Fukumaru Teppanyaki Japanese Restaurant

補祝白色情人節，想食好食嘅日本菜！朋友介紹話呢度食物好食環境優美，估唔到真係咁好食！地點喺西鐵站附近全層，位置都比較多！下次一班人食飯可以來呢度！未食之前先嘆過冰啤酒，辛苦左一日可以飲一杯冰凍嘅啤酒真係特別爽！第一道菜係前菜，佢嘅擺盤非常之精緻，見到隻好細嘅蟹，忍唔住幫佢哋影咗輯寫真。前菜有菠菜、黑豆、蝦、蟹、蛋糕！事實上呢個蛋糕係魚肉同雞蛋造成，口感有少少似蛋糕，非常濃烈嘅蛋香！值得睇多蝦非常之彈牙，原來就係店舖入面水族箱嘅蝦新鮮蝦！而呢隻咁世嘅蟹，竟然有好多膏！我最期待嘅刺身終於到啦！包括深海池魚、螢光魷魚、拖羅、粒貝同埋池魚！我很喜愛佢嘅深海池魚，非常鮮甜，佢將深海池魚薄切，爽口彈牙，食得出非常之新鮮！師傅仲俾咗個醋我地配合，效果好fresh！我認為拖羅係刺身之王，每次食到充滿油脂嘅拖羅都覺得非常滿足，師傅將呢塊咁靚嘅拖羅厚切，放入口真係覺得口腔懷孕！第一次食螢光魷魚，佢同其他魷魚相比，味道更加鮮甜！粒貝超級爽口！毛蟹茄子！師傅真係好識配搭，毛蟹嘅味道鮮甜，茄子本來就冇乜味，將海鮮嘅鮮甜味煮成汁汁，將精華索左落個茄子度，超級好食！師傅好細心將蟹肉拆開，而且將毛蟹嘅蟹膏融入蟹肉中，非常滋味！天婦羅方面，我哋叫咗海膽烏賊，其他地方好少食到呢個配搭，海膽同烏賊配合得好好，炸粉唔會太多，亦唔會感覺到油膩！ 你睇下墊底張紙幾清爽！我老公最鍾意食魚，所以叫咗個金線鯛俾佢，連佢都大讚呢個魚燒得好！店員話唔需要點任何醬汁，可以食到佢嘅鮮味，真係㗎！好鮮甜！不過我就鍾意點汁食魚，點返頭先食天婦羅嘅醋，出奇地match！今年好興食甲羅燒，我之前喺大阪都食過，蟹膏味真係好鮮甜，估唔到香港都可以食到咁先甜而且配搭得咁好嘅甲羅燒！我哋兩個人share左一個黃金蟹膏甲羅燒，我見Menu寫住係店長推介，即刻order一個！入面有海膽、松葉蟹膏、蟹肉、蟹子、仲有鵪鶉蛋！之前有食過用三文魚子去煮，但係就缺乏左蟹子係口腔入面爆開嘅感覺，師傅善用蟹子去做口感上嘅調配，非常出色！白色情人節食好啲！老公話叫鮑魚食！因為見到水族箱入面佢哋好生猛！佢哋係隻碟度不停郁，見到佢咁生猛，有諗過可唔可以食刺身，但老公話燒鮑魚先至係最好食！我選擇信佢，結果冇令我失望，燒左嘅新鮮鮑魚彈牙又夠腍，同你食中菜嗰啲鮑魚仔係兩個世界，仲食到鹽鹽地嘅海水味添！我冇澱粉質落肚會覺得有啲空虛，我鍾意食稻庭烏冬，鍾意佢煙韌柔滑嘅質感，但好食嘅烏冬一定要配合好嘅湯底，呢碗湯我最後係飲晒㗎，冇味精，又唔會過鹹，滿足左我個胃！女人有兩個胃，無論食到幾飽都可以食甜品，日本食過Wasabi雪糕，一直念念不忘，梗係要重溫一下！其實我係香港第二次食Wasabi雪糕，上次喺會展美食展，食到攻鼻又唔好食嘅雪糕，失落左好耐，呢度同味道啱啱好，佢嘅Wasabi味係唔會攻鼻㗎，同之前日本食嘅一樣！最適合完結左今晚咁精彩嘅晚餐！…ดูเพิ่มเติม

