春城銅鍋米線 (砵蘭街)

餐廳：春城銅鍋米線地點：旺角砵蘭街菜式：雲南米線餐牌：醒胃酸菜飯、即叫即滾湯飯、昆明媽媽推介、自選雙拼米線、小食推介、飲品。招牌春城銅鍋米線 $37成個銅鍋熱辣辣上枱。米線滑溜，配有肉碎，芽菜，腐皮，酸菜，木耳絲同甜酸菜，材料豐富有口感。湯底可選辣度，我叫左唔辣，都好夠味。農鄉番茄銅鍋米線 $36農鄉番茄銅鍋米線就有好香甜番茄味，仲食到好多甜酸菜，芫荽同生菜。都可以叫辣呀。自選左以下材料：新鮮牛肉 $16新鮮牛肉份量唔少，好嫩。五香牛展 $16五香牛展有好幾塊，唔錯。新鮮蠔仔 $16新鮮蠔仔有好多隻，超滑唔腥。五香牛腩 $16五香牛腩有好幾件，算淋而且入味。叫左兩款小食。炸脆脆蝦膠豆卜 $25呢個價錢係三粒，可以叫五粒。炸脆脆蝦膠豆卜炸得外皮香脆而入面蝦膠好彈牙又鮮味，配甜酸醬非常開胃，墊有生菜解膩。爆漿紅糖糍粑 $20呢個價錢都係三粒，可以叫五粒。爆漿紅糖糍粑熱辣辣上枱，皮好薄脆，而入面果然有爆漿紅糖，味道甜甜地唔會太甜，口感外脆內軟糯，係一道唔錯既甜品。凍檸檬可樂 加$12凍檸檬七喜 加$12罐裝汽水另配大大杯冰，仲有四片檸檬，解渴夠凍。今餐食到飽飽，銅鍋米線果然唔錯，小食都幾好，主食價錢好平。餐廳裝修光猛，平日午市滿座。…Read More

餐廳：春城銅鍋米線地點：旺角砵蘭街菜式：雲南米線餐牌：醒胃酸菜飯、即叫即滾湯飯、昆明媽媽推介、自選雙拼米線、小食推介、飲品。招牌豬扒酸酸辣辣銅鍋米線 $54成個銅鍋熱辣辣上枱。米線滑溜，配有肉碎，芽菜，腐皮，酸菜，木耳絲同甜酸菜，材料豐富有口感。湯底可選辣度，我叫左BB辣，我覺得都頗辣。招牌豬扒大大塊一開六片連骨，整得肉質好淋，外皮少少脆，豬味濃，好多肉食。鹵水牛展雞翼酸菜飯伴鹵水蛋 $65鹵水牛展四片，帶好多筋，都算淋，非常入味。雞翼兩隻，都好入味。仲有一隻鹵水蛋。配菜有菜心一條，酸菜同新鮮芫荽。飯粒長身同偏乾，加d酸辣湯變湯飯正呀。炸脆脆蝦膠豆卜 $25呢個價錢係三粒，可以叫五粒。炸脆脆蝦膠豆卜炸得外皮香脆而入面蝦膠好彈牙又鮮味，配甜酸醬非常開胃，墊有生菜解膩。爆漿紅糖糍粑 $20呢個價錢都係三粒，可以叫五粒。爆漿紅糖糍粑熱辣辣上枱，皮好薄脆，而入面果然有爆漿紅糖，味道甜甜地唔會太甜，口感外脆內軟糯，係一道唔錯既甜品。凍檸檬利賓納 加$6凍檸檬利賓納大大杯有三片檸檬，味道少甜解渴夠凍。支裝豆漿 加$12支裝豆漿好大支。今餐食到飽飽，銅鍋米線果然唔錯，小食都幾好，主食價錢好平。餐廳裝修光猛，平日午市滿座。…Read More

