Try My Bread (營盤街)

有幾耐冇去過韓國😔好掛住去旅行既日子。呢間Take My Bread主打滑蛋吐司，想食韓式盒子吐司，又冇得去韓國既時候，就黎呢度買翻件止下癮。呢度既吐司有好幾款選擇，最招牌最多人食既一定係佢軟殼蟹果款，不過呢日唔想食啲咁熱氣既野，就冇㨂到🙈所有吐司即叫即整，等緊既時候已經好期待🤩除左滑蛋吐司之外，佢仲有越式法包同唔同既小食賣，好似都唔錯！下次可以試下。1️⃣牛油果拼蝦仁滑蛋吐司（$68） 一拎上手，就見到舊滑蛋勁吸引😍滑蛋份量好多，上面唧左啲甜甜地既沙律醬同埋黑掓碎🤤牛油果好creamy好滑，蝦幾爽口，不過就得兩粒有啲少😢入面仲有啲椰菜絲，增加口感🥰成個吐司食落口感味道都幾豐富👍另外好鐘意佢既吐司，厚身帶牛油香，個邊烘得微脆，而且食到甜甜地好似有少少糖粒咁，好好味😋仲要食到落底都仲有滑蛋。  …Read More

難得出開長沙灣，就決定黎依間好早就bookmark左既滑蛋吐司店，之前已經係社交平台成日見到佢既蹤影，今日終於有機會黎見下佢個真身啦～由於唔係太想食油炸野，所以無叫最受歡迎既軟殼蟹，而叫左個牛油果拼蝦仁滑蛋吐司。吐司本身唔太大份，大約同平時M記既包差唔多，但當然佢依個既麵包係好食好多，麵包用牛油煎香過，所以佢軟熟得黎外層會帶點香脆。而最出名既滑蛋都真係好滑，但d配料份量就有點少，得三片薄薄既牛油果同兩隻細細既蝦仁，完全唔夠喉呀！同埋唔知點解整體味道比我一種茶記蛋治既感覺，所以$40黎講唔太值。總結整體味道正正常常，但唔算話特別出色，所以對我黎講有點貴。而且佢主打係外賣，所以鋪頭都比較細同得幾個小位置可以食野。同埋個日假日既下晝去到都幾多人買，所以假日去既話要有心理準備要熱住企係度等。…Read More

位於深水埗嘅一間小店，招牌係滑蛋吐司🍞同越式法包🥖。只有少量座位同企位，主力做外賣。.🦀「脆炸軟殼蟹滑蛋吐司」(HK$50): 用上原隻軟殼蟹所以一定食到啖啖蟹肉😌，比較香口(亦好邪惡)。賣相一流‼️ 勝在有滑蛋同生菜🥬中和番冇乜油膩感。牛油吐司🧈輕輕煎過所以更加熱同鬆軟。.🥑「牛油果拼蝦仁滑蛋吐司」(HK$40): 牛油果厚切、大大舊，不過當日咁啱未夠熟，偏硬。蝦仁有預先煎過都有心思，滑蛋🍳份量唔少。主要食到牛油香同沙律醬味，相對軟殼蟹吐司淡味少少。.當下午茶呢個size係好飽肚。賣相類似韓國Egg Drop，但未試過冇得比較。下次經過會試下越式法包😬。…Read More

雖然係小店, 但店內都有位置可供客人堂食💁🏻‍♀️廚房為開放式☺️食物即叫即整, 新鮮製作😛🍴ᴍᴀɪɴ·軟殼蟹滑蛋吐司 $50﹟首先好鐘意佢個麵包係帶甜甜地既味道, 烘至香脆熱辣辣, 再加埋牛油, 真係不得了😻原隻軟殼仲要食左隻係有蟹膏, 炸到卜卜脆又有肉👍加埋滑嘟嘟既雞蛋同埋生菜, 口感豐富🥳但食到近底部就得返生菜, 感覺空虛左d🙈🍴ᴍᴀɪɴ· 牛油果拼蝦仁滑蛋吐司 $40﹟依個又係一個無得輸既組合🥰🥰軟滑牛油果配上彈牙既蝦仁同滑蛋生菜🍤🥬層次都係夠曬豐富😝最後補多句...如果吐司既定價可以再親民d會更加好🙃…Read More

最近，在長沙灣營盤街新開了這門滑蛋吐司專門店，此店早上10點開，吐司是即叫即整，需時我估10分鐘左右。我出門口前打電話去叫外賣，行到去10分鐘左右就到啦，見到店員差唔多整好✌🏻。打卡影相先，之後就放入自備盒，出外行山野餐去～牛油果拼蝦仁滑蛋吐司 (HK$40)🔹烤到外脆內軟的厚吐司(甜甜地很好味)🔹新鮮生菜 (爽脆清甜)🔹香濃滑蛋 (超滑剛熟口感)🔹2大隻蝦仁 (爽脆彈牙)🔹牛油果 (軟腍奶油口感)🔹蛋黃奶油醬 (超多的！) 我覺得這和韓國Isaac Toast的吐司一樣美味，從此我想食就出門前打個電話去就可以啦🤤…Read More