上次老公生日帶左佢去食日本野, 今次輪到我啦, 佢帶我黎荃灣食好野一出lift, 就見到大大個搶眼佈景板, 因為3月, 連餐廳內都用左櫻花黎佈置, 有心思餐廳內佈置都係日風, 掛滿小燈籠 &櫻花座位係大卡位, 兩個人坐得好舒服入黎時仲見到好大個魚虹, 每款海產都好生猛原來係帶我黎食浜燒枱面都放左個浜燒既爐具同埋好多調味料食物種類好多, 我地諗好除左想食浜燒外, 都想食刺身, 天婦羅等 先黎個前菜三點, 綠豆味豆腐, 彈牙墨魚粒, 魚乾,墊住魚仔既原來係白飯魚干, 非常香脆刺身拼盤, 包括立魚, 深海池魚, 金目鯛, 墨魚, 八爪魚, 牡丹蝦, 拖羅, 每款都係厚切, 賣相滿分新鮮度十足, 刺身油脂甘香, 特別鍾意金目鯛 &拖羅,金目鯛係比較矜貴的魚,色澤鮮紅, 一眼就認得出, 口感鮮甜爽脆拖羅色澤粉嫩, 佈滿油花, 入口即溶, 一試難忘我地食完個刺身後, 無食到牡丹蝦蝦頭, 侍應話可以叫師傅炸左佢, 令我地非常驚喜炸後非常香脆可口, 瞬間變成另一道佐酒小食, 不過食時要小心刮到咀汁煮油甘魚腩, 賣相美觀, 配時令春菜&日本大根蘿蔔魚腩入曬味, 煮後油脂更豐富溢出, 魚肉嫩滑唔鞋口, 而且無骨, 食得放心一般都好少用油甘魚做汁煮菜式, 更何況係魚腩呢花竹蝦天婦羅, 配天婦羅醬汁, 蘿蔔蓉, 鹽, 同埋新鮮檸檬天婦羅炸粉超薄但又非常脆, 蝦肉鮮甜, 只係加鹽已經好好味, 連蝦頭都係炸埋, 酥脆可口鹽燒白蛤, 即係蜆, 好大隻, 非常新鮮鮮甜, 殼裡既蜆汁都唔好浪費, 好甜架最後先食我期待之一既 浜燒盛合+黃金蟹膏甲羅燒盛合包括帆立貝, 蠔, 蛤, 鮑魚, 見到蛤殼既開開合合, 鮑魚既翻翻起舞, 新鮮至極侍應會幫我地燒埋, 唔使自己郁手侍應話帆立貝好新鮮, 所以會燒到半生熟, 燒個陣加左海鮮醬油, 燒後口感柔軟, 鮮甜美味燒蠔好大隻, 新鮮肥美, 問過侍應, 原來蠔係來自兵庫縣, 只要加少少鹽, 食到蠔既原汁原味燒蛤, 燒到蜆半熟時會半張開蓋, 裡面充滿鮮甜的蜆汁, 再加清酒將蜆味提鮮, 鮮味無比而另一邊既新鮮飽魚好生猛好恩愛, 硬係要黐埋一齊, 侍應亦好細心將飽魚清埋內臟鮑魚非常彈牙爽口, 加上少少鹽食, 完全食到鮑魚既鮮甜味黃金蟹蓋裝住既蟹膏超多, 肯定唔只一隻蟹既膏,加上蟹肉, 蟹籽, 鵪鶉蛋, 海膽一邊燒, 蟹膏香味一邊飄埋黎平時食蟹膏份量好少, 難得可以大大匙蟹膏放入味, 好正飲品方面, 一杯要左梅酒加冰, 梅子清香醇厚, 好入口而另一杯係柚子汽酒, 無色, 睇唔出係柚子味, 但入口果味清新, 幾好飲最後甜品三點, 主要係日本地道甜點, 擺盤精美, 有青檸啫喱, 蕨餅, 紅豆大福蕨餅, 紅豆大福, 口感都好煙靭對呢餐飯好滿意呢, 原來係香港都食到咁高質素既日本菜, 拍得住日本喎…ดูเพิ่มเติม

