一笑爐端燒 (Closed)

一黎到就有各位店員熱情嘅招呼～點知原來佢哋係老闆～除咗介紹舖頭入面嘅嘢食之外，佢哋都會同大家傾吓偈～好耐冇遇過啲咁嘅舖頭～至於嘢食方面，招牌花甲粉完全係必食嘅選擇～味道喺出面完全冇試過～非常之特別！😋跟住仲有爆膏瀨尿蝦～完全顛覆咗我對賴尿蝦嘅認知～食到蝦膏嘅甜香，同埋原本肉質嘅鮮甜~就算係其他貝類都做得非常之好味～全部都係熟度同調味剛剛好～佢哋話嚟到土瓜灣之後先新出嘅肉類串燒～都唔會比其他海鮮失色～之後一定會再嚟試吓佢哋其他嘅限定菜式☺️…Read More

偶然見到呢間新開嘅餐廳，見到人哋話佢嘅花甲粉係「世一」，男朋友本身好鍾意食花甲粉，所以同咗佢一齊去試吓係咪真係「世一」咁勁。.職員好有心咁分享佢哋餐廳嘅背景，原來佢哋係由長沙灣海鮮舖搬過嚟大鋪，亦都可以話係成功轉型。本身係買海鮮，佢哋煮嘅海鮮或得客人嘅一字好評，所以就直頭開咗間餐廳。.聽講呢度嘅大廚仲係之前酒店廚房出嚟嘅，所以好多醬汁都係佢特登自己調製而成，相當有心機呀！.🤩爆膏瀨尿蝦我會話呢度菜係必嗌，同埋係我咁耐以為食過最好食嘅瀨尿蝦。用嘅係斑馬瀨尿蝦，而且本身佢又大隻又爆膏，成本相當高。廚師整到係九成熟，有少少creamy嘅質地，肉質鮮甜，食到有海水味，而且爆膏真係好難得。一試就知道同平時嘅瀨尿蝦係好唔同，完全係兩個Level嘅嘢。.包子貝粉絲同平時花甲粉唔同，佢用嘅係包子貝，識落比較有質感同埋海水味重啲。配嘅醬汁亦都係廚師特別調製，帶有少少泰國風味，粉絲吸埋啲汁好惹味，而且價錢十分抵，話係「世一」都絕對唔過份！.牛舌芯牛舌心整得好軟腍，即是係中間嘅芯位一啲都唔硬，而且牛舌味濃郁，食得好惹味，係出色嘅。.雞豪肉一隻雞只有兩嚿，我會話佢都算係稀有部份。平時比較少見到，但呢度都係一個signature dish，佢嘅雞味比較濃郁，肉質方面係比平時嘅有彈性。.牛油鮑魚用咗鮑魚肝特別整多咗個醬汁，相當巧心機同功夫。牛油香濃，識落鮮味、彈牙，又有多重口感，讚！秋葵 翠玉瓜.如果平時鍾意食海鮮嘅，呢間餐廳絕對十分推介，因為海鮮全部都係好新鮮，食到先甜嘅味道之餘，廚師亦都會特登調製醬汁令到個菜式更加昇華。…Read More

夜晚經過長沙灣見到有餐廳九點都未閂門，仲話唔趕人走，10點後可以唱K，就試一試佢😏一個唔覺意搵到間好食，又有氣氛嘅日本餐廳🤣店員好熱情又陪飲🍻！重點海鮮質素好，見到隻瀨尿蝦燒緊嘅時候仲喺度掙扎緊🫣…Read More