On On BBQ (Lei King Mansion) (Closed)

尋日星期日到了筲箕灣 “安安燒” 食串燒，因為沒有訂坐都擔心沒有位，七點半左右到達，好彩都仲可以安排到室內唔錯嘅二人枱比我地。我地共點左8款食品同兩支啤酒，整體都覺得好好味，店員服務唔錯，每枱都有3款調味料比客人自己加重口味，包括有梅粉、香辣粉同孜然粉，沒有想過梅粉酸酸地同串燒又真係幾夾，整體呢間串燒值得推介，會再幫襯！Coedo Kyara手工啤酒:除左點了1支藍妹外，叫了1支Coedo Kyara手工啤酒試試，第一啖入口有點點甜味，之後便有一點點苦澀味，都可以一試，但如果想易入口D都係叫返藍妹穩陣D。玉子燒:係煎得較實個種，對個人來說偏甜一點，如果能做得軟滑一點同冇咁甜會較好。燒牛舌串:又厚又軟的燒牛舌，超好味，我很少吃牛舌的，怕有臊味，但這個燒牛舌一點臊味都冇，必試!蒜蓉扇貝:雖然扇貝比想像中細隻，但舊肉又唔係真係太細粒，仲有超多蒜蓉，唔算係好鮮味，但就十分惹味，推介!芝士蒜蓉生蠔:又係勁惹味之選，但芝士味一般，唔算很好吃的芝士，但蒜蓉就好好味，生蠔比想像中大隻，感覺都幾肥美，下次可能點一般蒜蓉生蠔都可以!美國牛小排:不算厚的牛排，比想像中細份，但都燒得剛剛好，配埋梅粉同香辣粉又幾好味，餸酒啱晒!燒冬菇:一般燒冬菇，略嫌乾身左少少，但餸酒都OK!燒韮菜:無得輸之選，唔使再額外加調味粉已夠晒味，必點！生薑皮蛋:皮蛋唔係流心個種，係實實地個種，有沙糖配埋，唔知係漏左單定係刻意安排，最後先送上，食完晒串燒再食呢個清清口腔又幾OK喎！…Read More

食串燒的魅力，除了在於食物質素外，就是一班人你一串我一串，豪情的用手拿來吃，飲埋啤酒的感覺真係不得了。這間主打串燒的食店，門外門內是簡單日式居酒居的格局，感覺就好像日本人放工後放鬆壓力的好地方。🍢蒜蓉燒扇貝 $46/4隻鋪了滿滿蒜蓉的扇貝，扇貝肉新鮮，，經燒烤後，流出的扇貝肉汁與蒜蓉混在一起，十分惹味，扇貝肉新鮮，好味!🍢極品烤餃子釀雞翼 $30/2隻將餃子材料釀入雞翼來燒烤又是另外一種風味，出色之處是雞翼沒有骨，而且皮燒得微燶剛剛好，有種bbq烤出的香氣，咬落去外脆啖啖肉，不錯。🍢霸氣十足 燒韭菜 $19/份初時這碟韭菜放在桌上時未有覺得有什麼特別，不過一拿起來就見到原條韭菜，一梳一梳霸氣十足，簡直可以遮住塊面，韭菜有啃勁，配上醬汁帶微咸不錯。今次和朋友收工後在這間店子吃，在悠閒環境下，放開懷抱飲飲食食，將工作壓力釋放，過了一個輕鬆的晚上，感覺很好。…Read More

想吃串燒，找到了這家安安燒，正好在office附近，便決定幫襯。來到現場，發現環境不錯。店外對出的是小馬路，不會嘈吵，路過的車和人也不算多，可說是一個邊吃邊聊天的好地方。 此店有分室內和室外，室內的話，食物都是燒好的，最適合想輕鬆地，懶懶地吃的人﹔至於室外的，有些桌上有爐有網，大家能自己燒烤食物，這就能照顧同樣享受燒烤和進食過程的人。而這天我比較懶，一行人較想聊天，於是選擇了店內的坐位。剛到達時，還未到七點，店內只有一枱食客，於是完全不用等位，nice。留意到了約七時半至八時左右，店內已坐滿約8成，所以如果不想等位，可以選擇早點到。 食物方面，最好吃的要算是海鮮的部份。扇貝和芝士燒蠔，吃起來都有原本的鮮味，扇貝有很香的蒜味，加上一點點辣椒，很是惹味﹔至於燒蠔，上面的芝士頗好吃。另一款很值得推介的是朱古力糖脆玉子燒。想不到朱古力和玉子的配搭出奇地好，而且有新鮮感，雖然那層糖脆不是我愛吃的食物之一，但上桌仍然熱的時候吃，那種甜甜的味道令人滿足。  點了兩款蔬菜，都不錯，特別是四季豆。燒的時候撒上了調味粉，令菜不會乏味，吃下去很香，而份量也算fair。至於撈丁，本來主要是用作填飽肚子，不過味道也不錯，可惜就是有點貴。總括而言，這裡成功滿足了這夜想吃串燒的我們一行人。以後想吃串燒，又多一個選擇了。…Read More