在荃灣拜年後找地方吃晚飯，記得兩個月前搵食飯團電視節目曾經介紹一間日本料理的「浜燒」很吸引，便一於去試試。餐廳裝潢有濃厚日本色彩，我們兩人也被安排坐四人包廂座位，很舒適寛敞，私隱度很高，侍應招呼也很好。終極8點盛合 盛合共有八款刺身，包括左口魚，拖羅、海膽、牡丹蝦、油甘魚，金目鯛，深海池魚和活赤貝。全部刺身都很新鮮，深海池魚充滿光澤很爽口，略滲油香；赤貝爽脆鮮味；拖羅油脂分佈均勻及非常豐腴，肉質柔軟肥美入口即溶；左口魚配特製的柚子醋，很清新醒胃的感覺；海膽味道鮮甜又甘香，味道濃郁；油甘魚和金目鯛肉質肥美；牡丹蝦很有光澤，很鮮甜又多膏。活赤貝 我很喜歡吃赤貝，所以除了終極8點盛合外還再叫了一隻，赤貝很爽口鮮甜，十分新鮮。牛油果軟殼蟹卷 軟殻蟹炸得很香脆，加上軟滑的牛油果和蟹籽，確是不錯的配搭。A4和牛刺身 和牛刺身能吃到最原始的味道。和牛油脂分佈均勻，吃到很濃牛肉味而且肉質嫩滑，配上蒜片和生洋蔥一起吃很特別。黃金蟹膏甲羅燒、海膽松葉蟹膏甲羅燒 兩款甲羅燒都是$88一個，蓋內放滿松葉蟹蟹膏，上面再有蟹肉、蟹籽和鵪鶉蛋，分別是一個再加上石蟹的黃金蟹膏，而另一個有海膽，其實兩款都超鮮味，而且口感豐富。店員幫手燒蟹蓋，拌勻鵪鶉蛋、蟹膏和蟹肉，燒時香氣四溢，蟹膏入口甘香幼滑，蟹肉也很鮮甜，雖然超級邪惡也要極力推薦。燒鮑魚 居酒屋主打燒海鮮，還有店員幫忙燒，原汁原味當然要試試。活鮑魚上枱還不停郁動，但店員可能燒的時間久了一點，所以鮑魚靭了一點，不過也很鮮味。燒蠔 味道鮮甜也不錯。…ดูเพิ่มเติม

日式料理向來得到港人歡心， 而近年興起的浜燒食法更是讓人津津樂道， 生猛海鮮放在爐上即撈即燒， 將海產貝類那份獨有的鮮味完全地呈現了出來。 最近筆者就和友人來到荃灣一間新近開業的日式水產專門店， 再次回味那份色香味俱全的享受。小店位於荃灣百悅坊之內，一出電梯已見到大大幅日系壁畫裝飾， 天花亦掛上了一幅幅的日式掛布，滿有東洋味道， 單是門面的裝潢設計已顯出了店家的心思。店內以木系裝修為主調， 一旁放滿清酒的陳列櫃，一個個養滿鮮活海鮮的魚缸和壽司吧台， 一列列設計成包廂的舒適座位，全都很有日本味道， 加上地方大樓底高空間感強，抽風亦做得很好， 完全沒有半點油煙味道，讓客人能在濃厚的日本色彩下， 寧静舒服的品嚐日式鮮味。這裡的食材大部份由日本直送到港，海産生猛的在魚缸內游來游去， 保證新鮮；除了水產供應外，其他的食物種類也有很多，壽司刺身、 炸物鍋物也有供應，有些更是外邊比少見的， 就如今次我們的頭盤白子壽司， 一般只會在較高檔地道的日本料理才會見得到， 驚喜的在這店也可以吃到，當然先點來一客試下。 