Niu Jing Wong (Closed)

天氣終於開始凍凍地，即刻搵個地方打邊爐先。講開打邊爐，九龍城真係好多選擇。今晚就俾咗門面呢個牛頭吸引咗，入去試一試。呢度唔限時，唔使趕頭趕命，正👏👏👏！同店長傾開，原來呢間舖頭都開咗九年，主打精選牛肉，有好多唔同嘅部位。而家仲有刺身同海鮮成盒，方便鍾意食牛之外又想食海鮮嘅朋友。藥膳醉雞鍋 (💰$168)淨係藥膳湯底已經有16款，平貴任君選擇，我就揀咗個藥膳醉雞鍋試吓😛。牛皇拼盤 (💰$488)講到明食牛，一定要試吓呢個牛皇拼盤。淨係睇個擺碟都知道唔少嘢🤭唔係淨係hightea先咁擺㗎。安格斯牛肉粒、牛頸脊、牛舌、牛白肉、雪花肥牛、金錢牛𦟌，六種部位，六種口味。我最鍾意嘅當然係牛舌。牛白肉個口感都好得意，值得一試，因為出邊真係唔係成日見。總括嚟講呢個拼盤都係大推。如果今次多啲人可以叫多個添，一個唔係好夠喉！海鮮盛合 (💰$298)雖然呢度主打食牛，但係啲海鮮都好新鮮。見到師傅喺魚缸攞出嚟，整理好就上枱。新鮮海鮮打邊爐係唔同啲！即炸紫菜響鈴 (💰$38)呢個真係大推介，響鈴入邊夾埋紫菜一齊卷去炸，多咗一層口感，一試難忘。雜菜籃 (💰$48)人大咗，點都要食返啲菜嘅，呢個雜菜籃份量都好大，性價比高。竹蔗茅根水 (💰$48)清甜冰凍，打邊爐下下火最啱。餐廳面積雖然唔算好大，但座位都算寬闊。店員好有禮貌😄最緊要仲有貓店長🐱見貓我就like。上菜速度都都好快手，值得一讚。店長同店員都好殷勤，定期會幫手整走鍋入邊嘅油，等大家食得健康啲。唔好成日淨係話深圳啲餐廳好服務，香港都有好好服務嘅餐廳㗎。…Read More

有個朋友特別中意食牛肉，我同其他FD都叫佢「牛魔王」，無論食乜，只要個菜式有牛就會嗌果種。有次佢問我打邊爐邊間牛肉正，據我好耐之前食過就答左「牛精皇」呢間邊爐舖，但估都估唔到，佢叫我陪佢去食，我見好耐冇打邊爐而且質素真係唔錯，最後就同佢去，再次黎到「牛精皇」，食個牛肉塔過口癮。九龍城「牛精皇」，大大個牛頭掛左係門面，我諗去過或者經過既人都冇可能唔認得呢個嘜頭。除左邊爐，呢到仲有海鮮刺身，大部份都係時價計有，價錢日日唔同。內在環境有大圓枱、卡位、二人枱不等，除左呢間店面，隔離仲有第二個舖位，所以爆人都唔驚。泰式皇家冬陰公鍋(小辣)，因為「牛魔王」自小對辣有個情意結，可謂無辣不歡，而我就岩岩好相反，辣野可免則免，所以係選擇邊爐湯底既時候晒左唔少時間，最後大家一人退一步，揀左呢個泰式皇家冬陰公鍋(小辣)。以邊爐湯底黎講，呢個好足料，輕輕搞一搞就見到香茅、蕃茄、辣椒、檸檬葉、秀珍菇等等，入味非常，酸酸麻麻既感覺帶微辣。除左湯底材料外，另外仲有幾隻蝦同青口，可以話係海鮮冬陰公。什菜籃，乜菜都有啲既什菜籃，但本人覺得價錢偏貴而且好多都唔係熱門既蔬菜，而且我地感覺今次唔應該嗌呢份，因為除左生菜同菜心，其他幼身既菜放入陰公湯底之後，變左同啲湯料一樣，而且好快發黃，所以陰公湯底唔建議嗌菜:S雙拼手打芝士牛丸及手打蝦丸，雙拼需要加多$10，但大家可以試多啲唔同菜式，所以感覺都抵番～手打芝士牛丸，口感彈牙，牛丸會滲出肉汁，芝士味會漫漫散出，黑椒味唔重。手打蝦丸，比牛丸更加彈牙有口感，味道鮮香而且會有蝦仁出現，非常中意～牛皇拼盤，大家都期待既拼盤終於出現了！三層鐵盤裝滿牛肉既各種部位同品種，呢個賣相相當吸引目光，「牛魔王」直情雙眼發光，差啲未影相就已經要放入湯。最上層包括有牛白肉、安格斯牛肉粒；中層包括有牛展、牛舌；下層包括有手切安格斯牛肉及本地手切牛肉。牛白肉，只需要放入湯到6-8秒就可直接食，唔洗加任何調味，放入口中口感鬆化，成塊牛白肉充滿脂香～安格斯牛肉粒，同層既另一款既食法就岩岩好相反，依個係放入湯中愈滾得耐愈入味，正常滾10分鐘以上就會開始入味，湯底完美地滲透至牛肉粒當中，而且牛味亦好濃郁，唔會蓋左啲味。牛展，食落去會有牛筋同牛肉兩個部份既感覺，口感軟稔。牛舌，切得好薄身，但食落去都幾煙韌，而且唔會有腥味～手切安格斯牛肉，雪花分佈平均，入口即溶既口感，牛味香口，好想一食再食！本地手切牛肉，雪花位唔多，咀嚼感多啲，牛肉味道比較濃郁。打邊爐再加少少酒精，唔係飲得之人就最岩飲呢類水果酒haha 又香又甜～呢一餐過後，「牛魔王」都狂讚個牛皇拼盤，下次仲想再食多次，估唔到今次冇介紹錯！…Read More

