Hung Kei Store (Closed)

呢間非常推薦！已經唔係第一次食，而係每次入石澳都必食既食店👍🏽逢星期二三休息，有時入到黎無得食都好難過🤢首先介紹呢度必食既係燒鴨，而我每次都嗌燒鴨瀨粉。燒鴨黎到好香，份量多亦都好厚肉，湯底係會加咗腩汁比我地，所以唔會好淡無味😋有葱既所以唔食葱可以走葱。枱面有一罐自家製既辣椒油，加少少落湯好香，好惹味👍🏽呢度仲好多人食叉燒，叉燒都係食店推介既。呢度雖然無冷氣坐室外，但都有好多風扇，所以食落都唔會太熱👌🏽…Read More

之前入嚟石澳都係去沙灘同BBQ，未試過去石澳的另一邊行下睇下。見今日天氣好好，心血來潮想去行下影下相。二點半喺筲箕灣撘巴士，三點鬆啲就入到石澳了。入到去第一件事就係要醫咗肚先，因為仲未食lunch。行咗兩三分鐘就見到洪記士多，有粉麵食，就坐底試下了。這間士多的粉麵有別於其他，呢度竟然有燒鴨太神奇了！咁就當然要試下啦！食燒鴨就唔使講一定係配瀨粉。碗燒鴨瀨好快就上啦，燒鴨食落去好香，有油溢出，好正而且唔會話好鞋，配合碗湯瀬好完滿估唔到可以喺石澳食到有質素的燒鴨瀬！本身想叫燒鴨肶的，差$10，但可惜賣哂，唯有下次再試過啦。…Read More