白子其實即是鱈魚的精子，聽落有點核突，頗考膽量， 但其實味道和口感都頗不錯，入口如豆腐般軟滑，微鹹中帶鮮甜， 滿有海洋氣息，配上香蔥碎和蘿蔔蓉，更添鮮味。另外還有即開日本生蠔，蠔肉鮮美肥厚，入口creamy， 蠔味偏清淡，配上日式酸汁多上一份酸香，更覺清爽開胃。除了白子壽司和生蠔之外，我們還點來了一些前菜小碟。鹽辛烏賊，師傅將魷魚裁成幼條狀，並以魷魚內臟製成醬汁醃製， 金黃色的賣相頗為吸引，質感漿口彈牙帶點腥味， 味道鹹鮮滿有海水味，佐酒一流，但可不是人人接受得了， 感覺有點像食榴槤一般，喜歡的人會覺得十分鮮味， 不喜歡的人則感覺那種腥味完全不能接受，頗為極端， 而筆者當然是其中的一位忠實支持者。明太子燒，醃製過的魚春經調味曬製後，師傅再輕輕燒香表面， 入口軟嫩剌激，那份濃縮了的鹹香令人回味， 又是一道不可或缺的送酒小食。白飯魚干，細細條的白飯魚烘乾壓成薄片，入口薄脆鹹香， 淡淡的的魚香在口腔內徘徊著，頗有特色。跟著開始今日的主題…浜燒海鮮。首先是浜燒海鮮不能缺少的黃金蟹膏甲羅燒， 一絲絲松葉蟹肉加上蟹膏、蟹籽、味噌和鵪鶉蛋放在松葉蟹蓋內， 賣相吸引，店員先將全部配料拌勻，再放在爐上燒香， 不消一會已煮好，陣陣蟹香渺渺傳來， 一啖入口濃郁的蟹膏瞬間征服了味蕾， 那份濃甜甘鮮實在讓人沒法抗拒，而且一點腥味也沒有， 蟹籽也增加了爽脆的口感，層次豐富， 讓人不能自拔的一啖接一啖放入口中，齒頰留香。接著到海膽帆立貝牛油燒，來自北海道的帆立貝肉十分巨型， 足有豉油碟的大小，配上加拿大海膽及牛油同燒， 加入清酒和少許醬油作調味，火喉控制剛好，入口Q彈軟嫩， 裙邊爽脆有嚼勁，海膽的甘香和牛油的奶香帶出了貝肉的鮮味， 香鮮嫩滑，而貝汁的精華更是鮮甜所在，令味道層次更為豐富。跟著還有鮑魚、大蝦、蛤和雜菌。鮑魚端上來時還是活生生的， Size不算太大，放上爐燒時貝肉還在動，十分新鮮生猛， 但感覺也有點殘忍。店員專業的把鮑魚燒到剛熟，裙邊帶脆， 內裏爽甜，入口鮮味彈牙，點上少許醬油更覺鮮美。 大蝦足有六寸長，肉質結實飽滿，店員將之開邊燒得剛熟， 燒蝦獨有的香氣徐徐飄來，蝦膏甘香濃厚，蝦肉鮮甜爽彈， 十分不錯。燒蛤蛤身脹卜卜，內裡蛤肉更是肥厚飽滿，沒有縮水， 鮮甜多汁。吃完燒海鮮後，再來一點主食吧。牛油果軟殼蟹卷，碧綠帶橙的賣相十分精緻， 一片片的牛油果層層鋪在卷物之上， 軟滑的牛油果加上粒粒圓潤的蟹子，配合香脆甜美的軟殼蟹， 軟滑脆卜卜的配搭，對比鮮明，一口size方便進食，風味獨特。