Pandan Leaf Indonesian Restaurant

其實銅鑼灣糖街（近維園）每逢紅日都會有大量工人姐姐在那遊走～而這家就是一定會滿坐的一家印尼花膠湯班蘭雞粉皮 ＄88一直翻餐牌 第一 個令我人印象深刻肯定是這份誰會想到在印尼🇮🇩餐廳”吃飯 會有花膠湯、粉皮但不得不說真被這份的盾質素嚇到 粉皮超順滑 直接用吸的入口湯頭的花膠和雞味道👅 又香又濃班蘭雞軟！嫩！滑！沾上特有綠醬感覺更新鮮 值得一吃😆燒雞班蘭尖塔飯 ＄98燒雞真的有夠香！！雞肉 又嫩又多汁 配甜甜惹味醬汁好下飯坐我們對面的姐姐🧍‍♀️也是點尖塔飯 我們就有樣學樣戴上手套 再直接用手捏🤏飯吃 好有趣飯一 身較腍加上醬汁在飯上 一口接一口好吃😋拌碟的炸豆腐和脆脆的芋頭花生🥜（？）還滿特別的（而且每份的尖塔飯量還滿大的！！我們二人吃到飽飽還沒吃光 而很多姐姐🧍‍♀️也吃不光 咔咔大家有空 或是想吃點不一樣的 可以來這家是個有趣的新體驗 一齊和印尼🇮🇩姐姐們 帶上手套🧤 吃飯吧😆…Read More

今日去開銅鑼灣經過呢間 班蘭葉印尼餐廳 原本以為佢剩係得出面嘅嘢食可以買 原來入邊都有堂食位 見到幾得意就決定入去試吓🙈 入去坐低一睇個餐牌 勁多選擇🤩 全部都圖文並茂 顏色好豐富 花多眼亂🫢睇咗一陣就揀咗嘢食啦😆 羊肉沙嗲 $58好好食😍 好鍾意食羊嗰陣味 燒得出色仲有肉汁 調味啱啱好 個沙嗲汁同出面嗰啲有少少唔同 好香又有少少辣 絕配😋 原條魚花膠湯粉皮 $108花膠湯好香有膠原蛋白 女人最鍾意🫢 粉皮都煮得好滑身 條魚燒得啱啱好同埋真係超香 魚肉好容易就起咗出嚟 啖啖肉又鮮甜 仲有魚汁喺入邊 唔需要點任何醬汁已經好好味👍🏻 燒雞班蘭尖塔飯 $98班蘭飯配半隻燒雞😋 班蘭飯好香 本身以為係甜 不過就唔係啦 幾好味值得一試👍🏻 燒雞最怕燒得老咗 好彩佢唔係 雞髀好滑 雞胸都唔錯 加埋佢獨特嘅醬汁 一啖雞再配一口班蘭飯 好味😋 龍眼冰 $30鮮甜龍眼肉爽口 感覺好fresh 班蘭沙冰 $42好大杯呀🤣 班蘭味沙冰真係第一次飲 唔會好甜仲啱晒打卡 整體來講呢間 班蘭葉印尼餐廳 食物有驚喜 感覺食到正宗嘅印尼菜 店員好Nice👍🏻主食同飲品都好大碟 門外仲有啲小食可以買返屋企試 但好飽嚕😋 下次會想試吓佢嘅班蘭蛋糕😆…Read More

