Yuan Is Here (North Street)

去多謝高登先之前先搵野食上次黎食嚐囍已經見到呢頭仲有間米芝蓮餐廳就係比必登推介既阿元來了雖然觀塘果間就近好多但我就一直都想黎呢邊有獎既呢間十二點零黎到仲未洗排隊直入門口有個小賣部幾得意外面睇以為地方好大但入到黎先見到佢地檯唔多算係分隔都幾開不過我地坐呢個貼牆二人位都算係搭檯位台灣店餐牌都係大同小異不過阿元來了就係無做牛肉麵同蛋餅之前去過果間阿元菜市場係有牛肉麵既但都已經執左了飲品係一樣有一整頁跟餐加十一蚊先有杯野飲要左茉莉綠茶珍珠再加三蚊杯就唔算太大味道正常阿元滷肉飯有半隻滷蛋同青菜肥肉好入味份量都舖滿左個碗面雖然話九份飽係同阿元來了一樣食譜但我覺得呢度係好食d爆蛋雞肉飯所謂既爆蛋只係荷包蛋完全無佢爆蛋感雞絲一樣都多無吃什麼果碗咁乾既但都唔算係好食鹽酥雞同飯一樣價但炸得非常香脆香口唔會好厚粉好油同淋件數都多絕對唔會好似阿木咁狗流流試左幾次就知道台灣菜真係唔好叫雞肉飯直接叫滷肉飯加鹽酥雞或者雞排好過最後係蚵仔煎醬汁好似比較少蚵仔亦都唔多但都好多膠質食物上檯速度幾快幾分鐘內就已經埋滿成張檯但鹽酥雞同蚵仔煎都feel到係即整熱辣辣既埋單176平均90蚊位價位同九份飽差唔多抵食過吃什麼少少不過人地開係中環服務正常都唔洗講國語都落到單衛生一般叫做有台式風味不過位同位雖然距離遠但座位都係偏窄咁雖然話九份飽係抄阿元來了但都feel到佢地係有些少變化既唔會同阿元來了一模一樣好似鹽酥雞同蚵仔煎上檯既方式都唔一樣不過裝修黎講就真係做到好似我自己私心就當然會推阿元來了起碼係黃店丫嘛下次都係試番觀塘果間始終真係比較近堅尼地城實在係太遠…查看更多

有日虎媽搵食🐾經過阿元來了, 就覺得裝修好懷舊, 好似去咗台灣旅行咁。於是, 虎媽就諗住試吓呢間餐廳。因為虎媽真係好掛住台灣, 想一解思鄉之情😍😍-香菇肉羹飯 (推介指數：🐾）-呢個飯本身比較傑撻撻, 食落有少少似落咗醋嘅碗仔。而味道方面, 都係有酸酸地嘅味, 虎媽亦唔多推介。台灣黑輪拼盤 (推介指數：🐾）-拼盤入面有花枝漿同魚漿, 感覺上調味係酸酸䶢鹹嘅味道。本身就唔太鍾意呢隻酸味, 所以唔太推介。爆蛋雞肉飯 (推介指數：🐾🐾🐾🐾🐾）-虎媽一直都好鐘意食手撕雞, 而呢度嘅手撕雞份量都幾多,擔擔肉勁正。而隻煎蛋都幾香, 蛋汁流出撈埋落啲飯到好易入口。配菜方面, 鹹菜又俾幾多喎, 而且食落清爽得黎又唔會太鹹🥰😍烏梅汁 (推介指數：🐾🐾🐾🐾🐾）-天氣咁熱, 虎媽係店外門口等到流曬汗, 當然要飲返杯凍冰冰嘅烏梅汁。嘢飲有驚喜, 味道酸酸甜甜, 係熱辣辣嘅天氣下十分之開胃🥵😛阿元來了(推介指數：🐾🐾🐾🐾）總括嚟講, 虎媽覺得呢間餐廳值得再嚟, 但唔係全部食物都啱口味。店員係繁忙時間態度都唔差嘅🤩👍🏻👍🏻———————————————————————*以上食評為個人食後感*五隻腳印為滿分🐾Follow Instagram for more：@tigermum_foodie…查看更多

