新志興至尊燒鵝大王

去完西貢爬艇仔，搭一程車出返九龍搵好嘢食，新志興大排檔位置方便，食物質素有保障，首選之選。燒鵝必叫，皮脆多汁，鵝味十足，一上枱冇咗半碟。沙薑豬手，爽脆，枱枱叫一碟，自然吃香，淨低啲汁，朋友要求用嚟點其他餸，一流。 蠔餅的蠔仔和粉的分量尚可接受，炸成的外型非常吸引。椒鹽魷魚，椒鹽九肚魚，是大排檔實食之選。 不得不提，水煮美國肥牛，美味，辣度適中，牛肉分量足夠，有菜，芽菜和黑木耳 墊底。見隔離枱叫咗兩碟靚靚排骨，叫來一碟，不錯，排骨滑溜。假日揾食什艱難，訂位要三點前打通，否則預時間 walk in 等位。…Read More

老顧客既我又帶媽咪去呢間食大排檔😍😍🌟中式牛柳🌟椒鹽鮮魷🌟滷豬手🌟椒鹽豬手🌟脆皮大腸🌟至尊燒鵝💕呢間燒鵝十分出名😋多汁外皮香脆😎鵝味超香，配2支啤酒真係一流🍻…Read More

朋友推薦去試大排檔，本身不是有太高期望，結果有驚喜，尤其是燒鵝同豬手。燒鵝皮脆肥美，油脂令鵝香滑可口。豬手爽彈，醬汁特別。令人回味無窮。椒鹽九肚魚外脆內軟都好味。…Read More

今日同一行九人行完飛鵝山，好自然就決定喺彩虹附近一帶搵食，有人提出仲有冇大牌檔感受下，印象牛池灣好似仲有，於是上 Openrice就搵到「新志興」😜唔知點解，去大牌檔好自然就會墮入大牌檔嘅角色🤪，第一件事首先就叫左幾支大藍妹（連冰筒），跟住再點幾個餸送酒，包括「燒鵝、滷水豬腳仔、炸蠔餅同黃金鮮魷」😍「燒鵝」差唔多每檯必食，隻鵝好大隻，皮下脂肪唔算多，燒得唔錯肉味鮮美👍「滷水豬腳仔」滷得好冧好入味，啖啖肉送啤酒一流😋如果將呢度「炸蠔餅」同真係潮州菜館出品比較，坦白講係有點遜色，但大牌檔風味就係平靚正，果頭廚房煮好好快就送到你面前，樣樣熱辣辣其實已經加分同埋好食😉「黃金鮮魷」做得非常好食，鹹蛋黃蓉包勻每件鮮魷，食落啖啖鹹香，真係唔使一陣，幾個餸就消耗左好幾枝大啤🤪見食到差唔多，繼續開放第二 round，再點多幾個菜「虎皮釀尖椒、柚子骨、蝦干浸豆苗、順德小炒王」🍻「虎皮釀尖椒」係另一個今晚好有印象嘅菜，蒜頭豆豉辣椒炒得好香，係咪大牌檔先有呢啲鑊氣呢🤔 辣椒好好味又唔會太辣，正👍「柚子骨」係靚仔哥哥（其實係呀叔🤣）介紹嘅，咁我哋當然唔會拒絕，最後都冇失望，柚子味濃肉排又冧，唔錯😋食咗咁多肉都要食番啲疏菜，「順德小炒王」炒得好香口，裡面啲蝦干非常大隻，整個餸炒得非常乾身好味😋食咗咁多野味菜，跟住食個「蝦干浸豆苗」清清地覺得好舒服，用嚟過下場為最後一 round 做準備🤣之後再叫多個「啫啫芥蘭」、「黃金涼瓜」、「鼓油王炒麵」，樣樣即叫即炒，今晚總算尋回香港大牌檔風味👍…Read More

