Mito Japanese Restaurant

即興約有刺身癮嘅朋友粉嶺食飯，首先一定諗起「水戶」。我哋已經去過好多次，最緊要去到唔好要排長龍，即日打去book位基本上一定full咗，所以想食就盡早walk in，我哋6點去到剛剛有卡位。佢位於粉嶺中心，商場泊車有得免鐘，我哋兩架車揸去都好方便。❁梅·剌身盛 $518刺身癮起，再次嚟都再次叫，好似加咗少少價，一大隻刺身船夠晒睇頭，佔晒張枱一半嘅位置，有八款刺身，有啲三片，有啲四片，藍鯨吞拿魚大腩最好味，入口即化，我哋四個人，如果有四片就更好，三文魚、鱆紅魚、八爪魚、赤海蝦、北寄貝、帶子全部新鮮，最鍾意有板海膽，不過好似比之前份量少咗啲，同埋有少少溶溶地。❁室津生蠔 (6本) $178新鮮即開，肉質飽滿爽口，淡淡海水味，抵食。❁壽司刺身魚大大片，全部新鮮肥美，壽司飯緊實細細舊。三文魚壽司 (2件) $26金目鯛壽司 (2件) $44深海池魚壽司 (2件) $44油金魚腩壽司 (2件) $46劍魚腩壽司 (2件) $40❁牛油果軟殼蟹卷 $88卷物都抵食，軟殼蟹炸得酥脆卷成反卷，配埋牛油果、蟹籽同沙律醬，成件放入口層次豐富。❁自家玉子燒 $38唔算大件，入口微溫，濕潤鬆軟，淡淡蛋香甜味，淋上芝麻醬。❁蟹籽沙律 $44其實已經食飽，不過同朋友傾吓傾吓又想叫多樣嘢食吓。蟹籽份量十足，新鮮卜卜脆，配青瓜絲、蟹柳絲，沙律醬另上，簡直係最佳配搭。#水戶日本料理地址：粉嶺新運路33號粉嶺中心C座地下1C-1D…Read More

相約朋友粉嶺食日本嘢都一定想起水戶，佢位於粉嶺中心比較隱蔽嘅位置，店舖唔大，食物出色價錢又合理，所以次次都多人排隊，近年都成為了我嘅飯堂，今次要排隊等位都照排，因為想帶朋友嚟試吓。店舖佈置充滿日本風情，我哋一行四人入座卡位，寬敞舒適又夠私隱，無限時，可以盡情傾吓計。#梅剌身盛 $438刺身用木船奉上，賣相一流，三文魚、藍鯨吞拿魚大腩、鱆紅魚都係厚切，八爪魚、赤海蝦、北寄貝、帶子、全部鮮甜無雪味，仲有一板海膽，味道濃郁，配上新鮮青瓜絲及紫菜，回味無窮。#日本生蠔 新鮮，肉質爽口，有海水味，抵食。#蔥藍鰭吞拿魚蓉軍艦 (2件) $32藍鰭吞拿魚新鮮，份量足，加生蔥絲及紫菜一齊食，口感更有層次，飯唔大舊。#油金魚壽司 (2件) $40油金魚大大片，新鮮肥美，細細舊壽司飯握得緊實。#牛油果軟殼蟹卷 $94軟殼蟹炸得香口，蟹籽多新鮮卜卜脆，配埋牛油果、同沙律醬簡直係最佳拍檔。#三文魚壽司 (2件) $24三文魚肥美，飯細細舊。#雞泡魚乾 $32一大塊都幾抵食，同朋友一路傾偈一路慢慢食，送酒更加一流。#明太子玉子燒 $72比出面食大件厚身，有蘿蔔蓉鋪面，整體比較濕同淡口，可能要加多少少明太子。#水戶日本料理地址：粉嶺新運路33號粉嶺中心C座地下1C-1D…Read More

其實粉嶺已經好耐冇d日本料理小房，最近知道開左一間就一於黎試試佢😎小食就叫咗個炸雞軟骨，表面睇好似平平無奇咁，但精粹在於個醬入面，佢係千島醬底加咗少少辣醬係入面，食落有千島醬嘅甜味亦都有少少辣嘅後徑令成個感覺升華咗好多😍😍感覺新鮮，值得一讚👍🏻第二樣小食就係呢個三文魚燒餅，呢個食落就真係麻麻哋，先唔講冇乜三文魚味，本身嘅燒餅製作都唔合格，圖中都見到佢冇乜燒汁醬，食落口感都比較粉，完全唔合格🤷🏻‍♂️壽司就試咗呢個牛油果軟殼蟹卷，軟殼蟹新鮮炸起都有啲餘溫，認真唔錯👍🏻配上牛油果就唔會太油膩，蟹籽都增加左口感，好食🤤主食就試咗個海膽炒飯，同想像中有啲出入，仲以為會成個炒飯都有海膽味，原來淨係喺個炒飯上面加咗海膽😂不過最失望嘅係個炒飯本身都冇乜味，個人覺得就麻麻哋啦🧐總括來講就唔算係啲好好食嘅日本料理餐廳，不過勝在佢價錢都真係幾平，想過下癮食日本嘢嘅都可以落街一試🤔🤔…Read More

