Sakara ichi sushi (Kau Yuk Road)

日本直送大拖羅($128/三切) + 挪威三文魚刺身($48/四切) + 北海道生帶子($55/四隻) + 芝士火灸三文魚壽司($12/件) + 鰻魚壽司($14/兩件) + 日本直送鱆紅魚壽司($15/件) + 牛油果軟殼蟹卷($45/四件) + 席前燒A5和牛($118/兩件) + 蒜香牛柳粒($78) + 明太子雞翼($38/兩隻) + 什錦天婦羅($68) + 京蔥雞肉串($25) + 雞腎串($18)（另加一)★－:+:－:+:－:+:－:+:－:+:－:+:－:+:－:+:—★​自己自2019年開始幫襯，疫情嗰期冇得堂食荒廢了幾年青春，依家再去食😋開咗將近九年，上年喺銅鑼灣開埋分店添🆕有兩層，地方不大，坐得比較逼夾，但性價比高，所以一直好好生意，經常座無虛席+要門外排隊等位，證明口碑唔錯😃員工招呼有禮，掃QR Code落單；壽司味道穩打穩扎，價位合理；日本新鮮運到大拖羅，嫩粉紅色好肥美，入口即溶，油脂爆曬燈，超正😋席前燒A5和牛，上枱時員工即席用火槍燒熱和牛，捲埋生雞蛋同飯，好食兼儀式感一流💯另叫咗串燒，明太子雞翼，天婦羅，蒜香牛柳粒唔韌，超多炸蒜片正嘢😋…Read More

又嚟朝拜！呢間壽司店來過幾次，每次都排長龍，今日星期六午市竟然無乜人，唔通日本通關大家留肚飛去日本食？店有兩層，主要係2人或4人枱，好快有位，用QR code 點餐，食物上得快。炸雞軟骨粒（$45）每次必食！炸得鬆脆唔油膩，點埋沙律醬，超好味，而且分量都幾多，感覺食極都仲有，好抵食！炸蝦天婦羅（$48）炸得鬆脆唔油膩，唔錯！火炙壽司（逐件計）入口即溶，睇得出用心制作 ，留意有部分壽司係一件件計，價錢會貴啲。牛油果軟殼蟹卷（$45）好好味，感覺健康，最滿意係好多蟹虸。滑蛋吉列豬扒飯（$62）有啲失色，洋蔥偏多，豬扒冇乜口感，又淋又濕，可能同蛋汁有關，飯都濕濕地，乾身啲會好味啲。 雜錦魚生沙律（$48）有好多種刺身，性價比高，醬汁分開上，自己想落幾多就幾多。油甘魚腩刺身（$68）魚肉肥美鮮嫩，簡直完美！值得注意：Wasabi只係跟刺身上，點其他壽司只提供豉油，食得冇咁爽。建議服務可以做好啲，我隨身物品較多，又要照顧小孩，唔小心推跌另一餐檯嘅櫈，身邊嘅年輕服務員企喺度冇反應望住我，我一邊執番起張凳，佢只顧心急問我幾多位，有少少影響用餐心情。…Read More

好耐無食過壽司🍣今次去左元朗一間抵食又高質嘅良心壽司店😍店內有兩層座位，限時90分鐘，雖然幾多人等但流動得算快😝訂位起碼早一日打過去，我地即日先諗住食都可以用the gulu拎飛walkin🚶🏿‍♂️不過要早少少拎定食物選擇都幾多😍除左有壽司卷物同手卷外，仲可以叫串燒、沙律、烏冬、和食等😋最後試左以下食物:🔆茶碗蒸$𝟚𝟚 - 比平時食開果種偏高湯味🔆蔥吞拿魚腩軍艦2件$𝟚𝟚 - 魚味唔太重但質感ok🔆蟹肉蟹膏2件$𝟚𝟚 - 多膏好滿足🔆油甘魚腩壽司$𝟙𝟜 🔆牛油果軟殼蟹卷4件$𝟜𝟝 - 再脆d更好🔆火炙牛肉他他$𝟙𝟚 - 有少少筋🔆魚一焦糖鵝肝壽司$𝟛𝟠 🔆火炙玻璃蝦$𝟟 🔆火炙鰻魚$𝟠 🔆火炙左口魚邊$𝟙𝟚 🔆火炙三文魚腩$𝟙𝟞 見好多人推介鵝肝，食落好似焦糖布丁蛋糕🤣如果鵝肝味再出d更好，有稍微被焦糖搶左風頭😛火炙壽司向來都係我最愛❤️左口魚邊同三文魚腩溢出嘅魚油令佢地食落好肥美🥰🔆手打烏冬$𝟛𝟚 🔆珍寶帶子壽司$𝟚𝟚 🔆三文魚籽軍艦$𝟚𝟚 整體都好高質👍🏼無野係中伏🙌🏼我地鍾意食咩就叫咩每人食左$250，單點壽司黎講都叫幾抵食架😚…Read More

趁今個星期係紅葉🍁盛放期，入去元朗睇紅葉，當然仲順便揾好野食啦。元朗出名多抵食又高質既日本料理，openrice見到<魚一>好多收藏，d食物幾吸引就去左試下😁我Order左<自選丼>，簡左4款海鮮🐟 $102大赤蝦、帶子同油金魚腩都好鮮，冇雪味!👍🏻個大拖羅就部份入口即溶，有dd筋，不過$32蚊都ok啦。 🙎🏻‍♂️order左<燒汁牛柳飯>，反而個飯好有驚喜!個飯熱辣辣、牛肉好有肉汁😋黑椒汁好野味、個飯食到底都仲有汁👍🏻👍🏻👍🏻$52 好大碗因為太肚餓，仲order左<牛油果🥑軟殼蟹卷>、同埋一d壽司。壽司好抵食，鰻魚都係$9蚊2件$200幾蚊食到高質既海鮮同牛肉飯，好抵😆Ps 我地睇完紅葉🍁後去返教育路食晚飯，經過見到都好多人等位。…Read More

