特別。苦瓜切得下會太厚，苦瓜好爽口好香麻油味。菠蘿咕嚕魔芋外層好鬆脆，內里好軟熟，配埋爽脆青椒，清甜菠蘿加埋醬汁酸酸甜甜，非常開胃😋蜜汁叉燒拼海蜇：叉燒好軟熟又入味，海蜇爽口。牛肝菌香煎芙蓉鮮竹外層煎到好軟熟，有好多牛肝菌和芽菜的香味又不會太咸。重慶龍口粉絲粉絲好軟熟又不會煮到太淋，有少少微辣好夠味道。綠色可樂好少見，味道淡淡的。…Read More

老爺奶奶平時幫我地湊B湊得咁辛苦，真係想好好地慰勞下佢地，請佢地食一餐既豐富又健康的晚餐。地點當場選近返佢地住處啦，請老人家食飯當然健康是好重要，所以一於選中餐素食，一定唔會錯!在OPENRICE SEARCH觀塘素食就好快見到呢間尚素了，上星期打去BOOK，尋晚去左食~我地一行5人，連埋BB，幸好餐廳有BB椅, 餐飯食得安樂好多~~店入面中式簡約設計，坐位好舒適寬敞~老爺奶奶都好鍾意~睇下MENU先~有個好多野食的4人餐，二話不說不選了~入面有D要加錢我菜式，我地因應各人喜好就加點左一D升級菜~主MENU仲有個SIGNATURE DISHES, 牛肝菌煎芙蓉鮮竹，黎到點都要試下啦~先黎幾個湯先, 每人一碗，特登加錢叫左個羊肚菌松茸燉湯俾老公~俾佢補下~因為佢係老闆~請食飯果個~偷偷試左佢一啖, 好真材實料, 素湯可以有如此濃郁味道真厲害~老公話個涉絕對值得加錢飲~!超正WOR~我地另外3碗就係清補涼~清清地都幾夠味架~之後黎左兩個點心，水晶菜苗餃同埋黑松露香福袋~全都皮薄餡靚好新鮮呀~咬開幾多餡~~~叫左菠蘿咕嚕魔芋，睇個名以為魔芋係好似JELLY果D，原來食落好似實係食馬咕嚕肉咁架～好開胃～叫套餐任何升級食品仲送每位一杯果醋喔～有蘋果同桑堪果醋選擇～兩隻味都幾清甜～呢個望落成舊韓式炸雞咁嘅原來係。。。。。。南乳猴頭菇是也！好香口同埋炸菇係有種說不出的香味，就好似薯片咁，令人慾罷不能。咬落都好鬼似～呢個就係尚素燴飯了，好似福建炒飯呀，不過是健康好味版！全家都覺得D汁做得好好味～呢個不得不介紹，真係令我大開眼界～！店裡招牌菜：牛肝菌煎芙蓉鮮竹（＄138 ）外脆內軟，個鮮竹比樹記更滑，夾落去好似煎熱左的半溶芝士咁！簡直是MASTERPIECE！有邊個諗到腐竹可以整到好似芝士咁香滑，而且仲要做到面層香脆效果，為之一絕！大廚果然是高手。是近來難得一見的好菜！連我BB都食到LAMLAM脷其餘就OK啦～呢餐的確好有驚喜～值得推介～…Read More