我約兩個好朋友一齊去吃...找下邊好吃米線，經過見到有一間米線，我們三人未試過食，決定揀這間，入去試試食，看看餐點..都有米線熱熱鍋，我們點下～～吃完後覺得價錢好合理又不貴喎，不過最受歡迎多人兩個是爆漿紅糖糍粑同埋炸脆脆蝦膠豆卜..不妨你們試試吃..別過錯啦！餐牌見到有小食，好特別荷葉包，包內有揀酸菜腩肉、香炸豬扒、日式炸雞、餐肉炒蛋，下次再來試下揀荷葉包1. 農鄉番茄銅鍋米線 $35轉米粉 唔辣 不要芫荽 揀竹笙 鱈魚豆腐 共有$18訪問她吃得如何…「這個叫番茄湯不夠味，另外以為鱈魚豆腐是正方豆腐，原來是星星形狀豆腐😅，4. 紅糖幾ok,有甜不會多，5.豆卜真好吃炸脆」2. 春城麻辣銅鍋米線 $35中辣 不要包括木耳絲、腐皮、芫荽🙈 揀腸仔 腩肉 鱈魚豆腐 共有$25我點餐，這個銅鍋..是保持熱熱，麻辣湯，試飲..覺得不錯，包有酸菜粒粒..另外腩肉夠份量夠多，有幾塊大塊又厚，另外星星是鱈魚豆腐，試咬一口，好特別..真是好吃～3. 農鄉番茄銅鍋米線 $35扣底(小米線) 唔辣 不要芫荽 揀火腿 魚片頭 共有$16訪問她吃得如何…「番茄湯米線一般，不過蕃茄湯太濃味，另外甜品都ok..」4. 爆漿紅糖糍粑 $30最後吃甜品，好少見米線店還有甜品，吃完米線後，大家吃紅糖糍粑，這個糍粑香甜軟軟，咬一下裡面有紅糖，外醬有焦糖味，我就喜歡這個爆漿紅糖糍粑真是好吃..5. 炸脆脆蝦膠豆卜 $ 35覺得好多人揀這個，不知好不好，大家點這個試試食，一眼見它似響鈴，咬一下十分好脆，炸得好鬆化又香口，裡面有蝦膠真好大，附送有甜辣醬好配合…Read More

必食 > 爆漿紅糖糍粑、炸脆脆蝦膠豆卜驚喜特式小食更勝米線🤩久違了蟲草花椰子雞米線曾經於屯門新墟有一間難忘的椰子雞米線餐廳自從結業後都搵唔返呢種味道點知今次終於遇到了！椰汁濃湯配蟲草花雲耳絲滋潤而不膩 不過雞肉就未算好滑有進步空間酸酸辣辣銅鍋米線 -腩肉 唐揚餐廳主打銅銅米線獨特香辣味道👅越食越辣不過唔算太特別起乎小食真係比米線超班值得再次光顧！…Read More

旺角朗豪坊附近新開咗間新米線，主打銅鍋米線，我地就急不及待要去試試😛。舖頭名都已經叫做銅鍋米線，無理由唔試試㗎，所以就叫咗碗招牌春城銅鍋米線，基本已經有肉碎、芽菜、腐皮、酸菜、木耳絲、甜酸菜，我再加咗新鮮豬潤、肥牛同唔係成日見到嘅新鮮肉眼筋。因為我唔係好食得辣🫣，所以嗌咗個微辣，雖然呢款湯底可以揀唔辣但食米線總係要有啲辣先食得過癮嘅😙😙。米線上枱時係用銅鍋盛載，令到碗米線keep住熱焫焫🔥，配料分量多，酸酸辣辣好開胃。另外我地仲叫咗兩個小食🦐🦐炸脆脆蝦膠豆卜，豆卜炸到脆卜卜，蝦膠爽口彈牙，再配埋泰式辣醬一齊食，好好味！😋爆漿紅糖糍粑都好味！外脆內軟，一咬入面啲紅糖漿就咇晒出嚟😚，香香甜甜，配合一齊食好好味！兩款小食味道都幾出色，反而米線就略嫌有啲失色，除咗用銅鍋比較特別之外，味道同其他米線舖差別不大。所以都唔需要特別出旺角食，但如果咁啱係附近都可以試試，呢間都算係性價比唔錯嘅米線。…Read More

