燒山賊雞翼，這款雞翼有點像土匪雞翼，外皮燒到脆卜卜，內裡雞肉嫩滑juicy，好香口!海鹽燒皇牌牛舌，牛舌都幾厚切，不會好硬而且入味，鹽份充足。海鹽燒美國安格斯肉眼串，肉串大概有4塊肉，厚肉又juicy，非常美味!燒馬來西亞大蜆，蜆的份量都幾多，蜆肉鮮甜多汁，而且都幾大粒!孜然燒韮菜，食這些串燒都一定會點韮菜，因為有孜然的味道，令韮菜很香甜。燒蜜糖牛油粟米，粟米將一條分開了一半，粟米粒爽甜多汁，而粟米亦有淡淡的蜜糖香味!燒玉桂焦糖金菠蘿，菠蘿切開了一粒粒，每粒菠蘿上都塗了焦糖，酸酸甜甜，十分解膩。這間串燒店性價比高，食物惹味，值得再來!…Read More
，所以，有信心帶夏總嚟試，佢為人食嘢都有少少咀刁架。「喜膳燒」喺家主打串燒嘅小店，亦喺間酒吧，所以，由門面到裡面，都見到有唔少跟酒相關嘅擺設或物品。雖然，整體地方就唔喺好大，但坐滿人就甚具氣氛。其實，如果細心留意，有啲地方都花過心思裝修，好似天花嘅燈盆同雀籠。睇到有咁多客人支持，除咗店家嘅串燒有質素之外，夜啲嚟仲有85折優惠
，唔怪之得越夜越多人。此外，晌門口，已見到有個螢光燈牌，有多款串燒推介，我哋亦睇啱幾款添。而餐牌，亦即喺點菜紙，打開一睇，比上次嚟多咗好多選擇，類別五花八門，一時間真喺花多眼亂
，我哋都諗咗好耐先揀啱食乜。另外一張紅色長形嘅喺飲品餐牌，如近年大行其道嘅手工啤，仲有雞尾酒、紅白餐酒、生啤、沙冰、梳打、参蜜、汽水……等等。剩番一大張白色嘅餐牌，喺各種日本清酒，如果好清酒之人，應該都不愁無選擇。枱上除備有七味粉、自家製泰式酸辣醬之外，仲有支搓手液，等大家有得消毒吓雙手之外，仲可以提醒各位記得注重個人衛生。巨蜂提子梳打、青檸梳打 @$38
打鞭爐同食串燒一樣，點都要搵啲冰凍嘅飲品嚟先夠搭配。小弟就揀咗巨蜂提子梳打，入口冰涼清爽，夾熱辣辣串燒，感覺寧舍爽！提子果香（明知只喺糖漿效果）好清甜，最好喺又夠大杯，夠頂晒成晚食串燒時段。燒馬來西亞大蜆 $88從點餐紙所見，喺店家嘅特色海鮮推介之一，估計應該會幾有睇頭。叫得大蜆，真喺無欺場，隻隻都有番兩、三隻手指大細，啲蜆肉亦睇得見夠厚身。入口，蜆肉軟腍，無話藏有沙粒，帶淡淡嘅海水鹹鮮味，真喺簡單齋燒，已好食得出食材本身嘅鮮甜原味。紐西蘭羊架2件 $78跟住再嚟喺老友嘅心水：羊架及牛舌，前者更喺我哋認為全晚性價比最高嘅串燒嚟，超推薦俾食得羊嘅客人。紐西蘭嘅羊架一向都具質素，而每支羊架絕對唔細支，燒得外層帶焦香，所以，咬落有陣陣焦脆感，而羊架肉口感柔嫩且富肉汁，微微羊羶香，叫人再三回味。海鹽燒皇牌牛舌 $49另一道皇牌牛舌，切得厚薄適中，入口軟腍，卻又有份煙韌感，加上牛舌獨特嘅羶香味，喜歡牛舌嘅朋友真喺唔好錯過。順帶一提，第一輪串燒會跟塊熱石板上枱，塊石板堅熱，好辣手吓，足夠成晚將啲串燒保持一定溫度，唔會咁快攤涼晒，可以慢慢嘆。燒汁洋蔥 $16食咗幾款肉，點咗兩款燒蔬菜作間場，亦算喺平衡吓啲肉類。洋蔥燒過之後，自然無咗啲辛辣味，但仍保持爽口感。照燒汁燒京蔥 $16而京蔥搽咗薄薄一層照燒汁，固然惹味啲，香啲。兩款燒蔬菜食得到師傅嘅手勢真幾好，燒得熱辣辣卻唔會燒到「乾爭爭」。明太子釀雞翼2隻 $48除咗羊架，釀雞翼又喺是晚嘅心水推介，兩隻雞翼塞釀入明太子，塞到漲卜卜，而且，燒到外皮金黃，唔喺得個樣，入口層皮脆到不得了。最正喺去咗骨，大啖咬落去明太子加埋雞肉連皮，口感、味道真喺一流，再飲啖梳打，真梳乎。鹽燒西班牙黑毛豬五花肉 $38最後衝刺就嗌咗3款串燒，五花肉喺小弟比較想試嘅一款，睇樣就好似平平無奇咗，不過，入口又有啲「燒肉」咁嘅感覺。由於豬種關係，食落感覺油脂唔過重，無咁膩，但仍保持香口。燒露筍 $28一支露筍賣到$28，感覺喺貴架，但老友想試，就無所謂啦。