去銅鑼灣 普遍餐廳價錢都比較貴但係呢一間印尼餐廳食物正宗得來價錢十分親民😄😄 -餐廳店員十分友善我們提早一日致電預約book位餐廳專登留了四人枱 唔使同人搭枱 好舒適 老闆娘同老闆 好熱心 特別提醒我哋印尼飲品比較甜可能需要少甜 同埋啲菜可能比較辣 因為我哋要注意所以我哋就叫咗以下幾個菜式-🍗燒雞班蘭尖塔飯 $98燒雞好大件而且好香 肉質鮮嫩多汁再用上旁邊的醬汁 十分惹味🤤飯用上班蘭汁去製作好清香班蘭味道飯粒分明軟兩硬度適中 而且外形似尖塔 適合打卡影相📸️-🔥印尼炒貴刁 $78配料豐富 有蛋絲 芽菜 芥蘭 肉絲 炒得好香 而且唔會很乾爽比較濕潤 入味 如果食得辣嘅朋友可以撈埋旁邊嘅辣椒碎一齊食 😋😋😋-🧀 芝士炸碎雞 $48炸雞件上面放了好多好多水牛芝士碎🤩話就話係碎雞 但其實都係一件件無骨雞塊 食落肉質較實身 連埋重奶香的水牛芝士碎食 🧀🧀邪惡得來又充滿口感😈🤤再用上老闆娘介紹嘅甜醬加辣椒 十分惹味🥥珍多冰 $28每次食東南亞餐廳都必叫 呢杯好香椰汁味 🤩🤩底部仲有啲椰糖漿 撈勻更加好香甜🤤🤤仲有好多的綠色的粉條☺️ 好煙韌 -🌸蝶豆花特飲 $28 同樣好香椰汁味 🤩🤩 甜度岩岩好 果然真係要叫少甜 🤣🤣 -🍽🍴總結 🍽🍴餐廳由印尼人主理 老闆及老闆娘親力親為 態度友善 會主動與客人聊天 亦會擔心客人會食唔慣印尼菜的辣度 而食物質素 亦不錯 👍🏻 價錢合理👍🏻 好似lunch set 價錢仲抵 真係好親民價🤩 店面同時會售賣一啲印尼小食及外賣飯盒 臨走本身想買 千層糕 但可惜賣晒🥺 下次再來幫襯🤩🤩🥳🥳 …Read More

同朋友仔去完海洋公園就過銅鑼灣找好東西吃。見呢間印尼餐廳啲Comments幾好，啲野食又好似好吸引咁，一於試下。開頭行經過餐廳門口都無為意😳，因為門口好似平時啲印尼士多，但入到去非常之企理，又乾淨又舒服。👍🏻👍🏻因為為食妹同朋友仔都唔想食太多飯，但又見餐廳既綠色既班蘭飯好得意咁，所以叫左一份飯，一份主菜，一份小食，一份蔬菜，兩杯飲品，呢兩個女人胃口真係唔野少，哈哈哈哈😝😝😝。無辦法啦，餐牌好多野都好吸引，好多野都想試，女人嘛🤪。🥗加多加多沙律（$68）我地本身係想試秋葵既，但可惜侍應姨姨話星期一至五先有，星期六日只供應三款蔬菜。佢就推介加多加多沙律，話係傳統印尼沙律，咁就試下新野啦。呢個沙律同平時食開既西式沙律好唔同😳，佢係用沙嗲做醬汁，配青瓜片、熟左既椰菜芽菜豆角，仲有豆卜、好似豆乾既物體同幾舊好似飯既物體。好豐富，好特別又好好食。👍🏻👍🏻🍛燒雞班蘭尖塔飯（$98）好靚既擺盤！班蘭飯好香有少少creamy既質感，熟度岩岩好，唔會太生又唔會太爛。😋😋燒雞都香口，朋友覺得乾左啲，但為食妹就幾鍾意。雞皮燒得好脆👍🏻，面頭既醬有啲似韓式既甜醬油咁。😋😋🐤班蘭雞半隻（$90）首先無諗過切雞會擺到咁靚😱😱！好有心思❤️❤️。隻雞亦都好好食，雞皮好薄好爽滑，肉質亦都爽口，唔會太淋又唔會鞋，好食🤩！佢有兩款醬，一款綠色唔知係米班蘭醬，另一款係甜醬油膏，為食妹就傾向就咁食雞多過沾醬汁🤭。🧆炸豆腐（$38）呢個小食好抵😍😍👍🏻！ $38有四件好大件既豆腐，而且仲要係好好食😋！ 豆腐好香脆一啲都唔會乾，而且佢仲要係為食妹鍾意既硬豆腐，豆味較重而且又有咬口。配埋伴碟既辣椒小魚乾食，好好食，好香，辣得好過癮🔥！為食妹大愛😍❤️❤️！🍹印尼咖啡涼粉冰（$38) & 🍹柑桔青瓜冰 ($28)朋友飲咖啡冰，為食妹飲柑桔青瓜冰。咖啡冰味道完全係咖啡糖既味道😗😗。柑桔青瓜冰飲落去竟然係班蘭味，柑桔味就飲唔到🤷🏻‍♀️，但青瓜絲令到杯野飲幾清新。兩杯野飲都幾得意，但對為食妹黎講就甜左啲🤭🤭。整體黎講呢間野好抵食👍🏻，啲野亦都好好食，性價比好高，成餐飯食得好開心好舒服😋😋❤️。…Read More