近月因各種原因，都少有找朋友吃飯；後來終於有朋友忍不住要拉我出來吃飯，地點當然是由我選啦，於是就來了我一直都很想吃的「尚素」。我和朋友都是半個觀塘人，所以覺得這棟位於商廈商場的「尚素」地點也算方便（其實在駿業街熟食中心斜對面）。餐廳陳設是典雅的，座位也不算太擠。觀塘這一帶的商業區入夜後就沒什麼人流 ，想不到周五晚上竟然全場滿座，不訂座的話一位難求。現時「尚素」正在做一個優惠，就是三月及四月份於晚市時段享用「蘿蔔千層酥」、「黑虎掌碧玉蒸素餃」和「意式松露香菌餃」，即送同款點心一籠。這裡的點心是每天當店即製的，當然不可以錯過啦。可惜蘿蔔千層酥已售罄，於是我們點了「意式松露香菌餃」。一籠三隻，剛好夠分，買一送一還可以一人多吃一隻。話說這款黑松露餃年前始創於一家中式新派素食館，經過數年的發展，已「發揚光大」到不同的素菜館都有得吃了。透明的餃皮很貴氣，混了黑松露醬的菇粒也香口，沒有不討好的道理。跟着到主菜時間，點菜後才發現我們點了很多豆腐類菜式。首先是大廚客家豆腐煲（$98）。印象中我自從吃素好臭沒有吃過過客家豆腐這道菜（那也很正常，因為我不是客家人嘛）。餐牌上寫著是推介菜式，加上使用香港老字號珍香園的豆腐，應該差不到哪裡去吧。結果也沒令我們失望。豆腐上釀了少許像是素肉的東西，個人並不特別反對素肉，有時若是為了保留原來葷菜的特色，我覺得用少許也無妨。的確是很香口，豆腐也綿密，保留到客家豆腐的神髓，當然我們也立即叫碗白飯來伴吃啦。跟着有一道我一看見就想點的菜式，便是透牛肝菌香煎芙蓉鮮竹（$138）。這一道菜是貴得有道理的。其實它是純素的菜式，是在「扮」香煎芙蓉蛋，卻又要沒有蛋，是不是很神奇？秘訣在於把新鮮腐竹切碎，再混入牛肝菌，細心煎煮而成，非常花工夫。我也有吃過加了蛋的煎腐竹，不過這個因爲沒有了蛋的黏力，所以難度更高；難得的是出來的效果一流，外面略為焦脆的外皮，腐竹卻仍軟嫩，加上牛肝菌的香和少許芽菜的香，大家都讚不絕口，當然也是非常好下飯的菜式。寫到這裡竟然忘了另一個同樣是有腐竹的小食：鮮淮山伴腐竹！這個比較清淡，不太鹹。原來到甜品時間才最精彩！都說女生有兩個胃，第二個是用來裝甜品的。甜品方面我們最初只叫了一客黑芝麻卷 - 好吧我對這種懷舊點心總有種情意結，這裡的還特意做成兩層，那層「皮」是黑芝麻和椰汁味兩層口味的！然後朋友見到有純素雪糕，於是又點了兩杯。這是本地品牌的用椰奶和椰棕糖製成的雪糕，我自己不時買來吃，朋友們第一次試吃覺得很新奇，覺得不像一般雪糕但試過後她們也覺得好吃。接着大家又發現填網上問卷有糖水送，於是得到紅豆沙和番薯糖水。可是吃蕃薯糖水的，感覺是「勁薑」！於是我們吃到撐住肚子離開，每人也只約 $150 有找，算是合理的價位。想吃豪華一點也可以，他們有高級的菌類菜式啊。好在是晚比較繁忙，出菜不算很快，可以慢慢敘舊傾計。（我也吃過他們的午市點心套餐，選擇困難症患者可以多試幾款了。）…Read More

聽聞左呢間素菜一段時間，適逢生日可以請全家一齊去試。除左相片既送我地仲點左一個桂花糖炸饅頭，桂花糖唔會係死甜味，食得出應該係自己釀。出街食素好多時避唔過一定會有好多加工野，即係用豆渣整成啲假肉咁，食得多呢啲分分鐘想健康變左食多左化學野。所以想食尚素就係因此係佢FACEBOOK 見到佢菜單上偏向都係用天然材料而唔係用假肉做呢樣做個樣。淨係食啲貴菇菌其實都預左比坊間既素菜貴一啲。所以埋單唔會話覺得太貴，算叫做合理亦係近年難得地食完屋企人都覺得可以再黎既餐廳。…Read More

近來官塘工廠區內開了不少餐廳, 同事見好近公司,相約我到尚素食素晚飯。 地方裝潢雅緻不錯及寬敞, 有卡位及圓台選擇坐。* * * 先來小食【酥炸秋葵 】 酥炸秋葵口感鮮嫩清脆爽,帶點黏汁液,非常好食。＊*【紅燒竹笙燴素翅】 呈現金黃羹湯,味道不會太淡,口感也不錯,有甜脆嫩的竹笙等,令素翅爽中帶滑,十分美味。＊＊【牛肝菌香煎芙蓉鮮竹 】 $138 這菜外層煎得好十分香脆,芙蓉蛋內有多層鮮腐竹,口感甘香、味鮮、軟滑無比,並加了牛肝菌, 香味更豐富。*＊【干窩煸榆耳】  第一次食榆耳似筋煙韌口感, 加上有爽脆木耳、脆香腰果等, 口感味道更豐富,味道香辣辣地, 十分上癮開胃, 是送酒不錯小菜。*  *  【黑松露松子仁炒飯】 炒飯帶淡淡黑松露,如濃一點會更好, 配上什菜 、脆脆的松子仁及銀魚乾, 炒飯炒乾身不油膩, 十分滋味。 *  *  * 最後點來甜品 【蘆薈杞子桂花糕 】 這桂花糕內有杞子及桂花粒,啖啖清甜滋潤好味。…Read More