連續有兩位朋友推介我呢間大排檔好得，o係彩虹由細住到大既我竟然無幫襯過早一日晚上六6時親身去預約時還沒有什麼人，同佢講要坐冷氣位，因為呢種大熱天時坐室外真心會死人點知今日就落大雨天氣變得涼涼地，坐室外都好似無咩問題晚上7時到達已經座無虛席，唔係誇張，一路食既時候都一直無少過人點了炒涼瓜、瀨尿蝦、燒鵝、蒸老虎班、至尊小炒皇、豉油王中蝦、農家雞蛋焗魚腸同埋蒜蓉粉絲蒸扇貝炒涼瓜好夠味，吃到口裡最後會回甘，不算太苦瀨尿蝦D肉好鮮甜，雖然唔重椒鹽味，反而佢落o左D孜然粉，一上檯即使舌頭未品嘗，聞到已經食指大動燒鵝遲遲都未到，追問之下佢話燒緊，但上檯後感覺唔太熱，皮係脆既，但呢隻鵝太肥仔了點，無咁多肥膏會好D老虎班值得一讚既係佢真心蒸得剛剛好，沒有過熟的情況出現，魚肉勁滑小炒皇都係大掛檔一貫水準，魷魚好爽口豉油王中蝦隻隻都好大，如果可以用美極黎炒就更夠味啦...同埋一定要送飯，唔係都幾咸下魚腸蒸蛋麻麻，唔係好食到魚腸，而且D蛋太實了，感覺蒸過頭蒜蓉粉絲蒸扇貝，同樣都係蒸得剛剛好，完全唔會有咬唔爛好似橡膠既感覺，而且佢已經係原隻起o左出黎，唔會有D痴住o個殼，永遠都食得唔乾淨既感覺見到檯檯都必點燒鵝，又用得燒鵝黎做店名，想必一定係對自家鵝好有信心黎之前聞說呢度既海鮮同燒鵝都好味，佢都無令我失望之前去開屯門三聖食海鮮燒鵝，我覺得係勁好味，不過相對黎講價錢都勁貴呢度絕對係平價版既三聖，呢個價錢黎講有咁既質素，性價比好高果然街市中係有好多臥虎藏龍既舖頭，好開心屋企附近有D咁有氣氛又性價比高既大排檔住彩虹既你仲諗？心動不如行動…Read More

今晚約咗親戚食飯，要求要食呢間，好有香港特色風味嘅大排檔。六點零鐘嚟到室內已經無位，要坐室外， 遇著呢啲落雨嘅天氣， 都幾驚食食下會落雨㗎，好彩差不多食完先開始落😅七個人叫咗個餸菜， 個個食完都捧住個肚走呀🤣例牌燒鵝，賣相又幾靚喎， 我平時好少食燒鵝， 今次都要試下， 味道真係唔錯，唔會太肥，個燒鵝醬好好味。咖哩牛腩， 咖哩味夠香，撈飯一流， 牛腩又煮得夠腍。蒜蓉白菜仔， 白菜仔夠爽甜。欖菜肉鬆四季豆， 平時食呢個菜會覺得好油膩， 呢個又唔會喎。 味道好香好惹味。大班兩味， 兩款都咁好食。一款係走過油，特別香口，另一款係蒸嘅，魚嘅肉質好滑。…Read More

話說今天去完西貢行山，搭車到彩虹順便同幾個老死吃餐飯吹吹水，揀左呢間大排擋，我地去街市買左條海魚同聖子加工，我他一行4人6點半到達坐底左，拎左海鮮俾侍應叫佢加工，另外叫左倒牌燒鵝同，召鹽鲜尤，叫左幾支藍妹啤啤佢，開頭一路正常，點知勞氣嘅野開始發生，份燒鵝催左佢3次，侍應都話得得得，冇問題，幫你跟左架喇，等多陣，就快到。 到第5次喇，我地話整左未，有冇跟架，未整要取消，位男侍應先去問廚房，但最尾話賣曬，燒緊，新先出爐，要等20分鐘，大家O曬嘴😱，算我地即管等下，出到來燒鵝係熱，不過干爭爭，D肉又硬，冇乜特別，出面周圍都食倒啦！ 再講個聖子，基本蒜容蒸，味道正常，但是廚房完全冇處理乾淨，就蒸俾D客人食，好多沙，一啲都吾認真，食左一半已冇食，隔壁台情況都一樣，佢地買左帶子，都係好多沙，係度向侍應投訴，鬧到佢7彩，其實都吾關侍應事，係廚房問題！ 老友話算啦當買個教訓！😡😡😡希望個老闆可以改善一下，海鮮吾係平，吾好浪費食物，建議打算加工嘅朋友真係唸清楚，真係冇下次！…Read More