朋友推薦要帶我去試新野，原來係一間位於銅鑼灣地鐵站附近嘅印尼特色餐廳，班蘭葉印尼美食<Pandan Leaf>，中日法意餐我都食過，偏偏未試過印尼地道美食，今晚試過呢間印尼餐廳之後，詁吾到一試便愛上！！<印尼花膠湯班蘭雞粉皮 $78>詁吾到原來印尼都有花膠湯，呢個花膠雞湯用上大量響螺、花膠、鮮雞來淆製，入口膠質極重，湯底極為濃郁，感覺膠原蛋白豐富，味道帶鮮雞清甜味，但完全不會覺得油膩，重點是有三大塊又厚又滑的花膠，滋補又好味。湯入面有印尼粉皮，粉皮入口非常細滑，配花膠雞湯一流。班蘭雞味道有點像海南雞，肉多骨少，雞肉肉質非常嫩滑，配埋自家製薑蓉，絕對係必食之選！！大大塊又厚身嘅花膠同粉皮，吸收曬全無味精的雞湯底濃郁嘅精華，鮮甜味道出眾。<燒雞班蘭尖塔飯 $98>餐廳除了供應班蘭飯，還有椰汁飯和黃薑飯，今次我們選了燒雞配班蘭尖塔飯。呢個飯上枱賣相非常吸引，而且份量好多，燒雞有足足半隻，雞肉烤得非常惹味，雞肉肉質亦夠嫩滑。另外我亦深深愛上呢道嘅班蘭飯，班蘭飯是活潑吸睛的青綠色，入口好綿，帶清新的淡淡班蘭味道，配菜還有印尼地道豆餅，真是非常特別，而且仲好好食吖!!~<芝士炸碎雞 $48>炸雞的香料味道非常突出，外面炸得微脆，雞肉完全沒有骨，而且夠juicy，配埋芝士一齊食，味道惹味得來亦帶芝士的鹹香味道。好豐富的晚餐呵!!最後order了班蘭沙冰和牛油果沙。班蘭沙冰味道帶清甜感。牛油果沙冰感覺比較濃厚，而且還加入了朱古力醬，令較為清淡的牛油果味變得更特別和帶有朱古力味。甜品是千層班蘭椰汁糕和班蘭椰汁西米糕，兩個都入口煙煙韌韌，加上千層班蘭椰汁糕係一層一層甘蒸製而成，絕對是精心之作，值得一試吖!!~細看餐牌，餐廳還有供應燒牛仔骨、巴東牛肉、虎蝦、烤完條魚等，可以配斑蘭飯、椰汁飯、黃薑飯、粉皮，就連比較似香港人口味嘅貴刁、米粉、烏冬等等都有，選擇非常多完化，而且價格非常抵食，午市還有套餐供應呢！整體來講，餐廳供應嘅食物非常特別，以印尼地道美食為主題，亦係印尼人主廚主理嘅餐廳，將爪蛙島、峇里島同加利萬丹島最獨特嘅地道風味美食帶來香港，而且食物質素亦相當有水準，無論主菜、飯類、小食和甜品，都非常美味，實在值得支持呀！！…Read More