九龍城向來是火鍋店集中地，是晚便在網上搜尋好評較多的一間。牛精皇顧名思義是主打吃牛的地方，最適合愛牛之人。環境座位皆舒適，亦想一讚店內的抽風系統，吃過晚飯身上也沒有大陣火鍋味道。<牛皇拼盤>最令人期待的菜式，以三層架奉上，單是賣相已非常吸引！上層有安格斯牛肉粒 - 放進湯底滾得越久牛味越突出；牛白肉 - 第一次聽/吃，原來是接近胸骨的軟骨位，建議食法輕涮六秒，口感爽脆。第二層架有牛舌和金錢牛月展，牛舌較韌，而牛展咬落有嚼勁。下層是本地肥牛和頂級牛肉，脂肪分佈平均，色澤鮮紅，肉味香濃，肉質上乘。<白牛柏葉>質感爽脆可口，但味道普通。<招牌手打蝦丸/手打墨魚丸>真材實料，爽滑彈牙。<即炸紫菜響鈴>新鮮即炸，口感脆卜卜，必點之一。…Read More

兩天前天氣還很熱很濕，但這兩天突然又變冷。又是適合打邊爐的時候。這次與朋友互相遷就，來到九龍城涮一涮。九龍城看似很偏遠，但原來與樂富十份近。來到的時候已經幾乎滿座，首先先自行調制醬料（注意：醬料要每位加＄18)，可自由加蒜、蔥等等。湯底選了野生松茸豬肚雞鍋。起初湯底很多泡，店員細心地替我們隔了泡，之後不斷替我們加湯底雞與鍋是另外上的，店員替我們放了雞進鍋，滾了一會兒便關火。對我們說自行計時8分鐘後便可以吃了。原本想點竹蔗茅根水的，但因為太受歡迎，售韾了，唯有叫綠茶。不過原來是道地蜂蜜綠茶，是的至愛來到牛精皇這吃牛的地方，怎能不叫牛？牛皇拼盤一定是必叫之選！雖然是貴，但真的值。牛皇拼盤有3層，第一層是安格斯牛肉粒及牛白肉；第二層是牛舌及牛𦟌；第三層是頂級肥牛安格斯牛肉粒必須要泡在湯底最少10分鐘，泡得越久，會更好吃！吃進口，會感覺到牛肉的脂肪油從牛肉擠出來，十分美味！接著說說其他肉，牛白肉真的是火鍋珍品，因為接近牛胸骨的軟骨，所以吃的時候會感到爽脆！涮6-7秒便能吃:)牛舌與牛𦟌，肉質結實又帶點彈性，配上醬汁更鮮美。頂級肥牛脂肪分佈平均，入口綿綿的，肉香突出。打邊爐必配烏冬，稻庭烏冬是我愛的烏冬的其中一款，因為這烏冬口感煙韌，配上醬汁或湯底真的一流！喜愛芝士的我怎會不叫芝心丸？濃濃的芝士真的很吸引人xd…Read More