壽喜燒牛肉鍋材料豐富，鍋內放滿了雜菌菜類和豆腐， 牛肉雖只有3薄片但肉質肥瘦剛好，肉味香濃嫩滑， 加入生雞蛋入鍋後添上蛋香，味道更為濃郁， 菜蔬鮮甜帶少許牛油脂香，食落肚暖笠笠，滿有和風味道。最後來一客芝士奄列炒麵，聽到名字原本滿有期待， 但見到賣相後即時打了點折扣，奄列看似煎得有點微焦不夠嫩滑， 面頭淋上了日式醬油調味，還好的是切開後不算太熟還有蛋汁， 炒麵夾雜著豚肉片，熱辣辣微甜Q彈，味道不錯， 唯芝士好像失去了蹤影般，沒有拉絲，芝士味亦不太突出， 可能是給醬油味蓋過了吧，感覺有點不太貼題， 如果芝士可以放多一點的話，這道炒麵將會更加出色。整晚的出品水準不錯，海產十分新鮮， 店家差不多每日都從日本空運水產抵港，師傅的調味亦恰到好處， 入口鮮味滿瀉；而且店內裝潢帶著濃厚的日本風格， 招呼更是親和到位，感覺就像到了日本小店走了一轉般， 加上定價算合理抵食，在荃灣能找到如此性價比高的浜燒日式料理， 頗有驚喜，難怪長期客如輪轉，值得一試！…ดูเพิ่มเติม

近年濱燒大行其道，但要食高質嘅往往要過海先食到。但聽住荃灣同事講係楊屋道街市開左間成千呎嘅水產濱燒店，所以收工就跟同事過黎會一會佢。呢度地方夠大所以坐得都幾舒服，如果一大班朋友黎仲可以有廂房可坐，同其他食客隔一隔傾偈大聲少少都唔怕。同朋友二人揀左個特上盛合作主菜，再點左幾個小食黎佐酒。星期五晚嘛係要飲返杯嘅。前菜係海葡萄，一種營養成分好高嘅海藻。本身雖然無咩味道只帶少少海水味，但蘸少許柚子醬油調味，入口略帶酸咸的，粒粒爆開嘅口感幾有趣。先黎個小食係燒小茄子，雖然話係燒物但食落似漬物多一點，焦香外表包住微微嘅醬油味及醋酸味好開胃，再加上木魚碎增添香氣及咸味，唔錯。把酒言歡當然唔少得啤酒啦，麒麟啤酒及巨峰啤酒。因為之前去日本旅行日日都買幾罐水果味嘅啤酒返酒店嘆下，依家就當回味一番。加上兩隻酒味都唔重同易入口，食日本料理幾夾味。佐酒最啱食啲香口野，呢個燒魷魚鬚燒烤味道重一點，咸咸辣辣的又夠煙韌。而另一款下酒菜係唐揚小海老，即點即炸熱辣辣。粒粒都香脆可口，尤其係佢加上椒鹽及咸蛋黃配襯，咸咸香香的味道，再飲上一啖冰凍啤酒，真係將整日嘅疲勞一掃而空。特上盛合：拖羅／海膽／油甘／牡丹蝦／池魚／赤貝／金目鯛及吞拿魚蓉小卷。七件壽司由淡至重順序排列。牡丹蝦夠鮮甜蝦肉黏滑中帶爽脆，師傅仲保留個蝦頭，等我地可以食埋入面香滑嘅蝦膏。拖羅油脂豐富，入口即溶嘅感覺真係百食不厭。赤貝則爽實有嚼勁，鮮味非常。而金目鯛則少見用黎做壽司，平時食都係刺身或燒煮為多。但配醋飯又幾唔錯喎，魚肉厚實一點食落更鮮甜，加上魚皮口感更豐富。食材新鮮嘅效果就係咁令人回味。一場黎到當然要試下呢度嘅燒物質素啦，點左兩隻燒鮑魚及甲羅燒。成個過程完全唔使郁手，店員會幫顧客燒製並睇火，確保食材一熟就食得保持鮮度。燒飽魚啱啱好熟，入口少少焦香加上又夠厚肉，所以食落好甜又彈牙。