最近銅鑼灣特別多優惠，逛完街血拼完走過來糖街吃印尼菜，沒想起星期五人流超多，等了半個小時，建議要訂位呢！燒雞班蘭尖塔飯（$98）有半隻雞，雞肉滑嫩，雞皮帶點香脆油香，醬汁惹味，一旁的醬料很夠辣，非常好吃呢！原條魚花膠湯粉皮（$78）份量驚人，魚燒得金黃，肉質入味。花膠有一大塊再加數塊小的，份量也足的！花膠湯濃郁充滿膠質，粉皮多而滑溜溜的，好吃！石栗馬拉盞炒通菜（$72）相對地不算辣，如果可以再惹味點會更好呢！珍多冰（$28）及青檸梳打（$28），兩者都價錢合理又夠解渴，不錯！性價比高的一頓飯，尤其那燒雞，難怪人流不斷！…Read More

平時都冇乜食印尼餐廳，係朋友極力推薦話呢間幾好食，所以一於過黎食下。睇MENU見大部分都有圖睇，起碼容易知道D餸菜大約係點，都幾方便今次就叫左 燒雞班蘭尖塔飯($98)、巴東牛肉花膠湯粉皮($68)、虎蝦沙嗲(三串)($88)、咖啡沙冰($48)、牛油果沙冰($48) 牛油果沙冰：我都算係牛油果愛好者，難得見到呢D特別嘅飲品居然出現，咁就必定要叫黎飲下啦飲落去牛油果味幾香濃，真係飲落去都幾足料下，唔會溝晒水好稀咁，而且沙冰D冰都幾綿，飲落又唔會多碎冰卡住左咁，超正咖啡沙冰：朋友中意飲咖啡，佢都話呢杯咖啡味唔錯，不過奶味稍微多左DD。另外杯飲品仲有條威化脆條食下，幾好:)燒雞班蘭尖塔飯：平時食得最多當然係白飯，其次就黃油飯，今次就食綠色嘅班蘭飯。呢個班蘭飯味道好香，唔駛配醬汁或者燒雞，淨係食個班蘭飯都已經好好食燒雞佢用上印尼風味D醬料醃表面再燒香，食落肉質嫩滑唔鞋口，再點埋佢上菜個秘製醬汁黎食，更加帶出到當中嗰隻風味巴東牛肉花膠湯粉皮：其實我都唔知花膠關唔關印尼菜事，不過本身都幾中意花膠湯，再加上職員話呢個推介，所以叫黎試下食之前先飲一啖，已經覺得非常之出色，真係好有驚喜佢個花膠湯底係超級鮮甜勁濃味，飲落去絕對真材實料，冇諗過居然會喺印尼餐廳，仲要係以呢個價錢就食得到，絕對物超所值至於巴東牛肉煮得入味，香料味濃，辣辣地，夠惹味，牛肉稍微鞋左DD，但都唔錯大合照虎蝦沙嗲(三串)：MENU都有寫串燒類需時製作15-20分鐘，要等耐少少，因為係即時燒，而唔係燒定之後再拎去翻熱。佢喺虎蝦上面塗左D醬汁再燒，所以一上菜已經聞到好香燒蝦味:)虎蝦夠晒大隻，食落去唔會燒得乾身，仲要D虎蝦肉彈牙，食完想再ENCORE多碟再食另外枱面有調味料，覺得唔夠味可以自己再加，不過今餐樣樣都夠晒味，冇需要再加隔離仲有包手套，可以戴住黎食雞全部連埋加一服務費後$385，佢呢到小本經營唔算大間，但食得出佢對食物係好有要求，絕對用心製作，同埋呢到D職員都幾NICE，朋友真係冇介紹錯，冇諗過印尼餐廳都可以咁好食，值得推介補MENU…Read More