昨晚去打邊爐，可能因為天氣轉冷的關係，而九龍城每次都係我必選地方，多選擇而且大部分好食， 九龍城出發了。我地漫無目的地搵美食，見到有間餐廳專食牛的食肆門口等位人數眾中，基於好奇心驅使下，我地決定加入戰團一齊等，我們七點半去到開始等，但店員提議我地周圍行下先，我地放工腳板都很累，就去了對面按腳，到九點番黎再等多一陣終於有得食。坐底店員就好熱情向我們推介湯底，最後選定了一個招牌湯底─招牌牛精鍋和其他火鍋配料，我們靜靜地等候，但又好期待，見多人等位，質素應該很高吧!大約五分鐘， 湯底上枱了，牛香由遠至近飄來， 我們未放火鍋配料前立即裝了几碗清試味，湯就個招牌牛精鍋湯底真係不得了，精華湯底，入口好清甜牛味，沒有味精湯的感覺，相信一定餚了很久，然後，加入金錢牛肚，牛肺，牛尾，牛腩，牛孖筋及牛蒡，清晰可見湯底十分濃郁，牛愛好者絕不能錯過，配上稍後分享的鮮牛配料，令我垂涎十尺，食指大動了！然後，牛皇拼盤隆重登場了，這個拼盤真是精彩，上枱時已十分震撼，有牛舌，牛白肉，安格斯牛肉粒，金錢牛月展，本地肥牛及頂級肥牛，牛舌和牛月展很爽口，牛白肉就比較脂肪味重但清楚食到牛脂香，其餘牛部位的肉質口感都十分平均，全部入口嫩滑，我放入湯鍋五至六秒已可食用，不用全熟八至九成熟我覺得是最適合了，坦白說，後期我食的時候已經沒有理會食的是什麼部位，只是好食到停不了，我和朋友各自靜靜地食，深怕說話便浪費了口中美食的真味，每道都好重牛香牛肉質非常爽滑，食牛都係搵專門店好！另外登場的是韓國濟洲黑豚肉，這碟豚肉不單賣相精緻，排列形狀得好像一朵大玫瑰花般漂亮，肉色粉紅透光，外圍有白色脂肪層包圍着，好像圍了一條白邊一樣，光是賣相已十分吸引，口水不自覺吞了几口，豚肉夾着點點脂肪，這次放在湯鍋裡，全熟才吃，食落口感好爽滑，豚肉味好重，一口肉裡滲有點點脂肪香，食過再三回味！ 另外，來了一盆精選四寶丸，四寶丸包括了蝦丸、墨魚丸、牛丸及鯪魚丸，當中蝦丸墨魚丸、牛丸我就吃得較多了，這間食肆一樣出色，爽感鮮滑彈牙，但鯪魚丸我在其他食肆試過因為用了不新鮮的鯪魚，所以肉質很鬆散又會有陣令人作嘔的魚腥味，所以一般我都不會食鯪魚丸，但今次我再試試，果然不負所望，這個魚丸真的很新鮮又爽口，我們吃過番尋味，如是者，我們encore多次!總括，這間食肆係我近日食過最欣賞之一，首先店員好有禮貌，不停幫我們加湯，而加的都是濃湯，不像某些店鋪只加沒誠意的清水，而食物上枱又會細心指導食物如何食用，最好的食用次序，如牛肉粒應放在鍋餚，時間越長越美味，果然最後吃時不但不會過老，反而質感更彈牙，食物又好味又有特色，重點是價錢合理，這次我們全部人都十分滿意又心足，各人帶住笑容和一個大肚子離開!…Read More