點少少醬油提味就夠了。甲羅燒充分混和蟹膏／蟹肉／蟹籽及鵪鶉蛋，味道濃郁香甜，每舀一啖都惹味十足。如果配上幾塊梳打餅就真係不得了了。亦要多得店員熟練嘅手法先可以令蟹醬燒完仲保持濕潤，唔會太乾影響調味。最後食埋個芝士奄列炒麵填肚，啱晒係飲完酒後食返啲澱粉質解解酒，芝士味唔太重但麵質爽口，調味都唔錯。下次過黎荃灣，除左買餸又多左個開餐好地方了。…ดูเพิ่มเติม

好難得新界區終於有日本浜燒店，唔使專登出尖沙咀或銅鑼灣食。開得咁近我住個頭，而且早前係網上平台見到佢地既報導，望落幾高級同企理，咁啱有朋友生日，就即刻訂左位食呢間！燒海產類我認為呢間浜燒最特別既地方就係有店員一直會企你隔離，幫你燒野食同切好所有食物。完全唔使怕自己唔識燒，會燒唔熟或燒燶之外，亦唔使擔心食物幾時可以食得，呢項服務完全係貼心。黃金蟹膏甲羅燒($88); 海膽蟹膏甲羅燒($88)我同我朋友都超級喜愛食甲羅燒，所以就一人食一款。呢度既甲羅燒非常重料，大大的蟹蓋裝著不少份量的蟹膏，另有脆口鮮甜的蟹籽同有海水咸香的蟹肉。拌上鵪鶉蛋黃，甲羅燒變得格外甘香幼滑。兩者甲羅燒的分別在於：黃金那款較香濃，因為拌有濃郁的味噌; 而海膽那款則較清甜，相對容易吃到蟹膏原來的味道。重口味的我，偏好黃金甲羅燒多一點點。吃完這甲羅燒，都已經滿足了大半，果然是這裡的鎮店之寶！燒鮑魚($68)鮑魚十分新鮮，燒的時候還在動。鮑魚不太厚，所以食落夠腍。不過就唔係太夠味，要自己點海鮮醬油就調返鮮味喇。牛油燒帆立貝 ($58)帆立貝肉質爽、大粒厚實、鮮甜。用牛油燒更香滑，一啲都唔韌！刺身類生蠔 ($68/隻)生蠔有手掌咁大，屬淡海水味，肉不是太厚太creamy，但亦夠冰凍可口。六點盛合 ($268)除了生蠔，還點了有6款刺身的組合，每款刺身有兩片: 三文魚腩、牡丹蝦、帶子、池魚、油甘魚同魷魚海膽。身為海膽愛好者，我對魷魚海膽最滿意，魷魚煙韌有嚼勁，能夠突出香滑濃郁既海膽，令其甘甜味道升華。油甘魚亦令我印象深刻，魚肉嫩滑鮮甜而帶有豐富油脂，一咬落去油香充斥住整個口腔，非常滿足！壽司類牛油果軟殼蟹卷 ($68)這個卷物是必點的，卷物大大件，每件都包有脆口又有肉的軟殻蟹，上層的牛油果夠熟，非常軟滑甘香，點沙律醬吃很配。 福丸盛合 ($188) 呢個盛合由7款壽司組成，包括吞拿魚、三文魚腩、火灸饅魚、火灸左口魚裙邊、帆立貝、油甘魚和鯛魚。值得一讚既係壽司飯全部都用上赤醋製成，微酸而香醇，可以令壽司整體味道更有層次，亦可以帶出食物鮮味。最喜歡吞拿魚，雖然用上赤身而非拖羅部位，但依然肉質嫩滑而肥美，入口鮮味濃郁，另外左口魚裙邊經過火灸後味道較香口，小片青檸襯托下仍然保留到魚鮮味，層次豐富。