「雲南昆明 四季如春 又名春城」🌺呢一間米線嘅特別之處就係用銅鍋保持熱度🍲💗酸酸辣辣銅鍋米線+香炸豬扒+炸海蝦寶+ 腩肉 ($77)米線軟硬適中，配上酸爽微辣嘅湯底，基本米線已經有肉碎、芽菜、腐皮、酸菜、木耳碎、甜酸菜🍜今次額外咗加香炸豬扒、炸海蝦寶、腩肉。腩肉肥瘦相間，滷得非常腍🐖；炸海蝦寶爽口彈牙🦐；香炸豬扒大大塊，超級嫩滑Juicy，不過略為較油膩🐷💗爆漿紅糖糍粑 ($30)紅糖糍粑炸得外面香脆，內裡香甜軟糯，中間爆出流心黑糖漿超滋味！🍡💗炸脆脆蝦膠豆卜 ($35)豆卜釀入蝦膠後炸至金黃鬆脆，內𥚃爽口彈牙🦐沾上泰式甜辣醬，開胃惹味🌶️…Read More

最近見到好多人去咗呢間 我都係比佢個銅鍋吸引😂晏就去到比想像中多人 好多放飯嘅人嚟食米線湯底選擇都幾特別 除咗常見嘅酸麻辣仲有番茄泡椒湯 椰子雞湯底咁 仲有好多平時啲米線舖冇賣嘅特色小食🤍豬扒酸酸辣辣銅鍋米線($52) | Rating: 7.5/10銅鍋上到枱好夠熱 望落勁多 但其實還好老實講味道一般 個湯底冇咩記憶點會話同嗰啲雲桂X嘅味道幾似米線入口幼滑嘅 口感可以 另外幾鍾意配菜有木耳絲米線其實7分 但個大大塊豬扒加0.5分真係大塊到一個人食唔曬lol 重點係香口又唔乾!🤍炸脆脆蝦膠豆卜($35) | Rating: 8.5/10蝦膠釀入豆卜再拎去炸 每粒都幾飽滿豆卜炸到超鬆化超香口 但又乾身!完全冇放耐咗有啲位會過硬嘅口感有附埋泰式辣醬 雖然同米線舖好唔夾😂🤍爆漿紅糖糍粑($30) | Rating: 8.5/10平時食開都係淋上去or比你點住嚟食呢個整成流心我覺得先夠味🥹🥹真係爆漿 佢冇呃人 紅糖比得好足糍粑香甜軟糯 但梗係覺得差啲嘢咁原來係黃豆粉!如果有埋佢我會比9分🥹雖然以米線舖嚟講佢嘅米線冇咩過人之處但小食確實係有自己特色同幾好食^^會為啲小食再encore 同嘗試下其他湯底嘅米線´･ω･`..講漏咗餐牌有個小bug位 本身我想食豬扒+麻辣湯但喺”推介”嗰欄得豬扒+酸辣湯($52) 如果我想嗌麻辣湯只能夠以”自選米線”嗰到揀 但佢又最低要求兩個餸 啫焗住你要嗌多個餸先可以有呢個組合通常啲米線舖都係餸同湯可以隨意配搭 “推介”嗰到嘅組合亦只係作參考問咗店員話可唔可以轉湯底 佢話唔得 係呢下有啲無奈🌚仲有其他小bug位但唔詳講了😂如果去嘅自己計好數啦😂…Read More

旺角一間新開嘅米線同朋友行街行到好鬼死肚餓入去坐低嗌咗春城麻辣銅鍋米線🍜值得一讚佢哋個銅鍋夠保溫又夠份量我揀咗小麻辣啱晒我口味裏面配菜又多有肉碎芽菜木耳絲等等………..另外自選配料我揀台灣貢丸新鮮又夠彈牙仲有手打鯪魚肉好食夠入味再配小食試咗炸脆脆蝦🦐膠豆卜超正脆卜卜夠哂香口裏面勁多🦐再試多樣頭抽雞翼醃得夠入味雞肉滑嘟嘟飽到捧住個肚😄都要叫埋飯後甜品爆漿紅糖糍粑真係夠驚喜甜甜地好煙韌真係好耐未食過咁高質素嘅米線。價錢唔貴又好食真心讚…Read More

