朋友介紹特色日本料理屋，前幾晚入內一試。藏身於鬧市，街檔旁邊的一間日式居酒屋。一入店內，滿佈日文字的海報，加上日本音樂，猶如置身日本。店員態度親切殷勤，盡快安排位置，點嘅菜都好快上枱，感覺不錯！加上店舖店舖內的座位寬敞，沒有趕着走嘅感覺，舒服！先來一個三文魚刺身，雖然只有四片，味道新鮮，Size啱啱好，入口即溶，每人兩片，剛剛好。因為三文魚實在太好食，再來一個三文魚加州卷，細細粒容易入口，三文魚加上沙律醬，整個組合，好像一口壽司，比起平時的加州卷，好味好多！接着係鐵板牛油帶子，來到枱上的時候，鐵板樣食物嘅溫度剛剛好，牛油帶出帶子嘅香味，冬菇及金菇成為配菜，每一口牛油帶子香到一個點，唔捨得吞落肚！帶子嘅size，完全沒有偷工減料。然後鍋仔手打烏冬，以及牛肉壽喜燒鍋一齊上，手打烏冬非常嫩滑，配合海鮮嘅配料，飽肚好味，壽喜燒雖然可以在家煮，但係佢哋嘅汁超好味，令當中嘅餸菜牛肉，入口惹味！兩個人食五道菜，略嫌太多，但係有一個也不能少，大滿足的一個晚上！…Read More
餐廳超位置方便就唔洗多講，裏面嘅裝修都值得一讚，雖然唔算好精緻奢華，但佈置得滿滿嘅日本風！
餐牌食物選擇幾多，望落去價錢唔算太貴。當晚我order左以下食物：壽司叫左幾款，每一件都賣相好吸引。當中嘅海膽同埋火炙燒帶子好新鮮，而煎鵝肝壽司更加係超正，因為鵝肝煎得超香，好味到要encore
燒物方面，我好滿意當日order嘅厚切牛舌串，因為師傅真係厚切，而且燒得剛剛好，好juicy！
另一道燒物北海道直送燒魷魚筒都好正，雖然隻魷魚本身唔算好大隻，但勝在鮮甜，配合埋啲醬汁一齊食非常過癮！
炸物方面，炸廣島蠔炸得好脆好香，不過略嫌啲蠔比較細隻，不過都好鮮甜嘅
見牛肉壽喜燒價格相宜，以為份量會好少，點知店員攞上黎係咁大兜！啲牛肉好多塊，而且頗新鮮，食埋啲菜同豆腐真係夠曬飽！
總結：呢間餐廳食物質素幾好，價錢合理，值得推薦！