熟食類芝士奄列炒麵 ($88)最後仲點左呢個炒麵食，老實講，呢個奄列炒麵比起刺身更驚喜！奄列煎得薄身而且金黃色，包住芝士食，好香口。炒麵既調味超好吃，用左日式甜醬油炒，幼麵一啲都唔立口，夠乾身，加上裏面有豐富的配料 (蔬菜絲同豚肉)，的確令我留下深刻印象。飲品類左: 西柚汽酒 ($38) 右: 檸檬可樂highball ($40)西柚汽酒一般般，疑似溝左梳打水既有味飲料; 檸檬可樂highball係溝左whisky，味道都係偏甜，係有苦味的檸樂。飲品類平平，都係叫返正式酒精飲品會較好。呢餐貴就係貴左啲，但可以係荃灣區食到如此足料香濃的甲羅燒、新鮮的水產同好味的日式炒麵，也是值得的。…ดูเพิ่มเติม

日式浜燒最近大行其道，荃灣新開的<福丸水產>，充滿東瀛風情，部份海產更是日本直送，為食情報員即時探過究竟。辣海鮮卷 $68海鮮卷中包裹3款魚生及青瓜，沾上千島醬，惹味當中，沁出淡淡辣味，微微嗆喉，是開胃的小食。白桃乳酸 & 巨峰梳打 $23each白桃乳酸入口淡甜，拌勻後帶微甜的蜜桃香，如果可以加入白桃果肉粒，感覺會更完滿。六點盛合 $268刺身盛合賣相精美，有牡丹蝦、三文魚、油甘魚、左口魚、帶子及海膽，各2切。牡丹蝦色澤粉嫰，我忍不住先食為敬，肉質黏稠；三文魚厚切、肥美，鮮味十足；油甘魚魚鮨豐盈，入口鮮甜。左口魚口感比較清脆、有嚼勁，過足口癮；帶子滑溜、厚實；金黃的海膽，包在魷魚內，煙韌的口感伴隨一點柔滑，的確不錯。原條秋刀魚 $168秋刀魚是秋天當造的名物，鹽燒的秋刀魚就食得多，但刺身又是另一番滋味。滑溜的魚皮下有薄薄的油脂，入口鮮甜而瀰漫着微腥，獨特的味道令人深刻。海老天婦羅 $88薄而香脆的粉漿，包裹著彈牙、飽滿的大蝦，簡單又滿足。黃金蟹膏甲羅燒 $88浜燒當中，蟹甲羅燒是必選美食。用上黃金蟹膏、新鮮松葉蟹肉及鵪鶉蛋的甲羅燒，店員為我們即場燒製，慢慢拌勻材料，在洪洪烈火下，表面起泡、微焦。用匙子盛一口蟹黃，是濃濃的鮮香，綿滑的蟹肉夾合卜卜脆的蟹籽，超級邪惡!燒鮑魚 $68新鮮的鮑魚放在爐端上燒，還是很生猛的郁動。入口鮮味十足，口感厚實而挺身，邊緣帶少許焦香，令人大快朵頤! 牛油燒帆立貝 $58在高温下，牛油溶在肉汁內，再倒入少許清酒，熱滾起泡時，十分治癒! 帆立貝切成一小口size，方便細味品嚐。帆立貝惹味、誘人，牛油令貝肉更加濕潤、油滑，清香中帶陣陣咸香，令人欲罷不能!燒刀貝 $88刀貝燒至雙殼漸漸打開，看到亮白的貝肉。清酒的點綴下，入口滑溜、淡雅，是清澈的鮮香，香醇酒味更突出刀貝原有的鮮味。鹿兒島赤雞翼 $98雞翼外皮香甜、滑溜，只是定價過於進取。冷稻庭烏冬 $58稻庭烏冬冰涼而扁長，把蔥粒及烏冬浸入甜醬湯，輕輕一啜入口，口感沒有讚岐烏冬的煙韌，但順溜、滑口。…ดูเพิ่มเติม