自從品嚐這所火鍋小店後，真的是百般滋味在心頭，還是回味無窮。原因很簡單的， 湯底是每天用上十二斤牛骨及其他秘料新鮮淆製的，絶無添加味精，鍋底用料與湯底分開烹煮 。而且抽風系統良好，即使用上絨毛面的櫈子，亦無沾上半點火鍋味，離開的時候，更不會鍋味隨身。今天晚上，再與識飲識食的好友團長，再次光臨這所火鍋小店。為的就是要多次品嚐這裏的招牌鍋底招牌牛精鍋。這個鍋底呈深啡色，面層幾乎沒有任何油脂浮游著。不稍一會，侍應哥哥再給端上食材，當中包括有金錢牛肚、牛肺、牛尾、牛腩、牛孖筋及牛膀。每款食材份量十足，絕對是童叟無欺。還是先嚐一口湯底，依然是濃厚鮮甜，富有牛味，但絕無牛羶味。這次我和團長還點選了招牌主打的牛皇拼盤。拼盤用上三層式的層架端上，當中包括擺放在頂層的牛白肉、安格斯牛柳粒、中層的牛舌、牛展及底層的手切安格斯肥牛及本地手切肥牛。視覺效果非常精緻吸睛。待應哥哥解釋牛肉每天由屠房新鮮直送的，因此肉質豐盈飽滿，色澤均勻。位於頂層米白色的牛白肉，是接近牛胸骨的軟骨位，又稱為牛胸肉，每只牛只有一斤左右，所以非常罕貴。侍應哥哥吩咐我們滾灼六秒便可，熟透後會成卷曲狀，口感爽彈煙韌。另一款是安格斯牛肉粒，肉質呈嫩紅色、油脂部份呈純白色，兩者分佈平均豐澤，成碎花粉飛的效果，令人垂涎三尺。位於中層的牛脷、牛展和底層的手切安格斯牛和本地手切牛肉亦是相當特出色，肉質新鮮，牛香味濃。桂花蚌呈鮮橙色而富光澤，滾透後口感爽口嚼勁，富有桂花蚌獨特的鮮甜。可見食材真材實料，新鮮嫩滑。雖然上次已嚐過手打墨魚丸，但還是要多嚐一次。雪白的墨魚丸晶瑩剔透，豐潤滑溜。熟透後爽彈而蠻富嚼勁，墨魚味濃稠豐滿。自家製雲吞用上新鮮豬肉蝦肉作內涵，披上薄薄茫白的外皮，豐裕滿載似的。 熟透後更是爽口彈牙，口感極佳。即炸響鈐亦是鎮店主打之一。金黃香脆廷身的響鈐，只需滾灼透數秒，便可入口品嚐，口感混於香脆柔滑之間，口感層次豐裕，甚富腐皮豆香。花雕醉蝦亦是鎮店主打之一。花雕醉蝦用上洋酒杯端上，精緻吸睛富心思。花雕酒香醇厚撲鼻，只是輕輕一嗅，已未飲先醉。稍滾灼一會，蝦殼已呈鮮燈色，肉質爽口嚼勁，可見醉蝦新鮮嫩滑。火鍋食材新鮮嫩滑，湯底真材實料，正是這所新貴火鍋小店的致勝關鍵！…Read More

秋風起, 食臘味??錯錯錯啦, 我話最岩就係打邊爐!!!!黎到好多火鍋店既九龍城, 真係好多選擇!!!今次我就揀左係福佬村道既【牛精皇】招牌上仲有隻牛頭係度, 令我呢個牛魔皇十分期待~~~這裡醬料每位 HK$18, 雖然有點貴；不過這是打邊爐必要的, 所以先來混一下醬吧!!!先點了炸魚片頭來止下肚餓!!!魚片頭炸得金黃, 外脆內嫩又不油膩, 作小食一流''*另外仲點了法國生蠔 Gillardeau No.2 過口癮~~肉質很嫩滑爽口, 海水味較重, 確實好新鮮, 一啖食落去好滿足''*火鍋湯底這裡都很多選擇!!!由於不想太熱氣, 就點了清潤雪耳海底椰燉豬肺鍋白色的湯底滾左之後好香海底椰的味道；入面仲好足料, 大大舊雪耳, 仲有好乾淨又冇異味''*打邊爐滋潤湯底既 No.1 啊~~店員特別推介必試四色餃子併原來是他們自家製的, 分別有鮮蝦雲吞, 水餃, 韮菜餃及魚皮餃~~皮薄餡又多, 每隻都好大隻又脹卜卜, 而且滾耐左都唔會散開, 出色又好味!!!還點了脆鯇魚腩, 很爽口彈牙；而水魷大部份都係鬚位, 真係打邊爐次次都要點的''*好快就到主角出場：牛皇拼盤以三層鐵架捧上, 共有六款不同部位的牛肉；令牛魔皇們非常興奮~~分別有牛白肉, 安格斯牛肉粒, 金錢牛月展, 牛舌, 本地肥牛及頂級牛肉''*安格斯牛肉可以一早放落鍋心慢慢滾熟, 牛味好出而且好腍, 啖啖肉~~牛白肉其實是牛胸肉接, 是接近橫膈膜的軟骨位；滾 6秒就可以食得, 質感爽滑, 唔講真係覺得佢係脂肪黎''*而頂級牛肉及本地肥牛同樣好味；就要看看你喜歡雪花多點還是瘦一點的牛肉片啦~~ 打邊爐點少得蝦滑及墨魚滑~~蝦滑十分爽彈又嫩滑, 反而墨魚滑的味道不突出!!!除左牛外, 就揀了桂花蚌及象拔蚌雙拼；還有什菌菇籃及炸魚皮!!!最後必點之選：即炸紫菜響鈴第一次見包著紫菜的炸響鈴, 即叫即炸, 上台時是熱辣辣的!!!我喜歡吃脆身的, 所以拖一拖水約 3秒就食得~~~意想不到紫菜跟炸腐皮係咁夾, 好脆口又有紫菜味；真係好好味, 絕對要推介這個''*最後梗係要嘆返碗雪耳海底椰燉豬肺湯先啦~~大大舊雪耳真係好滋潤下, 正!!!…Read More