上次食過阿元魯肉飯 味道幾好不過遍鹹今次就試佢另一個多人叫嘅選擇爆蛋雞肉飯 ($43)上菜超快 一叫就嚟咁賣相唔錯 係個碗細啲 感覺個飯細上面有大量雞絲 一隻煎蛋 仲有雪菜碎另外淋上醬油🐔雞絲食落好鬆 真係似肉鬆咁全部肉 冇皮冇骨不過就比較亁同鞋 絕對唔係滑雞 所以好唔好食就睇人🍳煎蛋煎得少少燶 味道一般 蛋味唔出 而且蛋黃都冇佢聲稱咁爆 只係少量流心 冇特別🍚米飯質感唔錯 比較似珍珠米 又唔太乾 份量正常 配合雪菜好食雖然有醬油 但係都係冇乜味 反而覺得個飯比較油 食完少少濟 -味道比想像中冇咁出色 成日見人食以為會好好味 有台灣風味😕服務態度一般環境都一般 坐得少少逼 不過好在有櫈放袋 同埋周圍裝飾都幾有feel價錢其實唔係特別抵食 佢啲份量遍細少少 然後味道都好一般 但係都要$43一個飯…查看更多

近排堅尼地城新開咗間高先電影院，戲迷朋友即刻相約去一探究竟睇戲前點都要醫下肚先，發現一街之隔就係台灣菜名店阿元來了既總店，馬上拎飛等位。雖然係平日晚上，但堂食同外賣客人都駱驛不絕，足可見實力一流等位時一直聞到撲鼻既酥香，原來隔離鋪位啱啱新開咗一間手工麵包店，裝修簡約，主打各類酥皮麵包，例如玉桂卷、牛角酥和泡芙拿破崙卷。如果有機會，一定要買黎試下味等咗大約20分鐘就可以入座，一入門口就會見到充滿夜市風味既車仔，令人覺得仿如真係去到台灣旅行咁，主要就係由此出菜，唔係淨係打卡場景咁簡單爆蛋雞肉飯 $42肉絲份量好足，煎得脆香的太陽蛋配合酸菜令飯既口感更豐富，令人不自覺一口接一口好快食哂新竹貢丸湯 $20最近日夜温差大，夜晚飲碗湯人都暖d，不過貢丸可能煮得耐咗，味道無咁濃郁台灣黑輪拼盤 $30魚漿鮮味尚可，彈牙好食 黃金泡菜蛋餅 $35自從係牛大人試過黃金泡菜後，一直懷念佢既特別味道。原來黃金泡菜係腐乳去醃製，夾埋一齊超級好味招牌珍珠奶茶 $25 食完就去咗睇戲，支持港產片，超級熱血。 …查看更多

阿元來了不嬲都算係台灣菜代表之一，以前食過佢既魯肉飯，份量雖然細細地，不過相當好味，魯肉肥得黎又夠香！今次用咗某外賣APP嗌，想試下其他，就叫咗呢個爆蛋雞肉飯。爆蛋雞肉飯 (某外賣APP: $49)唔知大家係台灣有冇食過嘉儀雞肉飯，呢個飯就係類似咁，焦邊既雞蛋配雞絲，連埋醬油撈埋黎食，真係好正。不過本人就覺得雞絲略柴，唔係好嫩滑既，勝在味道搭救，撈埋啲蛋汁，成碗飯眨下眼就食晒！ 不過留意番佢既份量唔算多，女士食就岩岩好，男士嗌可能要嗌多個小食先夠飽喇。…查看更多

我相信好多香港人都會聽過呢間餐廳。但未必個個都試過。我就試過兩次，一次買外賣，另外一次堂食。兩次都食得出台灣嘅味道。令就算冇得去旅行嘅香港人，都可以暫時緩解一下台灣癮🤣🤣 去到門面，已經見到台灣特色裝修，有街名門號，又有特色食物嘅招牌，突然間好似真係去咗台灣夜市咁睇睇餐牌，魯肉飯呢啲就必定有啦，仲唔少得台南擔仔麵，不同既台灣小食，仲有香港人最鍾意嘅九份芋圓 飲品就有好多手搖得飲，奶茶系列，絕對滿足唔同人嘅需要我就叫咗一個爆蛋雞肉飯，加一杯招牌珍珠奶茶🧋 雞肉碎加上酸菜，已經有台灣風味。加一隻生熟剛剛好嘅太陽蛋，流心蛋黃汁混合白米 (我估佢哋選用左台灣米)，食起上嚟有汁有肉又有飯，分量又剛剛好，適合帶埋另一半去食，又有得share而珍珠奶茶嘅珍珠，包含甜蜜嘅蜜糖味，有別於一般珍珠奶茶。呢個係有少少特別另一次堂食，我叫咗一份香菇肉羹米粉。台灣米粉幼細柔軟，令到我有綿綿既感受 再加埋香菇肉粒，絕對適合男女老幼。 再叫埋九份芋圓作為結尾，食到我四萬咁嘅口…查看更多