有無人同我一樣鍾意睇「有碗話碗」睇佢介紹既印尼菜好吸引 就揾埋朋友一齊嚟食之前行經糖街 都會見到好多工人姐姐會黎呢到買下糕點 感覺上都幾正宗▪️印尼四大天王 $78 一個飯滿足你四個願望！有齊雞 巴東牛肉 沙甸魚 雜菜 完全唔怕唔夠餸撈飯！作為食肉獸既我 竟然最鍾意佢嘅雜菜 雜菜爽口 拌匀面頭既花生醬 甜甜地真係好好食雞肉有啲似海南雞 好滑嫩 巴東牛肉軟腍入味 沙甸魚既骨完全食左都唔覺 配上紅椒都唔錯⁣⁣⁣⁣⁣⁣⁣▪️燒雞班蘭尖塔飯 $98燒雞香口入味 肉質完全唔柴 單吃就已經唔錯 沾上特製醬汁 甜甜地仲好食綠色既尖塔飯打卡一流 入口淡淡既班蘭香 飯較為乾身 粒粒分明 飯量完全唔惹少 一定食得飽！⁣⁣⁣⁣⁣⁣⁣▪️牛肉沙嗲 $56食印尼野又點可以唔食串燒 牛肉唔會過熟過乾 唔洗點醬都已經夠味 略嫌有啲位會有少少筋⁣⁣⁣⁣⁣⁣⁣▪️班蘭沙冰 $42入口班蘭味比想像中濃郁 清清地好解渴 甜度偏高 好適合螞蟻人▪️牛油果沙冰 $48牛油果沙冰大杯足料 入口順滑無冰粒 牛油果味突出 甜度恰到好處整體而言 食物質素唔錯 價格合理 想食印尼菜嘅時候 呢間都係唔錯嘅選擇⁣…Read More

今晚係銅鑼灣睇完戲之後，近近地揀左間印尼菜入去食晚飯，我被班蘭飯吸引左。餐牌好多選擇，有各式各樣既主菜、飯類、小食，連飲品都有好多款揀。最終我地揀左一款主菜、一款飯類、同一款小食，再叫左兩杯飲品。主菜係印尼秘製汁燒魷魚，原隻魷魚上，好開心，尚算入味好咬。飯類係燒雞班蘭尖塔飯，燒雞都幾大件，皮薄多肉，唔會好乾，尚算嫩滑。班蘭尖塔飯賣相好靚，食得出東南亞風味，帶淡淡既班蘭香。小食係羊肉沙嗲，羊肉尚算軟嫩，醬汁偏辣。青檸梳打好清爽，欣賞佢俾客人自己落梳打水，好夠氣。芒果沙冰超大杯，味道偏甜。…Read More