次次都是寶寶遷就我來到大埔這邊跟我吃午餐，今次換我遷就寶寶了☺️。來到寶寶的地頭粉嶺區！由於前幾天吃日本菜不成，寶寶今天特意帶我來到這家鄰近粉嶺火車站的日本餐廳，地點也尚算方便，從地鐵站走過來沿路也有遮掩，縱使今天天氣不太好，即使下雨也不怕🤓！店內座位寬闊，乾淨整齊，感覺良好。另外值得一提的是，店舖的入口是斜坡來的，即使手推bb車，或帶著坐輪椅的老人家也可以來這裡用膳👍🏻。海膽魚生丼 $92超級豐富！海膽應該有三分之一板，除海膽外，另有三文魚、油甘魚、帶子及甜蛋。如圖所見，各樣刺身也很豐厚，很新鮮，帶子味帶鮮甜，海膽鮮味濃而且無腥味，是低溫保存得宜的絕佳證明👍🏻，吃得十分滿足☺️！吃完刺身都吃不下太多的醋飯了🙈，建議店家可把飯量減少，把2片青瓜改成4片紫菜更完美💕。牛肉壽喜燒 $70 (+$15 加手打烏冬)配料有牛肉、娃娃菜、紅蘿蔔、粗粉絲及一隻半熟蛋，壽喜燒湯底濃香，跟質感Q軟又彈牙的烏冬非常匹配💕，分量驚人！若一個正常食量的人來吃是一定吃不下的。但若2個食量不大的人吃，叫上這一鍋加烏冬也應該是夠飽了🤣，以$15 加這個手打烏冬真的非常超值！牛油果軟殼蟹卷 $64軟殼蟹微熱香脆，蟹子的分量給得非常大方🤩，牛油果尚算新鮮，惟最旁邊一件卷物的牛油果有點爛，整體味道很好而且包得結實，不會一夾就散掉，不錯👍🏻！自家玉子燒 $32跟魚生丼的冰冷甜蛋不一樣，玉子燒微熱帶淡淡的香甜味，蛋味濃厚，淋上少量芝麻醬更添滋味🤤。意想不到地好吃的一個大滿足午餐，一定會推薦朋友來試試～！…Read More

一餐飯好唔好食除左要睇食既質素，服務態度都好重要～侍應們每個都好有禮貌又好笑容，服務態度勁好，每次放底野食時都會講小心呀、慢慢食，我地都食得好舒服😌有好多食物可以選擇，有刺身、鍋物、丼飯、壽司🍣、小食、料理等...首先一黎就是我最愛的海膽刺身 $128，色水好似唔係好討好咁，不過食落就意想不到喔😙無腥味呀～海膽味都濃之後就叫左碗牛肉拉麵 $62俾爸爸暖暖個胃仔，有粟米、魚蛋、紫菜和半隻流心蛋，係流心蛋好吸引湯底唔會好鹹，而且牛肉既份量都好多水戶魚生丼 $98有10款海鮮 刺身厚切食落好新鮮同鮮甜，啲飯有醋味又唔會好硬...牛油果軟殼蟹卷 $64每次去日本餐廳見到有牛油果軟殼蟹卷都一定會叫～軟殼蟹脆卜卜，牛油果🥑也好新鮮！…Read More

平時好少機會入粉嶺，今次一場入到嚟就試下粉嶺的水戶日本料理。第一眼望到餐廳門口的裝修很有日本風格，入到店內餐廳裝修簡約整潔， 店員態度親切， 還看見餐牌上有很多選擇，刺身， 天婦羅，拉麵，烏冬，燒餅，燒物，串燒，小食，丼，壽司，軍艦，卷物，真是應有盡有！ 在花多眼亂的情況下我點了牛油果軟殼蟹卷 $64，水戶魚生丼 $98，豬軟骨拉麵 $58，海鮮燒餅 $46。豬軟骨拉麵 ~ 價錢很抵吃，份量亦都很多，有半隻半熟雞蛋，豬軟骨很入味，配菜有粟米粒和紫菜， 還有拉麵的質地煙韌。牛油果軟殼蟹卷 ~ 賣相很美，軟殼蟹入口卜卜脆，配有新鮮的牛油果，食落不會油膩！水戶魚生丼 ~ 刺身厚切新鮮，三文魚，魷魚，帶子，甜蝦，蟹子，足料的丼。海鮮燒餅 ~ 上枱的時候香噴噴，燒餅做得很好，厚身得黎餅底鬆軟， 廚師還很細心地幫燒餅切開四片，讓我們容易食用。整體來說水戶日本料理算是平民化日本菜，雖然價錢親民但是質素幾好，喜歡吃日本菜的朋友可以來這裏試下！:)…Read More

聽說開左間新野, 就同屋企人黎試試開頭諗住冇咩食評, 都唔敢有太大期望.黎到已經8點. 諗住會好多人, 始終都係食飯時間, 一行六人, 攞左飛之後, 10-15分鍾就可以入坐一定係我好彩入到去地方好寬敞. 真係打橫打直都得. 六人卡位, 一D都唔迫, D係覺得最埋邊位,有D唔係好夠冷氣 最後叫服務員開大小小, 就解決左個問題. 好喇, 入番個正題先入到去第一時間緊係叫個魚生啦.  阿爸阿媽大叫好味再叫左個梅刺身賣相OK. 阿姨覺得海贍可以再厚小小, 八爪魚唔知係唔係個厚度問題定紅色外皮問題, 有小小難咬, 但白色位置係爽身既上台唔夠10分鍾, 我地就清晒隻船再黎就係壽司喇 (因為掛住食, 所以冇影相)我地叫左10客壽司熟食食物: P.S 我地重叫左拉面, 但係因為食得傾得太開心冇影到. 個湯冇出面個D咁濃, 但屋企人話E個湯岩佢地. 到收舖時間個老闆重會出黎同我地傾下計, 問下邊D野可以改善下(老闆話個湯係佢地自己煲既, 但因為我冇睇住佢煲, 所以我就唔比評價了)…Read More