老闆就是阿元，來了香港就是阿元來了！(台灣腔使用中)堅持台灣感覺、台灣風味好味抵食既阿元來了，靠住自己既家傳台灣食物秘方，主賣魯肉飯、鹽酥雞、麵線、蛋餅、刈包等等，入到去就好似花左一個鐘暫遊台灣舒緩一下對台灣既思念爆蛋雞肉飯，賣相實在好吸引，爆蛋都好吸晴雞肉味道好，但肉質相當較嚡，食慣雞胸既朋友會感覺較好，雖然係咁但雞肉加埋醃雪菜加埋爆蛋配飯，仍然係好滿足好正既配個鹽酥雞，一籃細細粒，係「一口」既安排，外脆內軟腍，雞肉都幾好味唔厚粉所以細粒都好肉，唔會太咸可以連續食好多粒，香料味都濃到咗萬眾期待既秘製魯肉飯魯肉都算幾多下，食晒飯都仲有，醬汁古早味濃，亦好有自己獨特既風味台灣魯肉飯就真正每一檔都會有啲唔同，阿元既魯肉飯係正既加個台灣腸，正宗連生蒜片上，未試過連生蒜食既朋友記住要試，食過你就知唔係咁食根本食唔晒台灣腸既風味，相當正既台灣味道最後以百香果紅茶作結，正正常常唔會太甜阿元來了會咁出名確實有佢既原因既，好味而價錢合理，台式裝修、台灣人招待、台灣食物味道，淨食個感覺都抵返晒#聽句歡迎光臨都特別順耳#食台味道不止台食物…查看更多

阿元來了岩岩開個陣超多人，個時等左差唔多成個鐘🙈。今次午餐時段黎食，等左唔洗10分鐘就入到座🤩。我叫左爆蛋雞肉飯($42)，朋友就叫左魯肉飯($32)，再share個芋泥蛋黃卷($30)。爆蛋雞肉飯超多料，佢比左好多雞肉，仲要幾入味，同埋碗飯都算大，CP值幾高👍🏼👍🏼！魯肉飯就份量偏細，魯肉正正常常，肥但又唔會太肥（叫得魯肉都預左肥架啦），細食既女仔就岩曬，大食少少既就要叫多d snacks🤣🤣。芋泥蛋黃卷好有芋頭味，正！人均消費都係$40左右，抵食！下次會再光顧。🥰🥰🥰…查看更多

( ´ ▽ ` )ﾉ係一間間唔中就會想食嘅台式店舖記得以前只有西環一間分店排隊成日都要排好耐而家已經開咗咁多分店啦味道冇太大分別但價錢就變咗少少啦(´∵｀)———————————————#滷肉飯 ($32) 滷肉嘅味道非常入味而且有好多肥肉個人覺得係滷肉飯嘅精髓 哈哈而飯都煮得啱啱好唔會太硬或者太軟而且有豬油味 非常香口但份量就真係比較細啦~-#爆蛋雞肉飯 ($42)我睇食評發現好多人話佢嘅雞肉太鹹但我就覺得啱啱好可能係我嘅口味比較重？我每次嚟會嗌佢嘅雞肉、酸菜、雞蛋同豉油撈埋一齊味道非常夾~-#酥炸魷魚 ($39)炸得非常香脆表面都唔會太多粉但味道上比較淡份量都比較少~———————————————味道: 7.8/10環境: 8.5/10 (有台灣嘅感覺(‐ω‐))服務: 7.5/10會想再食: 8.5/10———————————————店家資訊•店名: 阿元來了•地址: 西環堅尼地城北街31號地舖———————————————( ´﹃｀)…查看更多

之前食過一次“阿元來了”, 對爆蛋雞肉飯念念不忘.........由於最近武漢肺炎肆虐, 所以決定買外賣返公司食。雖然返到公司已一段時間, 但都仲係好好食, 雞肉份量多, 雪菜惹味, 撈埋蛋食更一流。咁啱有優惠, 八折後$34, 好抵食...........可惜午市冇蛋餅, 如果唔係應該會order一份..............希望武肺疫情快點過去, 到時可以約朋友一齊去, 一次過試多啲野食.............…查看更多