今晚去了元朗拿點東西給堂姐，又和媽媽到藥妝店添置保濕用品，所以煮不了晚飯，我們索性去附近的魚一壽司吃日本菜。這裡人客絡繹不絕，光顧過都知道價廉物美，我家偶爾也平享壽司滋味。蟹籽沙律一整碟爆多蟹籽霸氣上桌，絲絲的蟹柳肉搭配爽脆的青瓜絲，攪拌後青瓜都沾上蟹籽，清爽中帶脆甜，衝擊口腔，令人愈吃愈涮嘴。火炙三文魚壽司火炙後味道很香呢，甜味逼出來比起三文魚刺身還要高，一口塞進多麼享受。火炙左口魚邊壽司油脂豐富，入口即化，百吃不厭。馬糞海膽軍艦色澤漂亮，濃厚的鮮甜感海味十足，媽媽說一定要好好在嘴裡品嚐才不浪費這海膽好滋味。我愛死牛油果軟殼蟹卷，讓人光用眼睛看已心情愉快，軟殼蟹炸得香酥，搭配滑潤的牛油果挺清新的，沒搶掉軟殼蟹的戲份，嚼感豐富。明太子雞翼火候控制恰到好處，烤得皮脆肉嫩，再加上足料鹹香的明太子釀進雞翼裡頭，每一口都吃到明太子的細膩感，喜歡明太子雞翼的別錯過。土佐豆腐熱騰騰的，外層裹著木魚絲炸至金黃香脆，內裡豆腐柔嫩軟滑，儘管豆腐浸泡在醬汁中好一會兒，外表亦沒有軟掉，與蔥花，蘿蔔蓉一起吃，口感，味道一絕。芝士燒生蠔滿滿的的芝士完全不手軟，如瀑布的熱量也不管了，最重要是趁熱把生蠔吃掉。生蠔肥厚鮮甜，鮮汁盈盈，芝士雖濃重，生蠔吃起來卻不膩味。三文魚壽司基本上是必吃的壽司，三文魚蠻有厚度，新鮮帶爽甜，吃得過癮滿足。另外我們毫不猶豫點選北海道生帶子壽司和象拔蚌壽司，北海道生帶子壽司口中所散出的甘甜無庸置疑，象拔蚌壽司極度爽口，壽司醋飯黏軟拿捏恰好，相輔相成。…Read More

口癢癢想吃壽司刺身解饞這家價錢貼地的餐廳是不二之選三文魚腩刺身口感豐盈肥美能吃得出食材相當新鮮是油脂愛好者的必吃推薦火龍卷就是壽司卷著大蝦蝦肉肉質結實賣相亦討好飛魚籽配上沙律醬味道合襯牛油果軟殼蟹卷是香口之選酥脆的軟殼蟹配上柔軟的牛油果口感豐富飽肚感亦十足推薦一口芝士是女生最愛酥脆的外層包著流心芝士芝士味極濃一口一件我熱情推薦這款小吃牛肉薯餅是令一款香口小吃牛肉和薯餅的配搭十分特別香脆的薯餅散發着陣陣肉香味…Read More

假日去元朗，肚子特別開懷，好想放任盡情食刺身。奈何自己係烏蠅肚，俾2百幾食得果十幾塊刺身，最怕係為左抵食的食得太飽，帶住對食物果份恐懼咁出番黎，實在不划算。所以今日就想去試試一的散叫既刺身。店鋪位於教育路繁忙地段，店面不算大，好容易就走過了。入去前鋪以外賣壽司為主，款式以三文魚居多，不算吸引。但足夠俾人誤會佢無堂食。其實店內仲有上層，同埋詳盡既menu可供選擇。午市仲會有午餐推介，不過我就只想食刺身，所以以散叫為主。2個小腸胃，叫一碟刺身拼盤，希靈魚刺身，2碟壽司，1客牛油果軟殼蟹卷同一碟炸蠔。送到黎果時感覺好似唔係好夠，但原來食落係非常飽...刺身拼盤，其實只要新鮮，又切得厚，就已經係好好食架啦。碟仔細細，裝住26塊，款式都係大路款，有三文魚，甜蝦，吞拿魚，北寄貝同帶子，咬落去啖啖肉，帶子有天然既鹹鮮味，一流呀…希靈魚刺身，並非我所愛。叫佢，因為朋友好喜歡吃，原因是新鮮既希靈魚好甜，但係只要有少少唔新鮮，都會變腥。朋友話魚帶點腥先夠滋味，我不是太懂欣賞，我怕吃魚皮，更怕吃腥，一點都受不了。所以....1客5塊，都歸我朋友。而根據朋友食完之後幸福既臉部表情黎講，碟希靈魚應該攞滿分。牛油果軟殼蟹卷，相對而言就比較失色了。我期望軟殼蟹會係香脆豐腴，但事實係腍既，亦不算有味道。而牛油果可能不是當造，所以未熟透，有點硬之餘果味唔算濃郁。水準就只能算一般。壽司其實就同其他壽司店既睇齊，無乜留下深刻感覺。個人黎講覺得腐皮壽司好好味，因為我鐘意食。炸蠔，油分恰到好處，唔算太油又非常香口，炸皮厚薄得宜，唔似其他放題咁皮粗肉少。蠔肉肥厚，感覺一流。整體而言，由於抱住吃刺身放題既心態去食，所以覺得好便宜。而且呢個價錢，食到比放題更高質素既刺身，又唔使食爆個肚，好抵食！…Read More