Wai Kee

香港清真燒鴨飯叫咗半隻燒鴨 2個人食得好飽 夠晒食燒鴨好好食 好入味 點埋鴨汁仲正白飯加咖喱牛汁咖喱汁好辣 好正唔食得辣 可以叫白飯 加鴨汁下次會試埋個咖喱牛肉飯平日都好多人食…Read More

灣仔lunch time外賣清真惠記 6個人叫咗一隻燒鴨外賣左都仲皮脆肉嫩秘製鴨汁濃郁鴨肉呈現鱗光色咖喱羊十分出色，咖喱特別，羊入味份量多，性價比高 ，撈飯一流。清湯蘿蔔蘿蔔無渣，多汁清甜蝦籽柚皮製作程序複雜 唔係日日都買得到好彩今日買到一盒 柚皮多汁 ，同蝦籽好夾老闆好好人，好nice熟食中心都可以有五星級服務質素。…Read More

呢間野不嬲出名，好評如潮。所以會一會佢。今次叫既係雞鴨雙拼飯。去相～～～～先唔講味道，$40蚊咁大碟野，已經好抵食。而且望落都正常樣，而且離遠都聞到個汁既香味，好多燒獵店整到成堆垃圾咁，呢個絕對唔會。先睇個鴨。胸黎既，但絕對juicy唔鞋口唔乾身，食落仲彈牙添，最重要一樣野係，佢熱架！！！皮仲係脆架！！！有幾何有燒蠟店既燒味係熱架！！！夠熱，夠彈，夠脆，夠味。絕對推介。另一味就被比下去⋯⋯⋯個雞唔係唔好食，只係好普通。個飯底先係精華，我見冇鼓油好似好淡口。一食落又唔係喎，原來淋左汁，好夠味而且好好味，可以話係為個飯畫龍點睛。講其他，地方就大排檔，服務就都係果d呀姐。但係茶任飲，紙巾任用，呢兩點係好吸引我呢d成日唔夠水飲既大汗怪。總括黎講，$40蚊抵食又好食，好過好多大集團既出品。…Read More

這間位於市政大樓內的食肆, 主打清真(但老闆是華人), 一向甚得南亞人仕喜愛, 用新鮮材料打造出正宗清真味, 雖然人人推介羊腩, 但其實它的牛腩也不容忽視, 用新鮮牛肉(雖然比較碎), 但的確不是雪貨, 而且味道和羊腩一樣(咖喱味), 確令人回味非常, 燒鴨新鮮出爐, 皮脆肉味濃, 果然也是它的招牌, 所以每日用量非常大, 有時要等出爐才有得吃, 另外小食鹵水掌翼每天限量供應, 賣哂就冇, 用白鹵水做的, 另有一番風味, …Read More

呢間係一間穆斯林中國人開嘅餐廳，食左間野超過卄年，佢地檔口冇賣豬肉，亦禁止所有人喺佢地檔口食含豬嘅食物，呢啲都好正常嘅，所有人都好守規矩。但有樣野係令到我搲哂頭嘅係，佢地有啤酒賣，我亦試過帶酒去佢度開，穆斯林唔係禁酒嘅咩？睇左呢段野又知答案嘅朋友請留言解說。言歸正傳，今日約左朋友一共兩條友点左4樣食物，燒鴨、咖喱羊肉飯、咖喱牛腩淨食及上湯柚皮。呢度嘅燒鴨係我心目中排名係全香港no 1 , 大家記住係燒鴨唔係燒鵝，呢度冇鵝賣嘅，太多香港人鵝鴨不分啦！叫左個大嘅，68蚊，上碟時隻鴨係熱而皮脆架，点解？咪因為好生意轉流快，賣完又有一批燒好拿出，絶對係良性循環！除左新鮮熱辣外，肉味仲好鮮甜；家陣全香港都食緊冰鮮鴨，冰鮮都唔緊要嘅，但好大部份嘅燒臘檔用下價野，而呢啲鴨嘅肉大都帶有腥味而且唔甜，但惠記嘅就真係零啥不同呀，佢地賣嘅鴨係明顯比你街外嘅鴨細隻同少啲脂肪嘅，同你喺羅湖過關後燒臘檔見倒嘅幾似，如果佢地係同一鴨种，咁惠記賣緊嘅就係'草鴨'。到咖哩，其實一向都有食開佢地咖哩牛羊雞，仲每次來都点，但一向唔覺得好食，只係覺得一般。客觀標準，無倫邊個國家嘅咖哩都要夠香，而佢地嘅就一向唔夠香！主觀標準，我不太鍾意多油嘅咖哩，呢度嘅咖哩着左三份一碗都係油，次次我都要倒哂啲油先食。蝦子皮真係好貨色，賣15蚊好抵食。成個柚皮用湯餵得好入味，個湯底應該好足料，但坦白講唔見有蝦子乜滯，個菜就咁叫蝦子柚皮重好。整體評價，食物質素大排檔來講係好高嘅水準，杯碟筷子都摸落唔會肥騰騰，食物來得快，侍應冇黑面。以上食物連啤酒一支及飲品兩支共HK$204。從我的 iPhone 傳送…Read More