識我嘅朋友都知道我超級鍾意食阿元！！由第三街細細間鋪頭食到而家有幾間分店，繁忙時間都仲係要等位，好好生意啊🥰呢度由外到內都充滿住台灣風味～無論係裝修定店員都會有一種去咗台灣嘅感覺！雖然價錢就一定冇台灣咁平㗎啦，但係喺香港來講，性價比真係好高！😋.one of my favourite taiwanese restaurants in hk! used to come here quite often (5 times a week was my record 🤪) for authentic taiwanese food 🇹🇼 their chicken rice with a perfect sunny side up is definitely my personal favourite especially during days when i wanna lose some weight 😉most importantly, the prices here are super affordable! love it! 😍😍😍.《爆蛋雞肉飯》$42 😋😋😋真心覺得呢個雞肉飯超underrated！！ 雞肉飯明明係佢哋嘅第二主打，但好似冇乜見過人介紹🥺雞汁係阿元秘製，再加埋太陽蛋汁撈飯，完全係絕配！雞肉飯完全係減更肥嘅時候嘅欣物～雖然雞汁都有少少肥但係點都好過食滷肉飯嘛🤪！.《魯肉飯》$32 😋😋😋四五年前第一次食阿元就係食佢嘅滷肉飯，之後就愛上咗～肉質屬於肥美嘅，而醬汁亦都非常之濃郁！雖然比起雞肉飯佢係細碗少少，不過可以試埋其他小食啱啱好！.《起司蛋餅》$25 😋😋相比起之下，呢一個蛋餅好似冇呢度嘅飯咁出色。唔係唔好食嘅，純粹只係一個普通嘅蛋餅。蛋餅嘅皮比較薄，令到蛋味好出好香。芝士蛋餅有兩個選擇，另外一款係爆濃芝士，嗰一款應該會拉到絲，呢款就唔會太膩～旁邊嘅辣醬都幾辣下，點少少吊下味就好啦！不過如果想嗌小食嘅話，我會比較推薦呢度嘅鹽酥雞同酥炸魷魚🦑！.…查看更多

星期日唔想煮飯就嚟阿元呢度食晚飯，其實第二次嚟喇，好掛住佢d珍珠奶茶（竹炭鮮奶珍珠好正❤️）！另外食物都唔錯，焢肉飯、爆蛋雞肉飯、刈包都好好味！價錢又合理....雖然每次嚟都要等位，但時間唔需要等太耐，員工服務又好，會繼續支持同幫襯！…查看更多

太夜落街食飯，仲營業嘅餐廳唔太多，所以決定食哩間餐廳。整體嚟講，啲食物唔夠熱，味道偏淡。份量偏細，如果男仔食嘅話會覺唔夠飽，可能要嗌兩碗先夠肉鬆起司蛋餅蛋餅嘅味道係偏淡，只有肉鬆可以令起味道提升少少，起司都係偏淡味嘅整體口感係有啲乾，芝士有啲幾煙韌台南擔仔粿條粿條係指河粉，成碗粿條有芫茜，蝦，肉碎，如果唔食芫茜嘅人，記住走芫茜啦湯底方面，係幾香，同食得出佢有落少許五香粉阿元鹵肉飯鹵肉飯個汁有香濃鹵水味，佢同出面嘅鹵肉唔同，佢用鹵肉粒同鹵肉條，令口感豐富少少鹵雞蛋方面，覺得雞蛋鹵嘅時間唔夠耐，所以唔夠入味爆蛋雞肉飯爆蛋係指煎太陽蛋，雞肉係用雞肉絲，再加酸菜。雞肉絲偏幼身同有少少”鞋”口將蛋黃篤穿，然後撈埋一齊食個口感會更加好因為就咁單一食嘅話味道唔出炸甜不辣拼盤普通甜不辣，不過不失。味道偏淡，個口感似炸魚肉燒賣feel 地瓜球係以上咁多個菜式最好食嘅。佢有2款地瓜球，分別係黃蕃薯同紫蕃薯嘅地瓜球地瓜入面有地瓜蓉，食落口唔會太乾身，又會有軟棉棉嘅感覺珍珠奶茶普通奶茶味，珍珠係幾好咬口仙草奶茶普通奶茶味，仙草藥味唔係太重竽香奶茶正正常常，無咩特別…查看更多