露筍已經切成一小件，方便大家分嚟食，簡單灑咗少少鹽嚟燒，而質感清爽，鮮嫩得入口無渣。燒美國安格斯肉眼串 $54真喺貴在「美國安格斯」個名，相比起紐西蘭羊架及明太子釀雞翼，感覺性價比就無咁高。其實，串肉眼嘅肉質都好軟腍，有肉味，又富肉汁，只喺賣$54串，一串得4嚿仔，咁就顯得無咁抵食而已。今次再嚟，盡量都跟上次點唔同嘅款式，然而，一樣咁有質素，一樣無令人失望，就連咀刁嘅夏總都認同。整體服務又唔錯，上串燒嘅速度唔會太急，讓客人可以慢慢嘆，邊食邊傾，愉快嘅時光特別快過。常言道，幸福唔喺必然，尤其處身晌依家嘅疫情之中，所以，今宵多珍重。…Read More
行行吓見到路邊有個餐牌介紹串燒燒烤，即刻食指大動
想起好耐冇食過，就入去慢慢享受一番先需然地方唔係幾大，但都好有氣氛，睇見樣樣都想食太多選擇，不過最後都選左幾樣想試嘅睇吓得唔得燒馬來西亞大蜆：入囗冇沙，好嫩滑鮮甜還有汁燒煙肉韭菜卷：煙肉唔硬，連埋韭菜一齊食好惹味燒山賊雞翼：外皮脆咯咯，辣辣地好美味
燒手切雞腎串（孜然）：雞腎彈牙爽囗，有三款囗味選擇，我選左（孜然）另到雞腎更加惹味
頂級海鹽燒多春魚：外脆內嫩，加上海鹽嘅鹹，入囗一流
燒雞脾菇（鹽燒）：入囗好juicy
燒紐西蘭羊架：燒得剛剛好，肥美甘香，肉質嫩滑，咬落還有肉汁流出
還有叫左杯：自家製冰糖雪耳雪梨水（凍），唔太甜剛剛好，食完d串燒燒烤飲番杯，乜嘢熱氣都冇晒好舒服
…Read More
點了一份特色海鮮- 燒馬來西亞大蜆大蜆，好新鮮，味道好鮮甜，燒完後淋上店家特製嘅泰式醬汁 ，泰式醬汁酸酸辣辣，味道好特別，配海鮮和串燒味道都非常合襯串燒上桌時會放在熱鐵板上 ，保留食物溫度，值得讚餐廳的貼心。燒菜心 孜然香味四散, 菜心入口好juicy, 海鹽燒王牌牛舌點泰式醬汁食好香軟🥰🥰黑胡椒燒肥腸好滋味，好肥好香脆，燒芝士響鈴 私心推介，一定要試呢個，入口好似紙咁香脆包裹着嘅芝士，口感層次分明燒燒賣魚肉味既燒賣味道好濃郁，再點一點泰式醬汁，惹味無比。口感煙煙unun,讓人吃完一串接一串的感覺。牛油蒜蓉焗金菇包牛油蒜蓉極多，香味洋溢，廚師用心之作，金菇不會焗焦，而且金菇包份量幾大份，抵食之選。胡麻醬涼拌烏冬配溫泉蛋 冬烏冬好吃開胃食完串燒食埋烏冬就飽飽😋…Read More
我地就大把時間一樣一樣試先黎點佐個燒新鮮白鮮，都幾大串，但有小小貴，要64蚊，但食落又真係物有所值，落足漿料，咬落去外層有小小脆，一咬入去就好膠好淋﹗入曬味，正再黎就叫佐個雞心同埋魚肚，雞心就34蚊，魚肚就貴小小要45蚊，但幾特別，因為個魚肚真係好大舊，好淋好入味又無沙而雞心就比平時食既雞心大，幾有咬口，唔會太乾身，都燒得幾靚黑松露鵝肝多士，其實我自己唔太鐘意黑松露，但又好鐘意食鵝肝，爭扎佐一陣都叫佐，黎到鵝肝好大塊，滿油，好在黑松露唔算太濃味(唔知算好定唔好
)所以我覺得幾正呢個係燒馬來西亞大蜆，79個大洋，8 隻，唔算好平，但食落真係幾鮮幾清甜，同埋洗得好乾淨，一D 沙都無呢個係全晚唯一點既菜，海鹽燒法國蘆荀，30蚊，價錢一般啦，但原來用海鹽去燒而無落其他漿係真係幾好食，同埋大大支好有口感，仲一D 都唔乾呢個西利啊，燒紐西蘭羊架76蚊有兩大舊，真心好食，出曬油，好香，不過呢個真心飽肚，如果真係想食多D其他野可以唔點呢個，但當然真係鐘意羊架呢個必食啊﹗我覺得係最抵食最正既最後我地點佐個炙燒野生海虎蝦 ，真係無呃人，真係特大，因為個盤都爭D 放唔落啊蝦肉好鮮好彈，蝦頭都食埋，都有幾多蝦膏整體黎講環境幾舒服，食品種類好多好齊，同埋上菜都好快，而且燒野技巧都好多，無咩OVER COOK ，同埋用料都好好，但價錢就唔算特別平啦。不過一分錢一分貨，香港地淨係搵間坐得舒服既串燒店已經唔易了，仲要有咁多野揀，所以都算唔錯…Read More