上星期約了好朋友到銅鑼灣行街，順便探望阿姨，之後我們一行三人到阿姨舖頭附近的班蘭葉印尼美食吃晚餐。 我平時很少吃印尼菜的，今次是阿姨介紹，因為近她的鋪頭，所以她會經常在這裏買午飯。 雖然店內環境不算大， 但當晚非常多客人，很熱鬧的， 估唔到咁多香港人都喜歡吃印尼菜。 開頭我以為印尼菜多數都是炸物， 原來唔係喎， 睇完餐牌發現食物種類非常多，有湯粉，串燒，小食，肉類也有燒和炸的烹調手法，有很多款甜品糕點， 最欣賞這裏的飲品款式多，經過我們三位女士三心兩意之後，最終點了原條魚花膠湯粉皮$78，燒雞班蘭尖塔飯$98 ， 石粟馬拉盞炒通菜$72， 白鱔沙嗲三串$98，箭葉果混吉蜜$28（凍飲$5）， 珍多冰$28， 士多啤梨冰$48。石粟馬拉盞炒通菜～ 份量很大碟， 馬拉盞帶一點鹹香味用來炒通菜是最好的烹調方法。原條魚花膠湯粉皮～ 阿姨說這裏的花膠粉皮很好吃， 可是當晚沒有粉皮了， 用了瀨粉代替。 湯底飲落沒有味精真材實料， 湯裏面有一塊很大的花膠， 啱曬女士們啦！ 原條炸黑鰂魚， 炸得很香口沒有一點腥味， 魚的外皮鬆脆， 魚肉的質地鮮嫩好味。😋😋白鱔沙嗲三串～ 平時食串燒多數食豬牛羊 雞， 今次點了 白鱔， 燒得很香， 肉質肥美， 非常好吃。燒雞班蘭尖塔飯～ 很可愛的班蘭尖塔飯， 一聽個名就知道綠色的飯是用班蘭葉製成的， 入口帶一點微香。 燒雞啖啖肉， 燒得一點也不乾，燒雞用香料醃製之後再燒， 雞皮食落味道濃郁， 完全不用點醬也非常惹味好吃。小店永遠都有濃厚的人情味， 老闆娘為我們送上蛋糕，她叫我們試一試，如果好吃的下次再來買， 實在太好人了，多謝你。班蘭蛋糕～ 我以前覺得最好食的班蘭蛋糕就是在新加坡買的， 每次到新加坡一定會買好多個回香港，再派給朋友家人分享。 在香港食過很多次班蘭蛋糕也沒有新加坡的水準， 今次終於畀我搵到了， 這裏的班蘭蛋糕軟熟好味， 食完之後我真係想買一個走， 可是當晚已經很夜了， 所以唯有下次再買。箭葉果蛋糕～ 這一款非常神奇的味道， 帶有柑桔的香味， 清新微甜， 食完之後有一陣回香的感覺。珍多冰～ 很好味的珍多冰， 椰汁味香濃。箭葉果混吉蜜～ 這一杯是老闆推介我飲的， 他介紹我這一款箭葉果， 非常特別， 整杯飲品入口清新用來送串燒很夾。士多啤梨冰～ 非常漂亮的一杯士多啤梨冰， 這個炎熱的天氣， 入口真是特別解渴消暑， 味道有點似瑞士糖士多啤梨味。小店永遠都食到人情味， 雖然今次阿姨第一次帶我來這裏， 感覺老闆和老闆娘特別親切， 食物質素非常好， 令我對印尼食物改觀了， 下次有機會我會再帶屋企人來。…Read More

印尼野真係第一次食，充滿好奇心！今日放假一於同男朋友去try try啦，印尼都有花膠湯？！真係有！味道仲唔錯架喎！印尼花膠湯班蘭雞粉皮原來雞件係分開另上，雞件份量都算多。先講雞ge質素，雞肉肉質好嫩滑:)，而且唔會太肥，連埋雞皮食都唔覺膩。至於花膠湯方面，花膠份量比較少，on top有d蟲草花，啖湯入口花膠味濃郁，又唔會太咸，真係好好味，飲完都唔會口渴，所以應該係冇落味精。而裡面ge粉皮好似腸粉咁，好滑但好似同個花膠湯唔太夾，完全索唔到d湯。燒雞班蘭尖塔飯班蘭尖塔飯好搶眼，而且仲好重班蘭味，不過可能食唔慣？食多幾啖感覺有點膩。燒雞肉質偏鞋，但佢個燒汁味真係好惹味，入味到好似連雞骨都有味，就算唔點個配醬都已經好夠味。白鱔沙嗲供三串白鱔肉質肥美，入口滿滿魚油香，但唔太食得出有沙嗲味。三串要$98，有點偏貴啦。班蘭蛋糕食飽飽之後再外賣一件班蘭蛋糕返屋企食，就算室溫放左三個鐘先食，都依然好鬆軟，但班蘭味偏淡。…Read More