好耐無約朋友出黎旺角揾食，之前佢睇到介紹呢間新開的米線舖用銅鍋裝米線，聽起黎都幾特別想試下。我們大約晚市岩岩開始一黎到呢間餐廳，已經有人排隊入去呢間餐廳預備用餐，人氣都好似唔錯。招牌使用紅色燈箱係眾多餐廳中份外醒目，在街中特別顯眼非常容易揾到，地理位置都算方便。入門時待應姐姐都好好招呼，又會開玩笑，用餐氣氛都幾好。坐位裡面都幾多人用餐，所以坐左係其中一組圓枱用餐。餐廳有好多選擇，米線可以選擇指定的招牌菜或自己揀想食的餸菜，任君選擇。辣度都分左好多種辣，歡迎唔同朋友黎以身試辣另外小食類都幾吸引，有啲小食係呢間米線舖獨家創新，有甜有鹹可以試下。我點左份招牌三鮮銅鍋米線(腩肉，豬膶，螺旋藻)小辣，先唔講味道，由個銅鍋上菜個陣個容器仲係冒緊煙，銅鍋係一個非常好的導熱體，所以米線食到底都係熱辣辣的。銅鍋食具都幾特別，除左食韓國菜會用到，所以都幾驚喜。米線內容物都幾豐富，除左腩肉，豬膶，螺旋藻之外，仲有好多餐廳自己調制的鹹酸菜，甜甜酸酸非常可口。米線份量都十足，辣度小辣都幾辣，唔食得辣的朋友可以點清湯或微辣。米線的肉都幾多，全部都係曬碗米線底度。湯底都鮮甜，配埋上面啲芫茜同唐芹都幾夾。食米線一定要配啲涼拌菜係我原則，叫左一份涼伴芥末魚皮，魚皮非常爽口，而且每塊都幾大塊，啲醬汁都幾入味都幾香口，不過略為缺乏甜甜酸酸的味道，如果有既話就perfect~呢個小菜炸脆脆蝦膠豆卜係其他米線舖沒有的新品，都幾特別。餐廳用豆卜夾埋一隻完整的蝦仁一齊炸，配埋泰式好有泰式菜的炸物拼盤feel，口感外脆內嫩，點埋泰式辣醬非常夾。呢個爆漿紅糖糍粑又係其他米線舖沒有的獨有小食，同脆脆蝦膠豆卜一樣岩岩炸起，裡面的紅糖漿非常飽滿，一咬落去都有糖漿流出黎，份外甜甜蜜蜜。因為我唔係好食得辣，所以點定一杯凍檸茶止辣，意外地呢間餐廳用既茶底非常用心，茶味香濃。總括而言，整體用餐體驗唔錯，待應姐姐都好好招呼，坐位一般舒適，上菜速度因為可能新鮮整，所以上菜時間要耐少少但可以接受，是一個不錯的選擇。…Read More

旺角好多米線店 呢間春城好似係新開 之前經過都唔係好覺眼🤔原來店名春城都有典故 「雲南昆明 四季如春 又名春城」即係雲南米線嘅意思☺️店內用QRcode落單 米線可選套餐 有湯有撈 有辣有唔辣 亦可自由配搭 主打嘅銅銅米線顧名思義就係用銅鍋盛載嘅米線🍜🍜豬扒酸酸辣辣銅鍋米線 💰52酸辣湯有分辣度 初次食呢間唔知佢個辣有幾辣 所以叫咗少少辣🌶️有辣又唔會好辣 平時唔食辣嘅朋友都食到 仲要覺得幾好味 豬扒另上 煎得好香 啲肉都唔會嚡 配料有腐皮酸菜 味道豐富🍜紫菜蠔仔肉碎米線 💰60好少見米線有得揀蠔仔肉碎 所以見到就即叫👍🏻同樣可選辣度 呢個揀咗唔辣 蠔仔同肉碎份量都唔少 粒粒蠔仔都好飽滿脹卜卜 味道鮮甜唔腥 肉碎唔韌 湯底都幾清甜 加咗紫菜好香 🍡炸脆脆蝦膠豆卜 💰35第一次食蝦膠豆卜 好似好特別咁 外面係脆脆嘅豆腐皮 入面係彈牙嘅蝦膠 即炸熱騰騰 配上泰式辣醬更好味🍡爆漿紅糖糍粑 💰30超好味嘅糍粑🤤口感軟糯 加上流心爆漿嘅紅糖餡料 甜度恰到好處 一份五件我就食咗三件🍹龍鳳可樂 💰+11🍹咸檸七 💰+11…Read More