星期五, 當然要鬆一鬆, 今晚班frind係港島, 想搵間可以一大班人又坐得耐D ge 餐廳傾下計. 搵黎搵去都係食安安燒. 一行8人, lunch 已經打黎訂定位, 放工即刻搭車過去搵佢地.:):)食串燒最大好處就係可以叫好多款, 每款少少咁樣, 一班人可以試到好多野食. 同埋食串燒比較Casual, 可以大聲D傾計都唔洗比人投訴^^ 我地真係叫咗好多野食, 以下係其中一D:燒多春魚 – 出面燒到脆卜卜, 裏面好香, D春係一粒粒好分明, 唔會痴埋一舊舊燒原隻鮑魚 – 燒鮑魚真係第一次食, 估唔到幾得意, 食落唔會太硬, 有口感, 而且都幾鮮甜紅薯粉 – 呢個好辣, 每人夾一駐都食到雪雪聲, 怕辣者小心!燒韮菜 – 大大份又多汁, 韮菜 有種獨特香味, 用來燒真係好夾好好味芝士粢 飯 – 燒出黎好煙韌, 芝士都好香, 第一次食燒粢 飯感覺幾好!整體黎講食物有水準同有新意, 唔會淨係得D丸, 肉咁樣, 有好多得意款式出面都未食過, 而且大有生啤飲. 今餐飯食得開心又放鬆, 確實係放工一大好去處!…Read More

昨晚約了朋友下午在港島東區活動，晚飯時間又不是太餓，最後決定食些簡單的晚飯，選了串燒店。上openrice 查查筲箕灣的串燒店，最後找到這間似乎評價也不錯。不過不熟筲箕灣的我們起初沒有頭緒在那裡，怎知在途中竟然遇見住在附近的朋友，最後由她帶我們去，若沒有明燈指路真的找不到，因為這間店在橫街尾。室內的位置不算多，大約5-6張四人枱，但還有出面露天的座位。因我們6:00pm 去食，所以沒有訂位也有位，因為當我們8:00pm 食完埋單時，出面入面都坐滿晒人，我們剛離開，又有四人家庭接著入來！所以若大家想去食，都是早些訂座為妙！餐單也算多種類，足足寫滿一張A4紙的底面，見到有很多芝士食品，特別是不同食材來整的芝士撈丁，我們沒有試，因為不是太餓。不過我覺得下次去真的要試。雖然點了一些算是普通的食物，但我覺得整得味道不錯，以及無想過可以用來做串燒，選幾款推介給大家：首先是燒年糕，這款我們翻叫多次來食：接著未見過咁整齊的燒韮菜，平時不是會主動食的食味，但燒起上來估不到咁野味：然後就是雞泡魚干，雖然很多日本料理都有得食，但今次竟然大大片價錢又不貴，味道好夠，但我就覺得硬了少少：再來是燒扇貝，雖然不是很大，但一碟4隻都是HK$44, 平均HK$11/隻，我都覺得不算貴。但朋友話太多蒜容搶了扇貝的味，但我個人就鍾意有咁多蒜容 (不過若不喜歡蒜容，可以選芝士燒的):還有一款造型十分好的食物，就是原隻燒茄子，將個頭切開後，還留在伴碟，然後茄子垂直對半切開加入調味！造型搶晒鏡，味道一流，因為茄子已全面吸入調味香料：我們怕不飽，叫了個蒜容紅薯粉，但我們都覺得用蒜容一般，可能真係要用麻辣先夾，但因為我們不太喜歡太辣所以無叫。雖然只介紹些本人的心水推介，但總括來講，真的算是多款式的串燒店，店內也算清潔，侍應都好nice! 在筲箕灣這個眾多美食的地區，相信呢個串燒店，應該可以突圍而出的！…Read More

好耐之前去過佐敦食過一次串燒之後, 都無食過.屋企人話呢度新開左間串燒, 於是全家出動.有d就普通少少, 好似翠玉瓜, 無乜味;四季豆, 亦都係無乜味, 而且細條;燒雞腿肉, 細串左d.大致上都算滿意, 一班人會再黎.…Read More